Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Nellore

శ్రీ పొట్టి శ్రీరాములు నెల్లూరు

చేనేత పింఛన్ల కఠిన నిబంధనలు తొలగించాలి

చేనేత కార్మికులకు కొత్త పింఛన్ల మంజూరులో ప్రభుత్వం విధించిన ఆచరణ సాధ్యం కాని నిబంధనలను వెంటనే తొలగించాలని వైఎస్సార్‌సీపీ చేనేత విభాగం నేతలు డిమాండ్ చేశారు. మాస్టర్ వీవర్ల నుంచి వేతనం బ్యాంకు ఖాతాలో జమైన ఆధారాలు, నూలు కొనుగోలుకు జీఎస్టీ బిల్లులు సమర్పించాలన్న షరతులు పేద నేతన్నలకు భారంగా మారాయని పేర్కొన్నారు. అర్హులందరికీ పింఛన్లు అందేలా నిబంధనలు సరళతరం చేయాలని కోరారు. రెండో విడత ‘నేతన్న సేవ’ నిధులు విడుదల చేయడంతో పాటు పెండింగ్‌లోని ₹50 వేల ఆర్థిక సాయాన్ని కూడా చెల్లించాలని రాష్ట్ర చేనేత విభాగం కార్యదర్శి కోనం బ్రహ్మయ్య, సర్వేపల్లి అధ్యక్షుడు పముజుల శంకరయ్య, కార్యదర్శి బత్తూరి మురళి డిమాండ్ చేశారు.

శ్రీ పొట్టి శ్రీరాములు నెల్లూరు

చంద్రబాబు అరెస్టుపై 53 కొవ్వొత్తులతో నిరసన

నెల్లూరు రూరల్ ఎమ్మెల్యే కార్యాలయంలో ముఖ్యమంత్రి చంద్రబాబు నాయుడు 2023 సెప్టెంబర్ 9న అరెస్టైన ఘటనను గుర్తుచేసుకుంటూ 53 కొవ్వొత్తులతో నిరసన కార్యక్రమం నిర్వహించారు. రూరల్ ఎమ్మెల్యే కోటంరెడ్డి శ్రీధర్ రెడ్డి, ఎమ్మెల్సీ బీద రవిచంద్ర, టీడీపీ రాష్ట్ర అధికార ప్రతినిధి కోటంరెడ్డి గిరిధర్ రెడ్డి పాల్గొన్నారు. అప్పటి వైఎస్సార్‌సీపీ ప్రభుత్వం రాజకీయ కక్షతో చంద్రబాబును అరెస్ట్ చేసిందని వారు ఆరోపించారు. స్కిల్ డెవలప్‌మెంట్ ద్వారా యువతకు ఉపాధి అవకాశాలు కల్పించడమే ఆయన చేసిన పనని పేర్కొన్నారు. చంద్రబాబు అరెస్టును ప్రపంచవ్యాప్తంగా తెలుగు ప్రజలు ఖండించారని తెలిపారు. కార్యక్రమంలో టీడీపీ నాయకులు, కార్యకర్తలు పాల్గొన్నారు.

శ్రీ పొట్టి శ్రీరాములు నెల్లూరు

డ్రైన్లు, సీసీ రోడ్ల పనులపై వై.ఓ. నందన్ తనిఖీ

నగరపాలక సంస్థ కమిషనర్ వై.ఓ. నందన్ సోమవారం 45వ డివిజన్ పరిధిలోని బారకాస్ సెంటర్, కలెక్టర్ కార్యాలయం, లీలా మహల్ రోడ్డు, పాత జడ్పీ కార్యాలయం కూడలి ప్రాంతాల్లో జరుగుతున్న డ్రైన్లు, ఎండ్ టు ఎండ్ సీసీ రోడ్ల నిర్మాణ పనులను పరిశీలించారు. మురుగునీటి ప్రవాహం సాఫీగా జరిగేలా డ్రైన్ల నిర్మాణంలో నాణ్యత ప్రమాణాలు పాటించాలని అధికారులను ఆదేశించారు. మార్కింగ్ చేసిన ప్రాంతం వరకు సీసీ రోడ్ల పనులను గడువులోగా పూర్తి చేసి, క్యూరింగ్ ప్రక్రియను ప్రణాళికాబద్ధంగా నిర్వహించాలని ఇంజనీరింగ్ అధికారులకు సూచించారు. కార్యక్రమంలో ఇంజనీరింగ్, టౌన్ ప్లానింగ్ అధికారులు, సచివాలయ సిబ్బంది పాల్గొన్నారు.

