ఏపీపీఎస్సీ డిప్యూటీ ఎడ్యుకేషనల్ ఆఫీసర్ పోస్టులకు తుది ఎంపిక ప్రకటన

విశాఖపట్నం జిల్లా, (పున్నమి ప్రతినిధి) సెప్టెంబర్ 3 ::: ఆంధ్రప్రదేశ్ పబ్లిక్ సర్వీస్ కమిషన్ (APPSC) ఆధ్వర్యంలో డిప్యూటీ ఎడ్యుకేషనల్ ఆఫీసర్ (DYEO) పోస్టుల భర్తీకి సంబంధించి నోటిఫికేషన్ నెం. 14/2023కు సంబంధించిన తుది ఎంపిక ప్రకటన విడుదలైంది. ఈ పోస్టుల కోసం 2025 మార్చి 26, 27 తేదీల్లో పరీక్షలు నిర్వహించారు. అనంతరం అభ్యర్థులకు 2026 జూలై 20న, సెప్టెంబర్ 2న సర్టిఫికెట్ వెరిఫికేషన్ మరియు కంప్యూటర్ ప్రొఫిషియెన్సీ టెస్ట్ (CPT) నిర్వహించారు. 🔹 మొత్తం 38 మంది తాత్కాలిక ఎంపిక తుది ఎంపిక ప్రక్రియలో భాగంగా మొత్తం 38 మంది అభ్యర్థులను తాత్కాలికంగా ఎంపిక చేసినట్లు APPSC ప్రకటించింది. జోన్–I : 7 మంది జోన్–II : 12 మంది జోన్–III : 8 మంది జోన్–IV : 11 మంది ఈ తుది ఎంపిక ప్రకటనతో డిప్యూటీ ఎడ్యుకేషనల్ ఆఫీసర్ (DYEO) నియామక ప్రక్రియ పూర్తయినట్లు APPSC వెల్లడించింది. అయితే, తుది ఎంపిక కొన్ని కోర్టు కేసులకు సంబంధించిన తీర్పులకు లోబడి ఉంటుందని స్పష్టం చేసింది. తేదీ: 02–09–2026