Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: B V APPALANAIDU

అల్లూరి సీతారామరాజు

అల్లూరి జిల్లాలో అక్టోబర్ 5న 30 తారు రోడ్లు ప్రారంభం

పాడేరు, అక్టోబర్ 3: అల్లూరి సీతారామరాజు జిల్లాలో రూ.70.68 కోట్లతో నిర్మించిన 75.64 కి.మీ. పొడవైన 30 తారు రోడ్లను అక్టోబర్ 5న ప్రారంభించనున్నారు. ఈ మేరకు శనివారం జిల్లా అధికారులు తెలిపారు. PM-JANMAN నిధులతో పంచాయతీరాజ్, గ్రామీణాభివృద్ధి శాఖ ఆధ్వర్యంలో ఈ పనులు చేపట్టారు. జిల్లా ఇన్‌చార్జి మంత్రి గుమ్మిడి సంధ్యారాణి ప్రారంభించనుండగా, కలెక్టర్, ఎమ్మెల్యేలు పాల్గొంటారు. అనంతగిరి, డుంబ్రిగూడ, హుకుంపేట, ముంచంగిపుట్టు, పెదబయలు మండలాల్లో రహదారులు నిర్మించారు. వీటితో మారుమూల గిరిజన ప్రాంతాలకు రవాణా సౌకర్యాలు మెరుగుపడి, ఆర్థిక, సామాజిక అభివృద్ధికి దోహదపడనున్నాయి.

అల్లూరి సీతారామరాజు

అనంతగిరి: సరియాపల్లి ఆనకట్టు పరిశీలన

అనంతగిరి మండలం సరియాపల్లి గ్రామంలోని ఆనకట్టు నీటి నిల్వను ఎస్‌ఎంఐ ఈఈ ముక్కల రాజేంద్రకుమార్ శనివారం పరిశీలించారు. 2014 హుదూద్ తుపానులో దెబ్బతిన్న ఆనకట్టు పునర్నిర్మాణానికి సుమారు రూ.75 లక్షలు అవసరమని తెలిపారు. ఆనకట్టు ద్వారా సుమారు 250 ఎకరాలకు సాగునీరు అందుతుందన్నారు. ప్రస్తుతం రైతులు తాత్కాలికంగా మరమ్మతులు చేపట్టారని తెలిపారు. నీటి విడుదల వ్యవస్థను పరిశీలించి, రైతులకు ఇబ్బందులు లేకుండా చర్యలు చేపట్టాలని సిబ్బందికి సూచించారు. డీఈఈ కే.శ్రీదేవి, ఏఈఈ త్రినాధ్, నీటి వినియోగదారుల సంఘం అధ్యక్షుడు రమణ, రైతులు పాల్గొన్నారు.

అల్లూరి సీతారామరాజు

అరకు: ఎస్‌ఐఆర్‌ను రద్దు చేయాలని సీపీఎం దీక్ష

గాంధీ జయంతి సందర్భంగా సీపీఎం ఆధ్వర్యంలో అరకులోయలో గురువారం ఒకరోజు దీక్ష నిర్వహించారు. సీపీఎం రాష్ట్ర కార్యదర్శివర్గ సభ్యుడు కిల్లో సురేంద్ర దీక్షను ప్రారంభించారు. ఈ సందర్భంగా ఆయన మాట్లాడుతూ, ఓటర్ల జాబితా సవరణ పేరుతో జరుగుతున్న ఎస్‌ఐఆర్‌ ప్రక్రియను వెంటనే రద్దు చేయాలని డిమాండ్ చేశారు. తొలగించిన ఓటర్ల పేర్లను తిరిగి జాబితాలో చేర్చాలని, ఓటు హక్కును పరిరక్షించాలని కోరారు. ఎస్‌ఐఆర్‌ ప్రక్రియలో నిబంధనలను మార్చడం వల్ల యువ ఓటర్లు తమ హక్కును కోల్పోయే అవకాశం ఉందని ఆయన పేర్కొన్నారు. ప్రజాస్వామ్యాన్ని పరిరక్షించేందుకు ఎన్నికల ప్రక్రియ పారదర్శకంగా, నిష్పక్షపాతంగా నిర్వహించాలని డిమాండ్ చేశారు. సీపీఎం అరకులోయ మండల కార్యదర్శి కె. రామారావు అధ్యక్షతన జరిగిన కార్యక్రమంలో జిల్లా కార్యదర్శివర్గ సభ్యులు, పార్టీ నాయకులు, కార్యకర్తలు పాల్గొన్నారు.