శ్రీ పొట్టి శ్రీరాములు నెల్లూరు

విజయసాయి పార్టీ… హిట్టా? ఫట్టా?

బలం ఉంది… బలగం ఉందా? కొత్త రాజకీయ ప్రయోగంపై మొదలైన చర్చ ఆంధ్రప్రదేశ్ రాజకీయాల్లో మరో కొత్త పార్టీ తెరపైకి రాబోతోంది. వైసీపీ ప్రభుత్వ హయాంలో పార్టీ వ్యవహారాల్లో కీలకంగా వ్యవహరించి, ఒక దశలో వైఎస్ జగన్‌మోహన్‌రెడ్డి తర్వాత అత్యంత ప్రభావశీల నాయకుడిగా గుర్తింపు పొందిన మాజీ ఎంపీ విజయసాయిరెడ్డి ఇప్పుడు సొంత రాజకీయ వేదిక వైపు అడుగులు వేస్తున్నారు. 2025 జనవరిలో వైసీపీకి, రాజ్యసభ సభ్యత్వానికి రాజీనామా చేసి ప్రత్యక్ష రాజకీయాలకు దూరమవుతున్నట్లు ప్రకటించిన విజయసాయిరెడ్డి… సుమారు ఏడాదిన్నర తర్వాత మళ్లీ రాజకీయ రంగప్రవేశానికి సిద్ధమయ్యారు. సెప్టెంబర్ 7న విజయవాడ వేదికగా తన భవిష్యత్ రాజకీయ కార్యాచరణపై కీలక ప్రకటన చేయనున్న నేపథ్యంలో రాష్ట్ర రాజకీయాల్లో ఆసక్తికర చర్చ మొదలైంది. కొత్త పార్టీకి స్పేస్ ఉందా? టీడీపీ, వైసీపీ ప్రధాన రాజకీయ శక్తులుగా ఉన్న ఆంధ్రప్రదేశ్‌లో జనసేన, బీజేపీ కూడా తమదైన ఓటుబ్యాంకుతో కొనసాగుతున్నాయి. ఈ నేపథ్యంలో విజయసాయిరెడ్డి ప్రతిపాదిస్తున్న కొత్త రాజకీయ ప్రత్యామ్నాయం ఎంతవరకు ప్రజల్లోకి వెళ్తుందన్నదే అసలు ప్రశ్న. ఆర్థిక వనరులు, పరిపాలనా అనుభవం, ఢిల్లీ స్థాయి రాజకీయ పరిచయాలు విజయసాయిరెడ్డికి బలాలు. కానీ ఒక రాజకీయ పార్టీని క్షేత్రస్థాయిలో నిర్మించడానికి ఇవి మాత్రమే సరిపోవు. నాయకుడికి బలం ఉంటే చాలదు… బలగం కూడా కావాలి. ప్రతి నియోజకవర్గంలో నాయకత్వం, మండల–గ్రామ స్థాయి క్యాడర్, కార్యకర్తల నెట్‌వర్క్, ప్రజల్లో ఆకర్షణ, నిరంతరం పార్టీ కోసం పనిచేసే యంత్రాంగం అవసరం. ప్రస్తుతం విజయసాయిరెడ్డి ముందు ఉన్న అతిపెద్ద సవాల్ ఇదే. వలసలు వస్తాయా? కొత్త పార్టీ ప్రకటించిన వెంటనే ఇతర పార్టీల నుంచి ప్రముఖ నేతలు క్యూ కడతారా? లేక వేచి చూసే ధోరణి అవలంబిస్తారా? అన్నది కూడా కీలకం. టీడీపీ–జనసేన–బీజేపీ కూటమిలో రాజకీయ అవకాశాలు ఆశిస్తున్న నేతలు ఒకవైపు, వైసీపీతో కొనసాగుతున్న వారు మరోవైపు ఉన్న పరిస్థితుల్లో కొత్త పార్టీ వైపు పెద్దఎత్తున వలసలు రావాలంటే విజయసాయిరెడ్డి బలమైన రాజకీయ అజెండాను ప్రజల ముందు ఉంచాల్సి ఉంటుంది. కేవలం పార్టీలపై విమర్శలు కాకుండా “మేమెందుకు అవసరం?” అనే ప్రశ్నకు స్పష్టమైన సమాధానం ఇవ్వాలి. ఇమేజ్‌ను ఓట్లుగా మార్చగలరా? విజయసాయిరెడ్డి రాష్ట్ర ప్రజలకు పరిచయం అవసరం లేని నాయకుడే. కానీ రాజకీయ పరిచయం వేరు… వ్యక్తిగత ఓటుబ్యాంకు వేరు. వైసీపీలో ఉన్నప్పుడు ఆయనకు లభించిన రాజకీయ ప్రాధాన్యం ఎంతవరకు వ్యక్తిగత ప్రజాబలంగా మారింది? ఆయన పేరు మీద ఎంతమంది ఓటర్లు కదులుతారు? పార్టీ కోసం ఎంతమంది నాయకులు, కార్యకర్తలు నిలబడతారు? ఇవే కొత్త పార్టీ భవిష్యత్తును నిర్ణయించే ప్రశ్నలు. హిట్టా… ఫట్టా? ఇప్పుడే తీర్పు తొందరే కొత్త పార్టీ ప్రకటించకముందే “హిట్” లేదా “ఫట్” అని తేల్చేయడం రాజకీయంగా తొందరపాటు అవుతుంది. అయితే విజయసాయిరెడ్డి ముందు సవాళ్లు మాత్రం చిన్నవి కావు. ఆర్థిక బలం ఉంది… రాజకీయ అనుభవం ఉంది… పరిచయాలు ఉన్నాయి… కానీ క్షేత్రస్థాయి బలగం ఉందా? ప్రజలను ఆకర్షించే కొత్త అజెండా ఉందా? బలమైన నాయకులను తనవైపు తిప్పుకోగలరా? ఈ ప్రశ్నలకు సెప్టెంబర్ 7న విజయసాయిరెడ్డి ఇచ్చే సమాధానమే ఆయన కొత్త రాజకీయ ప్రయాణానికి తొలి పరీక్ష. పార్టీ పెట్టడం ఒక రోజు పని… దాన్ని ప్రజల పార్టీగా మార్చడం మాత్రం అసలు రాజకీయ పరీక్ష. అందుకే ఇప్పుడు ఏపీ రాజకీయాల్లో వినిపిస్తున్న ఒకే ప్రశ్న— “విజయసాయి కొత్త పార్టీ… హిట్టా? ఫట్టా?”

