Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: B V APPALANAIDU

అల్లూరి సీతారామరాజు

స్థానిక ఎన్నికల సన్నద్ధతను పకడ్బందీగా చేపట్టాలి

పాడేరు, అక్టోబర్ 08: స్థానిక సంస్థల ఎన్నికల నిర్వహణకు జిల్లాల వారీగా సన్నద్ధతను పకడ్బందీగా చేపట్టాలని రాష్ట్ర ఎన్నికల కమిషనర్ అనిల్ చంద్ర పునేఠా అధికారులను ఆదేశించారు. గురువారం కలెక్టర్లు, పోలీసు అధికారులతో వీడియో కాన్ఫరెన్స్ నిర్వహించారు. వార్డుల పునర్విభజన, ఓటర్ల జాబితా ప్రక్రియను వేగవంతం చేయాలని, ఎన్నికల సిబ్బందికి సమగ్ర శిక్షణ ఇవ్వాలని సూచించారు. ఎన్నికల షెడ్యూల్‌పై సోషల్ మీడియాలో వచ్చే వదంతులను నమ్మకుండా, అధికారిక ప్రకటనలను మాత్రమే పరిగణనలోకి తీసుకోవాలని స్పష్టం చేశారు. శాంతిభద్రతలకు ప్రాధాన్యతనిస్తూ సమస్యాత్మక ప్రాంతాలను గుర్తించి ముందస్తు చర్యలు చేపట్టాలని ఆదేశించారు. కార్యక్రమంలో పాడేరు జేసీ తిరుమణి శ్రీపూజ, ASP శృతి, జిల్లా పంచాయితీ అధికారి చంద్రశేఖర్, DDO జయప్రకాశ్, మండల పరిషత్ అభివృద్ధి అధికారులు పాల్గొన్నారు.

అల్లూరి సీతారామరాజు

వయోవృద్ధుల పోషణ, సంక్షేమ చట్టంపై జిల్లా స్థాయి శిక్షణ

పాడేరు, అక్టోబర్ 08: పాడేరు కాఫీ హౌస్‌ సమావేశ మందిరంలో తల్లిదండ్రులు, వయోవృద్ధుల పోషణ, సంక్షేమ చట్టం–2007పై జిల్లా స్థాయి శిక్షణా కార్యక్రమం నిర్వహించారు. ముఖ్య అతిథులుగా జిల్లా లీగల్ అథారిటీ కార్యదర్శి ఆర్. సన్యాసినాయుడు, సబ్ కలెక్టర్ కె. సహిత్ హాజరయ్యారు. వృద్ధులకు ఆర్థిక భద్రత, పోషణ, గౌరవప్రదమైన జీవనం, సంక్షేమం కల్పించడంతోపాటు, వృద్ధాప్యంలో పిల్లలు నిర్లక్ష్యం చేస్తే చట్టపరమైన రక్షణ, ఆసరా కల్పించడమే చట్టం ప్రధాన ఉద్దేశమని సబ్ కలెక్టర్ తెలిపారు. కార్యక్రమంలో సహాయ సంచాలకులు కె. కవిత, PDలు జి. జయకృష్ణ, బి. బాబు, డీడీ పీబీకే నిర్మల, ఈఈ టీ. కొండయ్య పంతులు, NSS నోడల్ అధికారి జి. గౌరీశంకర్, అధికారులు, NSS ప్రోగ్రామ్ ఆఫీసర్లు పాల్గొన్నారు.

అల్లూరి సీతారామరాజు

తల్లిదండ్రులు లేని ఇద్దరు బాలురకు సురక్షిత ఆశ్రయం

పాడేరు, అక్టోబర్ 08: హుకుంపేట మండలం పెదగరువు గ్రామానికి చెందిన తల్లిదండ్రులు లేని ఇద్దరు బాలురకు జిల్లా బాలల సంరక్షణ విభాగం సురక్షిత ఆశ్రయం కల్పించింది. విశాఖపట్నం చైల్డ్ వెల్ఫేర్ కమిటీ (CWC) అనుమతితో 12, 9 ఏళ్ల బాలురను విశాఖపట్నంలోని పాప హోమ్‌లో చేర్పించినట్లు జిల్లా బాలల సంరక్షణ అధికారి(DCP) డాక్టర్ టి. సద్దు తెలిపారు. వారి ఐదేళ్ల సోదరి అనూషను మాత్రం ప్రస్తుతం అంగన్‌వాడీ సంరక్షణలో ఉంచామని, త్వరలో చైల్డ్ కేర్ సెంటర్‌కు తరలిస్తామని పేర్కొన్నారు. ఆపదలో ఉన్న బాలల సమాచారం 1098కు అందించాలని కోరారు. ఈ కార్యక్రమంలో చైల్డ్ వెల్ఫేర్ కమిటీ చైర్మన్, సభ్యులు, జిల్లా బాలల సంరక్షణ విభాగం అధికారులు, పాప హోమ్ సిబ్బంది, గ్రామస్తులు పాల్గొన్నారు.

