అనకాపల్లి జిల్లా, ఆగస్టు 12 (పున్నమి న్యూస్ ప్రతినిధి):
యలమంచిలి నియోజకవర్గ అభివృద్ధి, ప్రజా సమస్యల పరిష్కారమే లక్ష్యంగా పనిచేస్తున్నామని ఎమ్మెల్యే సుందరపు విజయ్ కుమార్ తెలిపారు. బుధవారం జడ్పీ గెస్ట్హౌస్లో నిర్వహించిన విలేకరుల సమావేశంలో ఆయన మాట్లాడారు. ఏటికొప్పాక లక్కబొమ్మలకు అంతర్జాతీయ గుర్తింపు తీసుకురావడంతో పాటు కళాకారులకు మరిన్ని అవకాశాలు కల్పిస్తామన్నారు. ఏటికొప్పాకను ప్రత్యేక పర్యాటక గ్రామంగా అభివృద్ధి చేసేందుకు చర్యలు చేపడుతున్నట్లు తెలిపారు. ఈ నేపథ్యంలో జిల్లా కలెక్టర్ శ్రీమతి విజయ కృష్ణన్, IASతో కలిసి ఏటికొప్పాక గ్రామాన్ని పరిశీలించి, పర్యాటక ప్రాజెక్టుకు అవసరమైన స్థలాలు, భూసేకరణ అవకాశాలను పరిశీలించినట్లు పేర్కొన్నారు. సుమారు రూ.6–7 కోట్ల అంచనా వ్యయంతో షాపింగ్ ప్రాంగణాలు, భోజనశాలలు, కళల శిక్షణ కేంద్రాలు ఏర్పాటు చేయనున్నట్లు తెలిపారు. అంకుడు కర్రల కొరత నివారణకు ప్రత్యేక చర్యలు చేపట్టామని ఎమ్మెల్యే వెల్లడించారు.
Uploaded Video:
