karthik yadav Archives - Page 4 of 10

గురుదేవోభవ.. గురుశిష్య పరంపరకు నిలువుటద్దంగా జి.ఆర్.టి. జి.వి.కె. విద్యార్థులు

గురుదేవోభవ.. గురుశిష్య పరంపరకు నిలువుటద్దంగా జి.ఆర్.టి. జి.వి.కె. విద్యార్థులు పున్నమి ప్రతినిధి, కడప: నేటి ఆధునిక కాలంలో సాంకేతికత పెరుగుతున్న నేపథ్యంలో గురువులను గౌరవించే సంప్రదాయం, గురుశిష్యుల మధ్య అనుబంధం క్రమంగా కనుమరుగవుతున్న తరుణంలో జి.ఆర్.టి. జి.వి.కె. (GRTGVK) పాఠశాల విద్యార్థులు సరికొత్త ఆదర్శాన్ని చాటారు. మన సంస్కృతిలో “మాతృదేవోభవ.. పితృదేవోభవ.. ఆచార్యదేవోభవ” అంటూ గురువుకు దైవంతో సమానమైన స్థానం కల్పించారని విద్యార్థులు తమ ప్రదర్శన ద్వారా చాటిచెప్పారు. గురువుల వేషధారణలో విద్యార్థులు అద్భుతంగా మెరిసి, తమ అభినయం, హావభావాలతో అందరినీ ఆకట్టుకున్నారు. గురువుల గొప్పతనాన్ని, సమాజ నిర్మాణంలో వారి పాత్రను ప్రతిబింబించేలా విద్యార్థులు చేసిన ప్రదర్శన ప్రత్యేక ఆకర్షణగా నిలిచింది. విద్యాబుద్ధులతో పాటు నైతిక విలువలు, సంస్కారాలను విద్యార్థుల్లో పెంపొందించడంలో జి.ఆర్.టి. జి.వి.కె. పాఠశాల ఎల్లప్పుడూ ముందుంటుందని నిర్వాహకులు తెలిపారు. నేటి తరం పిల్లల్లో గురువుల పట్ల గౌరవం, శ్రద్ధను పెంపొందించడంతో పాటు, భారతీయ ప్రాచీన గురుశిష్య పరంపర విశిష్టతను భావితరాలకు అందించడమే లక్ష్యంగా ఇటువంటి కార్యక్రమాలను నిర్వహిస్తున్నట్లు తెలిపారు. జ్ఞానదీపాలను వెలిగిస్తూ విద్యార్థుల భవిష్యత్తుకు బాటలు వేస్తున్న గురువర్యులకు విద్యార్థులు ఈ సందర్భంగా హృదయపూర్వక ప్రణామాలు అర్పించారు.

palakattlunagendra
September 5, 2026
0 Comments
30 Views

కడప

శ్రీకృష్ణాష్టమి వేడుకల్లో ఆకట్టుకున్న చిన్నారుల శ్రీకృష్ణ అవతారం

శ్రీకృష్ణాష్టమి వేడుకల్లో ఆకట్టుకున్న చిన్నారుల శ్రీకృష్ణ అవతారం పున్నమి ప్రతినిధి కడప, సెప్టెంబర్ 4: కడప నగరంలోని ద్వారకా నగర్‌లో శ్రీకృష్ణాష్టమి వేడుకలను భక్తిశ్రద్ధలతో నిర్వహించారు. ఈ సందర్భంగా సుంకర మహేంద్ర, కత్తి కార్తీక్ చిన్నారులు శ్రీకృష్ణుని అవతారంలో ప్రత్యేక వేషధారణతో ఆకట్టుకున్నారు. శ్రీకృష్ణుడి రూపంలో చిన్నారులు ఎంతో అందంగా ముస్తాబై, వేడుకలకు ప్రత్యేక ఆకర్షణగా నిలిచారు. వారి వేషధారణ అందరినీ ఆకట్టుకుంది. చిన్నారులను చూసి కుటుంబ సభ్యులు ఆనందం వ్యక్తం చేశారు. శ్రీకృష్ణాష్టమి పర్వదినం సందర్భంగా చిన్నారులు శ్రీకృష్ణుని వేషధారణలో పాల్గొనడం ద్వారా పండుగ వాతావరణం మరింత ఆహ్లాదకరంగా మారింది.

palakattlunagendra
September 4, 2026
0 Comments
61 Views

కడప

కడపలో అక్రమ నిర్మాణంపై మున్సిపల్ అధికారుల కొరడా అనుమతులు లేకుండా నిర్మిస్తున్న భవనం కూల్చివేత అదనపు కమిషనర్ రాకేష్ చంద్ర ఆధ్వర్యంలో చర్యలు

