Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Nellore

శ్రీ పొట్టి శ్రీరాములు నెల్లూరు

నెల్లూరు అపోలో హాస్పిటల్ వైద్యుల అద్భుత ప్రతిభ : బాలింతకు పునర్జన్మ*

*- హెమరేజిక్ షాక్, మూత్రపిండాల వైఫల్యం నుంచి మహిళను కాపాడిన అపోలో వైద్య నిపుణుల బృందం* * 12 రోజుల పాటు ఐసీయూలో వెంటిలేటర్, డయాలసిస్ సాయంతో అత్యాధునిక చికిత్స *మీడియా సమావేశంలో వివరాలు వెల్లడించిన అపోలో వైద్య బృందం సాధారణ కాన్పు తర్వాత తీవ్ర రక్తస్రావంతో ప్రాణాపాయ స్థితికి చేరుకుని, అవయవాల వైఫల్యంతో కొట్టుమిట్టాడుతున్న 40 ఏళ్ల బాలింతకు నెల్లూరు అపోలో స్పెషాలిటీ హాస్పిటల్ వైద్యులు అత్యాధునిక చికిత్స అందించి పునర్జన్మ ప్రసాదించారు. ఈ మేరకు ఆసుపత్రిలో ఏర్పాటు చేసిన మీడియా సమావేశంలో కన్సల్టెంట్ గైనకాలజిస్ట్ డాక్టర్ టి. జి. లక్ష్మి దుర్గ, సీనియర్ కన్సల్టెంట్,ఎమర్జెన్సీ & క్రిటికల్ కేర్ నిపుణులు డాక్టర్ యం.శ్రీనివాస్, నెఫ్రాలజిస్టులు డాక్టర్ ఎ. కె. చక్రవర్తి, డాక్టర్ మస్తాన్ వల్లి ఆసుపత్రి డైరెక్టర్ మెడికల్ సర్వీసెస్ డాక్టర్ శ్రీరామ్ సతీష్, యూనిట్ హెడ్ విశ్వేశ్వర్ రెడ్డి లు వివరాలు వెల్లడించారు. బాధితురాలు ఓ ప్రైవేట్ ఆసుపత్రిలో మగబిడ్డకు జన్మనిచ్చిన అనంతరం గర్భాశయ సంకోచ వైఫల్యం, గర్భాశయ ముఖద్వారంలో చీలికల కారణంగా తీవ్ర రక్తస్రావం (PPH) సంభవించిందని, రక్తపోటు పడిపోయి హెమరేజిక్ షాక్ మరియు శ్వాసకోశ ఇబ్బందులు తలెత్తడంతో వెంటిలేటర్‌పై అత్యంత విషమ స్థితిలో నెల్లూరు అపోలో ఆసుపత్రికి తీసుకువచ్చారని వైద్యులు తెలిపారు. అపోలోలో చేరే సమయానికి రోగి పరిస్థితి తీవ్రంగా విషమించి, తెల్ల రక్తకణాలు అధికమై, ప్లేట్‌లెట్లు 71,000కి పడిపోవడంతో పాటు రక్తం గడ్డకట్టే సామర్థ్యం పూర్తిగా దెబ్బతిని (DIC), తీవ్ర ఇన్ఫెక్షన్ మరియు మూత్రపిండాల వైఫల్యం (AKI)తో రోగి ప్రాణాలతో పోరాడుతున్నట్లు గుర్తించారు. వెంటనే రంగంలోకి దిగిన అపోలో మల్టీడిసిప్లినరీ బృందం రోగికి యుద్ధప్రాతిపదికన 4 యూనిట్ల ఎర్ర రక్తకణాలు, 8 యూనిట్ల ప్లాస్మా, 6 యూనిట్ల క్రయోప్రెసిపిటేట్‌తో భారీ రక్తమార్పిడి నిర్వహించింది. రక్తపోటును స్థిరీకరించడానికి అధునాతన మందులు, శ్వాసకోశ వైఫల్యానికి మెకానికల్ వెంటిలేటర్, మూత్రపిండాల రక్షణ కోసం పలుమార్లు డయాలసిస్ సెషన్లు నిర్వహించడంతో పాటు తీవ్ర ఇన్ఫెక్షన్ నివారణకు హై-ఎండ్ యాంటీబయాటిక్స్‌తో సుమారు 12 రోజుల పాటు ఐసీయూలో నిరంతర పర్యవేక్షణతో కూడిన చికిత్స అందించారు. వైద్యుల నిరంతర కృషి, అపోలోలోని అత్యాధునిక మౌలిక వసతుల ఫలితంగా రోగి ఆరోగ్యం క్రమంగా కుదుటపడి, మూత్రపిండాల పనితీరు సాధారణ స్థితికి చేరుకోవడంతో వెంటిలేటర్ మరియు రక్తపోటు మందుల అవసరం లేకుండానే పూర్తిగా కోలుకున్నారు. అనంతరం మూడు రోజుల పాటు వార్డులో పర్యవేక్షించి, సంపూర్ణ ఆరోగ్యవంతురాలిగా డిశ్చార్జ్ చేశామని వైద్యులు హర్షం వ్యక్తం చేశారు. అత్యవసర సమయాల్లో సకాలంలో స్పందించడం, అత్యాధునిక బ్లడ్ బ్యాంక్, ఐసీయూ సదుపాయాలతో కూడిన సమగ్ర నిపుణుల బృందం అందుబాటులో ఉండటం వల్లే ఇలాంటి సంక్లిష్ట కేసుల్లో ప్రాణాలు కాపాడటం సాధ్యమైందని, నెల్లూరు ప్రజలకు అత్యున్నత వైద్య సేవలు అందించడంలో అపోలో స్పెషాలిటీ హాస్పిటల్ ఎల్లప్పుడూ అగ్రగామిగా ఉంటుందని ఆసుపత్రి వైద్య బృందం ఈ సందర్భంగా పేర్కొంది.

