భక్తిశ్రద్ధలతో వరలక్ష్మీ వ్రతం పూజలు

హిందువులు భక్తిశ్రద్ధలతో చేసుకునే వరలక్ష్మి వ్రతం పూజలు మండలంలోని అన్ని గ్రామాల్లో భక్తిశ్రద్ధలతో జరిగాయి. శ్రావణమాసంలో రెండో శుక్రవారం కావడంతో రక్షాబంధన్ కు ముందు రోజు కలసి రావడంతో హిందువులు ఈ పండుగను అత్యంత భక్తి శ్రద్ధలతో జరుపుకున్నారు శక్తి కొలది ధనము, పిండి వంటలు, వివిధ రకాల పూలు పండ్లు వరలక్ష్మి దేవికి సమర్పించి ప్రతి ఇల్లు భక్తి భావంతో వెల్లివిరిసింది. సంపద సంతోషం అదృష్టం కలయికే వరలక్ష్మీ వ్రతం చేయడంలో పరమార్థంగా భావించి శక్తి కొలది ప్రతి హిందువు ఇంట్లో వరలక్ష్మీ వ్రతం జరిగింది. చిట్వేల్ మండల కేంద్రంలోని శివాలయం, అమ్మవారి శాల, శ్యామలాంబిక అమ్మవారి గుడి లో కూడా భక్తిశ్రద్ధలతో వరలక్ష్మీ వ్రతం జరిగింది. ఆలయ అర్చకులు నాగ పవన్ శర్మ, సురేంద్ర శర్మ, దేవా స్వామి, ఆధ్వర్యంలో పలువురు మహిళలు ఈ వరలక్ష్మీ వ్రతంలో పాల్గొని ప్రసాదాలను స్వీకరించారు. ఈ కార్యక్రమంలో చిట్వేల్ మండలం చుట్టుపక్కల గ్రామస్తులు, భక్తులు, తదితరులు పాల్గొన్నారు.