Blog

నందిపాడులో పోలీసుల అవగాహన కార్యక్రమం

దుత్తలూరు నందిపాడు Date 16-4-2026(ఉస్మాన్ పున్నమి ప్రతినిధి ) నందిపాడు సెంటర్‌లో పోలీసులు రోడ్డు భద్రతపై విస్తృత అవగాహన కార్యక్రమాన్ని నిర్వహించారు. ఈ కార్యక్రమంలో సర్కిల్ ఇన్స్పెక్టర్ (CI) వెంకటరావు గారు, సబ్ ఇన్స్పెక్టర్ (SI) ఆదిలక్ష్మి గారు పాల్గొని ప్రజలకు ట్రాఫిక్ నియమాలు, హెల్మెట్ వినియోగం, గంజాయి వంటి మాదక ద్రవ్యాల దుష్ప్రభావాలపై వివరించారు. ఈ సందర్భంగా పోలీసులు మాట్లాడుతూ, ద్విచక్ర వాహనదారులు తప్పనిసరిగా హెల్మెట్ ధరించాలని, ట్రాఫిక్ నియమాలను పాటించడం ద్వారా ప్రమాదాలను తగ్గించుకోవచ్చని తెలిపారు. దేశవ్యాప్తంగా కూడా ఇలాంటి అవగాహన కార్యక్రమాలు ప్రమాదాల తగ్గుదలకు దోహదపడుతున్నాయని అధికారులు పేర్కొన్నారు. అలాగే గంజాయి వంటి మత్తు పదార్థాల వినియోగం యువత భవిష్యత్తును నాశనం చేస్తుందని, వాటికి దూరంగా ఉండాలని సూచించారు. ఇటీవల రాష్ట్రంలో గంజాయి అక్రమ రవాణాపై పోలీసులు కఠిన చర్యలు తీసుకుంటున్న నేపథ్యంలో ప్రజలు కూడా సహకరించాలని కోరారు ఈ కార్యక్రమంలో స్థానిక యువకులు, గ్రామస్తులు పాల్గొని పోలీసుల సూచనలు శ్రద్ధగా విన్నారు. ప్రజల్లో చైతన్యం పెంచడం లక్ష్యంగా ఇలాంటి కార్యక్రమాలు కొనసాగుతాయని పోలీసులు తెలిపారు.

nagurusman
April 16, 2026
0 Comments
13 Views

అనకాపల్లి

ఇంటర్‌లో మెరిసిన రేపపోలవరం విద్యార్థులు.. అతిథ్యము హారులతో సత్కారం

అనకాపల్లి జిల్లా, ఏప్రిల్ 16 (పున్నమి న్యూస్ ప్రతినిధి): రేపపోలవరం గ్రామానికి చెందిన విద్యార్థులు ఇంటర్మీడియట్ ఫలితాల్లో ప్రతిభ కనబరచి గ్రామానికి గర్వకారణమయ్యారు. ఈ సందర్భంగా గ్రామ పెద్దలు, యువకులు విద్యార్థులను హారాలతో సత్కరించి అభినందించారు. ఉన్నత లక్ష్యాలతో ముందుకు సాగాలని సూచించారు. విద్యార్థుల కృషి, తల్లిదండ్రుల సహకారం వల్లే ఈ విజయాలు సాధ్యమయ్యాయని అన్నారు. భవిష్యత్తులో ఇంకా మంచి ఫలితాలు సాధించాలని ఆశాభావం వ్యక్తం చేశారు.

kundhuruanand
April 16, 2026
0 Comments
23 Views

News

దేశవ్యాప్తంగా జనగణనకు సిద్ధం – ప్రజలే వివరాలు నమోదు చేసుకునే సౌకర్యం

న్యూఢిల్లీ, ఏప్రిల్ 16 (పున్నమి న్యూస్): దేశవ్యాప్తంగా నిర్వహించనున్న జనగణన ప్రక్రియకు కేంద్ర ప్రభుత్వం కీలక మార్పులు తీసుకొచ్చింది. ఈసారి స్వీయ నమోదు (Self Enumeration) విధానాన్ని ప్రవేశపెట్టడంతో ప్రజలు తమ వివరాలను తామే ఆన్‌లైన్‌లో నమోదు చేసుకునే అవకాశం కల్పించారు. https://se.census.gov.in⁠� వెబ్‌సైట్ ద్వారా ఏప్రిల్ 16 నుంచి మే 30 వరకు నమోదు ప్రక్రియ కొనసాగుతుంది. మొబైల్ నంబర్‌కు OTP ద్వారా లాగిన్ అయి వివరాలు నమోదు చేయాలి. నమోదు పూర్తయిన తర్వాత ప్రత్యేక ID ఇవ్వబడుతుంది. గ్రామ, పట్టణ ప్రాంతాల్లో అధికారులు అవసరమైన సహాయం అందిస్తారు. ఈ విధానం ద్వారా సమయం ఆదా అవుతుందని, ఖచ్చితమైన డేటా లభిస్తుందని ప్రభుత్వం భావిస్తోంది. ప్రజలు ఈ అవకాశాన్ని వినియోగించుకోవాలని అధికారులు కోరుతున్నారు.

