దుత్తలూరుకు నూతన ఎస్సైగా జి.సుభాషిణి బాధ్యతలు స్వీకరణ

దుత్తలూరు పోలీస్ స్టేషన్ నూతన సబ్‌ఇన్‌స్పెక్టర్ (ఎస్సై)గా సుభాషిణి బాధ్యతలు స్వీకరించారు. ఆమె గతంలో జి నెల్లూరు రూరల్ పోలీస్ స్టేషన్‌లో ఎస్సైగా విధులు నిర్వహిస్తూ, ఇటీవల జరిగిన బదిలీల్లో భాగంగా దుత్తలూరుకు బదిలీ అయ్యారు. బాధ్యతలు చేపట్టిన అనంతరం పోలీస్ సిబ్బందితో సమావేశమై స్టేషన్ పరిధిలో శాంతిభద్రతల పరిరక్షణ, ప్రజలకు సత్వర సేవలు అందించడం, నేరాల నియంత్రణకు ప్రాధాన్యం ఇస్తానని తెలిపారు. ప్రజలు తమ సమస్యలను నిర్భయంగా పోలీసులకు తెలియజేయాలని, పోలీసు-ప్రజల మధ్య సమన్వయంతో పనిచేస్తూ చట్టం అమలులో రాజీ ఉండదని ఆమె స్పష్టం చేశారు.