Ramesh Naidu Archives

బీసీలను ప్రోత్సహించిన ఘనత టీడీపీదే

బీసీలంతా ఐక్యంగా ఉండాలి: ఎమ్మెల్యే నల్లమిల్లి మండపేట, సెప్టెంబరు 27 (పున్నమి ప్రతినిధి): బీసీలను పెద్ద ఎత్తున ప్రోత్సహించిన ఘనత తెలుగుదేశం పార్టీకి ఉందని అనపర్తి ఎమ్మెల్యే నల్లమిల్లి రామకృష్ణారెడ్డి పేర్కొన్నారు. బీసీలంతా ఐకమత్యంగా ఉండి తమ హక్కులు, అభివృద్ధి కోసం సమష్టిగా కృషి చేయాలని ఆయన సూచించారు. మండపేట నియోజకవర్గం ఏడిదలోని వాసవి ఫంక్షన్‌ హాల్‌లో జాతీయ బీసీ సంఘం మండపేట నియోజకవర్గ అధ్యక్షుడు, కార్యవర్గ సభ్యుల ప్రమాణ స్వీకార మహోత్సవం నిర్వహించారు. ఈ కార్యక్రమానికి ఎంపీ ఆర్. కృష్ణయ్యతో కలిసి ఎమ్మెల్యే నల్లమిల్లి రామకృష్ణారెడ్డి హాజరయ్యారు. నూతనంగా బాధ్యతలు స్వీకరించిన బీసీ సంఘం నాయకులు, కార్యవర్గ సభ్యులకు ఆయన అభినందనలు తెలిపారు.

sirisipallichinnarameshbabu
September 27, 2026
0 Comments
10 Views

తూర్పు గోదావరి

పెడపర్తిలో ‘మన్ కీ బాత్’ వీక్షించిన ఎమ్మెల్యే నల్లమిల్లి

పెడపర్తి, సెప్టెంబరు 27 (పున్నమి ప్రతినిధి): ప్రధానమంత్రి నరేంద్ర మోదీ నిర్వహించే ‘మన్ కీ బాత్’ కార్యక్రమాన్ని అనపర్తి ఎమ్మెల్యే నల్లమిల్లి రామకృష్ణారెడ్డి ఆదివారం పెడపర్తిలో వీక్షించారు. బీజేపీ నాయకుడు సబ్బెళ్ల సత్తిరెడ్డి (ఎస్‌ఎస్) నివాసంలో ఏర్పాటు చేసిన కార్యక్రమంలో ఎమ్మెల్యేతో పాటు బీజేపీ నాయకులు, కార్యకర్తలు పాల్గొన్నారు. ప్రధానమంత్రి ప్రసంగంలోని అంశాలను నాయకులు, కార్యకర్తలు ఆసక్తిగా వీక్షించారు. ఈ సందర్భంగా కేంద్ర ప్రభుత్వ కార్యక్రమాలు, ప్రజా సంక్షేమ అంశాలపై ప్రసంగంలో ప్రస్తావించిన విషయాలను వారు పరిశీలించారు.

sirisipallichinnarameshbabu
September 27, 2026
0 Comments
1 Views

తూర్పు గోదావరి

కుమ్మరి వీధిలో గణపతిని దర్శించుకున్న ఎమ్మెల్యే నల్లమిల్లి

అనపర్తి, సెప్టెంబరు 27 (పున్నమి ప్రతినిధి): అనపర్తి పట్టణంలోని కుమ్మరి వీధిలో వినాయక చవితి మహోత్సవాలను పురస్కరించుకుని నిర్వహించిన అన్న సమారాధన కార్యక్రమంలో ఎమ్మెల్యే నల్లమిల్లి రామకృష్ణారెడ్డి పాల్గొని శ్రీ గణపతిని దర్శించుకున్నారు. ఈ సందర్భంగా ప్రత్యేక పూజలు నిర్వహించి స్వామివారి ఆశీస్సులు పొందారు. కార్యక్రమంలో అనపర్తి టౌన్ కూటమి నాయకులు, కార్యకర్తలు పాల్గొన్నారు.

