Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Kakinada

కాకినాడ

పెద్ద పులి సంచారం – ప్రజలు అప్రమత్తంగా ఉండాలి

పత్రికా ప్రకటన కాకినాడ జిల్లా అటవీ శాఖ తేదీ: 10.09.2026 పెద్ద పులి సంచారం – ప్రజలు అప్రమత్తంగా ఉండాలి రాజవొమ్మంగి రేంజ్ పరిధి నుండి ఒక పెద్ద పులి ది. 10.09.2026 న ఉదయం సుమారు 5:30 గంటలకు రేడియో కాలర్ ద్వారా అందిన సమాచారాన్ని బట్టి కాకినాడ జిల్లా ఏలేశ్వరం రేంజ్ పరిధిలోని ఉలిగోగుల రిజర్వ్ ఫారెస్ట్, కంపార్టుమెంట్ నెం. 574, పెద్దిపాలెం బీట్, ఏలేశ్వరం సెక్షన్ పరిధిలోకి ప్రవేశించినట్లు అటవీ శాఖకు సమాచారం అందింది. ఈ నేపథ్యంలో దారపల్లి, బురదకోట, మిత్తివాడ, బౌరువాక, తాడువాయి మరియు పరిసర గ్రామాల ప్రజలు అత్యంత అప్రమత్తంగా ఉండాలని అటవీ శాఖ సూచించింది. హనుమాన్ rescue బృందాలు రంగంలోకి దిగాయి. ప్రజల భద్రత దృష్ట్యా: – ఎవ్వరూ అడవిలోకి వెళ్లరాదు. – అత్యవసర పరిస్థితి తప్ప బయటకు వెళ్లకుండా జాగ్రత్తలు తీసుకోవాలి. – ఎవరూ ఒంటరిగా సంచరించరాదు. – తదుపరి ఉత్తర్వులు జారీ చేసే వరకు దారపల్లి వాటర్ ఫాల్స్ ప్రాంతానికి ఎవరూ వెళ్లరాదు. – పులి సంచారం గురించి ఎటువంటి సమాచారం, ఆనవాళ్లు లేదా కదలికలు కనిపించినా ప్రజలు స్వయంగా దాని దగ్గరకు వెళ్లకుండా వెంటనే అటవీ శాఖ అధికారులకు సమాచారం అందించాలి. – పులిని వెంబడించడం, గుంపులుగా చేరి చూడడం లేదా ఫోటోలు/వీడియోల కోసం దగ్గరకు వెళ్లడం వంటి చర్యలకు పాల్పడరాదు. ప్రజల భద్రతకు అత్యంత ప్రాధాన్యతనిస్తూ అటవీ శాఖ అధికారులు పరిస్థితిని నిరంతరం పర్యవేక్షిస్తున్నారు. ప్రజలు ఎటువంటి భయాందోళనలకు గురికాకుండా, అటవీ శాఖ అధికారులు జారీ చేసే సూచనలు మరియు కాకినాడ జిల్లా అటవీ శాఖాధికారి శ్రీ ఎన్. రామచంద్రరావు గారి ఆదేశాలను తప్పనిసరిగా పాటించాలని కోరడమైనది. – జిల్లా అటవీ శాఖాధికారి కాకినాడ జిల్లా Uploaded Video:

కాకినాడ

కాకినాడ జిల్లాలో రాత్రి పూట అనవసరంగా తిరిగే ఆకతాయిలకు చట్టపరమైన చర్యలు ఉంటాయని హెచ్చరించిన పోలీసులు

