బాధితులకు న్యాయమే పోలీసుల అసలైన కొలమానం.. 64 ఫిర్యాదులపై ఎస్పీ తుహిన్ సిన్హా స్పందన

అనకాపల్లి, ఆగస్టు 17 (పున్నమి న్యూస్ రిపోర్టర్ ఆనంద్): బాధితులకు సత్వర న్యాయం అందించడమే పోలీసు వ్యవస్థకు అసలైన కొలమానమని జిల్లా ఎస్పీ తుహిన్ సిన్హా, ఐపీఎస్ స్పష్టం చేశారు. సోమవారం జిల్లా పోలీసు కార్యాలయంలో నిర్వహించిన ప్రజా ఫిర్యాదుల పరిష్కార వేదికలో జిల్లా నలుమూలల నుంచి వచ్చిన బాధితులతో ఎస్పీ స్వయంగా మాట్లాడి సమస్యలను తెలుసుకున్నారు. మొత్తం 64 ఫిర్యాదులను స్వీకరించారు. భూ, ఆస్తి వివాదాలు, ఆర్థిక మోసాలు, కుటుంబ సమస్యలు, శాంతిభద్రతలకు సంబంధించిన ఫిర్యాదులు అధికంగా వచ్చాయి. ప్రతి ఫిర్యాదుపై వారం రోజుల్లోపు విచారణ పూర్తి చేసి న్యాయం చేయాలని సంబంధిత అధికారులను ఎస్పీ ఆదేశించారు. మహిళల రక్షణ విషయంలో అలసత్వాన్ని సహించేది లేదని స్పష్టం చేశారు. బాధితులకు పోలీసు యంత్రాంగం ఎల్లప్పుడూ అండగా ఉంటుందని భరోసా ఇచ్చారు. కార్యక్రమంలో అదనపు ఎస్పీ ఎల్.మోహనరావు, పోలీసు అధికారులు, సిబ్బంది పాల్గొన్నారు.