అల్లూరి సీతారామరాజు

ముంచంగిపుట్టులో రాణీ లక్ష్మీబాయి ఆత్మరక్షణ శిక్షణ ప్రారంభం

ముంచంగిపుట్టు బాలికల ఆశ్రమ పాఠశాలలో రాణీ లక్ష్మీబాయి ఆత్మరక్షణ శిక్షణను బండి మార్షల్ ఆర్ట్స్ జిల్లా ఇన్‌చార్జ్ బాకూరు పాండు రాజు ప్రారంభించారు. విద్యార్థినులకు ఆత్మరక్షణపై అవగాహన కల్పించి, ప్రతిరోజూ గంట సమయం శారీరక దారుఢ్యం, ఆత్మరక్షణకు కేటాయించాలని సూచించారు. మూడు నెలలపాటు శిక్షణ కొనసాగుతుందని తెలిపారు. కార్యక్రమంలో పాఠశాల ప్రధానోపాధ్యాయురాలు లక్ష్మి, ట్రైనర్లు, ఉపాధ్యాయులు, విద్యార్థినులు పాల్గొన్నారు.

అల్లూరి సీతారామరాజు

పాడేరు నియోజకవర్గంలో మౌలిక వసతులకు ప్రాధాన్యం: కలెక్టర్ నిషాంతి

పాడేరు ఏజెన్సీ ప్రజలకు రహదారులు, సురక్షిత తాగునీరు, ప్రాథమిక మౌలిక వసతులు కల్పించడమే లక్ష్యమని కలెక్టర్ నిషాంతి తెలిపారు. రూ.59.51 కోట్లతో చేపట్టిన అభివృద్ధి పనుల్లో భాగంగా రూ.24.21 కోట్లతో పూర్తిచేసిన 13 బీటీ రోడ్లు, రూ.1.80 కోట్లతో నిర్మించిన వన్‌స్టాప్‌ సెంటర్‌ను ప్రారంభించారు. పాడేరు, చింతపల్లి మండలాల్లో రూ.33.50 కోట్లతో చేపట్టనున్న మల్టీ విలేజ్ తాగునీటి పథకానికి శంకుస్థాపన చేశారు. మారుమూల గిరిజన గ్రామాలకు అభివృద్ధి ఫలాలు అందేలా చర్యలు చేపడుతున్నామని తెలిపారు. కార్యక్రమంలో ఐటీడీఏ పీవో ఆదిత్య వర్మ, మాజీ ఎమ్మెల్యే గిడ్డి ఈశ్వరి తదితరులు పాల్గొన్నారు.

అల్లూరి సీతారామరాజు

కాంటాక్టు వైద్య ఉద్యోగుల సమస్యలు పరిష్కరించాలి: ఎమ్మెల్సీ డా.కుంభా రవిబాబు

అరకులోయలో కాంట్రాక్టు వైద్య ఉద్యోగులు ఎమ్మెల్సీ డా.కుంభా రవిబాబును కలిసి తమ సమస్యలను విన్నవించారు. కాంట్రాక్టు ఉద్యోగులను రెగ్యులరైజ్ చేయాలని, అప్పటివరకు 100% గ్రాస్ వేతనం చెల్లించాలని కోరారు. హెల్త్ కార్డులు, EPF, రిక్వెస్ట్, మ్యూచువల్ ట్రాన్స్‌ఫర్ సౌకర్యాలు కల్పించాలని, విధి నిర్వహణలో మరణించిన ఉద్యోగి కుటుంబానికి ₹50 లక్షల ఎక్స్గ్రేషియా, కుటుంబంలో ఒకరికి ఉద్యోగం ఇవ్వాలని డిమాండ్ చేశారు. ఉద్యోగుల న్యాయమైన డిమాండ్లకు ఎమ్మెల్సీ సంపూర్ణ మద్దతు తెలిపారు. సమస్యలను ప్రభుత్వం దృష్టికి తీసుకెళ్లడంతో పాటు శాసనమండలిలో గళం వినిపిస్తానని హామీ ఇచ్చారు.

అల్లూరి సీతారామరాజు

అల్లూరి జిల్లా: రూ.70.68 కోట్లతో 30 తారు రోడ్లు ప్రారంభం

అల్లూరి జిల్లాలో పీఎం-జన్మన్‌ పథకం కింద రూ.70.68 కోట్లతో 75.64 కి.మీ. మేర నిర్మించిన 30 తారు రోడ్లను కలెక్టర్ నిషాంతి టి. సోమవారం ప్రారంభించారు. డుంబ్రిగూడ మండలం చాపరాయిలో నిర్వహించిన కార్యక్రమంలో ఐటీడీఏ పీఓ ఆదిత్య వర్మ, సబ్‌ కలెక్టర్ కె. సాహిత్, ఏపీఎస్‌ఆర్టీసీ విజయనగరం జోన్‌ చైర్మన్‌ సియ్యారి దొన్నుదొర పాల్గొన్నారు. రహదారుల వల్ల మారుమూల గిరిజన ప్రాంతాలకు రవాణా సౌకర్యం మెరుగుపడి విద్య, వైద్యం, వ్యవసాయం, ఉపాధి సేవలు అందుబాటులోకి వస్తాయని కలెక్టర్ తెలిపారు. చాపరాయిలో నూతన హెల్త్‌ అండ్‌ వెల్నెస్‌ కేంద్రాన్ని ప్రారంభించారు. కార్యక్రమంలో అధికారులు, ప్రజాప్రతినిధులు, గ్రామస్తులు పాల్గొన్నారు.

అల్లూరి సీతారామరాజు

అరకు: సమాజ మార్పుకు ఉపాధ్యాయులే మార్గదర్శకులు

అరకు వ్యాలీ ప్రభుత్వ డిగ్రీ కళాశాలలో జాతీయ సేవా పథకం ఆధ్వర్యంలో అంతర్జాతీయ ఉపాధ్యాయ దినోత్సవాన్ని ఘనంగా నిర్వహించారు. ప్రిన్సిపల్ డాక్టర్ సీహెచ్ కేశవరావు, అధ్యాపకులు కళాశాల ఆవరణలో మొక్కలు నాటారు. విద్యాబోధనతో పాటు విద్యార్థుల్లో నైతిక విలువలు, సామాజిక బాధ్యత పెంపొందించడంలో ఉపాధ్యాయుల పాత్ర కీలకమని ప్రిన్సిపల్ తెలిపారు. వైస్ ప్రిన్సిపల్ కె. నిర్మల, ఎన్ఎస్ఎస్ పీఓలు, అధ్యాపకులు, వాలంటీర్లు పాల్గొన్నారు.

అల్లూరి సీతారామరాజు

ఎస్‌ఐ మల్లేశ్వరరావు ఆధ్వర్యంలో సోమవారం వాహన తనిఖీలు

అరకులోయ మండలం యండపల్లివలస టీచర్స్‌ కాలనీ వద్ద ఎస్‌ఐ మల్లేశ్వరరావు ఆధ్వర్యంలో సోమవారం వాహన తనిఖీలు నిర్వహించారు. వాహనదారులు డ్రైవింగ్‌ లైసెన్స్‌, ఆర్‌సీ, ఇన్సూరెన్స్‌ వంటి పత్రాలను తప్పనిసరిగా వెంట ఉంచుకోవాలని సూచించారు. పత్రాలు లేని వాహనదారులకు జరిమానాలు విధించారు. హెల్మెట్‌, ట్రిపుల్‌ రైడింగ్‌పైనా చర్యలు తీసుకున్నారు. తనిఖీల్లో హెచ్‌సీ ప్రసాద్‌, ఏపీఎస్పీ సిబ్బంది పాల్గొన్నారు. Uploaded Video:

అల్లూరి సీతారామరాజు

అరకు: కౌంటింగ్‌ కేంద్రం, స్ట్రాంగ్‌ రూమ్‌ పరిశీలన

అరకులోయ, అక్టోబర్‌ 3: అరకులోయ ప్రభుత్వ జూనియర్‌ కళాశాలలో ఎంపీటీసీ, జడ్పీటీసీ ఎన్నికల ఓట్ల లెక్కింపు కోసం ఏర్పాటు చేస్తున్న కౌంటింగ్‌ హాల్‌, స్ట్రాంగ్‌ రూమ్‌లను ఎంపీడీవో వీసం ప్రసాద్‌ శనివారం పరిశీలించారు. డిప్యూటీ ఎంపీడీవో కె.వి. సత్యనారాయణ, మండల ఇంజనీరింగ్‌ ఇన్‌చార్జి పైడితల్లి, ఏఓ పి. వీరభద్రరావు, ఇంజనీరింగ్‌ అసిస్టెంట్లతో కలిసి ఏర్పాట్లను సమీక్షించారు. విద్యుత్‌, తాగునీరు, పారిశుద్ధ్యం, భద్రత తదితర మౌలిక వసతులను సిద్ధం చేస్తున్నట్లు ఎంపీడీవో తెలిపారు. ఓట్ల లెక్కింపు ప్రశాంతంగా, పారదర్శకంగా జరిగేలా అన్ని శాఖల అధికారులు సమన్వయంతో పనిచేయాలని సూచించారు.