kakinada_district_police కాకినాడ జిల్లాలో రాత్రి పూట అనవసరంగా తిరిగే ఆకతాయిలకు చట్టపరమైన చర్యలు ఉంటాయని హెచ్చరించిన పోలీసులు నేరాల నియంత్రణ, ప్రజల భద్రతే లక్ష్యంగా కాకినాడ జిల్లా పోలీసులు రాత్రి వేళల్లో ప్రత్యేక నిఘాను మరింత పెంచారు. కాకినాడ జిల్లా ఎస్పీ జి. బిందుమాధవ్, ఐపీఎస్ గారి ఆదేశాల మేరకు, కాకినాడ జిల్లా అడిషనల్ ఎస్పీ శ్రీ రవికుమార్ గారి పర్యవేక్షణలో గత రాత్రి అనగా 05.09.2026 తేదీన కాకినాడ పట్టణ పరిధిలోని వివిధ ప్రాంతాల్లో కాకినాడ ఒకటవ పట్టణ సీఐ ఎం. నాగ దుర్గారావు ఆధ్వర్యంలో షాడో టీమ్ సిబ్బంది, స్పెషల్ పార్టీ పోలీసులతో కలిసి ప్రత్యేక నాకాబందీ నిర్వహించారు. ఈ సందర్భంగా వాహనాలను క్షుణ్ణంగా తనిఖీ చేసి, నిబంధనలకు లోబడి లేని 20 వాహనాలను సీజ్ చేశారు. రాత్రి వేళల్లో అతిగా తిరుగుతున్న వ్యక్తులను గుర్తించి వారి కౌన్సిలింగ్ నిర్వహించారు. డ్రంక్ అండ్ డ్రైవ్ వంటి ముమ్మరంగా తనిఖీలు చేపట్టి అనుమానాస్పద వ్యక్తులు, కార్లలోపలపై ప్రత్యేక నిఘా ఉంచారు. మద్యం సేవించి వాహనాలు నడిపిన వారిపై కేసులు నమోదు చేశారు. అదేవిధంగా వాహనదారులకు రోడ్డు భద్రతా అవగాహన కల్పిస్తూ “సేఫ్ రైడ్ అండ్ డ్రైవ్” కార్యక్రమాన్ని నిర్వహించారు. జిల్లా వ్యాప్తంగా నేరాల నియంత్రణ కోసం రాత్రి పహరాలో వాహనాల తనిఖీలు, నాకాబందీ కార్యక్రమాలను మరింత ముమ్మరం చేస్తున్నామని కాకినాడ జిల్లా పోలీసులు తెలిపారు. ప్రజలు కూడా అప్రమత్తంగా ఉండి అనుమానాస్పద వ్యక్తులు లేదా సంఘటనలు కనిపించిన వెంటనే పోలీసులకు సమాచారం అందించి సహకరించాలని విజ్ఞప్తి చేశారు.

కాకినాడ

కుమారపురంలో ఘనంగా పవన్‌ కళ్యాణ్‌ జన్మదిన వేడుకలు

కుమారపురం: రాష్ట్ర ఉప ముఖ్యమంత్రి, పిఠాపురం ఎమ్మెల్యే పవన్‌ కళ్యాణ్‌ జన్మదినాన్ని పురస్కరించుకుని కుమారపురంలో జనసేన నాయకులు, జనసైనికులు సేవా కార్యక్రమాలు నిర్వహించారు. శ్రీ అభయ బ్లడ్‌ సెంటర్‌ సహకారంతో ఏర్పాటు చేసిన మెగా రక్తదాన శిబిరంలో కార్యకర్తలు, గ్రామ యువత ఉత్సాహంగా పాల్గొని స్వచ్ఛందంగా రక్తదానం చేశారు. అనంతరం కేక్‌ కట్‌ చేసి పవన్‌ కళ్యాణ్‌కు జన్మదిన శుభాకాంక్షలు తెలిపారు. ఆయన ఆయురారోగ్యాలతో ఉండి ప్రజా సేవలో మరింత ముందుకు సాగాలని ఆకాంక్షించారు. కార్యక్రమంలో ఎంపీ తంగెళ్ల ఉదయ శ్రీనివాస్‌తో పాటు పలువురు జనసేన నాయకులు, కార్యకర్తలు, గ్రామ యువత పాల్గొన్నారు.

కాకినాడ

📱 **సోషల్ మీడియా ఇన్‌ఫ్లుయెన్సర్లతో “చేరువ” కార్యక్రమం**

కాకినాడ జిల్లా ఎస్పీ శ్రీ జి. బిందుమాధవ్, IPS సోషల్ మీడియా ఇన్‌ఫ్లుయెన్సర్లతో ముఖాముఖి సమావేశం నిర్వహించారు. సోషల్ మీడియాలో నిజ నిర్ధారణ చేసిన సమాచారాన్ని మాత్రమే పోస్ట్ చేయాలని, వదంతులు, తప్పుడు వార్తలకు దూరంగా ఉండాలని సూచించారు. అలాగే సైబర్ నేరాలు, ఆన్‌లైన్ మోసాలపై ప్రజలకు అవగాహన కల్పించడంలో ఇన్‌ఫ్లుయెన్సర్లు భాగస్వాములు కావాలని పిలుపునిచ్చారు. పోలీసులు – ప్రజల మధ్య మరింత చేరువే లక్ష్యం!

కాకినాడ

గంజాయి సమాచారం ఇచ్చి బహుమతి గెలుచుకోండి!

గంజాయి సమాచారం ఇచ్చి బహుమతి గెలుచుకోండి.. అంటున్న కాకినాడ జిల్లా పోలీసులు “రైజ్ ఎగైనెస్ట్ గంజా” పేరుతో భారీ అవగాహన సదస్సు నిర్వహించిన కాకినాడ జిల్లా పోలీస్ కాకినాడ జిల్లా ఎస్పీ శ్రీ జి. బిందుమాధవ్, ఐపీఎస్ గారి ఆధ్వర్యంలో మాదకద్రవ్యాల రహిత సమాజ నిర్మాణం లక్ష్యంగా కాకినాడ జిల్లా పోలీసు కార్యాలయంలో ఈరోజు “రైజ్ ఎగైనెస్ట్ గంజా” పేరుతో విద్యార్థులు, యువత మరియు ప్రజలకు గంజాయికి వ్యతిరేకంగా విస్తృత అవగాహన సదస్సు నిర్వహించారు. ఈ సందర్భంగా జిల్లా ఎస్పీ గారు మాట్లాడుతూ, గంజాయి వినియోగం యువత భవిష్యత్తును నాశనం చేయడమే కాకుండా కుటుంబ వ్యవస్థకు, సమాజానికి తీవ్ర నష్టం కలిగిస్తుందని అన్నారు. మాదకద్రవ్యాల నిర్మూలనలో పోలీసులతో పాటు విద్యార్థులు, యువత మరియు ప్రజలు భాగస్వాములు కావాలని పిలుపునిచ్చారు. అనంతరం “రైజ్ ఎగైనెస్ట్ గంజా” పోస్టర్ ను ఎస్పీ గారి చేతుల మీదుగా విడుదల చేశారు. “సమాచారం ఇవ్వండి – సమాజాన్ని కాపాడండి”, “గంజాయి రహిత సమాజం – మనందరి బాధ్యత” అనే నినాదాలతో గంజాయి అక్రమ రవాణా, విక్రయాలు లేదా వినియోగానికి సంబంధించిన సమాచారం వెంటనే పోలీసులకు తెలియజేయాలని కోరారు. గంజాయికి సంబంధించిన సమాచారం అందించిన వారి వివరాలను పూర్తిగా గోప్యంగా ఉంచడంతో పాటు, విలువైన సమాచారాన్ని అందించిన వారికి తగిన బహుమతి కూడా అందజేస్తామని జిల్లా ఎస్పీ శ్రీ జి. బిందుమాధవ్, ఐపీఎస్ గారు తెలిపారు. గంజాయి సమాచారాన్ని ఇలా అందించండి: 📞 1972 – గంజాయి సమాచారం కోసం ప్రత్యేక హెల్ప్‌లైన్ 📞 112 – అత్యవసర పోలీసు సేవలు 📱 కాకినాడ పోలీస్ వాట్సాప్ నంబర్: 9494933233

కాకినాడ

స్వచ్ఛమైన కాకినాడ–పచ్చని కాకినాడే లక్ష్యం: ఎమ్మెల్యే కొండబాబు

### స్వచ్ఛమైన కాకినాడ–పచ్చని కాకినాడే లక్ష్యం: ఎమ్మెల్యే కొండబాబు **కాకినాడ:** ప్రజలు, స్వచ్ఛంద సంస్థల భాగస్వామ్యంతో కాకినాడను స్వచ్ఛంగా, పచ్చగా తీర్చిదిద్దేందుకు కృషి చేయాలని కాకినాడ ఎమ్మెల్యే కొండబాబు పిలుపునిచ్చారు. స్థానిక కాకినాడ స్మార్ట్ సిటీ కార్యాలయంలో ఆల్ ఈజ్ వెల్ సంస్థకు మొక్కల సంరక్షణ కోసం స్థలం కేటాయించిన సందర్భంగా డా. చిట్ల కిరణ్, డా. అడ్డాల సత్యనారాయణ, కిషోర్ తదితరులు ఎమ్మెల్యేను ఘనంగా సత్కరించారు. ఈ సందర్భంగా ఎమ్మెల్యే మాట్లాడుతూ నగరంలో విస్తృతంగా మొక్కలు నాటడం, పార్కులను అభివృద్ధి చేయడం, కమ్యూనిటీ గార్డెన్లు, గ్రీన్‌జోన్లు ఏర్పాటు చేయడంతో పాటు తడి, పొడి చెత్తను ఇంటి వద్దే వేరు చేసే విధానాన్ని ప్రోత్సహిస్తామని తెలిపారు. తడి చెత్తతో సేంద్రీయ ఎరువుల తయారీ, ప్లాస్టిక్ వినియోగ నియంత్రణ, సైకిల్ ట్రాక్‌లు, కాలినడక మార్గాల ఏర్పాటుకు చర్యలు చేపడతామన్నారు. కాకినాడ బీచ్‌లో క్లీన్ అండ్ గ్రీన్ కార్యక్రమం నిర్వహిస్తున్నట్లు డా. అడ్డాల సత్యనారాయణ తెలిపారు. ప్రజల్లో అవగాహన పెంచేందుకు పాఠశాలలు, స్వచ్ఛంద సంస్థలు, నివాస సంఘాలతో కలిసి కార్యక్రమాలు చేపడతామని డా. చిట్ల కిరణ్ పేర్కొన్నారు. కార్యక్రమంలో డా. రాజకుమార్, టి.వి.వి.ఎస్.ఎన్. రెడ్డి, డా. రవివర్మ, విక్రమ్, రాజేంద్ర, శ్రీనివాసు తదితరులు పాల్గొన్నారు.

