వెంకటాచలంలో పల్లెవీక్షణ.. ప్రజా సమస్యలపై ఎమ్మెల్యే, కలెక్టర్ దృష్టి

ఎస్పీఎస్ఆర్ నెల్లూరు జిల్లా జూలై 23 (పున్నమి ప్రతినిధి) వెంకటాచలం మండలంలో నిర్వహించిన పల్లెవీక్షణ కార్యక్రమంలో సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి, జిల్లా కలెక్టర్ హిమాన్షు శుక్లా గ్రామంలో పర్యటించి ఉపాధి హామీ పనులు, తాగునీటి పథకం, సామాజిక ఆరోగ్య కేంద్రం, అంగన్‌వాడీ కేంద్రం, చెత్త నుంచి సంపద తయారీ కేంద్రాన్ని పరిశీలించారు. అనంతరం ప్రజల నుంచి అర్జీలు స్వీకరించి సమస్యల పరిష్కారానికి అధికారులకు ఆదేశాలు జారీ చేశారు. త్వరలో రాజకీయాలకు అతీతంగా పేదలకు ఇళ్ల స్థలాలు పంపిణీ చేస్తామని ఎమ్మెల్యే తెలిపారు. నెల రోజుల్లో పంపిణీ ప్రక్రియ ప్రారంభిస్తామని కలెక్టర్ వెల్లడించారు.