శ్రీ పొట్టి శ్రీరాములు నెల్లూరు

విజయసాయి పార్టీ… హిట్టా? ఫట్టా?

బలం ఉంది… బలగం ఉందా? కొత్త రాజకీయ ప్రయోగంపై మొదలైన చర్చ ఆంధ్రప్రదేశ్ రాజకీయాల్లో మరో కొత్త పార్టీ తెరపైకి రాబోతోంది. వైసీపీ ప్రభుత్వ హయాంలో పార్టీ వ్యవహారాల్లో కీలకంగా వ్యవహరించి, ఒక దశలో వైఎస్ జగన్‌మోహన్‌రెడ్డి తర్వాత అత్యంత ప్రభావశీల నాయకుడిగా గుర్తింపు పొందిన మాజీ ఎంపీ విజయసాయిరెడ్డి ఇప్పుడు సొంత రాజకీయ వేదిక వైపు అడుగులు వేస్తున్నారు. 2025 జనవరిలో వైసీపీకి, రాజ్యసభ సభ్యత్వానికి రాజీనామా చేసి ప్రత్యక్ష రాజకీయాలకు దూరమవుతున్నట్లు ప్రకటించిన విజయసాయిరెడ్డి… సుమారు ఏడాదిన్నర తర్వాత మళ్లీ రాజకీయ రంగప్రవేశానికి సిద్ధమయ్యారు. సెప్టెంబర్ 7న విజయవాడ వేదికగా తన భవిష్యత్ రాజకీయ కార్యాచరణపై కీలక ప్రకటన చేయనున్న నేపథ్యంలో రాష్ట్ర రాజకీయాల్లో ఆసక్తికర చర్చ మొదలైంది. కొత్త పార్టీకి స్పేస్ ఉందా? టీడీపీ, వైసీపీ ప్రధాన రాజకీయ శక్తులుగా ఉన్న ఆంధ్రప్రదేశ్‌లో జనసేన, బీజేపీ కూడా తమదైన ఓటుబ్యాంకుతో కొనసాగుతున్నాయి. ఈ నేపథ్యంలో విజయసాయిరెడ్డి ప్రతిపాదిస్తున్న కొత్త రాజకీయ ప్రత్యామ్నాయం ఎంతవరకు ప్రజల్లోకి వెళ్తుందన్నదే అసలు ప్రశ్న. ఆర్థిక వనరులు, పరిపాలనా అనుభవం, ఢిల్లీ స్థాయి రాజకీయ పరిచయాలు విజయసాయిరెడ్డికి బలాలు. కానీ ఒక రాజకీయ పార్టీని క్షేత్రస్థాయిలో నిర్మించడానికి ఇవి మాత్రమే సరిపోవు. నాయకుడికి బలం ఉంటే చాలదు… బలగం కూడా కావాలి. ప్రతి నియోజకవర్గంలో నాయకత్వం, మండల–గ్రామ స్థాయి క్యాడర్, కార్యకర్తల నెట్‌వర్క్, ప్రజల్లో ఆకర్షణ, నిరంతరం పార్టీ కోసం పనిచేసే యంత్రాంగం అవసరం. ప్రస్తుతం విజయసాయిరెడ్డి ముందు ఉన్న అతిపెద్ద సవాల్ ఇదే. వలసలు వస్తాయా? కొత్త పార్టీ ప్రకటించిన వెంటనే ఇతర పార్టీల నుంచి ప్రముఖ నేతలు క్యూ కడతారా? లేక వేచి చూసే ధోరణి అవలంబిస్తారా? అన్నది కూడా కీలకం. టీడీపీ–జనసేన–బీజేపీ కూటమిలో రాజకీయ అవకాశాలు ఆశిస్తున్న నేతలు ఒకవైపు, వైసీపీతో కొనసాగుతున్న వారు మరోవైపు ఉన్న పరిస్థితుల్లో కొత్త పార్టీ వైపు పెద్దఎత్తున వలసలు రావాలంటే విజయసాయిరెడ్డి బలమైన రాజకీయ అజెండాను ప్రజల ముందు ఉంచాల్సి ఉంటుంది. కేవలం పార్టీలపై విమర్శలు కాకుండా “మేమెందుకు అవసరం?” అనే ప్రశ్నకు స్పష్టమైన సమాధానం ఇవ్వాలి. ఇమేజ్‌ను ఓట్లుగా మార్చగలరా? విజయసాయిరెడ్డి రాష్ట్ర ప్రజలకు పరిచయం అవసరం లేని నాయకుడే. కానీ రాజకీయ పరిచయం వేరు… వ్యక్తిగత ఓటుబ్యాంకు వేరు. వైసీపీలో ఉన్నప్పుడు ఆయనకు లభించిన రాజకీయ ప్రాధాన్యం ఎంతవరకు వ్యక్తిగత ప్రజాబలంగా మారింది? ఆయన పేరు మీద ఎంతమంది ఓటర్లు కదులుతారు? పార్టీ కోసం ఎంతమంది నాయకులు, కార్యకర్తలు నిలబడతారు? ఇవే కొత్త పార్టీ భవిష్యత్తును నిర్ణయించే ప్రశ్నలు. హిట్టా… ఫట్టా? ఇప్పుడే తీర్పు తొందరే కొత్త పార్టీ ప్రకటించకముందే “హిట్” లేదా “ఫట్” అని తేల్చేయడం రాజకీయంగా తొందరపాటు అవుతుంది. అయితే విజయసాయిరెడ్డి ముందు సవాళ్లు మాత్రం చిన్నవి కావు. ఆర్థిక బలం ఉంది… రాజకీయ అనుభవం ఉంది… పరిచయాలు ఉన్నాయి… కానీ క్షేత్రస్థాయి బలగం ఉందా? ప్రజలను ఆకర్షించే కొత్త అజెండా ఉందా? బలమైన నాయకులను తనవైపు తిప్పుకోగలరా? ఈ ప్రశ్నలకు సెప్టెంబర్ 7న విజయసాయిరెడ్డి ఇచ్చే సమాధానమే ఆయన కొత్త రాజకీయ ప్రయాణానికి తొలి పరీక్ష. పార్టీ పెట్టడం ఒక రోజు పని… దాన్ని ప్రజల పార్టీగా మార్చడం మాత్రం అసలు రాజకీయ పరీక్ష. అందుకే ఇప్పుడు ఏపీ రాజకీయాల్లో వినిపిస్తున్న ఒకే ప్రశ్న— “విజయసాయి కొత్త పార్టీ… హిట్టా? ఫట్టా?”

