అధిక రక్తపోటు: ప్రధాన ముప్పు , నియంత్రణ సూత్రాలు

​ప్రపంచంలో 140 కోట్ల మంది, భారతదేశంలో 31.5 కోట్ల మంది అధిక రక్తపోటుతో బాధపడుతున్నారు. మన దేశంలో ప్రతి ముగ్గురు పెద్దవారిలో ఒకరికి బీపీ సమస్య ఉంది. తల్లిదండ్రులిద్దరికీ ఉంటే పిల్లలకు ఈ ముప్పు 50%–60% వరకు పెరుగుతుంది. రక్తపోటు అదుపులో లేకపోతే పక్షవాతం వచ్చే అవకాశం 4–6 రెట్లు, గుండెపోటు మరియు కిడ్నీ సమస్యల ముప్పు 2–3 రెట్లు పెరుగుతాయి. ​బీపీ నియంత్రణకు 5 మార్గాలు: ​ఉప్పు తగ్గించండి: రోజుకు 5 గ్రాముల (ఒక టీస్పూన్) కంటే తక్కువ ఉప్పు వాడాలి. నిల్వ పచ్చళ్లు, అప్పడాలు, ప్యాక్డ్ జంక్ ఫుడ్‌ను పూర్తిగా మానాలి. ​నిత్య వ్యాయామం: వారానికి 5 రోజులు, రోజుకు కనీసం 30 నిమిషాలు వేగంగా నడవాలి (Brisk Walk) లేదా యోగా చేయాలి. ​సమతుల్య ఆహారం: పండ్లు, కూరగాయలు, పొటాషియం ఉండే అరటిపండ్లు, కొబ్బరినీళ్లు తీసుకోవాలి. వేపుళ్లు, అధిక కొవ్వు పదార్థాలు తగ్గించాలి. ​దురలవాట్లకు స్వస్తి: రక్తనాళాలను దెబ్బతీసే ధూమపానం, అధిక మద్యపానాన్ని పూర్తిగా విడిచిపెట్టాలి. ​ఒత్తిడి నివారణ & నిద్ర: ధ్యానంతో మానసిక ప్రశాంతతను పొందుతూ, రోజుకు 7 నుండి 8 గంటల నాణ్యమైన నిద్రపోవాలి. ​క్రమశిక్షణతో కూడిన ఆహారం, జీవనశైలి మార్పులతో రక్తపోటును సులభంగా అదుపులో ఉంచుకోవచ్చు.