*మార్కాపురం:* పవిత్రమైన రక్షా బంధన్ పర్వదినాన్ని పురస్కరించుకుని రాష్ట్ర ప్రజలకు బీజేపీ రాష్ట్ర మీడియా ప్రతినిధి డాక్టర్ ఏలూరి రామచంద్రారెడ్డి హృదయపూర్వక శుభాకాంక్షలు తెలిపారు. అన్నాచెల్లెళ్లు, అక్కాతమ్ముళ్ల మధ్య ఉన్న ఆత్మీయత, ప్రేమ, అనురాగం, పరస్పర నమ్మకం, రక్షణకు ప్రతీకగా రక్షా బంధన్ పండుగ నిలుస్తుందని ఆయన పేర్కొన్నారు. రక్షా బంధన్ సందర్భంగా ప్రతి ఇంటా ఆనందం, ఆత్మీయత, సంతోషం వెల్లివిరియాలని, కుటుంబ సభ్యుల మధ్య అనుబంధాలు మరింత బలపడాలని డాక్టర్ ఏలూరి రామచంద్రారెడ్డి ఆకాంక్షించారు. సోదర, సోదరీమణుల మధ్య ప్రేమాభిమానాలు ఎల్లప్పుడూ ఇలాగే కొనసాగాలని, ప్రతి కుటుంబం సుఖసంతోషాలతో, ఆయురారోగ్యాలతో, శాంతి సౌభాగ్యాలతో వర్ధిల్లాలని ఆయన కోరారు.. ఇదిలా ఉండగా, రక్షా బంధన్ పర్వదినం రోజునే తన జన్మదినం కూడా రావడం పట్ల డాక్టర్ ఏలూరి రామచంద్రారెడ్డి సంతోషం వ్యక్తం చేశారు. రక్షా బంధన్ వంటి పవిత్రమైన రోజున జన్మదినం జరుపుకోవడం తనకు ఎంతో ప్రత్యేకమైన అనుభూతిని కలిగిస్తోందని తెలిపారు. సోదర సోదరీమణుల అనుబంధానికి ప్రతీకగా నిలిచే ఈ పర్వదినం, తన జన్మదినంతో ఒకే రోజున రావడం తనకు మరింత ఆనందాన్ని కలిగిస్తోందన్నారు.
ఈ సందర్భంగా తన జన్మదినాన్ని పురస్కరించుకుని శుభాకాంక్షలు తెలియజేస్తున్న అభిమానులు, శ్రేయోభిలాషులు, పార్టీ నాయకులు, కార్యకర్తలు, మిత్రులు, ప్రజలు ప్రతి ఒక్కరికీ డాక్టర్ ఏలూరి రామచంద్రారెడ్డి హృదయపూర్వక కృతజ్ఞతలు తెలిపారు. తనపై చూపుతున్న ప్రేమాభిమానాలు, ఆప్యాయత, ఆశీస్సులు తనకు ఎల్లప్పుడూ ప్రోత్సాహాన్ని అందిస్తాయని పేర్కొన్నారు. ప్రజల ఆశీస్సులతో మరింత బాధ్యతగా పనిచేస్తూ, ప్రజా సమస్యల పరిష్కారం కోసం తన వంతు కృషి కొనసాగిస్తానని డాక్టర్ ఏలూరి రామచంద్రారెడ్డి తెలిపారు. సమాజంలో సోదరభావం, ఐక్యత, పరస్పర సహకారం మరింత పెంపొందాలని ఆకాంక్షిస్తూ రాష్ట్ర ప్రజలందరికీ మరోసారి రక్షా బంధన్ శుభాకాంక్షలు తెలియజేశారు.