కడపలో అక్రమ నిర్మాణంపై మున్సిపల్ అధికారుల కొరడా అనుమతులు లేకుండా నిర్మిస్తున్న భవనం కూల్చివేత అదనపు కమిషనర్ రాకేష్ చంద్ర ఆధ్వర్యంలో చర్యలు పున్నమి ప్రతినిధి, కడప, సెప్టెంబర్ 4: కడప నగరంలోని విజయ దుర్గమ్మ ఆలయం వెనుకవైపు మున్సిపల్ అనుమతులు లేకుండా నిర్మిస్తున్న నూతన భవనంపై మున్సిపల్ అధికారులు చర్యలు చేపట్టారు. నిబంధనలకు విరుద్ధంగా నిర్మాణం జరుగుతున్నట్లు గుర్తించిన అధికారులు భవన నిర్మాణాన్ని కూల్చివేశారు. కడప మున్సిపల్ కార్పొరేషన్ అదనపు కమిషనర్ రాకేష్ చంద్ర ఆధ్వర్యంలో అధికారులు సంఘటనా స్థలానికి చేరుకుని నిర్మాణ పరిస్థితిని పరిశీలించారు. అనంతరం నిబంధనల ప్రకారం కూల్చివేత చర్యలు చేపట్టారు. నగరంలో మున్సిపల్ అనుమతులు లేకుండా లేదా నిబంధనలకు విరుద్ధంగా నిర్మాణాలు చేపడితే కఠిన చర్యలు తప్పవని అధికారులు హెచ్చరించారు. అక్రమ నిర్మాణాలపై తనిఖీలు కొనసాగిస్తామని స్పష్టం చేశారు. ఈ కూల్చివేత చర్యతో అనుమతులు లేకుండా నిర్మాణాలు చేపడుతున్న వారికి మున్సిపల్ అధికారులు గట్టి హెచ్చరిక జారీ చేసినట్లయింది.

palakattlunagendra
September 4, 2026
0 Comments
24 Views

కడప

జి.ఆర్.టి.జి.కె పాఠశాలలో ఘనంగా ముందస్తు కృష్ణాష్టమి వేడుకలు చిన్ని కృష్ణులు, రాధల వేషధారణతో అలరించిన చిన్నారులు

జి.ఆర్.టి.జి.కె పాఠశాలలో ఘనంగా ముందస్తు కృష్ణాష్టమి వేడుకలు చిన్ని కృష్ణులు, రాధల వేషధారణతో అలరించిన చిన్నారులు పున్నమి ప్రతినిధి: శ్రీకృష్ణ జన్మాష్టమిని పురస్కరించుకుని జి.ఆర్.టి.జి.కె (GRTGVK) పాఠశాలలో ముందస్తు కృష్ణాష్టమి వేడుకలను శుక్రవారం ఘనంగా నిర్వహించారు. పాఠశాల ప్రాంగణంలో ఉత్సాహభరిత వాతావరణం నెలకొనగా, చిన్నారులు శ్రీకృష్ణుడు, రాధ, గోపికల వేషధారణలతో సందడి చేశారు. చిన్ని కృష్ణులు, రాధల వేషధారణలో విద్యార్థులు చేసిన అభినయం, సాంస్కృతిక ప్రదర్శనలు ప్రత్యేక ఆకర్షణగా నిలిచాయి. వేడుకల్లో భాగంగా నిర్వహించిన ఉట్టి కొట్టే కార్యక్రమం చిన్నారుల్లో ఉత్సాహాన్ని నింపింది. మన సంప్రదాయం – మన బాధ్యత ఆధునిక జీవనశైలి ప్రభావంతో ప్రాచీన ఆచారాలు, సంస్కృతీ సంప్రదాయాలు క్రమంగా కనుమరుగవుతున్న నేపథ్యంలో, వాటి విశిష్టతను భావితరాలకు పరిచయం చేయడం ప్రతి ఒక్కరి బాధ్యత అని పాఠశాల యాజమాన్యం పేర్కొంది. పుస్తక విద్యతో పాటు భారతీయ సంస్కృతి, సనాతన ధర్మం, సంప్రదాయాలు, మానవీయ విలువలను విద్యార్థులకు పరిచయం చేయడంపై పాఠశాల ప్రత్యేక దృష్టి సారిస్తోందని తెలిపారు. కేవలం పండుగలను నిర్వహించడం మాత్రమే కాకుండా, ఆయా పండుగల వెనుక ఉన్న సందేశాన్ని విద్యార్థులకు అర్థమయ్యేలా తెలియజేయడమే తమ ప్రధాన ఉద్దేశమని పాఠశాల యాజమాన్యం పేర్కొంది. భారతీయ సంస్కృతి, సంప్రదాయాలను కాపాడుకుంటూ భావి భారత పౌరులుగా ఎదుగుతున్న విద్యార్థులను అభినందిస్తూ, వారిని ప్రోత్సహిస్తున్న తల్లిదండ్రులకు పాఠశాల యాజమాన్యం తరఫున శ్రీకృష్ణ జన్మాష్టమి శుభాకాంక్షలు తెలిపారు.