sirisipallichinnarameshbabu
September 27, 2026
0 Comments
12 Views

తూర్పు గోదావరి

స్థానిక ఎన్నికల్లో వందశాతం విజయమే కూటమి లక్ష్యం

రాజమహేంద్రవరం, సెప్టెంబరు 26 (పున్నమి ప్రతినిధి): స్థానిక సంస్థల ఎన్నికల్లో కూటమి వందశాతం విజయాలు సాధించడమే లక్ష్యంగా నాయకులు, కార్యకర్తలు సమన్వయంతో పనిచేయాలని అనపర్తి ఎమ్మెల్యే నల్లమిల్లి రామకృష్ణారెడ్డి పిలుపునిచ్చారు. రాజమహేంద్రవరంలోని షెల్టన్ హోటల్‌లో టీడీపీ, బీజేపీ, జనసేన సమన్వయ సమావేశంలో ఆయన మాట్లాడారు. గ్రామస్థాయి నుంచి పట్టణాల వరకు స్థానిక పరిస్థితులను బేరీజు వేసుకుని అభ్యర్థుల ఎంపిక, పార్టీల మధ్య సమన్వయం చేపట్టాలని సూచించారు. చిన్నపాటి విభేదాలు అసంతృప్తికి దారితీయకుండా నాయకులు తక్షణమే స్పందించాలని కోరారు. కూటమి నేతలు 24 గంటలూ అందుబాటులో ఉండి సమస్యలను పరిష్కరించాలని, ఐక్యతతో పనిచేసి వందశాతం విజయాల దిశగా ముందుకు సాగాలని నల్లమిల్లి అన్నారు. సమావేశంలో ఎమ్మెల్సీ సోము వీర్రాజు, ఎమ్మెల్యేలు ఆదిరెడ్డి వాసు, బత్తుల బలరామకృష్ణ తదితరులు పాల్గొన్నారు.

sirisipallichinnarameshbabu
September 26, 2026
0 Comments
12 Views

తూర్పు గోదావరి

608 మందికి రూ.5.10 కోట్ల సీఎం రిలీఫ్ ఫండ్

అనపర్తి, సెప్టెంబరు 26 (పున్నమి ప్రతినిధి): అనపర్తి నియోజకవర్గంలో వైద్య చికిత్స కోసం ఆర్థిక ఇబ్బందులు ఎదుర్కొంటున్న వారికి ముఖ్యమంత్రి సహాయ నిధి (సీఎంఆర్‌ఎఫ్) ద్వారా అండగా నిలుస్తున్నట్లు ఎమ్మెల్యే నల్లమిల్లి రామకృష్ణారెడ్డి తెలిపారు. అనపర్తి మండలం రామవరంలో శనివారం 84 మంది లబ్ధిదారులకు రూ.43 లక్షల విలువైన సీఎం రిలీఫ్ ఫండ్ చెక్కులను ఎమ్మెల్యే పంపిణీ చేశారు. లబ్ధిదారులతో మాట్లాడి వారి ఆరోగ్య పరిస్థితులను అడిగి తెలుసుకున్నారు. ఇప్పటివరకు నియోజకవర్గవ్యాప్తంగా 608 మంది లబ్ధిదారులకు మొత్తం రూ.5.10 కోట్ల మేర సీఎం రిలీఫ్ ఫండ్ ద్వారా వైద్య సహాయం అందించినట్లు ఎమ్మెల్యే తెలిపారు. పేద, మధ్యతరగతి కుటుంబాలకు ఖరీదైన వైద్య చికిత్సల సమయంలో ఈ ఆర్థిక సహాయం ఎంతో తోడ్పాటునందిస్తోందన్నారు. అర్హులైన ప్రతి ఒక్కరికీ ప్రభుత్వ సంక్షేమ పథకాల ప్రయోజనాలు అందేలా కృషి చేస్తామని పేర్కొన్నారు. కార్యక్రమంలో అనపర్తి నియోజకవర్గ కూటమి నాయకులు, కార్యకర్తలు పాల్గొన్నారు.