శ్రీ పొట్టి శ్రీరాములు నెల్లూరు

అక్టోబర్ 1 నుంచి అండర్‌పాస్ పనులు

నెల్లూరు చింతారెడ్డిపాలెం జంక్షన్ వద్ద అండర్‌పాస్ బ్రిడ్జి నిర్మాణంపై పోరాట కమిటీ సభ్యులు హైవే అథారిటీ పీడీని కలిశారు. ఏళ్లుగా ప్రజలు కోరుతున్న అండర్‌పాస్ పనులు అక్టోబర్ 1న ప్రారంభం కానున్నట్లు కమిటీ తెలిపింది. కార్యక్రమంలో కన్వీనర్ కాయం శ్రీనివాసులు, మాజీ ఎమ్మెల్సీ విటపు బాలసుబ్రహ్మణ్యం, కట్టా సతీష్, జూదాల సుధాకర్, శంకర్, శ్రీనివాసరావు, రాజేష్ తదితరులు పాల్గొన్నారు. Uploaded Video:

గూడూరు

గూడూరులో ₹32 లక్షల సీఎం సహాయనిధి చెక్కుల పంపిణీ

గూడూరు నియోజకవర్గ క్యాంపు కార్యాలయంలో ముఖ్యమంత్రి సహాయనిధి 28వ విడత చెక్కుల పంపిణీ జరిగింది. దాదాపు ₹32 లక్షల విలువైన చెక్కులను ఎమ్మెల్యే డాక్టర్ పాశం సునీల్ కుమార్ లబ్ధిదారులకు అందజేశారు. అనారోగ్యంతో ఇబ్బందులు పడుతున్న పేద కుటుంబాలకు CMRF భరోసాగా నిలుస్తోందన్నారు. అర్హులైన బాధితులకు సహాయం అందేలా స్థానిక నాయకులు చొరవ చూపాలని సూచించారు. గ్రామాలు, వార్డుల్లో నాయకులు సమన్వయంతో పనిచేసి ప్రజలకు జవాబుదారీగా ఉండాలని పిలుపునిచ్చారు. కార్యక్రమంలో నియోజకవర్గ నాయకులు, కార్యకర్తలు, లబ్ధిదారులు పాల్గొన్నారు. Uploaded Video:

శ్రీ పొట్టి శ్రీరాములు నెల్లూరు

బీసీలే టార్గెటా?.. ప్రశ్నిస్తే కేసులా?|అనిల్ కుమార్ యాదవ్

కూటమి ప్రభుత్వంపై మాజీ మంత్రి అనిల్ కుమార్ యాదవ్ ‘X’ వేదికగా తీవ్ర విమర్శలు చేశారు. ఎమ్మెల్యే విరూపాక్షి, మాజీ మంత్రి సీదిరి అప్పలరాజు, చింతాడ రవి, జోగి రమేష్ కుటుంబ సభ్యులపై నమోదైన కేసులు యాదృచ్ఛికం కావని ఆరోపించారు. బీసీ నాయకత్వాన్ని బలహీనపరిచే లక్ష్యంతోనే కేసులు, అరెస్టులు జరుగుతున్నాయని పేర్కొంటూ, కక్షసాధింపు రాజకీయాలకు ప్రజలే సమాధానం చెబుతారని హెచ్చరించారు.-+

శ్రీ పొట్టి శ్రీరాములు నెల్లూరు

అమంచర్ల భూములు అటవీ భూములు కావు: ప్రభుత్వం

నెల్లూరు రూరల్ మండలం అమంచర్ల సర్వే నంబర్ 303/1కు సంబంధించిన భూములు రెవెన్యూ భూములేనని ఏపీ ప్రభుత్వం స్పష్టం చేసింది. 1908 RSR, 1921 ఆర్కైవ్ మ్యాప్‌లు, జాయింట్ కమిటీ పరిశీలన ఆధారంగా అమంచర్ల వెస్ట్ రిజర్వ్‌డ్ ఫారెస్ట్‌గా నిర్వహించిన ఆధారాలు లేవని తెలిపింది. 1980 అటవీ సంరక్షణ చట్టం కూడా ఈ భూములకు వర్తించదని తుది ప్రకటన చేసింది.

శ్రీ పొట్టి శ్రీరాములు నెల్లూరు

నెల్లూరులో వాహనం బోల్తా..17 మందికి గాయాలు

నెల్లూరు, బుజబుజ నెల్లూరు సమీపంలో అశోక్ లేలాండ్ దోస్త్ వాహనం బోల్తా పడటంతో 17 మంది జార్ఖండ్ కార్మికులు గాయపడ్డారు. సమాచారం అందుకున్న కలెక్టర్ హిమాన్షు శుక్ల వెంటనే జీజీహెచ్‌కు చేరుకుని బాధితులను పరామర్శించారు. వైద్య సేవలను పరిశీలించి, గాయపడిన వారికి రూ.10 వేల చొప్పున, ఐసీయూ బాధితుడికి రూ.లక్ష తక్షణ సాయం అందించాలని కాంట్రాక్టర్‌ను ఆదేశించారు.