కాప్రాలో 22-A భూముల సమస్యను వెంటనే పరిష్కరించాలి: ఎమ్మెల్యే బండారి లక్ష్మారెడ్డి

ప్రధానాంశాలు ​స్థానికుల తీవ్ర ఇబ్బందులు: కాప్రా మండలంలో 22-A నిషేధిత జాబితాలో ఉన్న భూముల సమస్య వల్ల రిజిస్ట్రేషన్లు, మ్యుటేషన్లు నిలిచిపోవడంతో పాటు బ్యాంక్ రుణాలు అందక ప్రజలు తీవ్ర అవస్థలు పడుతున్నారు. ​ఎమ్మెల్యే దృష్టికి సమస్య: ఈ ప్రజా సమస్యను వెంటనే పరిష్కరించాలని కోరుతూ ఉప్పల్ శాసనసభ్యులు శ్రీ బండారి లక్ష్మారెడ్డి గారికి స్థానిక నాయకులు విజ్ఞప్తి చేశారు. ​ధర్నా కార్యక్రమ విశేషాలు ​ప్రభుత్వ 6 గ్యారంటీల వైఫల్యాలను నిరసిస్తూ కాప్రా డివిజన్‌లో నిర్వహించిన ధర్నా కార్యక్రమానికి విచ్చేసిన ఉప్పల్ ఎమ్మెల్యే శ్రీ బండారి లక్ష్మారెడ్డి గారికి, తెలంగాణ రాష్ట్ర యువజన విభాగం రాష్ట్ర నాయకులు శ్రీ రేగళ్ల సతీష్ రెడ్డి ఘనంగా స్వాగతం పలికి, శాలువాతో సన్మానించారు. ​ఈ ధర్నా కార్యక్రమంలో తెలంగాణ ఉద్యమకారులు, మాజీ కార్పొరేటర్లు, బీఆర్ఎస్ రాష్ట్ర నాయకులు మరియు స్థానిక నాయకులు పెద్ద సంఖ్యలో పాల్గొని కార్యక్రమాన్ని విజయవంతం చేశారు. ఈ సందర్భంగా సహకరించిన ప్రతి ఒక్కరికీ ప్రత్యేక ధన్యవాదాలు తెలియజేశారు. ​నివేదిక: సందీప్, పున్నమి విలేకరి, మేడ్చల్ జిల్లా