కాకినాడ

సర్దార్ వల్లభాయ్ పటేల్ జయంతి (ఏక్తా దివస్) సందర్భంగా రక్తదాన శిబిరం నిర్వహించిన కాకినాడ జిల్లా పోలీసులు

**kakinada_district_police** సర్దార్ వల్లభాయ్ పటేల్ జయంతి (ఏక్తా దివస్) సందర్భంగా రక్తదాన శిబిరం నిర్వహించిన కాకినాడ జిల్లా పోలీసులు రానున్న సర్దార్ వల్లభాయ్ పటేల్ జయంతి (ఏక్తా దివస్) లో భాగంగా కాకినాడ జిల్లా ఎస్పీ శ్రీ జి. బిందుమాధవ్, ఐపీఎస్ గారి ఆదేశాల మేరకు కాకినాడ జిల్లా పోలీస్ యంత్రాంగం కాకినాడ రోటరీ క్లబ్, యువసేన బ్లడ్ బ్యాంక్ మరియు కాకినాడ జీజీహెచ్ సంయుక్త ఆధ్వర్యంలో ఈరోజు కాకినాడ జిల్లా, కాకినాడ, పోలీస్ కళ్యాణ మండపం వద్ద రక్తదాన శిబిరాన్ని నిర్వహించారు. ఉదయం 09.00 గంటల నుంచి మధ్యాహ్నం 02.00 గంటల వరకు నిర్వహించిన ఈ రక్తదాన శిబిరంలో కాకినాడ జిల్లాకు చెందిన పోలీసు అధికారులు, సిబ్బందితో పాటు స్థానిక యువత పెద్ద సంఖ్యలో పాల్గొని రక్తదానం చేశారు. ఈ శిబిరంలో మొత్తం 111 మంది రక్తదానం చేశారు. ఈ సందర్భంగా జిల్లా ఎస్పీ శ్రీ జి. బిందుమాధవ్, ఐపీఎస్ గారు మాట్లాడుతూ… ఆపదలో ఉన్నవారికి, తలసేమియా వ్యాధితో బాధపడుతున్న వారికి, రోడ్డు ప్రమాదాల్లో గాయపడిన వారికి, ఇతర అనారోగ్య సమస్యలతో బాధపడుతున్న వారికి రక్తం ఎంతో విలువైనదని, ఒక యూనిట్ రక్తదానం చేయడం ద్వారా పలువురి ప్రాణాలను కాపాడే అవకాశం ఉంటుందని తెలిపారు. రక్తదానం చేయడానికి ముందుకు వచ్చిన ప్రతి ఒక్కరూ ఆపదలో ఉన్న వారి ప్రాణాలను కాపాడడంలో భాగస్వాములు అవుతారని పేర్కొన్నారు. సమాజంలో ప్రతి ఒక్కరూ రక్తదానం చేయడానికి ముందుకు వచ్చి, ఆపదలో ఉన్న వారికి తమ వంతు సహాయం అందించాలని ఎస్పీ గారు పిలుపునిచ్చారు. ఏక్తా దివస్ కార్యక్రమాల్లో భాగంగా ఉన్నతాధికారుల ఆదేశాల మేరకు ఈ రక్తదాన శిబిరాన్ని నిర్వహించినట్లు తెలిపారు. ఈ కార్యక్రమంలో కాకినాడ జిల్లా అడిషనల్ ఎస్పీ (అడ్మిన్) డాక్టర్ మహంతి కిషోర్ కుమార్ గారు, అడిషనల్ ఎస్పీ (ఏ ఆర్) శ్రీ ఎస్ శ్రీనివాసరావు, ఎస్బీ డిఎస్పీ శ్రీ కెవివి సత్యనారాయణ, పెద్దాపురం డిఎస్పీ శ్రీ ఎబిజి తిలక్, ఏ ఆర్ డిఎస్పీ శ్రీ వి జి శ్రీహరి రావు, జిల్లాలోని సిఐలు, ఎస్సైలు, రిజర్వ్ ఇన్స్పెక్టర్లు శ్రీ కె వెంకటరావు, శ్రీ ఎం నరసింహ మూర్తి, ఆర్ ఎస్సైలు, పోలీసు సిబ్బంది మరియు పెద్దసంఖ్యలో కాకినాడ జిల్లా యువత పాల్గొన్నారు. అలాగే ఈ నెల 31వ తేదీన కాకినాడ, పోలీస్ కళ్యాణ మండపం వద్ద ఉచిత వైద్య శిబిరాన్ని కూడా నిర్వహించనున్నట్లు జిల్లా ఎస్పీ గారు తెలియజేశారు.

