మైపాడు గేటు దగ్గర కేసీఆర్ కళ్యాణ మండపం సెంటర్లో స్మార్ట్ స్ట్రీట్ జెంట్స్ టాయిలెట్ దగ్గర అత్యంత ప్రమాదకరంగా మ్యాన్ హోల్ ఉన్నది పైన కేవలం ఒక రేకు మాత్రమే చేసి ఉన్నారు మెయిన్ రోడ్ లోనే ఉంది ఏమాత్రం వాహనం వస్తే పడిపోవడం తప్ప మార్గం లేదు.
నెల్లూరు నగరపాలక సంస్థలో సోమవారం నిర్వహించిన ప్రజా సమస్యల పరిష్కార వేదికలో మేయర్ దేవరకొండ సుజాత అశోక్, కమిషనర్ వై.ఓ. నందన్ ప్రజల నుంచి మొత్తం 50 వినతులు స్వీకరించారు. ప్రజల ఫిర్యాదులను క్షేత్రస్థాయిలో పరిశీలించి సంబంధిత శాఖల ద్వారా శాశ్వత పరిష్కారం అందిస్తామని మేయర్ తెలిపారు. నగరంలో రోడ్లు, డ్రైన్ల ఆక్రమణలపై అధికంగా ఫిర్యాదులు వస్తున్నాయని కమిషనర్ పేర్కొన్నారు. నవాబుపేట, మేకలమండి, మినీ బైపాస్, ఎన్టీఆర్ పార్కు ప్రాంతాల్లో ఆక్రమణల నివారణకు ప్రత్యేక కమిటీ ద్వారా చర్యలు చేపడతామన్నారు. వీధి వ్యాపారులు నిర్దేశించిన రోడ్డు మార్జిన్లోనే వ్యాపారం చేయాలని సూచించారు. నిర్మాణ సామగ్రి, వ్యర్థాలను రోడ్లపై వదలరాదని స్పష్టం చేశారు. నిర్మాణ వ్యర్థాలను నగరపాలక సంస్థ ద్వారా తరలించేందుకు 94940 18118 నంబరుకు సమాచారం ఇవ్వాలని కోరారు. కార్యక్రమంలో ఇంజనీరింగ్, ఆరోగ్య, టౌన్ ప్లానింగ్ తదితర విభాగాల అధికారులు, సిబ్బంది పాల్గొన్నారు.
రక్తం పరిమాణం: మన ఒంట్లో ఉండే రక్తం సుమారు 5 లీటర్లు. గుండె పంపింగ్ సామర్థ్యం: ప్రశాంతంగా ఉన్నప్పుడు మన గుండె నిమిషానికి పంప్ చేసే రక్తం 5 లీటర్లు. రక్తంలో చక్కెర: 5 లీటర్ల మొత్తం రక్తంలో ఉండే చక్కెర పరిమాణం కేవలం 5 గ్రాములు (ఒక టీస్పూన్). ఊపిరితిత్తుల భాగాలు: రెండు ఊపిరితిత్తుల్లో కలిపి ఉండే మొత్తం తమ్మెలు (Lobes) 5 (కుడి వైపు 3, ఎడమ వైపు 2). తెల్ల రక్త కణాలు: రోగనిరోధక శక్తిలో కీలక పాత్ర పోషించే తెల్ల రక్త కణాలు 5 రకాలు (న్యూట్రోఫిల్స్, లింఫోసైట్స్, మోనోసైట్స్, ఇసినోఫిల్స్, బేసోఫిల్స్). ప్రాథమిక రుచులు: మన నాలుక గుర్తించగల ప్రాథమిక రుచులు 5 (తీపి, పులుపు, ఉప్పు, చేదు, ఉమామి). ఇమ్యునోగ్లోబులిన్లు: ఇన్ఫెక్షన్లతో పోరాడే ప్రధాన యాంటీబాడీలు (ఇమ్యునోగ్లోబులిన్లు) 5 రకాలు (IgG, IgA, IgM, IgE, IgD). శరీరంలో ‘5’ తో కూడిన మరికొన్ని అద్భుతాలు పంచేంద్రియాలు (5 జ్ఞానేంద్రియాలు): బాహ్య ప్రపంచాన్ని గ్రహించడానికి ప్రకృతి మనకిచ్చిన కిటికీలు 5 (కన్ను, ముక్కు, చెవి, నాలుక, చర్మం). పంచాంగుళ నిర్మాణం (చేతి, కాలి వేళ్ళు): ప్రతి చేతికి 5 వేళ్ళు, ప్రతి కాలికి 5 వేళ్ళు ఉండటం క్షీరదాల సహజ నిర్మాణం. అరిచేతి ఎముకలు (Metacarpals): ప్రతి అరిచేతి నిర్మాణంలో ఆధారంగా ఉండే మెటాకార్పల్ ఎముకలు 5. నడుము వెన్నుపూసలు (Lumbar Vertebrae): శరీర బరువును మోసే కింది నడుము భాగంలో ఉండే ప్రధాన వెన్నుపూసలు 5 (L1 నుండి L5).