palakattlunagendra
September 4, 2026
0 Comments
24 Views

కడప

కడపలో వైభవంగా కృష్ణాష్టమి వేడుకలు రాధాకృష్ణులకు ప్రత్యేక పూజలు – భగవద్గీత బోధన, అభిషేకాలు, అన్నదానం

కడపలో వైభవంగా కృష్ణాష్టమి వేడుకలు రాధాకృష్ణులకు ప్రత్యేక పూజలు – భగవద్గీత బోధన, అభిషేకాలు, అన్నదానం పున్నమి ప్రతినిధి, కడప, సెప్టెంబర్ 4: కడప నగరంలోని వై జంక్షన్‌లో అంతర్జాతీయ కృష్ణ చైతన్య సంఘం (ఇస్కాన్) కడప ఆధ్వర్యంలో కృష్ణాష్టమి వేడుకలను భక్తిశ్రద్ధలతో ఘనంగా నిర్వహించారు. రాధాకృష్ణులకు ప్రత్యేక పూజలు, మంగళహారతి, దర్శన హారతి, భగవద్గీత బోధన, అభిషేకాలు తదితర ఆధ్యాత్మిక కార్యక్రమాలు నిర్వహించారు. ఈ సందర్భంగా ఉదయం 4 గంటల నుంచి మంగళహారతి కార్యక్రమంతో వేడుకలు ప్రారంభమయ్యాయి. అనంతరం ఉదయం 7:30 గంటలకు దర్శన హారతి నిర్వహించారు. 8 గంటలకు భగవద్గీత బోధన కార్యక్రమం జరిగింది. అనంతరం శ్రీకృష్ణుని కీర్తనలతో భక్తులు ఆధ్యాత్మిక ఆనందంలో మునిగిపోయారు. ఉదయం 11 గంటల నుంచి మధ్యాహ్నం 12 గంటల వరకు శ్రీకృష్ణునికి ప్రత్యేక అభిషేకాలు నిర్వహించి, రాధాకృష్ణులకు భక్తిశ్రద్ధలతో పూజలు చేశారు. అనంతరం మధ్యాహ్నం 12 గంటల నుంచి 3 గంటల వరకు అన్నదాన కార్యక్రమం నిర్వహించారు. ఈ కార్యక్రమాలను మాధవ్ దర్శన్ దాస్, పరమేశ్వర బాలాజీ ఆధ్వర్యంలో నిర్వహించారు. కృష్ణాష్టమి సందర్భంగా నిర్వహించిన వివిధ ఆధ్యాత్మిక కార్యక్రమాలతో వై జంక్షన్ పరిసర ప్రాంతం భక్తి వాతావరణంతో కళకళలాడింది.

palakattlunagendra
September 4, 2026
0 Comments
21 Views

కడప

షర్మిలమ్మతో కలిసి వైఎస్సార్ వర్ధంతి కార్యక్రమంలో పాల్గొన్న సయ్యద్ గౌస్ పీర్

షర్మిలమ్మతో కలిసి వైఎస్సార్ వర్ధంతి కార్యక్రమంలో పాల్గొన్న సయ్యద్ గౌస్ పీర్ ఇడుపులపాయ, సెప్టెంబర్ 2: పున్నమి ప్రతినిధి: మహానేత వైఎస్ రాజశేఖర రెడ్డి వర్ధంతి సందర్భంగా ఇడుపులపాయలోని వైఎస్సార్ ఘాట్ వద్ద కడప నగర కాంగ్రెస్ అధ్యక్షుడు సయ్యద్ గౌస్ పీర్, పీసీసీ అధ్యక్షురాలు వైఎస్ షర్మిలమ్మతో కలిసి ఘన నివాళులు అర్పించారు. అనంతరం కడప నగర కాంగ్రెస్ పార్టీ పరిస్థితులు, రాబోయే స్థానిక సంస్థల ఎన్నికలు, పార్టీ బలోపేతంపై షర్మిలమ్మతో చర్చించారు. కడప నగరంలో కొనసాగుతున్న “ఇంటింటికి కాంగ్రెస్” 100 రోజుల కార్యక్రమాన్ని షర్మిలమ్మ అభినందించారు. స్థానిక ఎన్నికల్లో కాంగ్రెస్ మంచి ఫలితాలు సాధించేలా నాయకులు, కార్యకర్తలు క్షేత్రస్థాయిలో మరింతగా పనిచేయాలని ఆమె సూచించారు. కడప నగరంలో కాంగ్రెస్‌ను బలోపేతం చేసేందుకు షర్మిలమ్మ సహకారం, మార్గదర్శకత్వం అందించాలని గౌస్ పీర్ కోరారు. ఈ కార్యక్రమంలో కాంగ్రెస్ నాయకులు ఫజరుల్లా, కరిముల్లా, సుబ్రహ్మణ్యం తదితరులు పాల్గొన్నారు.

palakattlunagendra
September 2, 2026
0 Comments
26 Views

కడప

కల్వకుంట్ల చంద్రసేన గుప్తా 107వ జయంతి ఘనంగా నిర్వహణ వాసవి క్లబ్స్ స్థాపనతో సేవా రంగానికి కొత్త దిశ చూపిన మహనీయుడు ఆయన ఆశయాలను కొనసాగిస్తూ మరిన్ని సేవా కార్యక్రమాలు చేపడతాం ఘనంగా నివాళులర్పించిన AVS VKSP కడప క్లబ్ సభ్యులు జై వాసవి – జై జై వాసవి

కల్వకుంట్ల చంద్రసేన గుప్తా 107వ జయంతి ఘనంగా నిర్వహణ వాసవి క్లబ్స్ స్థాపనతో సేవా రంగానికి కొత్త దిశ చూపిన మహనీయుడు ఆయన ఆశయాలను కొనసాగిస్తూ మరిన్ని సేవా కార్యక్రమాలు చేపడతాం ఘనంగా నివాళులర్పించిన AVS VKSP కడప క్లబ్ సభ్యులు జై వాసవి – జై జై వాసవి కడప, పున్నమి ప్రతినిధి: వాసవి క్లబ్స్ ఇంటర్నేషనల్ వ్యవస్థాపకులు, కీర్తిశేషులు శ్రీ కల్వకుంట్ల చంద్రసేన గుప్తా గారి 107వ జయంతి వేడుకలను AVS VKSP కడప క్లబ్ ఆధ్వర్యంలో ఘనంగా నిర్వహించారు. ఈ సందర్భంగా క్లబ్ సభ్యులు, వాసవి క్లబ్స్ ప్రతినిధులు, సేవాభిమానులు పాల్గొని చంద్రసేన గుప్తా గారి చిత్రపటానికి పూలమాలలు వేసి ఘనంగా నివాళులర్పించారు. కార్యక్రమం ప్రారంభంలో చంద్రసేన గుప్తా గారి చిత్రపటానికి పుష్పమాలలు సమర్పించి, పుష్పాంజలి ఘటించారు. అనంతరం ఆయన సేవా ప్రస్థానాన్ని, వాసవి క్లబ్స్ ఇంటర్నేషనల్ స్థాపనకు చేసిన కృషిని సభ్యులు స్మరించుకున్నారు. సమాజ సేవ పట్ల ఆయనకు ఉన్న అంకితభావం, సేవా కార్యక్రమాలను వ్యవస్థీకృతంగా నిర్వహించాలనే ఆలోచనా విధానం నేటి తరానికి స్ఫూర్తిదాయకమని పలువురు పేర్కొన్నారు. సేవా స్ఫూర్తికి ప్రతీక చంద్రసేన గుప్తా చంద్రసేన గుప్తా గారు వాసవి క్లబ్స్ ఇంటర్నేషనల్‌ను స్థాపించి సేవా కార్యక్రమాలకు ఒక వేదికను అందించారని సభ్యులు గుర్తు చేసుకున్నారు. సమాజంలోని అవసరమైన వారికి తమ వంతు సహాయం అందించడంతో పాటు, సేవా భావాన్ని మరింత మందిలో పెంపొందించాలనే ఉద్దేశంతో ఆయన పనిచేశారని తెలిపారు. వాసవి క్లబ్స్ ద్వారా ఎన్నో సంవత్సరాలుగా కొనసాగుతున్న సేవా కార్యక్రమాల వెనుక ఆయన ఆలోచనలు, ఆశయాలు ఉన్నాయని సభ్యులు పేర్కొన్నారు. సేవ అనేది కేవలం ఒక కార్యక్రమంగా కాకుండా నిరంతర బాధ్యతగా భావించాలనే సందేశాన్ని ఆయన అందించారని తెలిపారు. ఆశయ సాధనకు కృషి చేయాలి చంద్రసేన గుప్తా గారి జయంతి సందర్భంగా ఆయన ఆశయాలను ప్రతి ఒక్కరూ ముందుకు తీసుకెళ్లాలని సభ్యులు పిలుపునిచ్చారు. సమాజంలో ఆపదలో ఉన్న వారికి అండగా నిలవడం, అవసరమైన వారికి సహాయం