శ్రీ పొట్టి శ్రీరాములు నెల్లూరు

సీఎం సమావేశానికి ఏపీ హంస ను ఆహ్వానించాలి

ముఖ్యమంత్రి క్యాంపు కార్యాలయంలో శనివారం జరిగే ఉద్యోగ సంఘాల సమావేశానికి ఏపీ హెల్త్ అడ్మినిస్ట్రేషన్ మెడికల్ సర్వీసెస్ అసోసియేషన్ (ఏపీ హంస) ప్రతినిధులను ఆహ్వానించాలని జిల్లా అధ్యక్షుడు చేజర్ల సుధాకర్‌రావు కోరారు. ఆరోగ్యశాఖ ఉద్యోగుల డీఏలు, ఐఆర్, పీఆర్సీ, సరెండర్ లీవులు, పదవీ విరమణ ప్రయోజనాలు, బకాయిలు, బదిలీలు, ప్రమోషన్లు, సిబ్బంది కొరత తదితర సమస్యలను ముఖ్యమంత్రి దృష్టికి తీసుకెళ్లేందుకు అవకాశం కల్పించాలని విజ్ఞప్తి చేశారు. జిల్లా కార్యవర్గ సమావేశంలో కమల్ కిరణ్, అరవ పరిమళ, మజార్, గౌస్ బాషా, నాగయ్య, జయలక్ష్మి, లావణ్య పాల్గొన్నారు..

శ్రీ పొట్టి శ్రీరాములు నెల్లూరు

హరికృష్ణకు బీద రవిచంద్ర నివాళి

నందమూరి హరికృష్ణ జయంతి సందర్భంగా ఎమ్మెల్సీ బీద రవిచంద్ర ఘనంగా నివాళులర్పించారు. నటుడిగా, ప్రజానేతగా, తెలుగుదేశం పార్టీ అభివృద్ధికి ఆయన చేసిన సేవలు చిరస్మరణీయమని పేర్కొన్నారు. నిండు మనసు, నిరాడంబరత, చెదరని చిరునవ్వు హరికృష్ణ ప్రత్యేకతలని కొనియాడారు. ప్రజల ప్రేమాభిమానాలు పొందిన మహానేతగా ఆయన ఎప్పటికీ గుర్తుండిపోతారని అన్నారు. తెలుగు ప్రజల హృదయాల్లో హరికృష్ణ స్థానం శాశ్వతమని, ఆయన ఆశయాలు భవిష్యత్ తరాలకు స్ఫూర్తిదాయకమని తెలిపారు. హరికృష్ణ వ్యక్తిత్వం, సేవాభావం, క్రమశిక్షణ ప్రతి కార్యకర్తకు మార్గదర్శకంగా నిలుస్తాయని బీద రవిచంద్ర తన సందేశంలో పేర్కొన్నారు.