sirisipallichinnarameshbabu
September 26, 2026
0 Comments
15 Views

తూర్పు గోదావరి

చెరువులు జలకళ సంతరించుకోవడంతో రంగంపేటలో జలహారతి

రంగంపేట, సెప్టెంబరు 26 (పున్నమి ప్రతినిధి): ఇటీవల కురిసిన భారీ వర్షాలతో రంగంపేట మండలంలోని చెరువులు నిండడంతో ఎమ్మెల్యే నల్లమిల్లి రామకృష్ణారెడ్డి ఆధ్వర్యంలో జలహారతి కార్యక్రమం నిర్వహించారు. ఎమ్మెల్యే నల్లమిల్లి, కూటమి నేతలు చెరువుల వద్ద ప్రత్యేక పూజలు నిర్వహించి ప్రకృతికి కృతజ్ఞతలు తెలిపారు. ఈ సందర్భంగా ఎమ్మెల్యే మాట్లాడుతూ ఎల్‌నినో ప్రభావంతో గతంలో మండల ప్రజలు తాగునీరు, సాగునీటికి ఇబ్బందులు ఎదుర్కొన్నారని తెలిపారు. తాజా వర్షాలతో నీటి కష్టాలు కొంతమేర తొలగిపోయాయని, చెరువులు నిండటంతో సాగు, తాగునీటికి భరోసా ఏర్పడిందన్నారు. వర్షాలు రంగంపేట మండలానికి వరంగా మారగా, ఇతర ప్రాంతాల్లో మాత్రం ఇబ్బందులు ఎదురయ్యాయని పేర్కొన్నారు. ప్రకృతిని ఎవరూ శాసించలేరని, లభించిన నీటిని జాగ్రత్తగా వినియోగించుకోవాల్సిన బాధ్యత ప్రతి ఒక్కరిపై ఉందన్నారు. రానున్న కాలంలో నీటిని పొదుపుగా వినియోగించుకోవడంతో పాటు పశువులకు తాగునీటి కొరత లేకుండా చూడాలని ప్రజలకు సూచించారు. నీటి సమస్య పరిష్కారానికి కృషి చేసిన అధికారులు, కలెక్టర్‌ను ఎమ్మెల్యే అభినందించారు. కార్యక్రమంలో కూటమి నాయకులు, కార్యకర్తలు, మహిళలు, అధికారులు పాల్గొన్నారు.

sirisipallichinnarameshbabu
September 26, 2026
0 Comments
16 Views

తూర్పు గోదావరి

రాయవరంలో విశ్వం వాయిస్ కార్యాలయం ఘన ప్రారంభం

రాయవరం, సెప్టెంబరు 26 (పున్నమి ప్రతినిధి): మండపేట నియోజకవర్గం రాయవరం మండలంలో విశ్వం వాయిస్ దినపత్రిక మండల కార్యాలయాన్ని అనపర్తి ఎమ్మెల్యే నల్లమిల్లి రామకృష్ణారెడ్డి, పాస్టర్ ప్రసాద్ రెడ్డి శనివారం ప్రారంభించారు. ఈ సందర్భంగా పత్రిక యాజమాన్యానికి శుభాకాంక్షలు తెలిపారు. అనంతరం విశ్వం వాయిస్ విలేకరులకు ఎమ్మెల్యే నల్లమిల్లి రామకృష్ణారెడ్డి హెల్మెట్లను అందజేశారు. జర్నలిస్టులు విధి నిర్వహణలో భద్రతా ప్రమాణాలను పాటిస్తూ ప్రజలకు సమాచారం అందించాలని ఆయన ఆకాంక్షించారు. కార్యక్రమంలో అనపర్తి నియోజకవర్గ కూటమి నాయకులు, కార్యకర్తలు పాల్గొన్నారు.

