తిరుపతి, ఆగస్టు 22 పున్నమి ప్రతినిధి
శ్రీ వెంకటేశ్వర స్వామివారి అనుగ్రహంతో మన తిరుపతి ప్రెస్ క్లబ్ ఆధ్వర్యంలో ప్రతి శనివారం నిర్వహిస్తున్న అన్నదాన సేవా కార్యక్రమంలో భాగంగా శనివారం సాయంత్రం తిరుపతి టీ.కె. స్ట్రీట్ సమీపంలోని కొత్త వీధి వద్ద భక్తులకు అన్నప్రసాద వితరణ కార్యక్రమం నిర్వహించారు.
ఈ సందర్భంగా భక్తులు పెద్ద సంఖ్యలో పాల్గొని అన్నప్రసాదాన్ని స్వీకరించారు.
మన తిరుపతి ప్రెస్ క్లబ్ అధ్యక్షులు గొడ్డిండ్ల వెంకటేశ్వర్లు ఆధ్వర్యంలో కొనసాగుతున్న ఈ సేవా కార్యక్రమానికి శ్రీ కె. రూపేంద్ర నాయుడు అన్నదాతగా సహకరించారు.
“సేవే లక్ష్యం – సమాజమే స్ఫూర్తి” అనే నినాదంతో ప్రజా సమస్యలను వెలుగులోకి తీసుకురావడంతో పాటు, సామాజిక సేవా కార్యక్రమాలను నిరంతరం కొనసాగిస్తున్నామని ప్రెస్ క్లబ్ ప్రతినిధులు తెలిపారు. దాతల సహకారంతో ప్రతి శనివారం అన్నదాన కార్యక్రమాన్ని మరింత విస్తృతంగా నిర్వహిస్తున్నామని పేర్కొన్నారు.
ఈ కార్యక్రమంలో ప్రెస్ క్లబ్ ఫౌండర్ తపసి మురళి రెడ్డి, వైస్ ప్రెసిడెంట్ తుమ్మల వెంకట్రావు, వైస్ ప్రెసిడెంట్ పొన్నా రవికుమార్, గౌరవ అధ్యక్షులు గుండ్రాజు సుకుమార్, సభ్యులు అనిల్ కుమార్, శ్రీ కల్యాణ వెంకటేశ్వర స్వామి దేవస్థానం ధర్మకర్త వినోద్ రాయల్, అన్నదాత రుపేంద్ర నాయుడు గారి సతీమణి, నీరజ, నాగవేణి అమ్మ, ఆదిత్య, తదితరులు పాల్గొన్నారు.