కాకినాడ

కాకినాడ భానుగుడి సెంటర్ లో అర్ధరాత్రి 2.గంటల సమయంలో యువకుడు దారుణ హత్య

కాకినాడ జిల్లా కాకినాడ కాకినాడ భానుగుడి సెంటర్ లో అర్ధరాత్రి 2.గంటల సమయంలో యువకుడు దారుణ హత్య భానుగుడి సెంటర్ లో కోడమాటి సతీష్ రెడ్డి (30) జిమ్ ట్రైనర్ పైన బందుల సాయికిరణ్ (30) అతని స్నేహాతులు దాడి..కర్రతో పీకలో పొడిచి హత్య అక్రమ సంబంధం మరియు ఆర్థిక లావాదేవీలు వలన హత్య జరిగింది అనే కోణం లో.. టూ టౌన్ పోలీసులు విచారణ

కాకినాడ

రైఫిల్ ఇన్‌స్టిట్యూట్ పెడుతున్నానని చెప్పి నన్ను సాదిక్ ఖాన్ ఆహ్వానిస్తే వెళ్లాను.మాజీ ఎమ్మెల్యే ద్వారంపూడి చంద్రశేఖర్ రెడ్డి

నేను ఎమ్మెల్యేగా ఉన్నప్పుడు రైఫిల్ ఇన్‌స్టిట్యూట్ పెడుతున్నానని చెప్పి నన్ను సాదిక్ ఖాన్ ఆహ్వానిస్తే వెళ్లాను. నాతో పాటు అప్పట్లో నాయకులు, అధికారులు కూడా వచ్చారు. ఆరోజు నాకు శాలువా కప్పిన సాదిక్ ఖాన్ ఫోటో దిగాడు. ఆ ఫోటోని పట్టుకుని.. నాపై ఎల్లో మీడియా దుష్ప్రచారం చేస్తోంది. కాకినాడలో అతని దందాలకు నాకు ఎలాంటి సంబంధం లేదు. — ద్వారంపూడి చంద్రశేఖర్ రెడ్డి గారు, కాకినాడ సిటీ మాజీ ఎమ్మెల్యే Uploaded Video:

కాకినాడ

నేటితో ముగిసిన 6 రోజుల సమగ్ర విద్యా ఆంధ్రప్రదేశ్ ఆధ్వర్యంలో **“జ్ఞాన జ్యోతి 120 రోజుల గ్రౌండ్ లెవల్ శిక్షణ కార్యక్రమం”**

సమగ్ర విద్యా ఆంధ్రప్రదేశ్ ఆధ్వర్యంలో **“జ్ఞాన జ్యోతి 120 రోజుల గ్రౌండ్ లెవల్ శిక్షణ కార్యక్రమం”** అంగన్‌వాడీ కార్యకర్తలకు ఒక రూపాంతర ప్రయాణం. ఆంధ్రప్రదేశ్ రాష్ట్రంలో బాల్య దశ విద్య భవిష్యత్తును తీర్చిదిద్దేందుకు ఈ కార్యక్రమం ఎంతో కీలకమైనది. ప్రయోగాత్మక శిక్షణతో పాటు వినూత్న పద్ధతులను మిళితం చేయడం ద్వారా, అంగన్‌వాడీ టీచర్లకు చిన్నారులకు ఆహ్లాదకరమైన, సురక్షితమైన మరియు అభ్యాసానికి అనుకూలమైన వాతావరణాన్ని సృష్టించేలా ఈ కార్యక్రమం శిక్షణనిస్తుంది. **విద్యా ప్రమాణాల అభివృద్ధి, చిన్నారుల సమగ్ర వికాసం కోసం ముందుకు సాగుతున్న ఈ సామూహిక అడుగును మనమందరం అభినందిద్దాం.** Uploaded Video: