Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Kadapa

కడప

ప్రతి రైతుకూ 11 అంకెల విశిష్ట సంఖ్య తప్పనిసరి

ప్రతి రైతుకూ 11 అంకెల విశిష్ట సంఖ్య తప్పనిసరి పున్నమి, కడప : ప్రభుత్వ సంక్షేమ పథకాలు, పీఎం కిసాన్ తదితర ప్రయోజనాలు పొందేందుకు రైతులు 11 అంకెల విశిష్ట రైతు గుర్తింపు సంఖ్యను నమోదు చేసుకోవాలని వ్యవసాయ శాఖ అధికారులు సూచించారు. రైతు సేవా కేంద్రాల్లో ఈ నమోదు ప్రక్రియను పూర్తి చేసుకోవాలని అధికారులు కోరారు. — పున్నమి, కడప

కడప

కడప జిల్లాలో ముమ్మరంగా నైట్ పెట్రోలింగ్

కడప జిల్లాలో ముమ్మరంగా నైట్ పెట్రోలింగ్ పున్నమి, కడప : నేరాల నియంత్రణ, అసాంఘిక కార్యకలాపాల అరికట్టడం, ప్రజల్లో భద్రతా భావాన్ని పెంపొందించడం లక్ష్యంగా కడప జిల్లా వ్యాప్తంగా పోలీసులు విస్తృతంగా నైట్ పెట్రోలింగ్ నిర్వహిస్తున్నారు. జిల్లా ఎస్పీ షెల్కే నచికేత్ విశ్వనాథ్ ఆదేశాల మేరకు పోలీసులు రాత్రి వేళల్లో ప్రధాన రహదారులు, అనుమానాస్పద ప్రాంతాలు, పట్టణ పరిసరాల్లో ప్రత్యేక నిఘా కొనసాగిస్తున్నారు. — పున్నమి, కడప

కడప

బద్వేల్‌లో 2.1 కిలోల గంజాయి స్వాధీనం

బద్వేల్‌లో 2.1 కిలోల గంజాయి స్వాధీనం పున్నమి, కడప : బద్వేల్‌ పట్టణ పరిధిలో పోలీసులు భారీగా గంజాయిని స్వాధీనం చేసుకున్నారు. పోరుమామిళ్ల బైపాస్‌ ఫ్లైఓవర్‌ కింద నిర్వహించిన తనిఖీల్లో 2.1 కిలోల గంజాయి పట్టుబడింది. ఈ ఘటనకు సంబంధించి ఐదుగురు నిందితులను పోలీసులు అరెస్టు చేసినట్లు సమాచారం. గంజాయి అక్రమ రవాణాపై ప్రత్యేక నిఘా కొనసాగిస్తున్నామని పోలీసులు తెలిపారు. — పున్నమి, కడప

కడప

బద్వేల్‌లో ప్రైవేట్ ఆసుపత్రుల దోపిడీపై ఆగ్రహం

బద్వేల్‌లో ప్రైవేట్ ఆసుపత్రుల దోపిడీపై ఆగ్రహం పున్నమి, కడప : బద్వేల్‌లోని ప్రైవేట్ ఆసుపత్రుల్లో రోగుల నుంచి అధిక మొత్తంలో డబ్బులు వసూలు చేస్తున్నారని ఆరోపిస్తూ ఏఐవైఎఫ్ నాయకులు ఆగ్రహం వ్యక్తం చేశారు. వైద్యం పేరుతో పేద, మధ్యతరగతి ప్రజలపై ఆర్థిక భారం మోపకుండా అధికారులు చర్యలు తీసుకోవాలని డిమాండ్ చేశారు. — పున్నమి, కడప

కడప

వీఆర్ఏల సమస్యలపై అసెంబ్లీలో చర్చించాలి.

వీఆర్ఏల సమస్యలపై అసెంబ్లీలో చర్చించాలి. ఎమ్మెల్యే, ఎమ్మెల్సీలకు వీఆర్ఏ అసోసియేషన్ రాష్ట్ర నేత కొమ్మది ఈశ్వరయ్య బహిరంగ లేఖ కడప ఆగస్టు 18 (పున్నమి న్యూస్) రాష్ట్రంలో గ్రామ రెవెన్యూ సహాయకులు (వీఆర్ఏలు) ఎదుర్కొంటున్న దీర్ఘకాలిక సమస్యలపై ప్రస్తుతం జరుగుతున్న అసెంబ్లీ సమావేశాల్లో చర్చించాలని ఏపీ వీఆర్ఏ వెల్ఫేర్ అండ్ సర్వీస్ అసోసియేషన్ రాష్ట్ర డిప్యూటీ జనరల్ సెక్రెటరీ కొమ్మద్ది ఈశ్వరయ్య ఎమ్మెల్యేలు, ఎమ్మెల్సీలకు విజ్ఞప్తి చేశారు. మంగళవారం వీరపునాయునిపల్లెలో ఆయన డిమాండ్లతో కూడిన బహిరంగ లేఖను విడుదల చేశారు. ఈ సందర్భంగా ఈశ్వరయ్య మాట్లాడుతూ రాష్ట్రవ్యాప్తంగా సుమారు 20 వేల మంది వీఆర్ఏలు గ్రామస్థాయిలో సేవలందిస్తున్నారని, వారికి ప్రస్తుతం రూ.10,500 గౌరవ వేతనం మాత్రమే అందుతోందన్నారు. పని భారం అధికంగా ఉన్నప్పటికీ వేతనం తక్కువగా ఉందని ఆవేదన వ్యక్తం చేశారు. వీఆర్ఏలకు పే స్కేల్ వర్తింపజేయాలని, వన్‌టైమ్ సెటిల్‌మెంట్ కింద అర్హత కలిగిన వీఆర్ఏలకు వీఆర్వోలుగా పదోన్నతులు కల్పించాలని, నామిని వీఆర్ఏలను రెగ్యులర్ చేయాలని ఆయన ప్రభుత్వాన్ని కోరారు. అసెంబ్లీ సమావేశాల్లో ఈ సమస్యలపై చర్చించి, వీఆర్ఏలకు న్యాయం జరిగేలా ఎమ్మెల్యేలు, ఎమ్మెల్సీలు ప్రభుత్వంపై ఒత్తిడి తీసుకురావాలని విజ్ఞప్తి చేశారు. ఈ కార్యక్రమంలో అసోసియేషన్ కడప జిల్లా అధ్యక్షులు కోడూరు పుల్లయ్య, ఏపీ డైరెక్ట్ వీఆర్ఏ రిక్రూట్‌మెంట్ అసోసియేషన్ జిల్లా కార్యదర్శి వెంకటసుబ్బయ్య, కేశవ, శ్రీను తదితరులు పాల్గొన్నారు.

కడప

డీఎస్సీ అక్రమాలపై శాసన మండలిలో చర్చ పెట్టాలి

డీఎస్సీ అక్రమాలపై శాసన మండలిలో చర్చ పెట్టాలి పున్నమి ప్రతినిధి – కడప: డీఎస్సీ నియామకాల్లో జరిగిన అక్రమాలు, అవకతవకలపై శాసన మండలిలో సమగ్రంగా చర్చించాలని వైఎస్సార్‌సీపీ స్టేట్ మహిళా ప్రధాన కార్యదర్శి యేకుల రాజేశ్వరి రెడ్డి డిమాండ్ చేశారు. డీఎస్సీ నియామకాల్లో అక్రమాలు జరిగాయని అభ్యర్థులు, నిరుద్యోగులు ఆందోళన వ్యక్తం చేస్తున్న నేపథ్యంలో ప్రభుత్వం దీనిపై స్పష్టమైన సమాధానం ఇవ్వాల్సిన అవసరం ఉందన్నారు. అభ్యర్థులకు న్యాయం జరిగేలా సమగ్ర విచారణ చేపట్టాలని కోరారు. అయితే ఇప్పుడు చర్చ పెట్టారని, అది కూడా చివరి రోజు చర్చ పెట్టడం సరికాదని ఆమె విమర్శించారు. సమస్యపై ముందుగానే చర్చించి అభ్యర్థులకు న్యాయం చేయాల్సిన ప్రభుత్వం చివరి రోజు చర్చ పెట్టి ముగించేందుకు ప్రయత్నించడం అన్యాయమన్నారు. “తప్పు చేశారు కాబట్టే.. చర్చ పెట్టకుండా తొక్కి ముగించారు. డీఎస్సీ అభ్యర్థుల భవిష్యత్తుతో ఆటలాడకూడదు. పారదర్శకంగా విచారణ జరిపి అర్హులైన అభ్యర్థులకు న్యాయం చేయాలి” అని యేకుల రాజేశ్వరి రెడ్డి డిమాండ్ చేశారు. నిరుద్యోగ యువతకు న్యాయం జరిగే వరకు తమ పోరాటం కొనసాగుతుందని ఆమె స్పష్టం చేశారు. యేకుల రాజేశ్వరి రెడ్డి వైఎస్సార్‌సీపీ స్టేట్ మహిళా ప్రధాన కార్యదర్శి

కడప

కడప కలెక్టరేట్ వద్ద ఉద్రిక్తత

కడప కలెక్టరేట్ వద్ద ఉద్రిక్తత కడప, ఆగస్టు 18 (పున్నమి ప్రతినిధి): కాంట్రాక్టు, ఔట్‌సోర్సింగ్ కార్మికుల సమస్యలు పరిష్కరించాలని డిమాండ్ చేస్తూ ఏఐటీయూసీ ఆధ్వర్యంలో కడప కలెక్టరేట్ కార్యాలయాన్ని ముట్టడించారు. కలెక్టరేట్‌లోకి చొచ్చుకెళ్లేందుకు ఉద్యమకారులు ప్రయత్నించడంతో పోలీసులు అడ్డుకున్నారు. దీంతో పోలీసులు, ఉద్యమకారుల మధ్య తోపులాట జరిగి ఉద్రిక్తత నెలకొంది. కాంట్రాక్టు, ఔట్‌సోర్సింగ్ కార్మికులను పర్మినెంట్ చేసి కనీస వేతనం రూ.26 వేలు ఇవ్వాలని, నాలుగు లేబర్ కోడ్‌లను రద్దు చేసి 8 గంటల పని విధానాన్ని కొనసాగించాలని డిమాండ్ చేశారు. అంగన్వాడీ, ఆశా, మధ్యాహ్న భోజన పథకం కార్మికులను ప్రభుత్వ ఉద్యోగులుగా గుర్తించాలని, హమాలీ, ఆటో, వీధి విక్రయదారుల కోసం సంక్షేమ బోర్డులు ఏర్పాటు చేయాలని కోరారు.

కడప

కడప పాలనలో మార్పు రావాలి: సీపీఐ

కడప పాలనలో మార్పు రావాలి: సీపీఐ పున్నమి ప్రతినిధి – కడప: కడప మున్సిపల్ కార్పొరేషన్ పాలనలో సమూల మార్పు రావాలని సీపీఐ జిల్లా కార్యదర్శి గాలి చంద్ర డిమాండ్ చేశారు. నగర సమగ్రాభివృద్ధికి రూ.5,000 కోట్ల ప్రత్యేక ప్యాకేజీ కేటాయించాలని కోరారు. సోమవారం కార్పొరేషన్ కార్యాలయం వద్ద సీపీఐ ఆధ్వర్యంలో ‘కడప ప్రజాగర్జన’ నిర్వహించారు. నల్లజెండాలు, ప్లకార్డులతో నిరసన తెలిపారు. పేదలందరికీ రెండు సెంట్ల ఇంటి స్థలాలు, కొత్త రేషన్ కార్డులు, పింఛన్లు మంజూరు చేయాలని డిమాండ్ చేశారు. తాగునీరు, రోడ్లు, డ్రైనేజీ, పారిశుధ్య సమస్యలను వెంటనే పరిష్కరించాలని కోరారు. ఎన్నికల హామీలను ప్రభుత్వం అమలు చేయాలని గాలి చంద్ర పేర్కొన్నారు. కార్యక్రమంలో సీపీఐ నాయకులు, కార్యకర్తలు పాల్గొన్నారు.

కడప

కడప టూ టౌన్ ఎస్‌ఐగా ఆర్‌వీ కొండారెడ్డి బాధ్యతల స్వీకరణ

కడప టూ టౌన్ ఎస్‌ఐగా ఆర్‌వీ కొండారెడ్డి బాధ్యతల స్వీకరణ పున్నమి ప్రతినిధి – కడప: కడప టూ టౌన్ పోలీస్ స్టేషన్ నూతన సబ్‌ఇన్‌స్పెక్టర్‌గా ఆర్‌వీ కొండారెడ్డి బాధ్యతలు స్వీకరించారు. బద్వేల్ పోలీస్ స్టేషన్ నుంచి బదిలీపై ఆయన కడప టూ టౌన్ పోలీస్ స్టేషన్‌కు వచ్చారు. ఆర్‌వీ కొండారెడ్డి గతంలో కడప జిల్లాలోని పలు పోలీస్ స్టేషన్లలో ఎస్‌ఐగా విధులు నిర్వహించారు. బాధ్యతలు స్వీకరించిన అనంతరం ఆయన మాట్లాడుతూ శాంతిభద్రతల పరిరక్షణకు అత్యంత ప్రాధాన్యత ఇస్తామని తెలిపారు. నేరాల నియంత్రణతో పాటు ప్రజలకు మెరుగైన పోలీస్ సేవలు అందించేందుకు కృషి చేస్తామని పేర్కొన్నారు. ప్రజలు తమ సమస్యలను పోలీసుల దృష్టికి తీసుకువచ్చి సహకరించాలని కోరారు.

కడప

కడపలో వైఎస్సార్‌సీపీ అంగన్‌వాడీ అధ్యక్షురాలు చైతుల్య జన్మదిన వేడుకలు

కడపలో వైఎస్సార్‌సీపీ అంగన్‌వాడీ అధ్యక్షురాలు చైతుల్య జన్మదిన వేడుకలు కడప, పున్నమి ప్రతినిధి: కడప నగరంలో వైఎస్సార్‌సీపీ అంగన్‌వాడీ కడప నగర అధ్యక్షురాలు చైతుల్య జన్మదిన వేడుకలు కుటుంబ సభ్యులు, బంధుమిత్రుల సమక్షంలో ఘనంగా నిర్వహించారు. ఈ సందర్భంగా చైతుల్య కేక్‌ కట్‌ చేయగా కుటుంబ సభ్యులు, సన్నిహితులు ఆమెకు జన్మదిన శుభాకాంక్షలు తెలిపారు. కుటుంబ సభ్యులంతా కలిసి వేడుకల్లో పాల్గొని ఆనందోత్సాహాలతో సందడి చేశారు. చైతుల్యకు ఆయురారోగ్యాలు, సుఖసంతోషాలు కలగాలని పలువురు ఆకాంక్షించారు. ఈ సందర్భంగా కుటుంబ సభ్యులు, బంధుమిత్రులు ఆమెకు శుభాకాంక్షలు తెలియజేశారు.