Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Ramesh Naidu

తూర్పు గోదావరి

కొవ్వూరు జెడ్పీటీసీ అభ్యర్థి పెరుగు పోతురాజు మర్యాదపూర్వక భేటీ

కొవ్వూరు, అక్టోబరు 27 (పున్నమి ప్రతినిధి): స్థానిక సంస్థల ఎన్నికల నేపథ్యంలో కూటమి బలపరిచిన కొవ్వూరు జెడ్పీటీసీ బీజేపీ అభ్యర్థి పెరుగు పోతురాజు పలువురు కూటమి నేతలను మర్యాదపూర్వకంగా కలిశారు. అనపర్తి ఎమ్మెల్యే నల్లమిల్లి రామకృష్ణారెడ్డి, తూర్పుగోదావరి జిల్లా బీజేపీ అధ్యక్షుడు పిక్కి నాగేంద్ర సమక్షంలో కొవ్వూరు ఎమ్మెల్యే ముప్పిడి వెంకటేశ్వరరావు, జనసేన పార్టీ నియోజకవర్గ ఇన్‌చార్జి టీవీ రామారావును కలిశారు. ఈ కార్యక్రమంలో తూర్పుగోదావరి జిల్లా బీజేపీ ముఖ్య నాయకులు పాల్గొన్నారు.

తూర్పు గోదావరి

బీజేపీ రాష్ట్ర అధ్యక్షుడు మాధవ్‌తో ఎమ్మెల్యే నల్లమిల్లి భేటీ

కొవ్వూరు, అక్టోబరు 27 (పున్నమి ప్రతినిధి): స్థానిక సంస్థల ఎన్నికల నేపథ్యంలో బీజేపీ రాష్ట్ర అధ్యక్షుడు పీవీఎన్‌ మాధవ్‌తో అనపర్తి ఎమ్మెల్యే నల్లమిల్లి రామకృష్ణారెడ్డి సమావేశమయ్యారు. కొవ్వూరులో జరిగిన ఈ భేటీలో వివిధ అంశాలపై చర్చించారు. ఈ కార్యక్రమంలో తూర్పుగోదావరి జిల్లా బీజేపీ అధ్యక్షుడు పిక్కి నాగేంద్రతో పాటు జిల్లా బీజేపీ ముఖ్య నాయకులు పాల్గొన్నారు.

తూర్పు గోదావరి

పెదపూడి పాస్టర్స్ ఫెలోషిప్ సభ్యులతో ఎమ్మెల్యే నల్లమిల్లి సమావేశం

పెదపూడి, అక్టోబరు 27 (పున్నమి ప్రతినిధి): స్థానిక సంస్థల ఎన్నికల్లో కూటమి అభ్యర్థులకు మద్దతు తెలిపి అభివృద్ధికి సహకరించాలని అనపర్తి ఎమ్మెల్యే నల్లమిల్లి రామకృష్ణారెడ్డి కోరారు. పెదపూడిలో మండల పాస్టర్స్ ఫెలోషిప్ అసోసియేషన్ సభ్యులతో సమావేశమై, కూటమి ప్రభుత్వం రెండున్నరేళ్లలో చేపట్టిన అభివృద్ధి, సంక్షేమ కార్యక్రమాలను వివరించారు. గతంలో రహదారుల దుస్థితితో ప్రజలు ఇబ్బందులు పడగా, ప్రస్తుతం గ్రామాలకు లింక్‌ రోడ్లను మెరుగుపరిచినట్లు తెలిపారు. మౌలిక సదుపాయాల కల్పనతో పాటు సంక్షేమం, పరిశ్రమల అభివృద్ధికి ప్రభుత్వం కృషి చేస్తోందన్నారు. స్థానిక సంస్థల్లోనూ కూటమి అభ్యర్థులను గెలిపిస్తే మరింత అభివృద్ధి సాధ్యమవుతుందని పేర్కొన్నారు. పెదపూడి మండల జెడ్పీటీసీ అభ్యర్థిగా జనసేన తరఫున పోటీ చేస్తున్న రావాడ నాగుకు గాజు గుర్తుపై, ఎంపీటీసీ అభ్యర్థులకు వారి వారి ఎన్నికల గుర్తులపై ఓటు వేసి మద్దతు తెలపాలని ఎమ్మెల్యే కోరారు. మండలంలో 20 మంది ఎంపీటీసీ అభ్యర్థులు పోటీలో ఉన్నట్లు తెలిపారు. ఈ సమావేశంలో జెడ్పీటీసీ, ఎంపీటీసీ కూటమి అభ్యర్థులు, పాస్టర్స్ ఫెలోషిప్ అసోసియేషన్ సభ్యులు, కూటమి నాయకులు పాల్గొన్నారు.

