ఖమ్మం ప్రభుత్వ వైద్య కళాశాలలో కాంట్రాక్టు పద్ధతిలో వివిధ విభాగాల్లో ఖాళీగా ఉన్న వైద్య పోస్టులను భర్తీ చేసేందుకు నోటిఫికేషన్ జారీ చేసినట్లు కళాశాల ప్రిన్సిపాల్ డాక్టర్ శంకర్ తెలిపారు. అర్హత కలిగిన అభ్యర్థులు ఈ నెల 3వ తేదీ నుంచి 7వ తేదీ వరకు ఆన్లైన్లో దరఖాస్తు చేసుకోవాలని సూచించారు. అభ్యర్థులు Khammam.telangana.gov.in వెబ్సైట్ ద్వారా దరఖాస్తు చేసుకోవచ్చని తెలిపారు. పోస్టుల వారీగా విద్యార్హతలు, వయోపరిమితి, ఎంపిక విధానం, నియమ నిబంధనలు, దరఖాస్తు ప్రక్రియకు సంబంధించిన పూర్తి వివరాలను వెబ్సైట్లో పొందుపరిచినట్లు డాక్టర్ శంకర్ వెల్లడించారు. అర్హులైన అభ్యర్థులు నోటిఫికేషన్ను పూర్తిగా పరిశీలించి నిర్ణీత గడువులోగా దరఖాస్తు చేసుకోవాలని ఆయన కోరారు.