sirisipallichinnarameshbabu
September 26, 2026
0 Comments
12 Views

తూర్పు గోదావరి

దేవానందబాబాకు ఎమ్మెల్యే నల్లమిల్లి శుభాకాంక్షలు

అనపర్తి, సెప్టెంబరు 26 (పున్నమి ప్రతినిధి): పొలమూరులో తూర్పుగోదావరి జిల్లా టీడీపీ సాంస్కృతిక విభాగం అధ్యక్షుడు సత్తి దేవానందబాబా జన్మదిన వేడుకలు ఘనంగా నిర్వహించారు. ఈ సందర్భంగా అనపర్తి ఎమ్మెల్యే నల్లమిల్లి రామకృష్ణారెడ్డి కేక్ కట్ చేయించి దేవానందబాబాకు జన్మదిన శుభాకాంక్షలు తెలిపారు. పొలమూరు, రామవరం, అనపర్తి ప్రాంతాలకు చెందిన కూటమి నాయకులు, కార్యకర్తలు వేడుకల్లో పాల్గొని ఆయనకు శుభాకాంక్షలు తెలియజేశారు.

sirisipallichinnarameshbabu
September 26, 2026
0 Comments
2 Views

తూర్పు గోదావరి

దొంతమూరులో దాడిపై ఎమ్మెల్యే నల్లమిల్లి ఆగ్రహం

అనపర్తి, సెప్టెంబరు 26 (పున్నమి ప్రతినిధి): దొంతమూరులో వైసీపీ నాయకుల దాడిలో గాయపడిన టీడీపీ నాయకులు ఉద్దండరావు శ్రీనివాస్, దుగ్గన్న త్రిమూర్తులు, దుగ్గన్న పుల్లయ్యలను అనపర్తి ఏరియా ఆసుపత్రిలో ఎమ్మెల్యే నల్లమిల్లి రామకృష్ణారెడ్డి పరామర్శించారు. దాడిని తీవ్రంగా ఖండించిన ఆయన, నిందితులపై చట్టపరంగా కఠిన చర్యలు తీసుకోవాలని పోలీసులను కోరారు. ఘటనలో కానిస్టేబుల్ శ్రీధర్ వ్యవహారంపైనా సమగ్ర విచారణ జరిపి చర్యలు తీసుకోవాలని ఎస్పీని కోరినట్లు తెలిపారు. బాధితులకు న్యాయం జరిగేలా చర్యలు చేపట్టాలని డిమాండ్ చేశారు. ఘటనను మాజీ ఎమ్మెల్యే సూర్యనారాయణరెడ్డి వక్రీకరిస్తున్నారని నల్లమిల్లి ఆరోపించారు.

sirisipallichinnarameshbabu
September 26, 2026
0 Comments
25 Views

తూర్పు గోదావరి

ముంపు బాధితులకు ఎమ్మెల్యే నల్లమిల్లి భరోసా

పెదపూడి, సెప్టెంబరు 25 (పున్నమి ప్రతినిధి): భారీ వర్షాలతో పెదపూడి మండలంలోని పలు గ్రామాల్లో ఏర్పడిన ముంపు పరిస్థితులను అనపర్తి ఎమ్మెల్యే నల్లమిల్లి రామకృష్ణారెడ్డి శుక్రవారం క్షేత్రస్థాయిలో పరిశీలించారు. గొల్లల మామిడాడ, పెదపూడి, దోమాడ, ఏపీ త్రయం, రామేశ్వరం తదితర గ్రామాల్లో ముంపునకు గురైన పంట పొలాలను పరిశీలించి రైతులను పరామర్శించారు. ఏపీ త్రయం, రామేశ్వరం గ్రామాల్లోని జగనన్న కాలనీల్లో నాలుగు అడుగుల మేర నీట మునిగిన ఇళ్లు, రోడ్లను పరిశీలించారు. బాధిత రైతులు, ప్రజలకు అండగా ఉంటామని, అవసరమైన సహాయం అందిస్తామని ఎమ్మెల్యే భరోసా ఇచ్చారు. ముంపు ప్రాంతాల్లో పరిస్థితులను ఎప్పటికప్పుడు పర్యవేక్షించి సహాయక చర్యలు చేపట్టాలని అధికారులను ఆదేశించారు. కార్యక్రమంలో ఎంపీడీవో, తహసీల్దార్, అధికారులు, కూటమి నాయకులు, కార్యకర్తలు పాల్గొన్నారు.

sirisipallichinnarameshbabu
September 25, 2026
0 Comments
8 Views

Contact Info

Some Populer Post

Contact Info

Tag: Ramesh Naidu

follow us

About Us

Top Categories​

Subscribe

Top Categories