తూర్పు గోదావరి

జెడ్పీటీసీ, ఎంపీటీసీ అభ్యర్థులకు బి-ఫారాలు అందజేసిన ఎమ్మెల్యే నల్లమిల్లి

అనపర్తి నియోజకవర్గంలో జెడ్పీటీసీ, ఎంపీటీసీ అభ్యర్థులకు ఎమ్మెల్యే నల్లమిల్లి రామకృష్ణారెడ్డి, టీడీపీ ఇన్‌చార్జి మనోజ్ బి-ఫారాలు అందజేశారు. 75 ఎంపీటీసీ స్థానాల్లో టీడీపీ 51, జనసేన 13, బీజేపీ 11 స్థానాల్లో పోటీ చేస్తున్నాయని నల్లమిల్లి తెలిపారు. నాలుగు జెడ్పీటీసీ స్థానాల్లో టీడీపీ మూడు, జనసేన ఒక స్థానంలో పోటీ చేస్తున్నాయని వివరించారు. ఎంపీపీ స్థానాల్లో టీడీపీ రెండు, జనసేన ఒకటి, బీజేపీ ఒక స్థానంలో పోటీ చేస్తున్నాయని పేర్కొన్నారు. స్థానిక సంస్థల్లో కూటమి అభ్యర్థులను గెలిపించి అభివృద్ధికి సహకరించాలని ప్రజలను కోరారు. Uploaded Video:

తూర్పు గోదావరి

జెడ్పీటీసీ, ఎంపీటీసీ అభ్యర్థులకు బి-ఫారాలు అందజేసిన ఎమ్మెల్యే నల్లమిల్లి

అనపర్తి, అక్టోబరు 27 (పున్నమి ప్రతినిధి): స్థానిక సంస్థల ఎన్నికల్లో కూటమి అభ్యర్థుల విజయమే లక్ష్యంగా ఐకమత్యంతో ముందుకు సాగాలని అనపర్తి ఎమ్మెల్యే నల్లమిల్లి రామకృష్ణారెడ్డి పిలుపునిచ్చారు. అనపర్తి నియోజకవర్గంలో జెడ్పీటీసీ, ఎంపీటీసీ అభ్యర్థులకు ఎమ్మెల్యే నల్లమిల్లి, టీడీపీ ఇన్‌చార్జి మనోజ్‌ బి-ఫారాలు అందజేశారు. ఈ సందర్భంగా ఎమ్మెల్యే మాట్లాడుతూ నియోజకవర్గంలోని 75 ఎంపీటీసీ స్థానాల్లో టీడీపీ 51, జనసేన 13, బీజేపీ 11 స్థానాల్లో పోటీ చేస్తున్నట్లు తెలిపారు. జెడ్పీటీసీ స్థానాల్లో మూడు చోట్ల టీడీపీ, ఒక చోట జనసేన పోటీ చేస్తున్నట్లు వివరించారు. ఎంపీపీ స్థానాల్లో రెండు చోట్ల టీడీపీ, ఒక చోట జనసేన, మరో చోట బీజేపీ పోటీలో ఉన్నట్లు పేర్కొన్నారు. కూటమి పార్టీలన్నీ స్నేహపూర్వక వాతావరణంలో ఐకమత్యంతో ఎన్నికల్లో విజయం సాధించేందుకు కృషి చేస్తున్నాయని తెలిపారు. రాష్ట్రాన్ని విధ్వంసం నుంచి వికాసం వైపు తీసుకెళ్లేందుకు డబుల్‌ ఇంజన్‌ ప్రభుత్వం కృషి చేస్తోందని, స్థానిక సంస్థల్లోనూ కూటమి అభ్యర్థులను గెలిపించి త్రిబుల్‌ ఇంజన్‌ ప్రభుత్వానికి సహకరించాలని ప్రజలను కోరారు. ఈ ఐకమత్యానికి సహకరించిన కూటమి నాయకులందరికీ కృతజ్ఞతలు తెలిపారు.

తూర్పు గోదావరి

వాకర్స్‌ను కలిసి కూటమి అభ్యర్థులకు మద్దతు కోరిన ఎమ్మెల్యే రామకృష్ణారెడ్డి

అనపర్తి, అక్టోబరు 27 (పున్నమి ప్రతినిధి): అనపర్తి జీబీఆర్‌ కళాశాల మైదానంలో వాకర్స్‌తో అనపర్తి ఎమ్మెల్యే నల్లమిల్లి రామకృష్ణారెడ్డి సమావేశమయ్యారు. అనపర్తి జెడ్పీటీసీ, ఎంపీటీసీ కూటమి అభ్యర్థులతో కలిసి పాల్గొన్న ఆయన, రెండున్నరేళ్ల కాలంలో కూటమి ప్రభుత్వం చేపట్టిన అభివృద్ధి కార్యక్రమాలు, అమలు చేస్తున్న సంక్షేమ పథకాలను వివరించారు. రానున్న ఎన్నికల్లో కూటమి అభ్యర్థులకు మద్దతు తెలిపి విజయానికి సహకరించాలని వాకర్స్‌ను కోరారు. ఈ కార్యక్రమంలో జెడ్పీటీసీ, ఎంపీటీసీ కూటమి అభ్యర్థులతో పాటు అనపర్తి మండలానికి చెందిన పలువురు ముఖ్య నాయకులు పాల్గొన్నారు.

తూర్పు గోదావరి

బిక్కవోలులో అభివృద్ధి పనులకు రూ.2.40 కోట్లకు పైగా నిధులు

బిక్కవోలు, అక్టోబరు 27 (పున్నమి ప్రతినిధి): అనపర్తి ఎమ్మెల్యే నల్లమిల్లి రామకృష్ణారెడ్డి ఆధ్వర్యంలో బిక్కవోలు గ్రామంలో పలు అభివృద్ధి పనులు చేపట్టినట్లు స్థానిక వర్గాలు తెలిపాయి. ఆర్‌ అండ్‌ బీ రోడ్డు నుంచి ఎస్సీ కాలనీ వరకు రూ.63.5 లక్షలతో రోడ్డు నిర్మాణం, మరో రూ.60 లక్షలతో ఎనిమిది సీసీ రోడ్లు, డ్రైన్ల నిర్మాణం చేపట్టారు. జలజీవన్‌ మిషన్‌ ద్వారా రూ.92 లక్షలతో కొత్త కాలనీలో వాటర్‌ ట్యాంకు, పైపులైన్ల పనులు చేపట్టినట్లు పేర్కొన్నారు. జడ్పీ హైస్కూలులో రూ.19 లక్షలతో గ్రంథాలయ భవనం నిర్మించగా, లక్ష్మీగణపతి ఆలయ గోపురం ముందు రూ.12.8 లక్షలతో సీసీ రోడ్డు నిర్మించారు. మండల పరిషత్‌ నిధులతో రూ.1.90 లక్షలతో మంచినీటి ప్లాంట్‌ ఏర్పాటు చేశారు. పంచాయతీ నిధులతో శ్మశానవాటిక భవనం, రోడ్లు, మెరక పనులు, పైపులైన్లు తదితర పనులు చేపట్టారు. గ్రామంలో 11 గోశాలల నిర్మాణంతో పాటు పలువురు రోగులకు సీఎం రిలీఫ్‌ ఫండ్‌ ద్వారా రూ.4 లక్షల వరకు ఆర్థిక సాయం అందించినట్లు తెలిపారు. లక్ష్మీగణపతి ఆలయాన్ని పర్యాటక కేంద్రంగా అభివృద్ధి చేసేందుకు కేంద్ర, రాష్ట్ర ప్రభుత్వాలకు ప్రతిపాదనలు పంపినట్లు పేర్కొన్నారు.

తూర్పు గోదావరి

మాజీ ఎంపీ బుచ్చిమాహేశ్వరరావుకు ఎమ్మెల్యే నల్లమిల్లి నివాళి

గోపవరం, అక్టోబరు 26 (పున్నమి ప్రతినిధి): అమలాపురం నియోజకవర్గం గోపవరంలో స్వర్గస్తులైన మాజీ ఎంపీ ఎ.జె.వి. బుచ్చిమాహేశ్వరరావుకు అనపర్తి ఎమ్మెల్యే నల్లమిల్లి రామకృష్ణారెడ్డి, మహాలక్ష్మి దంపతులు నివాళులర్పించారు. ఆయన చిత్రపటానికి పూలమాల వేసి అంజలి ఘటించారు. అనంతరం బుచ్చిమాహేశ్వరరావు కుటుంబ సభ్యులను పరామర్శించి తమ సానుభూతి తెలిపారు.

తూర్పు గోదావరి

బిక్కవోలులో జనసేన ఎంపీటీసీ అభ్యర్థిని పాలికి బేబీ ఎన్నికల ప్రచారం

బిక్కవోలు, అక్టోబరు 25 (పున్నమి ప్రతినిధి): బిక్కవోలు మండలం బిక్కవోలులో కూటమి ప్రభుత్వం బలపరిచిన జనసేన పార్టీ ఎంపీటీసీ 2వ స్థానం అభ్యర్థిని శ్రీమతి పాలికి బేబీ ఆదివారం ఎన్నికల ప్రచారం నిర్వహించారు. ఈ సందర్భంగా గ్రామంలోని వివిధ ప్రాంతాల్లో ప్రచారం చేపట్టి స్థానికులను కలుసుకున్నారు. ఈ ప్రచార కార్యక్రమంలో జనసేన, తెలుగుదేశం, బీజేపీ పార్టీలకు చెందిన కూటమి నాయకులు, కార్యకర్తలు పెద్ద ఎత్తున పాల్గొని అభ్యర్థినికి మద్దతు తెలిపారు. స్థానిక సంస్థల ఎన్నికల నేపథ్యంలో గ్రామంలో రాజకీయ సందడి నెలకొంది. కూటమి నాయకులు, కార్యకర్తలు సమన్వయంతో ప్రచారంలో పాల్గొనడంతో గ్రామంలో ఎన్నికల వాతావరణం కనిపించింది. ఈ కార్యక్రమంలో పలువురు పార్టీ శ్రేణులు పాల్గొన్నారు.

తూర్పు గోదావరి

జి.మామిడాడలో కూటమి అభ్యర్థుల ఎన్నికల ప్రచారం

జి.మామిడాడ, అక్టోబరు 24 (పున్నమి ప్రతినిధి): పెదపూడి మండలం జి.మామిడాడలోని పాటిమీద ప్రాంతంలో శనివారం కూటమి అభ్యర్థులు ఎన్నికల ప్రచారం నిర్వహించారు. జనసేన పార్టీ తరఫున జడ్పీటీసీ అభ్యర్థిగా పోటీ చేస్తున్న అనపర్తి నియోజకవర్గ సమన్వయకర్త రావాడ నాగు, గొల్లల మామిడాడ ఎంపీటీసీ 5వ స్థానం నుంచి బీజేపీ అభ్యర్థిగా బరిలో నిలిచిన రాపర్తి శ్రీనివాసు స్థానికులను కలిసి మద్దతు కోరారు. ఈ కార్యక్రమంలో ఏఎంసీ చైర్‌పర్సన్ జుత్తుక సూర్యకుమారి, గొల్లల మామిడాడ గ్రామానికి చెందిన కూటమి నాయకులు, టీడీపీ, జనసేన, బీజేపీ కార్యకర్తలు పెద్ద సంఖ్యలో పాల్గొని అభ్యర్థులకు మద్దతు తెలిపారు. స్థానిక సంస్థల ఎన్నికల నేపథ్యంలో గ్రామంలో రాజకీయ సందడి నెలకొంది.