kundhuruanand
April 16, 2026
0 Comments
18 Views

అనకాపల్లి

అనకాపల్లి–అచ్యుతాపురం రోడ్డు నిర్లక్ష్యంపై హైకోర్టు ఉగ్రం

అనకాపల్లి, ఏప్రిల్ 16 (పున్నమి న్యూస్): అనకాపల్లి నుంచి అచ్యుతాపురం వరకు ఉన్న రహదారి దయనీయ స్థితిపై హైకోర్టు ఆగ్రహం వ్యక్తం చేసింది. టీడీఆర్ బాండ్ల ద్వారా కాంట్రాక్ట్ పొందిన సంస్థ పనులను సకాలంలో పూర్తి చేయకపోవడంతో ప్రజలు తీవ్ర ఇబ్బందులు ఎదుర్కొంటున్నారు. 2013లో ప్రారంభమైన ఈ ప్రాజెక్టు ఇప్పటికీ పూర్తి కాలేదని న్యాయస్థానం గమనించింది. రోజూ వేలాది వాహనాలు ప్రయాణించే ఈ మార్గంలో గుంతలు, దుమ్ము వల్ల ప్రమాదాలు పెరుగుతున్నాయి. సంబంధిత అధికారులు నిర్లక్ష్యంగా వ్యవహరించడాన్ని కోర్టు తప్పుబట్టింది. పనులను వేగవంతం చేసి ప్రజలకు ఇబ్బందులు లేకుండా చూడాలని ఆదేశించింది. స్థానిక ప్రజలు, వాహనదారులు త్వరితగతిన రోడ్డు పనులు పూర్తి చేయాలని కోరుతున్నారు

kundhuruanand
April 16, 2026
0 Comments
17 Views

అనకాపల్లి

విజయవాడలో టీడీపీ శిక్షణ తరగతులు

విజయవాడ, ఏప్రిల్ 16 (పున్నమి న్యూస్): రాష్ట్ర హోంమంత్రి వంగలపూడి అనిత ఆదేశాల మేరకు విజయవాడలో టీడీపీ కార్యాలయంలో నిర్వహించిన శిక్షణ తరగతులకు పార్టీ సీనియర్ నాయకులు, కార్యకర్తలు పెద్ద సంఖ్యలో హాజరయ్యారు. పార్టీ బలోపేతం, గ్రామస్థాయి నుంచి సంస్థాగత నిర్మాణంపై చర్చించారు. ప్రజా సమస్యలపై చురుకుగా స్పందించాలని నాయకులు సూచించారు. కార్యకర్తలు ప్రజలతో మమేకమై పార్టీ విధానాలను విస్తృతంగా ప్రచారం చేయాలని పిలుపునిచ్చారు. కార్యక్రమంలో పలువురు నాయకులు పాల్గొన్నారు.

kundhuruanand
April 16, 2026
0 Comments
18 Views

తూర్పు గోదావరి

గోదావరి గట్టు రోడ్డు పై చెత్త సంచుల గుట్టలు – ప్రమాదానికి నాంది పలుకుతున్న ప్రక్కిలంక మలుపు

పున్నమి ప్రతినిధి తాళ్లపూడి ప్రక్కిలంక, ఏప్రిల్ 16: ప్రక్కిలంక గ్రామంలో ఆంజనేయస్వామి గుడి సమీపంలోని మలుపు వద్ద రోడ్డు ప్రమాదకరంగా మారింది. రోడ్డు పక్కన కిందకు దిగే ప్రాంతంలో చెత్త సంచులు గుట్టలుగా పేరుకుపోవడంతో అక్కడి పరిస్థితి తీవ్రంగా ఆందోళన కలిగిస్తోంది.ముందుగా ఎటువంటి ప్రమాదం జరగకూడదని స్థానికుల సమాచారం ప్రకారం, రోడ్డు మలుపు వద్దనే ఈ సంచులు గుట్టలు ఉండడం వల్ల వాహనదారులకు దృష్టి మాయమవుతూ ప్రమాదాలకు అవకాశం పెరుగుతోంది. ముఖ్యంగా రాత్రి సమయాల్లో ఈ ప్రాంతం మరింత ప్రమాదకరంగా మారుతోంది. రోడ్డు పక్కన గట్టుగా పేరుకున్న సంచులు, వ్యర్థాలు ఎప్పుడైనా కిందకు జారిపడే ప్రమాదం కూడా ఉందని వారు ఆందోళన వ్యక్తం చేస్తున్నారు. గ్రామస్థులు సంబంధిత అధికారులను కోరుతూ, ఈ చెత్తను తక్షణమే తొలగించి రహదారిని శుభ్రపరచాలని విజ్ఞప్తి చేస్తున్నారు. భవిష్యత్తులో ఇలాంటి సమస్యలు మళ్లీ తలెత్తకుండా చర్యలు తీసుకోవాలని కూడా వారు సూచిస్తున్నారు. ఈ పరిస్థితిపై సంబంధిత శాఖలు వెంటనే స్పందించి, ప్రమాదాలకు తావు లేకుండా చర్యలు తీసుకోవాలని ప్రజలు కోరుతున్నారు.

