Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Kakinada

కాకినాడ

కాకినాడ లో ఘనంగా 80 వ స్వాతంత్ర్య దినోత్సవ వేడుకలు, ముఖ్య అతిథిగా డిప్యూటీ సీఎం పవన్ కల్యాణ్

కాకినాడ: స్వాతంత్ర్యం కోసం ఒక తరం పోరాటం చేస్తే, మరో తరం దానిని కాపాడిందని, దేశ నిర్మాణానికి పునాదులు వేయాల్సిన బాధ్యత ప్రస్తుతం తరంపై ఉందని ఏపీ డిప్యూటీ సీఎం పవన్ కళ్యాణ్ పేర్కొన్నారు. ముఖ్యంగా యువతకు దిశానిర్దేశం చేస్తూ.. “వేగం అనేది సత్యం కాదు” (Speed is not truth) అని, సోషల్ మీడియాలో వచ్చే సమాచారాన్ని నమ్మే ముందు అందులో వాస్తవం ఉందా లేదా అని ఆలోచించాలని సూచించారు. రాజ్యాంగం కల్పించిన స్వేచ్ఛను ఇతరులను దూషించడానికి కాకుండా, బాధ్యతాయుతమైన పౌరులుగా ఎదగడానికి ఉపయోగించాలని పిలుపునిచ్చారు. వ్యవస్థల్లో తప్పులుంటే వాటిని సరిదిద్దాలే తప్ప, ఆస్తులను ధ్వంసం చేయడం మాత్రం మార్గం కాదని తన ఉద్యమ ప్రయాణాన్ని గుర్తు చేశారు. యువత దుబ్బుకు ఓటు వేయకుండా, సమస్యలకు పరిష్కారం చూపే శక్తిగా ఎదిగి భారతదేశాన్ని నడిపించాలని ఆయన ఆకాంక్షించారు.

కాకినాడ

*ప్రపంచ ఆర్గాన్ డొనేషన్ దినోత్సవం సందర్భంగా మెడికవర్ హాస్పిటల్స్ కాకినాడ ఆధ్వర్యంలో అవగాహన ర్యాలీ కాకినాడ*

*ప్రపంచ ఆర్గాన్ డొనేషన్ దినోత్సవం సందర్భంగా మెడికవర్ హాస్పిటల్స్ కాకినాడ ఆధ్వర్యంలో అవగాహన ర్యాలీ కాకినాడ* ప్రపంచ ఆర్గాన్ డొనేషన్ దినోత్సవం సందర్భంగా మెడికవర్ హాస్పిటల్స్ కాకినాడ ఆధ్వర్యంలో గురువారం అవగాహన ర్యాలీ మరియు ఫ్లాష్ మాబ్ నిర్వహించారు. ఎస్పీ కార్యాలయం నుంచి భానుగుడి జంక్షన్ వరకు నిర్వహించిన ఈ అవగాహన ర్యాలీని కాకినాడ జిల్లా ఎస్పీ శ్రీ బిందు మాధవ్, IPS గారు మరియు జిల్లా వైద్య ఆరోగ్య శాఖ అధికారి డా. కె. అనిత గారు జెండా ఊపి ప్రారంభించారు. కాకినాడ జిల్లా ఎస్పీ శ్రీ బిందు మాధవ్ గారు మాట్లాడుతూ: అవయవ దానం ద్వారా మరొకరికి పునర్జన్మను ప్రసాదించే గొప్ప అవకాశం లభిస్తుందని అన్నారు. సమాజంలో ఆర్గాన్ డొనేషన్‌పై మరింత అవగాహన పెంచాల్సిన అవసరం ఉందని, యువత ఈ సందేశాన్ని ప్రజల్లోకి విస్తృతంగా తీసుకెళ్లాలని పిలుపునిచ్చారు. ఈ కార్యక్రమానికి కుడా చైర్మన్ శ్రీ సత్య తలాటం గారు ముఖ్య అతిథిగా హాజరయ్యారు.అవయవ దానం ఒక మహోన్నతమైన సేవ అని, మనం మరణానంతరం కూడా మరొకరి జీవితాన్ని కాపాడే అవకాశం అవయవ దానం ద్వారా లభిస్తుందని అన్నారు. ప్రజలు ఆర్గాన్ డొనేషన్‌పై ఉన్న అపోహలను తొలగించుకొని, అవయవ దానానికి ముందుకు రావాలని పిలుపునిచ్చారు. యువతలో అవయవ దానంపై మరింత అవగాహన కల్పించేందుకు ఇలాంటి కార్యక్రమాలు నిర్వహించడం అభినందనీయమని, మెడికవర్ హాస్పిటల్స్ కాకినాడ చేపట్టిన అవగాహన ర్యాలీ, ఫ్లాష్ మాబ్ కార్యక్రమాలు ప్రజల్లో చైతన్యం తీసుకురావడంలో ఎంతగానో ఉపయోగపడతాయని తెలిపారు. ఈ సందర్భంగా మెడికవర్ హాస్పిటల్స్ యూరాలజిస్ట్ డా. కల్యాణ్ బాబు, నెఫ్రాలజిస్ట్ డా. రాజా అమరేంద్ర, అనస్థీషియా విభాగం డా. కిషోర్ బాబు మాట్లాడుతూ, ఆర్గాన్ డొనేషన్ ప్రాముఖ్యత, అవయవ దానం ద్వారా మరొకరికి ప్రాణదానం చేసే అవకాశం, ప్రజల్లో అవగాహన పెంపొందించాల్సిన అవసరం గురించి వివరించారు. మెడికవర్ హాస్పిటల్స్ కాకినాడ సెంటర్ హెడ్ శ్రీ నందికోళ్ల ఆంజనేయస్వామి (అంజిబాబు) మాట్లాడుతూ, అవయవ దానం పట్ల ప్రజల్లో ఉన్న అపోహలను తొలగించి, ఆర్గాన్ డొనేషన్‌పై మరింత అవగాహన కల్పించాల్సిన అవసరం ఉందన్నారు. ఒక వ్యక్తి అవయవ దానం ద్వారా అనేక మంది జీవితాల్లో వెలుగులు నింపవచ్చని తెలిపారు. ర్యాలీతో పాటు నిర్వహించిన ఫ్లాష్ మాబ్ ద్వారా విద్యార్థులు మరియు ప్రజలకు ఆర్గాన్ డొనేషన్‌పై అవగాహన కల్పించారు. ఈ కార్యక్రమంలో మెడికవర్ హాస్పిటల్స్ సిబ్బంది, ఆదిత్య కళాశాల విద్యార్థులు, ఆదర్శ కళాశాల విద్యార్థులు, ఇతర కళాశాలల విద్యార్థులు పెద్ద సంఖ్యలో పాల్గొని కార్యక్రమాన్ని విజయవంతం చేశారు. “అవయవ దానం – మరొకరికి పునర్జన్మ” అనే సందేశంతో నిర్వహించిన ఈ కార్యక్రమం ప్రజల్లో ఆర్గాన్ డొనేషన్‌పై అవగాహన పెంపొందించడంలో ముఖ్యపాత్ర పోషించింది. Uploaded Video:

కాకినాడ

ఆంధ్రప్రదేశ్ ప్రభుత్వం తెచ్చిన పీపీపీ-2026 (PPP-2026) విధానం ద్వారా ప్రభుత్వ ఆస్తులను, సేవలను ప్రైవేట్ వ్యక్తులకు అప్పగించి దోచుకోవడానికి చూస్తున్నారని వైయస్ఆర్ కాంగ్రెస్ పార్టీ నాయకుడు, మాజీ మంత్రి కురసాల కన్నబాబు ఆరోపించారు.

ఆంధ్రప్రదేశ్ ప్రభుత్వం తెచ్చిన పీపీపీ-2026 (PPP-2026) విధానం ద్వారా ప్రభుత్వ ఆస్తులను, సేవలను ప్రైవేట్ వ్యక్తులకు అప్పగించి దోచుకోవడానికి చూస్తున్నారని వైయస్ఆర్ కాంగ్రెస్ పార్టీ నాయకుడు, మాజీ మంత్రి కురసాల కన్నబాబు ఆరోపించారు. ఇది రాష్ట్రాన్ని అమ్మేసే కుట్ర అని ఆయన ధ్వజం చేశారు. *కన్నబాబు ముఖ్య ఆరోపణలు,డిమాండ్లు* ప్రజా ఆస్తుల దోపిడీ: తాగునీరు, శానిటేషన్, రోడ్లు, హౌసింగ్, మార్కెట్లు, పార్కులు వంటి ముఖ్యమైన సేవలను ప్రైవేట్ పరం చేయడం వల్ల పేద, మధ్యతరగతి ప్రజలపై భారం పడుతుందని కన్నబాబు పేర్కొన్నారు. వివరాలు బయట పెట్టాలి: పీపీపీ ప్రాజెక్టులకు కేటాయించిన భూములు, వాటి మార్కెట్ విలువ, ప్రైవేట్ పెట్టుబడులు, ప్రభుత్వ వాటా, పన్ను మినహాయింపులు వంటి పూర్తి వివరాలను ప్రభుత్వం బహిర్గతం చేయాలని డిమాండ్ చేశారు. విధానం ఉపసంహరించుకోవాలి: ఈ పీపీపీ-2026 పాలసీని తక్షణమే వెనక్కి తీసుకోవాలని లేదా దీనిపై బహిరంగ చర్చ పెట్టాలని ఆయన ప్రభుత్వాన్ని హెచ్చరించారు.

కాకినాడ

ఇంటింటికీ తెలుగుదేశం’తో సంక్షేమ ఫలాలు ప్రతి ఇంటా

కరప, ఆగస్టు 26: కూటమి ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలను ప్రజలకు చేరవేసేందుకు కరప మండలం పెనుగుదురు గ్రామంలో ‘ఇంటింటికీ తెలుగుదేశం’ కార్యక్రమం నిర్వహించారు. మాజీ ఎమ్మెల్యే పిల్లి అనంతలక్ష్మి సత్తిబాబు, మాజీ మంత్రి చిక్కాల రామచంద్రరావు, మాజీ జడ్పీటీసీ నులుకుర్తి వెంకటేశ్వరరావు ఇంటింటికీ వెళ్లి ప్రజలతో మమేకమయ్యారు. గత రెండేళ్లలో అమలు చేసిన సంక్షేమ పథకాలు, అభివృద్ధి పనులను వివరించారు. ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ నాయకత్వంలోని ప్రభుత్వం ప్రజాభిప్రాయాలకు ప్రాధాన్యత ఇస్తోందని తెలిపారు. కార్యక్రమంలో కూటమి నాయకులు, పార్టీ శ్రేణులు పెద్ద సంఖ్యలో పాల్గొన్నారు.