అందించడం, సామాజిక సేవా కార్యక్రమాలను విస్తృతంగా చేపట్టడం ద్వారా ఆయనకు నిజమైన నివాళి అర్పించగలమని పేర్కొన్నారు. వాసవి క్లబ్స్ సభ్యులు భవిష్యత్తులో కూడా సేవా కార్యక్రమాలను మరింత విస్తృతం చేయాలని నిర్ణయించారు. సమాజ అవసరాలకు అనుగుణంగా పలు కార్యక్రమాలు చేపట్టి ప్రజలకు ఉపయోగపడే విధంగా పనిచేయాలని ఈ సందర్భంగా ప్రతిజ్ఞ చేశారు. ఘనంగా కేక్ కటింగ్ నివాళుల కార్యక్రమం అనంతరం కేక్ కటింగ్ కార్యక్రమాన్ని నిర్వహించారు. క్లబ్ సభ్యులు, ప్రతినిధులు కలిసి కేక్ కట్ చేసి చంద్రసేన గుప్తా గారి 107వ జయంతి శుభాకాంక్షలు తెలియజేశారు. ఈ సందర్భంగా జై వాసవి, జై జై వాసవి అంటూ నినాదాలు చేస్తూ సేవా స్ఫూర్తిని చాటుకున్నారు. చంద్రసేన గుప్తా గారి జయంతిని ప్రతి సంవత్సరం సేవా కార్యక్రమాలతో నిర్వహించడం ద్వారా ఆయన ఆశయాలను ప్రజల్లోకి తీసుకెళ్లాలని సభ్యులు అభిప్రాయపడ్డారు. కేవలం జయంతి వేడుకలకు పరిమితం కాకుండా ఏడాది పొడవునా సేవా కార్యక్రమాలు నిర్వహించేందుకు కృషి చేస్తామని తెలిపారు. సభ్యుల సమష్టి సహకారంతో విజయవంతం AVS VKSP కడప క్లబ్ సభ్యుల సమష్టి సహకారం, సమన్వయంతో జయంతి కార్యక్రమం విజయవంతంగా జరిగింది. కార్యక్రమంలో పాల్గొన్న సభ్యులు చంద్రసేన గుప్తా గారి సేవలను స్మరించుకుంటూ, ఆయన చూపిన మార్గంలో నడుస్తామని తెలిపారు. సేవా కార్యక్రమాల్లో ప్రతి సభ్యుడు భాగస్వామి కావాలని, సమాజ అభ్యున్నతికి తన వంతు కృషి చేయాలని పిలుపునిచ్చారు. భవిష్యత్తులో మరిన్ని కార్యక్రమాలను చేపట్టి పేదలు, నిరుపేదలు, అవసరమైన వర్గాలకు అండగా నిలవాలని నిర్ణయించారు. చంద్రసేన గుప్తా గారి 107వ జయంతి సందర్భంగా నిర్వహించిన ఈ కార్యక్రమం వాసవి క్లబ్స్ సభ్యుల్లో నూతన ఉత్సాహాన్ని నింపింది. ఆయన సేవా స్ఫూర్తిని కొనసాగిస్తూ సమాజానికి మరింత మెరుగైన సేవలు అందించడమే తమ లక్ష్యమని సభ్యులు స్పష్టం చేశారు. ఈ కార్యక్రమం సందర్భంగా వ్యవస్థాపక అధ్యక్షులు పడుచూరి వెంకటేశ్వర్లు మాట్లాడుతూ చంద్రసేన గుప్తా గారి సేవా ఆశయాలు ఎప్పటికీ చిరస్మరణీయమని, ఆయన చూపిన మార్గం వాసవి క్లబ్స్ సభ్యులకు ఎల్లప్పుడూ స్ఫూర్తినిస్తుందని పేర్కొన్నారు. సేవా కార్యక్రమాలను మరింత విస్తృతం చేసి సమాజానికి ఉపయోగపడే కార్యక్రమాలు నిర్వహించేందుకు క్లబ్ సభ్యులందరూ కృషి చేయాలని ఆయన కోరారు. ఇట్లు: పడుచూరి వెంకటేశ్వర్లు వ్యవస్థాపక అధ్యక్షులు వాసవి క్లబ్స్ ఇంటర్నేషనల్ AVS VKSP కడప క్లబ్

palakattlunagendra
September 2, 2026
0 Comments
26 Views

కడప

ఆకేపాటి ఎస్టేట్‌లో ఆత్మీయంగా రక్షాబంధన్ వేడుకలు ఎమ్మెల్యే ఆకేపాటి అమర్నాథ్ రెడ్డికి రాఖీ కట్టిన ఏకుల రాజేశ్వరి రెడ్డి

ఆకేపాటి ఎస్టేట్‌లో ఆత్మీయంగా రక్షాబంధన్ వేడుకలు ఎమ్మెల్యే ఆకేపాటి అమర్నాథ్ రెడ్డికి రాఖీ కట్టిన ఏకుల రాజేశ్వరి రెడ్డి ఆకేపాటి ఎస్టేట్, ఆగస్టు 30: వైఎస్సార్ కాంగ్రెస్ పార్టీ రాష్ట్ర మహిళా ప్రధాన కార్యదర్శి ఏకుల రాజేశ్వరి రెడ్డి ఆకేపాటి ఎస్టేట్‌కు విచ్చేసి వైఎస్సార్‌సీపీ అన్నమయ్య జిల్లా అధ్యక్షులు, రాజంపేట శాసనసభ్యులు శ్రీ ఆకేపాటి అమర్నాథ్ రెడ్డికి ఆత్మీయంగా రాఖీ కట్టి రక్షాబంధన్ శుభాకాంక్షలు తెలిపారు. ఈ సందర్భంగా ఆకేపాటి ఎస్టేట్‌లో ఆత్మీయ వాతావరణం నెలకొంది. రాఖీ పండుగ సందర్భంగా ఏకుల రాజేశ్వరి రెడ్డి ఎమ్మెల్యే ఆకేపాటి అమర్నాథ్ రెడ్డికి రాఖీ కట్టి సోదరభావాన్ని చాటుకున్నారు. అనంతరం పరస్పరం రక్షాబంధన్ శుభాకాంక్షలు తెలియజేసుకున్నారు. అన్నాచెల్లెళ్ల మధ్య ఉండే ప్రేమ, ఆప్యాయత, అనురాగం, పరస్పర నమ్మకానికి రక్షాబంధన్ పండుగ ప్రతీకగా నిలుస్తుందని ఈ సందర్భంగా గుర్తుచేశారు. అన్నాచెల్లెళ్ల అనుబంధానికి ప్రతీక రక్షాబంధన్ రక్షాబంధన్ పండుగ మన సంస్కృతి, సంప్రదాయాల్లో ప్రత్యేక స్థానాన్ని కలిగి ఉందని వారు పేర్కొన్నారు. కుటుంబ బంధాలను మరింత బలోపేతం చేసే పండుగగా రక్షాబంధన్‌ను భావిస్తామని తెలిపారు. సోదరసోదరీమణుల మధ్య ప్రేమానురాగాలను పెంపొందించడంతో పాటు, ఒకరికొకరు అండగా నిలవాలనే ఆత్మీయతను ఈ పండుగ చాటిచెబుతుందని అన్నారు. రాజకీయ, సామాజిక రంగాల్లో ఎంత బిజీగా ఉన్నప్పటికీ కుటుంబ బంధాలు, ఆత్మీయతలకు ప్రాధాన్యత ఇవ్వడం మన సంప్రదాయంలో భాగమని పేర్కొన్నారు. రాఖీ కట్టే సందర్భం ద్వారా సోదరుడి పట్ల సోదరి చూపించే ప్రేమ, సోదరుడు తన సోదరికి అందించే భరోసా, రక్షణకు ప్రతీకగా ఈ పండుగ నిలుస్తుందని తెలిపారు. ఆత్మీయతతో కూడిన శుభాకాంక్షలు ఈ సందర్భంగా ఏకుల రాజేశ్వరి రెడ్డి, ఎమ్మెల్యే ఆకేపాటి అమర్నాథ్ రెడ్డికి రక్షాబంధన్ శుభాకాంక్షలు తెలియజేస్తూ, ఆయన మరింత ప్రజాసేవ చేయాలని ఆకాంక్షించారు. ప్రజలతో మమేకమై వారి సమస్యలను తెలుసుకుంటూ, వారికి అండగా నిలవాలని కోరుకున్నారు. ఎమ్మెల్యే ఆకేపాటి అమర్నాథ్ రెడ్డి కూడా రక్షాబంధన్ సందర్భంగా ఏకుల రాజేశ్వరి రెడ్డికి శుభాకాంక్షలు తెలియజేశారు. సోదరసోదరీమణుల మధ్య ప్రేమ, ఆత్మీయత, పరస్పర గౌరవం ఎల్లప్పుడూ కొనసాగాలని ఆకాంక్షించారు. రక్షాబంధన్ పర్వదినాన్ని పురస్కరించుకుని జరిగిన ఈ ఆత్మీయ కార్యక్రమం కుటుంబ బంధాలు, సోదరభావానికి ప్రతీకగా నిలిచింది. ఈ కార్యక్రమంతో ఆకేపాటి ఎస్టేట్‌లో పండుగ సందడి నెలకొంది.

palakattlunagendra
August 30, 2026
0 Comments
27 Views

కడప

జనసేన ఆత్మీయ సమావేశంలో శ్రీ సుంకర శ్రీనివాస్‌కు ఘన సత్కారం పార్టీ బలోపేతానికి చేసిన సేవలను గుర్తించిన మంత్రి నాదెండ్ల మనోహర్