నెల్లూరు జిల్లా ప్రభుత్వ ప్రధాన వైద్యశాల అభివృద్ధికి దాతలు డీఎస్ఆర్ రఘురాం రెడ్డి, ఇస్కాన్ రామకృష్ణారెడ్డి సొంత నిధులు రూ.కోటి అందించారు. ఈ నిధులతో రెండు ఏసీ రెస్ట్హౌస్లు, ఆర్వో వాటర్ ప్లాంట్, టాయిలెట్ల రెన్యువేషన్ పనులకు పీహెచ్డీ స్కాలర్ మల్లెల శ్రీహరి చేత రూరల్ ఎమ్మెల్యే కోటంరెడ్డి శ్రీధర్రెడ్డి శంకుస్థాపన చేయించారు. ఆస్పత్రికి వచ్చే రోగులతో గౌరవంగా వ్యవహరించాలని సూచించారు. ప్రభుత్వ ఆస్పత్రిని మరింత అభివృద్ధి చేయాల్సిన బాధ్యత తనపై ఉందన్నారు.
నెల్లూరు జి.వి.ఆర్.ఆర్ జూనియర్ కళాశాలలో ఎన్ఎస్ఎస్ యూనిట్ ఆధ్వర్యంలో ‘వికసిత్ భారత్–2047’ కార్యక్రమం నిర్వహించారు. ప్రిన్సిపాల్ డాక్టర్ ఏ.బి. రవికుమార్ అధ్యక్షత వహించారు. ముఖ్య అతిథి విజయభారతి విద్యార్థులకు మానవ హక్కులు, రాజ్యాంగ బాధ్యతలపై అవగాహన కల్పించారు. యువత ఉద్యోగాల కోసం ఎదురుచూడటమే కాకుండా ఉద్యోగాలను సృష్టించే స్థాయికి ఎదగాలని సూచించారు. దేశాభివృద్ధిలో యువత కీలకపాత్ర పోషించాలని, కుటుంబ విలువలు, సంస్కృతి, సంప్రదాయాలను గౌరవించాలని పిలుపునిచ్చారు. కార్యక్రమంలో కృష్ణవేణి, ఎన్ఎస్ఎస్ ప్రోగ్రాం ఆఫీసర్ దోర్నాధుల వెంకటేశ్వర్లు, కళాశాల సిబ్బంది పాల్గొన్నారు.
నెల్లూరు జిల్లా పరిషత్ సమావేశ మందిరంలో ఏపీడబ్ల్యూజేఎఫ్ సమావేశం జరిగింది. ముఖ్యఅతిథిగా పాల్గొన్న సర్వేపల్లి ఎమ్మెల్యే సోమిరెడ్డి చంద్రమోహన్రెడ్డి మాట్లాడుతూ ప్రజాస్వామ్యంలో జర్నలిస్టులు ప్రజలకు, ప్రభుత్వానికి వారధులని పేర్కొన్నారు. జర్నలిస్టులందరికీ ఇళ్ల స్థలాలు అందించేందుకు కృషి చేస్తామన్నారు. వారి పిల్లలకు కార్పొరేట్ పాఠశాలల్లో 50 శాతం ఫీజు రాయితీ, జర్నలిస్టులకు పెన్షన్ అమలు అవసరమని తెలిపారు. గిరిజనులు, దళితులు, బీసీల సమస్యలపై మీడియా ప్రత్యేక దృష్టి సారించాలని కోరారు.
హైకోర్టు ఉత్తర్వుల మేరకు జిల్లా న్యాయ సేవాధికార సంస్థ ఆధ్వర్యంలో కాకుటూరులోని జిల్లా కేంద్ర కారాగారంలో న్యాయ విజ్ఞాన సదస్సు నిర్వహించారు. సీనియర్ సివిల్ జడ్జి వై.జె. పద్మశ్రీ ఖైదీల యోగక్షేమాలు, భోజనం, వైద్య సదుపాయాలు, కేసుల వివరాలను అడిగి తెలుసుకున్నారు. న్యాయవాది లేని ఖైదీలకు ఉచిత న్యాయ సహాయం అందిస్తామని తెలిపారు. అనంతరం రిజిస్టర్లు, గ్రీవెన్స్ బాక్స్ పరిశీలించి, మహిళా ఖైదీల సమస్యలను తెలుసుకున్నారు. కొందరు ఖైదీలకు కంటి అద్దాలు పంపిణీ చేశారు.
నెల్లూరు నగరంలోని చిల్డ్రన్స్ పార్క్ ఆంజనేయస్వామి దేవాలయం పరిసరాల్లో నగరపాలక సంస్థ కమిషనర్ వై.ఓ. నందన్ శనివారం అధికారులతో కలిసి పర్యటించారు. స్థానిక హోటల్ ట్రేడ్ లైసెన్స్ను తనిఖీ చేసి, నగరంలో వ్యాపారం నిర్వహించే ప్రతి ఒక్కరూ తప్పనిసరిగా నగరపాలక సంస్థ నుంచి ట్రేడ్ లైసెన్స్ పొందాలని సూచించారు. అనంతరం డ్రైన్లలో మురుగునీటి ప్రవాహాన్ని పరిశీలించి, స్థానికులను పారిశుధ్య నిర్వహణపై అడిగి తెలుసుకున్నారు. శానిటేషన్ అధికారులు, సచివాలయ సిబ్బంది పాల్గొన్నారు.
నెల్లూరు జిల్లా పరిషత్ సమావేశ మందిరంలో ఏపీడబ్ల్యూజేఎఫ్ సమావేశం జరిగింది. ముఖ్యఅతిథిగా పాల్గొన్న సర్వేపల్లి ఎమ్మెల్యే సోమిరెడ్డి చంద్రమోహన్రెడ్డి మాట్లాడుతూ ప్రజాస్వామ్యంలో జర్నలిస్టులు ప్రజలకు, ప్రభుత్వానికి వారధులని పేర్కొన్నారు. జర్నలిస్టులందరికీ ఇళ్ల స్థలాలు అందించేందుకు కృషి చేస్తామన్నారు. వారి పిల్లలకు కార్పొరేట్ పాఠశాలల్లో 50 శాతం ఫీజు రాయితీ, జర్నలిస్టులకు పెన్షన్ అమలు అవసరమని తెలిపారు. గిరిజనులు, దళితులు, బీసీల సమస్యలపై మీడియా ప్రత్యేక దృష్టి సారించాలని కోరారు.
నెల్లూరు నగరపాలక సంస్థ కమిషనర్ వై.ఓ. నందన్ ఆదేశాల మేరకు వెటర్నరీ వైద్యులు డాక్టర్ మదన్ మోహన్ నేతృత్వంలో వీధి శునకాల నియంత్రణకు గురువారం ప్రత్యేక డ్రైవ్ నిర్వహించారు. ప్రజల ఫిర్యాదుల మేరకు వావిలేటిపాడు, పొదలకూరు రోడ్డు, రామకోటయ్య నగర్, బోసు బొమ్మ ప్రాంతాల్లో సంచరిస్తున్న 12 శునకాలను పట్టుకుని పాత మున్సిపల్ కార్యాలయంలోని ఏబీసీ సెంటర్కు తరలించారు.