chandumusunuri
April 16, 2026
0 Comments
15 Views

ఖమ్మం

మట్టి ముద్దును చూసి మనిషి నేర్చుకోవలసిన జీవిత సత్యం.

మట్టి లేకుండా మనిషికి నిలబడే స్థానం లేదు అనే గర్వం తనకు ఉండదు, కానీ అదే సమయంలో కంఫర్ట్‌లోనే ఉండిపోవడం సరికాదు. మట్టిముద్ద మనకు ఒక గొప్ప పాఠం చెబుతుంది—అది తన స్థలం వదిలి, ఎవరైతే మలుస్తారో వారి చేతిలోకి వెళ్లి, ఎంత కష్టాలు పెట్టినా భరిస్తూ, తనను కొత్త రూపంలోకి మార్చుకుంటుంది. ఆ సహనం, మార్పు వల్లనే అది కుండలు, పాత్రలు, పూలదానాలుగా మారి మనకు ఆనందాన్ని అందిస్తుంది. ఆ పాత్రల్లో పూలను చూసినప్పుడు మనసుకు ప్రశాంతత, ఆహ్లాదం కలుగుతుంది. బయటకు సాధారణంగా కనిపించినా, వాటి వెనుక ఉన్న కష్టం వాటి విలువను తెలియజేస్తుంది. మనం వాటిని ఎంత ప్రేమిస్తామో, అవి అంతకాలం మన జీవితాన్ని ఆనందంతో నింపుతాయి.

bvijayakumari
April 16, 2026
0 Comments
26 Views

రాజన్న సిరిసిల్ల

ఎండ తీవ్రత నుంచి ఉపశమనం కోసం ఉచిత మజ్జిగ పంపిణీ

ఇల్లంతకుంట. ఏప్రిల్ 16 , పున్నమి ప్రతినధి రాజన్న సిరిసిల్ల జిల్లా ఇల్లంతకుంట మండల కేంద్రంలో ఎండ తీవ్రతతో ఇబ్బందులు పడుతున్న ప్రజలకు ఉపశమనం కలిగించేందుకు బెంద్రం తిరుపతి రెడ్డి ఆధ్వర్యంలో ఉచిత మజ్జిగ పంపిణీ కార్యక్రమం నిర్వహించారు. మండలానికి వచ్చే వేలాది మంది ప్రజలు ఎండ వేడి నుంచి కొంత ఉపశమనం పొందేందుకు BTR (Bendram Thirupati Reddy) ఫౌండేషన్ ద్వారా ఈ కార్యక్రమాన్ని చేపట్టినట్లు తెలిపారు. ఈ సందర్భంగా పలువురు ప్రజలు మజ్జిగ తీసుకుని నిర్వాహకులకు కృతజ్ఞతలు తెలిపారు. ఈ కార్యక్రమంలో ఫౌండేషన్ ఉపాధ్యక్షులు బొల్లారం ప్రసన్న కుమార్, బొల్లం రాంసాగర్, కమల్ల ఎల్లెష్, మ్యకల మల్లేశం, దూది వెంకట్ రెడ్డి, చిత్యాల శ్రీనివాస్ తదితరులు పాల్గొన్నారు.

balakishansiddula
April 16, 2026
0 Comments
8 Views

E-పేపర్

11వ వార్డులో నీటి సమస్యకు శాశ్వత పరిష్కారం!

11వ వార్డులో నీటి సమస్యకు శాశ్వత పరిష్కారం! కొత్త మోటారు ఏర్పాటు – కాలనీ ప్రజల కష్టాలకు ముగింపు పున్నమి న్యూస్ ప్రతినిధి 16 ఏప్రిల్ 2026 రంగారెడ్డి జిల్లా ఇబ్రహీంపట్నం నియోజకవర్గం ఇంచార్జ్ : రంగారెడ్డి జిల్లా ఇబ్రహీంపట్నం నియోజకవర్గం యాచారం మండలంలోని మేడిపల్లి నక్కర్త లో 11వ వార్డులో చాలా కాలంగా నెలకొన్న నీటి కొరత సమస్యతో ప్రజలు తీవ్ర ఇబ్బందులు పడుతున్నారు. తాగునీరు కోసం రోజూ గంటల తరబడి ఎదురుచూడాల్సిన పరిస్థితి నెలకొంది. ఈ సమస్యపై పలుమార్లు స్థానిక ప్రజలు అధికారుల దృష్టికి తీసుకెళ్లినా సరైన పరిష్కారం లభించలేదు. ఇలాంటి క్లిష్ట పరిస్థితిలో ప్రజల బాధలను అర్థం చేసుకున్న 11వ వార్డు సభ్యులు వంగూరి మనోహర్ & జంగయ్య సమస్యను సీరియస్‌గా తీసుకుని వెంటనే చర్యలు చేపట్టారు. కాలనీ పరిస్థితిని పరిశీలించి, అవసరమైన ఏర్పాట్లు చేసి కొత్త మోటారు ఏర్పాటు చేయించారు. ఈ కొత్త మోటారు ఏర్పాటు వల్ల ఇప్పుడు కాలనీకి సమృద్ధిగా నీటి సరఫరా జరుగుతోంది. చాలా కాలంగా నీటి కోసం పడిన కష్టాలు ఒక్కసారిగా తీరడంతో ప్రజలు ఆనందం వ్యక్తం చేస్తున్నారు. స్థానిక ప్రజలు మాట్లాడుతూ – “ఇంత త్వరగా స్పందించి మా సమస్యను పరిష్కరించిన మా వార్డు సభ్యులకు కృతజ్ఞతలు” అని తెలిపారు. వారి సేవాభావం, ప్రజల పట్ల ఉన్న నిబద్ధతకు అభినందనలు వెల్లువెత్తుతున్నాయి. “ప్రజల సమస్యలపై వెంటనే స్పందించి పరిష్కారం చూపే నాయకత్వం ఇదే!” 11వ వార్డు ప్రజల తరఫున వంగూరి మనోహర్ & జంగయ్య కి హృదయపూర్వక ధన్యవాదాలు

adurgaiah
April 16, 2026
0 Comments
59 Views

రాజన్న సిరిసిల్ల

బీసీ సాధికారిక సంఘం జిల్లా సోషల్ మీడియా ఉపాధ్యక్షుడిగా నాళ్ల చారి నియామకం

రాజన్న సిరిసిల్ల జిల్లా ఏప్రిల్ 16 , పున్నమి ప్రతినిధి బీసీ సాధికారిక సంఘం రాజన్న సిరిసిల్ల జిల్లా సోషల్ మీడియా ఉపాధ్యక్షుడిగా నాళ్ల చారిని నియమించినట్లు స్టేట్ యూత్ వర్కింగ్ ప్రెసిడెంట్ మెంగని మనోహర్ తెలిపారు. ఈ సందర్భంగా నాళ్ల చారి మాట్లాడుతూ తనపై నమ్మకం ఉంచి బాధ్యతలు అప్పగించిన రాష్ట్ర అధ్యక్షుడు కొండ దేవయ్య, ఉత్తర తెలంగాణ అధ్యక్షుడు పొలాస నరేందర్, మెంగని మనోహర్‌లకు కృతజ్ఞతలు తెలిపారు. ఎస్సీ, ఎస్టీ, బీసీ, మైనార్టీల ఐక్యత కోసం సోషల్ మీడియా వేదికగా పనిచేస్తూ, బీసీలకు 42 శాతం రిజర్వేషన్ సాధించే వరకు పోరాటం కొనసాగిస్తామని పేర్కొన్నారు. మెంగని మనోహర్ మాట్లాడుతూ రాష్ట్రవ్యాప్తంగా పర్యటనలు చేపట్టి, వివిధ జిల్లాల్లో సమావేశాలు నిర్వహిస్తూ సామాజిక వర్గాల హక్కుల సాధనకు కృషి చేస్తామని చెప్పారు. బీసీ హక్కుల కోసం అందరూ ఐక్యంగా ముందుకు రావాలని పిలుపునిచ్చారు. ఈ కార్యక్రమంలో నరసింహులు, కోడే శ్రీనివాస్, అక్కపెల్లి సంతోష్, విద్యాధర్, తుమ్మనపల్లి శేఖర్, సంజీవ్, సుద్దాల దేవయ్య, సురోజుల నరేంద్ర చారి తదితరులు పాల్గొన్నారు.

balakishansiddula
April 16, 2026
0 Comments
17 Views

1
…
9
10
11
12
13
…
1,336

Contact Info

Some Populer Post

Contact Info

follow us

About Us

Top Categories​

Top Categories