జనసేన ఆత్మీయ సమావేశంలో శ్రీ సుంకర శ్రీనివాస్‌కు ఘన సత్కారం పార్టీ బలోపేతానికి చేసిన సేవలను గుర్తించిన మంత్రి నాదెండ్ల మనోహర్ పున్నమి ప్రతినిధి, మంగళగిరి: జనసేన పార్టీ అధ్యక్షులు, రాష్ట్ర ఉప ముఖ్యమంత్రి శ్రీ పవన్ కళ్యాణ్ గారి దిశానిర్దేశంతో మంగళగిరిలో ఈరోజు నిర్వహించిన జనసేన పార్టీ ఆత్మీయ సమావేశంలో జనసేన పార్టీ నాయకులు శ్రీ సుంకర శ్రీనివాస్ గారికి ఘన సత్కారం లభించింది. 2019 ఎన్నికల్లో జనసేన పార్టీ తరఫున ఎమ్మెల్యే అభ్యర్థిగా పోటీ చేసిన శ్రీ సుంకర శ్రీనివాస్ గారు ప్రస్తుతం జనసేన పార్టీ ఉమ్మడి కడప జిల్లా కోఆర్డినేటర్, కడప అసెంబ్లీ ఇంచార్జ్గా పార్టీ కార్యక్రమాల్లో చురుకుగా వ్యవహరిస్తున్నారు. ఈ సందర్భంగా పార్టీ రాజకీయ వ్యవహారాల కమిటీ ఛైర్మన్, రాష్ట్ర పౌర సరఫరాల శాఖ మంత్రి శ్రీ నాదెండ్ల మనోహర్ గారు శ్రీ సుంకర శ్రీనివాస్ గారిని ఘనంగా సత్కరించారు. పార్టీ కోసం శ్రీ సుంకర శ్రీనివాస్ గారు అందించిన సేవలను, జనసేన పార్టీ బలోపేతానికి చేసిన కృషిని గుర్తిస్తూ ఈ సత్కారం నిర్వహించారు.

palakattlunagendra
August 29, 2026
0 Comments
50 Views

కడప

స్పెషల్ టెట్‌తో ఒరిగేదేముంది? 40 శాతం అర్హత మార్కులతో ఆఫ్‌లైన్ విధానంలో పరీక్ష నిర్వహించాలి యుటిఎఫ్ కడప జిల్లా శాఖ డిమాండ్

స్పెషల్ టెట్‌తో ఒరిగేదేముంది? 40 శాతం అర్హత మార్కులతో ఆఫ్‌లైన్ విధానంలో పరీక్ష నిర్వహించాలి యుటిఎఫ్ కడప జిల్లా శాఖ డిమాండ్ కడప, ఆగస్టు 26 (పున్నమి ప్రతినిధి): ఇన్‌సర్వీస్ ఉపాధ్యాయులకు ఎలాంటి రాయితీలు లేకుండా, ఆన్‌లైన్ విధానంలో నిర్వహించనున్న స్పెషల్ టెట్‌తో ఎలాంటి ప్రయోజనం లేదని యుటిఎఫ్ రాష్ట్ర కార్యదర్శి బి. లక్ష్మీరాజా, జిల్లా అధ్యక్షుడు మాదన విజయకుమార్, ప్రధాన కార్యదర్శి పాలెం మహేష్ బాబు అన్నారు. ఇన్‌సర్వీస్ ఉపాధ్యాయులకు 40 శాతం అర్హత మార్కులతో ఆఫ్‌లైన్ విధానంలో పరీక్ష నిర్వహించాలని వారు డిమాండ్ చేశారు. యుటిఎఫ్ రాష్ట్ర కమిటీ పిలుపు మేరకు మంగళవారం సాయంత్రం కడప జిల్లా కలెక్టరేట్ వద్ద స్పెషల్ టెట్ విధానాన్ని నిరసిస్తూ ఆందోళన నిర్వహించారు. ఈ సందర్భంగా నాయకులు మాట్లాడుతూ, ఉపాధ్యాయులు, ఉపాధ్యాయ సంఘాలు చేసిన విజ్ఞప్తులను రాష్ట్ర ప్రభుత్వం పరిగణనలోకి తీసుకోకుండా పాత విధానాన్నే కొనసాగిస్తూ స్పెషల్ టెట్ నోటిఫికేషన్ విడుదల చేయడం సరికాదన్నారు. ప్రభుత్వం అనుసరిస్తున్న విధానం “కొత్త సీసాలో పాత సారా” చందంగా ఉందని విమర్శించారు. 2010 సంవత్సరంలో కేంద్ర ప్రభుత్వం విద్యాహక్కు చట్టాన్ని తీసుకువచ్చి ఉపాధ్యాయ నియామకాలకు టెట్ ఉత్తీర్ణతను తప్పనిసరి చేసిందని తెలిపారు. అయితే 2010కు ముందు ప్రభుత్వ నిబంధనల ప్రకారం ఉద్యోగాల్లో చేరిన ఉపాధ్యాయులు ఇప్పటికే నిర్దేశిత అర్హతలు సాధించి వృత్తిలోకి వచ్చారని పేర్కొన్నారు. ప్రస్తుతం వారిలో అనేక మంది 30 ఏళ్లకు పైగా సర్వీసు పూర్తి చేసుకున్నవారు, 50 ఏళ్లు పైబడినవారు ఉన్నారని తెలిపారు. సుప్రీంకోర్టు తీర్పును సాకుగా చూపి ఇన్‌సర్వీస్ ఉపాధ్యాయులకు కూడా టెట్ తప్పనిసరి చేయడం ద్వారా వారి మెడపై కత్తి వేలాడదీయడం తగదన్నారు. విద్యాహక్కు చట్టం-2010లోని సెక్షన్ 23(1)కు సవరణ చేసి ఇన్‌సర్వీస్ ఉపాధ్యాయులను టెట్ నుంచి మినహాయించేలా కేంద్ర ప్రభుత్వంతో చర్చించాలని రాష్ట్ర ప్రభుత్వాన్ని కోరారు. టెట్ పరీక్షల్లో ప్రశ్నల స్థాయి నోటిఫికేషన్‌లో పేర్కొన్న సిలబస్ కంటే ఎక్కువగా, అత్యంత కఠినంగా ఉంటోందని వారు ఆరోపించారు. ఉపాధ్యాయుల బోధనకు సంబంధం లేని అంశాలపై పరీక్షలు రాయాల్సి రావడం ఇబ్బందికరంగా మారిందన్నారు. పాఠశాలల్లో బోధనతో పాటు కుటుంబ బాధ్యతలు, వయసు రీత్యా ఎదురయ్యే అనారోగ్య సమస్యల మధ్య టెట్‌కు సిద్ధమై ఉత్తీర్ణత సాధించడం ఇన్‌సర్వీస్ ఉపాధ్యాయులకు కష్టతరమవుతోందన్నారు. ఉపాధ్యాయ సంఘాల విజ్ఞప్తి మేరకు స్పెషల్ టెట్ నోటిఫికేషన్ విడుదల చేసినప్పటికీ, అందులో తాము కోరిన రాయితీలను ప్రభుత్వం కల్పించలేదని అన్నారు. ఇన్‌సర్వీస్ ఉపాధ్యాయులకు రిజర్వేషన్లతో సంబంధం లేకుండా 40 శాతం అర్హత మార్కులు నిర్ణయించాలని, ఆఫ్‌లైన్ విధానంలో పరీక్ష నిర్వహించాలని, గణితం, సైన్స్ ఉపాధ్యాయులకు వారు బోధించే సబ్జెక్టుల్లోనే పరీక్ష నిర్వహించాలని డిమాండ్ చేశారు. ఇన్‌సర్వీస్ ఉపాధ్యాయులకు టెట్ నుంచి మినహాయింపు కల్పించేలా కేంద్ర ప్రభుత్వంతో చర్చించాలని రాష్ట్ర ప్రభుత్వాన్ని కోరినా పట్టించుకోకపోవడం బాధాకరమన్నారు. తమిళనాడు ప్రభుత్వం ఇన్‌సర్వీస్ ఉపాధ్యాయులకు టెట్ మినహాయింపునకు చర్యలు తీసుకోవాలని కేంద్రాన్ని కోరుతూ అసెంబ్లీలో తీర్మానం చేసి ఇతర రాష్ట్రాలకు ఆదర్శంగా నిలిచిందని గుర్తుచేశారు. ఇప్పటికైనా రాష్ట్ర ప్రభుత్వం స్పందించి స్పెషల్ టెట్‌లో 40 శాతం అర్హత మార్కులు ప్రవేశపెట్టాలని, ఆఫ్‌లైన్ విధానంలో పరీక్ష నిర్వహించాలని, టెట్ సమస్యకు శాశ్వత పరిష్కారం కోసం విద్యాహక్కు చట్టం సెక్షన్ 23(1)కు సవరణ చేపట్టేందుకు కేంద్ర ప్రభుత్వంపై ఒత్తిడి తీసుకురావాలని డిమాండ్ చేశారు. లేనిపక్షంలో పోరుబాట పట్టక తప్పదని హెచ్చరించారు. ప్రభుత్వం తక్షణమే స్పందించకపోతే ఆగస్టు 26న రాష్ట్రవ్యాప్తంగా అన్ని జిల్లా కేంద్రాల్లో బైక్ ర్యాలీలు, సెప్టెంబర్ 3న ఛలో విజయవాడ కార్యక్రమాన్ని నిర్వహించి ప్రభుత్వ వైఖరిని ఎండగడతామని యుటిఎఫ్ నాయకులు ప్రకటించారు. ఈ కార్యక్రమంలో యుటిఎఫ్ జిల్లా సహాధ్యక్షుడు వై. రవికుమార్, ట్రెజరర్ కె. నరసింహారావు, జిల్లా కార్యదర్శులు ఎస్. ఎజాస్ అహ్మద్, జి. గోపీనాథ్, డి.వి. సుబ్బారావు, రాష్ట్ర కౌన్సిల్ సభ్యుడు డి. కృష్ణారెడ్డి, జన విజ్ఞాన వేదిక రాష్ట్ర నాయకులు రాజశేఖర రాహుల్, సరస్వతి, యుటిఎఫ్ జిల్లా కార్యవర్గ సభ్యులు రామ కేశవ, చెన్నయ్య, హిపాజతుల్లా, కాయపాటి రామాంజనేయులు, నాగేంద్ర, నాగరాజు, గీత తదితరులు పాల్గొన్నారు.

palakattlunagendra
August 26, 2026
0 Comments
23 Views

Contact Info

Some Populer Post

Contact Info

Tag: karthik yadav

follow us

About Us

Top Categories​

Subscribe

Top Categories