శ్రీ పొట్టి శ్రీరాములు నెల్లూరు

అవ్వాతాతల ఆనందమే మా సంతోషం : మంత్రి నారాయణ

అవ్వాతాతల కళ్లలో ఆనందం చూస్తుంటే ఎంతో సంతోషంగా ఉందని రాష్ట్ర పురపాలక, పట్టణాభివృద్ధి శాఖ మంత్రి డాక్టర్ పొంగూరు నారాయణ అన్నారు. నెల్లూరు 6వ డివిజన్ ఉడ్‌హౌస్ సంఘంలో మంగళవారం NTR భరోసా పింఛన్లను లబ్ధిదారుల ఇళ్లకు వెళ్లి అందజేశారు. కూటమి ప్రభుత్వం 62 లక్షల కుటుంబాల పింఛన్ల కోసం ఏటా ₹33 వేల కోట్లు ఖర్చు చేస్తోందని, ఇప్పటివరకు ₹73,594.44 కోట్లు కేటాయించిందని తెలిపారు. వృద్ధులు, వితంతువులకు ₹4,000, దివ్యాంగులకు ₹6,000, పూర్తి వికలాంగులకు ₹15,000, కిడ్నీ, కాలేయ వ్యాధిగ్రస్తులకు ₹10,000 అందిస్తున్నట్లు చెప్పారు. సీఎం చంద్రబాబు, డిప్యూటీ సీఎం పవన్ కల్యాణ్, మంత్రి లోకేష్ కృషితో సంక్షేమం, అభివృద్ధి కొనసాగుతున్నాయన్నారు. కార్యక్రమంలో కమిషనర్ నందన్, మేయర్ దేవరకొండ సుజాత, డిప్యూటీ మేయర్ రూప్ కుమార్ యాదవ్, తాళ్లపాక అనూరాధ, విజేతా రెడ్డి, కార్పొరేటర్ కిన్నెర మాల్యాద్రి, కొండా ప్రవీణ్, రాజ్యలక్ష్మి పాల్గొన్నారు.

శ్రీ పొట్టి శ్రీరాములు నెల్లూరు

ఎస్‌ఐఆర్‌కు పార్టీల సహకారం అవసరం : వై.ఓ. నందన్

ఎన్నికల సంఘం ఆదేశాల మేరకు నగర నియోజకవర్గం-117లో స్పెషల్ ఇంటెన్సివ్ రివిజన్ (SIR) రెండో దశకు రాజకీయ పార్టీల సహకారం అవసరమని ఎలక్ట్రోరల్ రిజిస్ట్రేషన్ అధికారి వై.ఓ. నందన్ తెలిపారు. కార్పొరేషన్ కమాండ్ కంట్రోల్ సెంటర్‌లో నిర్వహించిన సమావేశంలో అర్హులైన ఓటర్ల గుర్తింపు, ధృవీకరణ పత్రాల స్వీకరణ, కొత్త ఓటర్ల నమోదు, తప్పుల్లేని తుది జాబితా రూపకల్పనపై వివరించారు. సమావేశంలో జనసేన శ్రీకాంత్, కిషోర్, టీడీపీ అజయ్ కుమార్, కాంగ్రెస్ సంజయ్ కుమార్, బీజేపీ హర్షవర్ధన్, వైఎస్సార్‌సీపీ కోటేశ్వర రెడ్డి, ఏఈఆర్‌ఓ రఘునాథ రావు, డిప్యూటీ తహశీల్దార్ ఆనంద్, ఏసీపీ వేణు, నగరపాలక సంస్థ ఎన్నికల విభాగం అధికారులు పాల్గొన్నారు.

శ్రీ పొట్టి శ్రీరాములు నెల్లూరు

పారిశుద్ధ్య పనులపై కమిషనర్ వై.ఓ. నందన్ తనిఖీ

నెల్లూరు నగరపాలక సంస్థ కమిషనర్ వై.ఓ. నందన్ సోమవారం ఆచారి వీధి, జి.ఎన్.టి రోడ్డు, చిన్న బజారు ప్రాంతాల్లో పర్యటించారు. డ్రైన్ల నిర్మాణం, సీసీ రోడ్లు, ప్యాచ్‌వర్క్‌ల నాణ్యతను పరిశీలించి, పారిశుద్ధ్య పనులు క్రమం తప్పకుండా చేపట్టాలని ఆదేశించారు. చిన్న బజారు మున్సిపల్ షాపింగ్ కాంప్లెక్స్ ఫ్రూట్ మార్కెట్‌ను ఆకస్మికంగా తనిఖీ చేశారు. ఎస్.ఈ. రహంతు జానీ, ఈ.ఈ. చంద్రయ్య, వార్డు సచివాలయ కార్యదర్శులు, సిబ్బంది పాల్గొన్నారు.

శ్రీ పొట్టి శ్రీరాములు నెల్లూరు

వర్షాకాల పనులపై మేయర్ ఆదేశాలు

నెల్లూరు నగరపాలక సంస్థ మేయర్ దేవరకొండ సుజాత అశోక్ సోమవారం మేయర్ ఛాంబర్‌లో 53వ డివిజన్ గాంధీ గిరిజన కాలనీ సమస్యలపై ప్రజారోగ్య శాఖ, ఇంజనీరింగ్ అధికారులతో సమీక్షించారు. వారధి, పెట్రోల్ బంక్ డౌన్ ప్రాంతాల్లో వర్షాకాలానికి ముందే సీసీ రోడ్లు, డ్రైన్లు, అవసరమైన ఇతర పనులు చేపట్టి ప్రజలకు అసౌకర్యం లేకుండా చూడాలని ఆదేశించారు. సమావేశంలో ఇంజనీరింగ్ విభాగం డి.ఈ, ఏ.ఈ పాల్గొన్నారు.

శ్రీ పొట్టి శ్రీరాములు నెల్లూరు

అద్భుతమైన ఏసి ఫంక్షన్ హాల్

*అద్దె ఒక్క రూపాయే *ఇతరత్రా ఛార్జీలు అదనం *పేద , మధ్యతరగతికి అందుబాటులో *అన్ని సౌకర్యాలు మంత్రి చోరవుతో ఏర్పాటు * ఇంజనీరింగ్ డిజైన్ లో లోపం వేదిక ఎత్తు తక్కువ * పార్కింగ్ కొరత – వాహనాలకు రోడ్డే గతి * అధికారులూ మరోసారి పరిశీలించండి ఈరోజుల్లో అన్ని సౌకర్యాలు ఉన్న ఫంక్షన్ హాల్స్ దొరకడం చాల కష్టంగా ఉంది .ఒకవేళ దొరికిన అలంటి ఫంక్షన్ హాల్స్ వేలు లక్షలు ఖర్చు చేయాల్సి వస్తుంది పెద్ద మధ్య తరగతి ప్రజల శుభ అశుభ కార్యక్రమాలకు వెలు లక్షలు ఖర్చు చేసే పరిస్థుతులలో మధ్య తరగతి వాళ్ళకి అంత శక్తీ ఉండటం లేదు కానీ జిల్లా కేంద్రమైన నెల్లూరు నగరంలో కేవలం ఒక్క రూపాయి అద్దేకే అన్ని సౌకర్యాలు ఉన్న అద్భుతమైన ఫంక్షన్ హాలు ప్రస్తుతం ప్రజలకు అందుబాటులోకి ఒచ్చింది . మునిసిపల్ సఖ మంత్రి పి నారాయణ చొరవతో కూటమి ప్రభుత్వంలో ఈ ఫంక్షన్ హాల్ తాజాగా నెల్లూరు నగరంలో రూపు దిద్దుకుంది నగరంలోని స్టోన్ హౌస్ పేట సమీపం రేబాల వారి వీధి చివరిలో ఈ కల్యాణ మండపాన్ని ఇటీవలే రాష్ట్ర ప్రభుత్వం 1.30 కోట్లతో నిర్మించింది . 6 నెలల వరకు ఫంక్షన్ హాల్ అద్దెను నెల్లూరు కార్పొరేషన్ ఒక్క రూపాయి గా మాత్రమే నిర్ణయించడం విశేషం . ఈ ఫంక్షన్ హాల్ ను ఆగష్టు నెల 15 వ తేదీన మంత్రి నారాయణ తన చేతుల మీదుగా ప్రారంభించారు . దీనితో ఈ హాలు ప్రారంభమై ప్రస్తుతం ప్రజలకు అందుబాటులో ఉంది . నగరంలోని ప్రజలే కాక జిల్లా లోని ఇతర ప్రాంతాల ప్రజలు కూడా ఈ ఫంక్షన్ హాల్ ను ఉపయోగించుకోవచ్చు . ఫంక్షన్ హాల్ కావాల్సిన వారు నెల్లూరు కార్పొరేషన్ ఇంజనీరింగ్ విభాగ ఉద్యోగులను సంప్రదించి తమకు కావాల్సిన తేదీలలో సమయాలలో బుక్ చేస్కోవచ్చు . ఈ ఫంక్షన్ హాల్ లో నాలుగు వందల మంది కూర్చొని కార్యక్రమాలను వీక్షించే కెపాసిటీ ఉంది . ఫంక్షన్ హాల్ అంటే ఆశ మాషిగా లేదు . ఈ ఫంక్షన్ హాల్ కు ఏసీ సౌకర్యం కూడా ఉంది . అయితే తొలి వంద యూనిట్ ల వరకు యూనిట్ కు తొమ్మిది రూపాయల వంతున రెండు వందల యూనిట్ లకు 15 రూపాయల వంతున రెండు వందల యూనిట్ లు దాటితే 20 రూపాయల వంతున విద్యుత్ ఛార్జ్ లు చెల్లించాల్సి ఉంది . ఫంక్షన్ హాల్ లోపల అత్యాధునికంగా వేదిక ఉంటుంది . వేదిక కు చెరోవైపు పెళ్ళి కుమారుడి గది , పెళ్లి కుమార్తి గది ఉంటాయి . అలాగే ఫంక్షన్ హాల్ ప్రాంగణంలోనే డైనింగ్ హాల్ సౌకర్యం కూడా ఉంది . అలాగే ఫంక్షన్ హాల్ ను ఆనుకొని పురుషులకు మహిళలకు వేరువేరుగా జిం సౌకర్యం కూడా ఉంది . ఇక లెట్రీన్లు బాత్రూం లు సౌకర్యం చక్కగా పరిశుభ్రంగా ఉన్నాయి . ఫంక్షన్ హాల్ అవరణంలో చక్కని మొక్కలతో గ్రీనరీ ని ఏర్పరచి ఉన్నారు . అవసరానికి తగినంత మంచి నీటిని వాడుకునేందుకు అన్ని సౌకర్యాలు ఏర్పాటు చేసి ఉన్నారు . ఈ ఏడాది ఆగష్టు 15 నుంచి 6 నెలల వరకు ఒక్క రూపాయి అద్దేకే ఇచ్చేలా మునిసిపల్ మంత్రి పి నారాయణ ప్రకటించి ఉన్నారు . త్వరలో ఈ ఫంక్షన్ హాల్ ను ప్రైవేట్ యాజమాన్యానికి అప్పగించే యోచన లో కార్పొరేషన్ సిద్ధమై ఇప్పటికే బహిరంగంగా టెండర్ పిలిచి ఉన్నారు . టెండర్ లో ఏదేని ప్రైవేట్ యాజమాన్యం పర్యవేక్షణ బాధ్యతలు తీసుకున్న కార్పొరేషన్ సూచించిన నియమ నిబంధనల ప్రకారం మలుచుకోవాల్సి ఉంది . ప్రస్తుతం నెల్లూరు నగరంలో ఈ రూపాయ అద్దె ఫంక్షన్ హాల్ చర్చ ప్రజలలో విపరీతంగా నడుస్తుంది . బహుశా రాష్ట్రంలోనే రాష్ట్ర బ్రభుత్వ ఆధ్వర్యంలో ఒక్క రూపాయి అద్దేకే దొరికే ఫంక్షన్ హాల్ ఇదే . మొదటిగా రికార్డు ను సొంతం చేసుకుంది . *వేదిక ఎత్తు తక్కువ అంటూ విమర్శలు ఈ ఫంక్షన్ హాల్ చీప్ అండ్ బెస్ట్ లో పెద్ద మధ్యతరగతి వర్గాలకు అందు బాటులోకి వచ్చిన ఫంక్షన్ హాల్ లో కార్యక్రమం జరిగే వేదికను అత్యంత తక్కువ ఎత్తులో నిర్మించడం పట్ల ప్రజలనుంచి వినియోగదారుల నుంచి విమర్శలు వెలువెత్తుతున్నాయి . సంబంధిత నిర్మాణ ఇంజనీరింగ్ ఇంజినీర్ల పర్యవేక్షణ లో ఈ లోపం కొట్టొచ్చినట్లు కనిపిస్తుంది .సంబంధిత ఇంజినీర్లు ఈ వేదిక విషయంలో పెద్ద లోపం చేసినట్లు విమర్శలు వస్తున్నాయి . సాధారణంగా ప్రైవేట్ ఫంక్షన్ హాల్స్ లో వేదిక ను 2.5 నుంచి 3.5 అడుగుల ఎత్తులో నిర్మిస్తారు కానీ ఈ ఫంక్షన్ హాల్ డిజైన్ రూపొందించిన ఇంజినీర్లు వేదిక ను ఎత్తు లేకుండా చేసి వీక్షకులను ఇబ్బందుల్లోకి నెట్టి వేశారని ప్రజలు ఆరోపిస్తున్నారు . వేదిక తక్కువ ఎత్తులో ఉన్నప్పుడు మండపంలో వేదిక పైన వధువు వరులు పెళ్లి పీతల మీద కూర్చున్నప్పుడు వెనుక వరుసలలో ఆశీనులైన వీక్షకులకు వారి దృశ్యాలు కనిపించడంలో ఎన్నో లోపాలు తలెత్తుతాయి పూర్తి స్థాయి చిత్రాలను చూడలేకపోతారు . ఈ కల్యాణ మండపానికి లోపల ప్రాంతంలో ఇది ఒక పెద్ద మైనస్ గా కూడా కనిపిస్తుంది . ఇప్పటికైనా కార్పొరేషన్ ఉన్నతాధికారులు ఇంజనీరింగ్ అధికారులు దున్న ఈనింది అంటే గాత కట్టేయమన్న సామెత గ కాకుండా మరోసారి వేదిక నిర్మాణాన్ని పరిశీలించి వీలైతే వేదిక ను మరింత ఎత్తు పెంచే చర్యలు తీసుకోవాలని మండపాన్ని వినియోగించుకునే వినియోగదారులు తమ అభిప్రాయాన్ని వ్యక్తం చేస్తున్నారు 1.30 కోట్లు ఖర్చు చేసి ఫంక్షన్ హాల్ అయితే నిర్మించారు కానీ ఇలాంటి చిన్న చిన్న తప్పులు చేసి మంత్రి నారాయణ కలలకు అంతరాయం కలిగించారన్న ఆరోపణలు చేస్తున్నారు . మంత్రి కమీషనర్ లైనా ఆగష్టు 15 న ప్రారంభోత్సవం చేసేందుకు వచ్చిన సందర్భం లో నిర్మాణంలో జరిగిన ఇలాంటి లోపాలను తప్పులను చూసి ఉండాలి కదా అని ప్రజలు ప్రశ్నిస్తున్నారు . ఫంక్షన్ హాల్ కట్టింది ప్రజాధనం ఖర్చు చేయడానికి కాంట్రాక్టర్ లబ్ది పొందడానికి తద్వారా వచ్చే పర్సెంటేజిలు తీసుకోవడానికి కాదు కదా అని ప్రజలు ఘాటుగా విమర్శిస్తున్నారు . * పార్కింగ్ ఒకటే కొరత. ఒక్క రూపాయే అద్దెకు ఈ ఫంక్షన్ హాల్ అన్ని సౌకర్యాలతో లభించే అవకాశం ఉన్నా ఈ ఫంక్షన్ హాల్ కు పార్కింగ్ కొరత కనిపిస్తుంది . కార్యక్రమాలకు హాజరు అయ్యే వారి వాహనాలకు పార్కింగ్ మాత్రం లేదు . అధికారులు ఈ ఒక్క విషయంలో ముందు చూపు లేకుండా నిర్మాణం చేశారన్న విమర్శలు వస్తున్నాయి . ఈ ఫంక్షన్ హాల్ కు హాజరు అయ్యేవారి వాహనాలు హాల్ ఎదురుగా ఉన్న రోడ్ లో పార్కింగ్ చేయాల్సి వస్తుంది . ఈ ఫంక్షన్ హాల్ కు ఇది ఒక్కటే మైనస్ గ కనిపిస్తుంది . అయితే మంత్రి నుంచి కార్పొరేషన్ అధికారుల వరకు ఆలోచన చేసి హాల్ కు సమీపంలో ఉన్న సుబ రిజిస్టర్ కార్యాలయం వద్ద కల స్థలంలో పార్కింగ్ వసతి చూపితే ఎంతో బాగుంటుంది అని ప్రజలు విజ్ఞప్తి చేస్తూఇన్నారు . అధికారులు ఈ దశగా అలోచించి చర్యలు తీసుకుంటే బాగుంటుందని ప్రజలు అంటున్నారు .

శ్రీ పొట్టి శ్రీరాములు నెల్లూరు

గిడుగు వెంకట రామమూర్తి స్ఫూర్తితో తెలుగు భాషా దినోత్సవం

గిడుగు వెంకట రామమూర్తి పంతులు జయంతిని పురస్కరించుకుని నెల్లూరులోని జి.వి.ఆర్.ఆర్ జూనియర్ కళాశాలలో శనివారం తెలుగు భాషా దినోత్సవాన్ని ఘనంగా నిర్వహించారు. కళాశాల ప్రిన్సిపాల్ డాక్టర్ ఏ.బి. రవికుమార్ అధ్యక్షతన జరిగిన కార్యక్రమంలో ముఖ్య అతిథులు డాక్టర్ కె.వి. సత్యనారాయణ, డాక్టర్ మర్రి వెంకట్రావు మాట్లాడుతూ వ్యావహారిక తెలుగు భాష అభివృద్ధికి గిడుగు చేసిన సేవలను వివరించారు. విద్యార్థులు మాతృభాషపై పట్టు సాధించి, తెలుగు కవులు, రచయితల సాహిత్యాన్ని అధ్యయనం చేయాలని సూచించారు. తెలుగు మాట్లాడటం గౌరవమని, చదవడం బాధ్యతని, భాషను కాపాడటం అందరి కర్తవ్యమని పేర్కొన్నారు. కార్యక్రమంలో అధ్యాపకులు, విద్యార్థులు, ఎన్ఎస్ఎస్ వాలంటీర్లు పాల్గొన్నారు.

శ్రీ పొట్టి శ్రీరాములు నెల్లూరు

వైద్య ఉద్యోగుల సమస్యలపై ఏపీ హంస పోరాటం

హరినాథపురంలో ఏపీ హెల్త్ అడ్మినిస్ట్రేషన్ మెడికల్ సర్వీసెస్ అసోసియేషన్ (ఏపీ హంస) జిల్లా కార్యవర్గ అత్యవసర సమావేశం నిర్వహించారు. రాష్ట్ర అధ్యక్షుడు అరవ పాల్ మాట్లాడుతూ వైద్య ఆరోగ్యశాఖ ఉద్యోగుల డిమాండ్ల సాధనకు సంఘం పటిష్టంగా పనిచేస్తోందన్నారు. రాష్ట్ర ట్రెజరర్ శ్రీనివాస్ ఉమ్మడి నెల్లూరు జిల్లాలో సభ్యత్వ నమోదును వేగవంతం చేయాలని సూచించారు. జిల్లా అధ్యక్షుడు చేజర్ల సుధాకర్‌రావు మాట్లాడుతూ బదిలీలు, పదోన్నతుల సమస్యల పరిష్కారంలో రాష్ట్ర నాయకత్వం ఉద్యోగులకు అండగా నిలిచిందన్నారు. మెడికల్ ఆఫీసర్లకు కూడా కార్యవర్గంలో ప్రాతినిధ్యం కల్పించాలని కోరారు. జిల్లా సెక్రటరీ కమల్ కిరణ్, కార్యవర్గ సభ్యులు పాల్గొన్నారు.