అల్లూరి సీతారామరాజు

అరకు: ఎస్‌ఐఆర్‌ను రద్దు చేయాలని సీపీఎం దీక్ష

గాంధీ జయంతి సందర్భంగా సీపీఎం ఆధ్వర్యంలో అరకులోయలో గురువారం ఒకరోజు దీక్ష నిర్వహించారు. సీపీఎం రాష్ట్ర కార్యదర్శివర్గ సభ్యుడు కిల్లో సురేంద్ర దీక్షను ప్రారంభించారు. ఈ సందర్భంగా ఆయన మాట్లాడుతూ, ఓటర్ల జాబితా సవరణ పేరుతో జరుగుతున్న ఎస్‌ఐఆర్‌ ప్రక్రియను వెంటనే రద్దు చేయాలని డిమాండ్ చేశారు. తొలగించిన ఓటర్ల పేర్లను తిరిగి జాబితాలో చేర్చాలని, ఓటు హక్కును పరిరక్షించాలని కోరారు. ఎస్‌ఐఆర్‌ ప్రక్రియలో నిబంధనలను మార్చడం వల్ల యువ ఓటర్లు తమ హక్కును కోల్పోయే అవకాశం ఉందని ఆయన పేర్కొన్నారు. ప్రజాస్వామ్యాన్ని పరిరక్షించేందుకు ఎన్నికల ప్రక్రియ పారదర్శకంగా, నిష్పక్షపాతంగా నిర్వహించాలని డిమాండ్ చేశారు. సీపీఎం అరకులోయ మండల కార్యదర్శి కె. రామారావు అధ్యక్షతన జరిగిన కార్యక్రమంలో జిల్లా కార్యదర్శివర్గ సభ్యులు, పార్టీ నాయకులు, కార్యకర్తలు పాల్గొన్నారు.

అల్లూరి సీతారామరాజు

టీడీపీ తప్పుడు ప్రచారాన్ని మానుకోవాలి : అరకు ఎమ్మెల్యే రేగం

అరకులోయ నియోజకవర్గంలోని పెదలబుడు, పద్మాపురం, అనంతగిరి మండలం వాలసి పంచాయతీలకు చెందిన వైసీపీ నాయకులు టీడీపీలో చేరారన్న ప్రచారంలో వాస్తవం లేదని ఎమ్మెల్యే రేగం మత్స్యలింగం తెలిపారు. టీడీపీ లో పలువురు వైసీపీ నాయకులు చేరినట్లు వస్తున్న వార్తలు అవాస్తవమన్నారు. చేరినట్లు ప్రచారం జరుగుతున్న వారికి వైసీపీతో సంబంధం లేదని, గత ఎన్నికల్లో కాంగ్రెస్‌ మద్దతుదారులుగా ఉన్నారని పేర్కొన్నారు. వైసీపీకి ప్రజాదరణ కొనసాగుతోందని, తప్పుడు ప్రచారాలతో దానిని తగ్గించలేరన్నారు. రానున్న స్థానిక సంస్థల ఎన్నికల్లో జెడ్పీటీసీ, ఎంపీటీసీ, సర్పంచ్‌ స్థానాల్లో 90 శాతం గెలుస్తామని ధీమా వ్యక్తం చేశారు. ప్రజలను తప్పుదోవ పట్టించే ప్రచారాలను మానుకోవాలని కోరారు.

అల్లూరి సీతారామరాజు

అరకు పైన్‌రీకి “స్వచ్ఛ పర్యాటక ప్రదేశం” అవార్డు

అల్లూరి జిల్లా అరకు పైన్‌రీకి “స్వచ్ఛ పర్యాటక ప్రదేశం” అవార్డు లభించింది. స్వచ్ఛ ఆంధ్ర కార్యక్రమంలో సీఎం చంద్రబాబు నాయుడు చేతుల మీదుగా డీఎఫ్‌ఓ కె.ఉమా మహేశ్వరి, జిల్లా పర్యాటక అధికారి పట్టాసీ చలపతిరావు అవార్డు అందుకున్నారు. ఎఫ్‌ఆర్‌ఓ బి.కోటేశ్వరరావు, మేనేజర్ ఎం.శేఖర్ పాల్గొన్నారు. పరిశుభ్రత, పర్యాటక సౌకర్యాలకు గుర్తింపుగా అవార్డు దక్కింది. పైన్‌రీలో ప్లాస్టిక్‌ ఫ్రీ జోన్‌ అమలుతో పాటు డిపాజిట్‌పై గ్లాస్‌ వాటర్‌ బాటిళ్లను అందిస్తున్నారు.

అల్లూరి సీతారామరాజు

అనంతగిరి: తోటవలసలో తాగునీటి ట్యాంక్ నిర్మించాలని వినతి

అనంతగిరి: కొత్తూరు పంచాయతీలో శుక్రవారం నిర్వహించిన ప్రత్యేక గ్రామసభలో తెదేపా గ్రామ కమిటీ అధ్యక్షుడు దుంబరి కృష్ణ పలు సమస్యలపై ఎంపీడీవో ప్రభాకరావుకు వినతిపత్రం అందించారు. తోటవలసలో తాగునీటి ట్యాంక్ నిర్మించాలని, టెంకబుడ్డి, బుసుపాడు గ్రామాలకు రోడ్డు, తాగునీటి సౌకర్యం కల్పించాలని కోరారు. అర్హులకు ఆర్‌ఎఫ్‌ఓ పట్టాలు, నూతన రేషన్‌కార్డుదారులకు ఇళ్ల స్థలాలు మంజూరు చేయాలని విజ్ఞప్తి చేశారు.

అల్లూరి సీతారామరాజు

అరకు: ప్రభుత్వ డిగ్రీ కళాశాలలో ఘనంగా గాంధీ జయంతి

అరకులోయ: స్థానిక ప్రభుత్వ డిగ్రీ కళాశాలలో చరిత్ర విభాగం, జాతీయ సేవా పథకం, విశాఖపట్నం మైభారత్ ఆధ్వర్యంలో మహాత్మా గాంధీ జయంతి వేడుకలు ఘనంగా నిర్వహించారు. ప్రిన్సిపాల్ డా. సీహెచ్. కేశవరావు, అధ్యాపకులు గాంధీ చిత్రపటానికి పూలమాల వేసి నివాళులర్పించారు. గాంధీ ఆదర్శాలు, అహింసా సిద్ధాంతం, ప్రపంచ శాంతి, స్వాతంత్ర్య ఉద్యమంలో ఆయన పాత్రను వక్తలు వివరించారు. చరిత్ర అధ్యాపకురాలు, ఎన్‌ఎస్‌ఎస్ పీఓ వై. విజయలక్ష్మి గాంధీని గొప్ప రాజనీతిజ్ఞుడిగా అభివర్ణించారు. వైస్ ప్రిన్సిపాల్ కె. నిర్మల, ఎన్‌ఎస్‌ఎస్ పీఓలు డా. జి. సుధీర్, బి. లచ్చన్నతో పాటు అధ్యాపకులు, బోధనేతర సిబ్బంది, విద్యార్థినీ విద్యార్థులు పాల్గొన్నారు.

అల్లూరి సీతారామరాజు

అరకు: రెండు కొండలు దాటితేనే బడికి దారి!

అరకులోయ: అరకులోయ మండలం గన్నెల పంచాయతీ కింటీబైడి గ్రామంలో పాఠశాల భవనం, ఉపాధ్యాయుడు లేక సుమారు 40 మంది విద్యార్థులు ఇబ్బందులు పడుతున్నారు. సమీప చబ్కాని పాఠశాలకు వెళ్లాలంటే రెండు కొండలు దాటాల్సి వస్తోందని గ్రామస్థులు ఆవేదన వ్యక్తం చేశారు. విద్యార్థుల భవిష్యత్తును దృష్టిలో ఉంచుకుని గ్రామంలో పాఠశాల భవనం నిర్మించి, ఉపాధ్యాయుడిని నియమించాలని మాజీ ఎంపీటీసీ గోవిందరావు కోరారు. లోకేశ్, జిల్లా కలెక్టర్ ప్రత్యేక చొరవ చూపి సమస్యను పరిష్కరించాలని విజ్ఞప్తి చేశారు.అరకు: రెండు కొండలు దాటితేనే బడికి దారి! Uploaded Video:

అల్లూరి సీతారామరాజు

పీఎం–కిసాన్ సేవలను సచివాలయాల పరిధిలోకి తేవాలి: ఆదివాసీ గిరిజన సంఘం

అరకులోయ, అక్టోబర్ 1: పీఎం–కిసాన్ నగదు జమలో ఎదురవుతున్న సమస్యలను పరిష్కరించాలని ఆదివాసీ గిరిజన సంఘం ఆధ్వర్యంలో రైతులతో కలిసి మండల సహాయ వ్యవసాయ సంచాలకుల కార్యాలయం ఎదుట నిరసన చేపట్టారు. అరకు వేలీ మండలంలోని 14 పంచాయతీల్లో వందలాది మంది రైతులకు రెండు, మూడు విడతలుగా నగదు జమ కాలేదని సంఘం నాయకుడు గత్తుం బుజ్జిబాబు తెలిపారు. ఈ–కేవైసీ, ఆధార్ లింక్, ల్యాండ్ సీడింగ్ సమస్యలతో రైతులు ఇబ్బందులు పడుతున్నారన్నారు. CSC కేంద్రాల్లో సర్వర్ సమస్యలతో పాటు అధిక వసూళ్లపై ఫిర్యాదులు వస్తున్నాయని తెలిపారు. పీఎం–కిసాన్ ఆన్‌లైన్ సేవలను గ్రామ సచివాలయాల్లోని VAA/VHAలకు అప్పగించాలని డిమాండ్ చేశారు. సమస్య పరిష్కరించకపోతే ఆందోళన చేపడతామని హెచ్చరించారు. కార్యక్రమంలో సుంకరమెట్ట మాజీ సర్పంచ్ గెమ్మెల చిన్నబాబు, కొర్ర చిట్టిబాబు, కిల్లో అప్పారావు, రైతులు పాల్గొన్నారు.