Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Nellore

శ్రీ పొట్టి శ్రీరాములు నెల్లూరు

రక్షాబంధన్ వేళ నగర పాలక సంస్థలో సందడి

రక్షాబంధన్ సందర్భంగా నగరపాలక సంస్థ మేయర్ దేవరకొండ సుజాత అశోక్ శుక్రవారం కమాండ్ కంట్రోల్ సెంటర్‌లో కమిషనర్ వై.ఓ. నందన్‌ను కలిసి రాఖీ కట్టారు. ఈ సందర్భంగా పరస్పరం స్వీట్లు పంచుకుని పండుగ శుభాకాంక్షలు తెలియజేసుకున్నారు. అనంతరం మేయర్ తన పేషీ సిబ్బందికి రాఖీలు కట్టి రక్షాబంధన్ శుభాకాంక్షలు తెలిపారు.

శ్రీ పొట్టి శ్రీరాములు నెల్లూరు

ప్రజాప్రతినిధులకు రాఖీ కట్టిన మేయర్ సుజాత

రక్షాబంధన్ సందర్భంగా మేయర్ దేవరకొండ సుజాత అశోక్ ఎంపీ వేమిరెడ్డి ప్రభాకర్ రెడ్డిని ఆయన నివాసంలో కలిసి రాఖీ కట్టి, స్వీట్లు తినిపించి ఆశీర్వాదాలు అందుకున్నారు. అనంతరం 9వ డివిజన్ కార్పొరేటర్ దామవరపు రాజశేఖర్‌ను నవాబుపేటలోని నివాసంలో కలిసి రాఖీ కట్టారు. ఆ తర్వాత రాష్ట్ర పౌర సరఫరాల కార్పొరేషన్ డైరెక్టర్ పట్టాభి రామిరెడ్డిని కలిసి రాఖీ కట్టి పండుగ శుభాకాంక్షలు తెలిపారు.

శ్రీ పొట్టి శ్రీరాములు నెల్లూరు

వీధి శునకాల నియంత్రణకు ప్రత్యేక డ్రైవ్ : వై.ఓ. నందన్

నెల్లూరు నగరపాలక సంస్థ కమిషనర్ వై.ఓ. నందన్ ఆదేశాల మేరకు వెటర్నరీ వైద్యులు డాక్టర్ మదన్ మోహన్ నేతృత్వంలో శుక్రవారం ప్రత్యేక డ్రైవ్ నిర్వహించారు. ప్రజల ఫిర్యాదుల నేపథ్యంలో పరమేశ్వరి నగర్, సంతపేట, సంజయ్ గాంధీ నగర్ ప్రాంతాల్లో వీధుల్లో సంచరిస్తున్న 15 శునకాలను పట్టుకుని పాత మున్సిపల్ కార్యాలయంలోని ఎ.బి.సి సెంటర్‌కు తరలించారు.

శ్రీ పొట్టి శ్రీరాములు నెల్లూరు

సి.వి.ఐ.పి, పి4 అమలుపై సీఎం సమీక్ష : వై.ఓ. నందన్

రాష్ట్రంలోని సి.వి.ఐ.పి యూనిట్లు, పి4 కార్యక్రమాలు, ప్రజా సమస్యల పరిష్కారంపై ముఖ్యమంత్రి నారా చంద్రబాబు నాయుడు శుక్రవారం వర్చువల్‌గా సమీక్షించారు. నెల్లూరు సిటీ నియోజకవర్గ ప్రత్యేక అధికారి, కమిషనర్ వై.ఓ. నందన్ సమావేశంలో పాల్గొని కె.పి.ఐ పురోగతి, పి4 అమలు, పి.జీ.ఆర్.ఎస్ ద్వారా ఫిర్యాదుల పరిష్కారాన్ని వివరించారు. ప్రజల అవసరాలకు అనుగుణంగా అభివృద్ధి కార్యక్రమాలను వేగవంతం చేయడం, పనితీరును నిరంతరం పర్యవేక్షించడం, ప్రజా సమస్యలకు సత్వర పరిష్కారం అందించడంపై సమావేశంలో ప్రధానంగా చర్చించారు

శ్రీ పొట్టి శ్రీరాములు నెల్లూరు

పరిశుభ్రతలో రాజీ వద్దు: కమిషనర్ వై.ఓ. నందన్

నెల్లూరు నగరపాలక సంస్థ కమిషనర్ వై.ఓ. నందన్ శుక్రవారం నగరోదయం కార్యక్రమంలో భాగంగా పొదలకూరు రోడ్డు కూడలి పరిధిలోని శానిటేషన్ మస్టర్ పాయింట్‌ను తనిఖీ చేశారు. కార్మికుల హాజరును పరిశీలించి, విధుల్లో నిబద్ధతతో పనిచేయాలని సూచించారు. సిబ్బంది తప్పనిసరిగా రేడియం ఆప్రాన్స్ ధరించాలని ఆదేశించారు. నగర పరిశుభ్రతకు నిర్దేశించిన పనులను సమర్థవంతంగా పూర్తి చేయాలన్నారు. చెత్త సేకరణ వాహనాల సిబ్బంది తడి, పొడి వ్యర్థాలను విడివిడిగా సేకరించి రీసైక్లింగ్‌కు పంపించాలని స్పష్టం చేశారు. కార్యక్రమంలో శానిటేషన్ కార్యదర్శులు, సిబ్బంది పాల్గొన్నారు.

శ్రీ పొట్టి శ్రీరాములు నెల్లూరు

జెన్-జీ ఆకాంక్షలకు ప్రభుత్వానికి వారధిగా ఉంటా: ఎమ్మెల్యే కోటంరెడ్డి

నెల్లూరు రూరల్ నియోజకవర్గంలోని శ్రీహర్ష కోచింగ్ సెంటర్‌లో సుమారు 500 మంది విద్యార్థులతో ఎమ్మెల్యే కోటంరెడ్డి శ్రీధర్‌రెడ్డి దాదాపు మూడు గంటలపాటు ఆత్మీయ భేటీ నిర్వహించారు. జెన్-జీ యువత ఆకాంక్షలను ప్రభుత్వానికి తెలియజేస్తానని తెలిపారు. కూటమి ప్రభుత్వం రెండేళ్లలో 7 లక్షల ఉద్యోగాలు కల్పించిందని, యువతకు 20 లక్షల ఉద్యోగాల కల్పనే లక్ష్యమని పేర్కొన్నారు. యువత భవిష్యత్తుకు మంత్రి నారా లోకేష్ బంగారు బాట వేస్తున్నారని అన్నారు. నెల్లూరు రూరల్ ప్రజల విశ్వాసానికి అనుగుణంగా నిరంతరం ప్రజల పక్షాన పనిచేస్తానని కోటంరెడ్డి స్పష్టం చేశారు.

శ్రీ పొట్టి శ్రీరాములు నెల్లూరు

జెన్-జీ ఆకాంక్షలకు అనుగుణంగా పనిచేస్తా: ఎమ్మెల్యే కోటంరెడ్డి

నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి 51 రోజులపాటు 51 ప్రాంతాల్లో జెన్-జీ యువతతో ఆత్మీయ భేటీలు నిర్వహిస్తూ దాదాపు 20 వేల మంది విద్యార్థులను నేరుగా కలిశారు. పార్థసారథి నగర్‌లోని జెనెక్స్ కాలేజీలో సుమారు 1000 మంది విద్యార్థులతో నాలుగు గంటలపాటు సమావేశమయ్యారు. యువత ప్రశ్నించే తత్వం సమాజానికి అవసరమని పేర్కొన్నారు. వారి ఆకాంక్షలు, మనోభావాలను సీఎం చంద్రబాబు, మంత్రి నారా లోకేష్ దృష్టికి తీసుకెళ్తానని, జెన్-జీ ఆశయాలకు అనుగుణంగా శాసనసభ్యుడిగా పనిచేస్తానని తెలిపారు.

శ్రీ పొట్టి శ్రీరాములు నెల్లూరు

సీనియర్ ఉపాధ్యాయులకు టెట్ మినహాయింపు ఇవ్వాలి: ఏపీటీఎఫ్ ధర్నా

నెల్లూరు కలెక్టరేట్ ఎదుట ఏపీటీఎఫ్ ఆధ్వర్యంలో బుధవారం ధర్నా నిర్వహించారు. 2010కు ముందు ఉద్యోగంలో చేరిన సీనియర్ ఉపాధ్యాయులకు టెట్ మినహాయింపు ఇవ్వాలని జిల్లా అధ్యక్షుడు సురేంద్ర రెడ్డి డిమాండ్ చేశారు. రాష్ట్ర ప్రధాన కార్యదర్శి చిరంజీవి, జిల్లా ప్రధాన కార్యదర్శి గురవయ్య స్పెషల్ టెట్‌ను ఆఫ్‌లైన్‌లో నిర్వహించి, బోధించే సబ్జెక్టుల నుంచే ప్రశ్నలు ఇవ్వాలని కోరారు. కార్యక్రమంలో జుల్ఫికర్ ఆలీ, బాలత్రిపుర సుందరి, రియాజ్ పిచ్చిబాబు, కరీం మొహిద్దిన్, ఖాదర్ బాషా, మహేంద్ర రెడ్డి, రాజశేఖర్, విజయభారతి, సుంకు వెంకటేశ్వర్లు, జైపాల్ రెడ్డి, రత్నయ్య, యాసిన్, గుప్తా, రామసుబ్బారెడ్డి, శివకుమార్, శ్రీనివాసులు, రమణయ్య, పెంచలయ్య, రామ్మోహన్ రెడ్డి, కొండారెడ్డి, రత్నారెడ్డి, మహేష్, వెంగయ్య పాల్గొన్నారు.

శ్రీ పొట్టి శ్రీరాములు నెల్లూరు

పన్ను వసూళ్ల లక్ష్యాల సాధనపై కమిషనర్ సమీక్ష

నెల్లూరు నగరపాలక సంస్థ కమిషనర్ వై.ఓ. నందన్ మంగళవారం రెవెన్యూ సిబ్బందితో సమీక్ష నిర్వహించారు. 2026-27 తొలి అర్థ సంవత్సరం ముగింపుకు 36 రోజులే మిగిలి ఉన్నందున నిర్దేశిత పన్ను వసూళ్ల లక్ష్యాలు సాధించాలని ఆదేశించారు. కొత్త భవనాలు, ఖాళీ స్థలాలు, అదనపు అంతస్తులను గుర్తించి పన్ను పరిధిలోకి తేవాలని సూచించారు. లోక్ అదాలత్ నోటీసుల అనంతరం కూడా బకాయిలు చెల్లించని వారిపై చర్యలు తీసుకోవాలని, పౌర సేవల దరఖాస్తులను గడువులో పరిష్కరించాలని స్పష్టం చేశారు. రెవెన్యూ అధికారులు ప్రతిరోజూ బకాయి వసూళ్లను పర్యవేక్షించాలని ఆదేశించారు. సమావేశంలో డిప్యూటీ కమిషనర్ చెన్నుడు, టీపీఆర్ఓ వాసుబాబు తదితరులు పాల్గొన్నారు.

శ్రీ పొట్టి శ్రీరాములు నెల్లూరు

బాలల హక్కులపై న్యాయ విజ్ఞాన సదస్సు

నెల్లూరులోని జనహిత వాత్సల్య సొసైటీలో జిల్లా న్యాయ సేవాధికార సంస్థ ఆధ్వర్యంలో న్యాయ విజ్ఞాన సదస్సు నిర్వహించారు. సీనియర్ సివిల్ జడ్జి వై.జె. పద్మశ్రీ మాట్లాడుతూ 18 ఏళ్లలోపు బాలబాలికలకు జీవనం, విద్య, అభివృద్ధి, రక్షణ, భాగస్వామ్య హక్కులు ఉన్నాయని తెలిపారు. బాల కార్మికత్వం, బాల్యవివాహాలు, లైంగిక వేధింపులు, మానవ అక్రమ రవాణాపై ప్రజలు అప్రమత్తంగా ఉండాలని సూచించారు. అత్యవసర బాలల సహాయానికి 1098, ఉచిత న్యాయ సహాయానికి 15100 నంబర్లను సంప్రదించవచ్చన్నారు. అనంతరం హాస్టల్ వసతులు, భోజన ఏర్పాట్లను పరిశీలించారు.