Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Ramesh Naidu

తూర్పు గోదావరి

ఎమ్మెల్యే నల్లమిల్లి విజ్ఞప్తికి స్పందించిన ఎన్నికల కమిషన్

బిక్కవోలు, సెప్టెంబర్ 1 (పున్నమి ప్రతినిధి): SIR రెండో దశలో క్లెయిమ్స్, అభ్యంతరాలు దాఖలు చేసేందుకు గడువును పొడిగించాలని అనపర్తి ఎమ్మెల్యే నల్లమిల్లి ఇటీవల ఎన్నికల కమిషన్‌కు చేసిన విజ్ఞప్తికి స్పందన లభించింది. ఆయన విజ్ఞప్తి మేరకు SIR రెండో దశ క్లెయిమ్స్, అభ్యంతరాల స్వీకరణ గడువును ఎన్నికల కమిషన్ మరో 10 రోజుల పాటు పొడిగిస్తూ సెప్టెంబర్ 10 వరకు అవకాశం కల్పించింది. ఈ గడువు పొడిగింపుతో ఓటర్ల జాబితాకు సంబంధించి అభ్యంతరాలు, క్లెయిమ్స్ దాఖలు చేసేందుకు ప్రజలకు మరో అవకాశం లభించిందని ఎమ్మెల్యే నల్లమిల్లి తెలిపారు. ముఖ్యంగా అర్హత లేని ఓట్లపై అభ్యంతరాలు వ్యక్తం చేయడంతో పాటు, అర్హులైన వారి పేర్లు ఓటర్ల జాబితాలో లేకపోతే వాటికి సంబంధించి అవసరమైన క్లెయిమ్స్ దాఖలు చేసుకునే అవకాశం ఉందన్నారు. అదేవిధంగా అవసరమైన సందర్భాల్లో ఫారం–7 దాఖలు చేసేందుకు కూడా గడువు పొడిగింపు ఉపయోగపడుతుందని పేర్కొన్నారు. ఈ అవకాశాన్ని సద్వినియోగం చేసుకుని ఓటర్ల జాబితా పరిశీలనలో కూటమి నాయకులు, కార్యకర్తలు చురుగ్గా పాల్గొనాలని ఎమ్మెల్యే నల్లమిల్లి సూచించారు.

తూర్పు గోదావరి

రామవరంలో వైభవంగా పైడితల్లి అమ్మవారి జాతర

అమ్మవారిని దర్శించుకుని గరగ ఎత్తుకున్న ఎమ్మెల్యే నల్లమిల్లి రామవరం, సెప్టెంబరు 1 (పున్నమి ప్రతినిధి): అనపర్తి మండలం రామవరంలో శ్రీశ్రీశ్రీ పైడితల్లి అమ్మవారి జాతర మహోత్సవం సందర్భంగా ప్రత్యేక కార్యక్రమాలు నిర్వహించారు. ఈ సందర్భంగా అనపర్తి ఎమ్మెల్యే నల్లమిల్లి రామకృష్ణారెడ్డి, అనపర్తి నియోజకవర్గ టీడీపీ ఇన్‌చార్జ్ నల్లమిల్లి మనోజ్ రెడ్డి అమ్మవారిని దర్శించుకున్నారు. అనంతరం ఎమ్మెల్యే నల్లమిల్లి రామకృష్ణారెడ్డి గరగ ఎత్తుకుని జాతరను ప్రారంభించారు. ఈ కార్యక్రమంలో అనపర్తి మండల కూటమి నాయకులు, రామవరం గ్రామ కూటమి నాయకులు, కార్యకర్తలు పాల్గొన్నారు.

తూర్పు గోదావరి

వితంతువులు, డయాలసిస్ రోగికి పింఛన్లు అందజేసిన నల్లమిల్లి మనోజ్ రెడ్డి

రంగంపేట, సెప్టెంబరు 1 (పున్నమి ప్రతినిధి): ఎన్టీఆర్ భరోసా సామాజిక పింఛన్ల పంపిణీలో భాగంగా రంగంపేట మండలం చండ్రేడు గ్రామంలో నూతనంగా మంజూరైన వితంతు పింఛన్లను లబ్ధిదారులకు అనపర్తి నియోజకవర్గ టీడీపీ ఇన్‌చార్జ్ నల్లమిల్లి మనోజ్ రెడ్డి అందజేశారు. అదే కార్యక్రమంలో భాగంగా రంగంపేటలో డయాలసిస్ రోగికి పింఛన్ అందించారు. ఈ సందర్భంగా నల్లమిల్లి మనోజ్ రెడ్డి లబ్ధిదారులకు పింఛన్లు అందజేశారు. సామాజిక భద్రత పింఛన్ల ద్వారా అర్హులైన వారికి ప్రభుత్వం అందిస్తున్న ఆర్థిక సహకారం కొనసాగుతోందని తెలిపారు. ఈ కార్యక్రమాల్లో కూటమి నాయకులు, కార్యకర్తలు తదితరులు పాల్గొన్నారు.

తూర్పు గోదావరి

13 మంది వితంతువులకు నూతనంగా పెన్షన్లు

ఎన్టీఆర్ భరోసా పెన్షన్లు అందజేసిన ఎమ్మెల్యే నల్లమిల్లి పెడపర్తి, సెప్టెంబరు 1 (పున్నమి ప్రతినిధి): ఎన్టీఆర్ భరోసా సామాజిక పెన్షన్ల పంపిణీ కార్యక్రమంలో భాగంగా అనపర్తి మండలానికి నూతనంగా మంజూరైన వితంతు పెన్షన్లను 13 మంది లబ్ధిదారులకు అనపర్తి ఎమ్మెల్యే నల్లమిల్లి రామకృష్ణారెడ్డి అందజేశారు. పెడపర్తి పంచాయతీ కార్యాలయంలో జరిగిన కార్యక్రమంలో లబ్ధిదారులకు పెన్షన్ పత్రాలను అందించారు. ఈ సందర్భంగా ఎమ్మెల్యే మాట్లాడుతూ సామాజిక పెన్షన్లను అర్హులైన లబ్ధిదారులకు పారదర్శకంగా అందించేలా చర్యలు తీసుకోవాలని అధికారులను, కూటమి నాయకులను కోరారు. ఈ నెలలో నూతనంగా మంజూరయ్యే పెన్షన్లకు సంబంధించి ప్రక్రియను ప్రారంభించి, అర్హులకు పెన్షన్లు అందేలా చర్యలు తీసుకుంటున్నట్లు తెలిపారు. ఈ కార్యక్రమంలో అనపర్తి మండల, పెడపర్తి గ్రామ కూటమి నాయకులు, కార్యకర్తలు, అధికారులు పాల్గొన్నారు.

తూర్పు గోదావరి

8 మంది వితంతువులకు నూతనంగా పెన్షన్లు

పెన్షన్ పత్రాలు అందజేసిన ఎమ్మెల్యే నల్లమిల్లి రామకృష్ణారెడ్డి బిక్కవోలు, సెప్టెంబరు 1 (పున్నమి ప్రతినిధి): బిక్కవోలు మండలంలో ఎన్టీఆర్ భరోసా సామాజిక పెన్షన్ల పంపిణీ కార్యక్రమం నిర్వహించారు. ఇందులో భాగంగా మండలానికి సంబంధించి నూతనంగా మంజూరైన వితంతు పెన్షన్లను 8 మంది లబ్ధిదారులకు అనపర్తి శాసనసభ్యులు నల్లమిల్లి రామకృష్ణారెడ్డి అందజేశారు. బిక్కవోలు ఎంపీడీఓ కార్యాలయంలో ఈ కార్యక్రమం జరిగింది. ఈ సందర్భంగా నూతనంగా మంజూరైన వితంతు పెన్షన్లను లబ్ధిదారులకు అందజేశారు. ఈ కార్యక్రమంలో బిక్కవోలు మండల, గ్రామ కూటమి నాయకులు, కార్యకర్తలు, అధికారులు పాల్గొన్నారు.

తూర్పు గోదావరి

బిక్కవోలులో ఇంటింటికీ వెళ్లి ఎన్టీఆర్ భరోసా పెన్షన్ల పంపిణీ

లబ్ధిదారుల ఇళ్ల వద్దకే వెళ్లి సామాజిక భద్రతా పింఛన్లు అందించిన ఎమ్మెల్యే నల్లమిల్లి బిక్కవోలు, సెప్టెంబరు 1 (పున్నమి ప్రతినిధి): బిక్కవోలు మండలంలో ఎన్టీఆర్ భరోసా సామాజిక భద్రతా పెన్షన్ల పంపిణీ కార్యక్రమం నిర్వహించారు. కార్యక్రమంలో భాగంగా అనపర్తి శాసనసభ్యులు నల్లమిల్లి రామకృష్ణారెడ్డి లబ్ధిదారుల ఇళ్లకు స్వయంగా వెళ్లి పెన్షన్ మొత్తాలను అందజేశారు. ప్రభుత్వం అందిస్తున్న సామాజిక భద్రతా పింఛన్లు అర్హులైన లబ్ధిదారులకు సకాలంలో అందేలా చర్యలు తీసుకుంటున్నట్లు ఈ సందర్భంగా తెలిపారు. వృద్ధులు, వితంతువులు, దివ్యాంగులు తదితర వర్గాలకు పెన్షన్లు ఆర్థిక భరోసాగా నిలుస్తున్నాయని పేర్కొన్నారు. లబ్ధిదారుల ఇళ్ల వద్దకే వెళ్లి పెన్షన్లు అందించడంతో వారు ఎమ్మెల్యేకు కృతజ్ఞతలు తెలిపారు. ప్రజలకు సంక్షేమ పథకాల ప్రయోజనాలు నేరుగా అందేలా కూటమి ప్రభుత్వం కృషి చేస్తోందని నాయకులు పేర్కొన్నారు. ఈ కార్యక్రమంలో బిక్కవోలు మండల, గ్రామ కూటమి నాయకులు, కార్యకర్తలు, సంబంధిత అధికారులు పాల్గొన్నారు.

తూర్పు గోదావరి

ఇళ్లపల్లిలో పీఎం సూర్య ఘర్ యోజనపై అవగాహన

సౌర విద్యుత్‌తో విద్యుత్‌ బిల్లుల భారం తగ్గుతుంది: నల్లమిల్లి మనోజ్‌రెడ్డి ఇళ్లపల్లి, ఆగస్టు 31 (పున్నమి ప్రతినిధి): బిక్కవోలు మండలం ఇళ్లపల్లి గ్రామంలో పీఎం సూర్య ఘర్ యోజన పథకంపై టీడీపీ అనపర్తి నియోజకవర్గ ఇన్‌చార్జి నల్లమిల్లి మనోజ్‌రెడ్డి గ్రామస్థులకు అవగాహన కల్పించారు. కేంద్ర ప్రభుత్వం అందిస్తున్న ఈ పథకం ద్వారా ఇళ్లపై సోలార్‌ ప్యానెళ్లను ఏర్పాటు చేసుకుని సౌర విద్యుత్‌ను వినియోగించుకోవచ్చని తెలిపారు. ఈ సందర్భంగా మనోజ్‌రెడ్డి మాట్లాడుతూ సూర్యకిరణాల ద్వారా విద్యుత్‌ ఉత్పత్తి చేసుకునే అవకాశం ఈ పథకం కల్పిస్తుందని చెప్పారు. సోలార్‌ వ్యవస్థను ఏర్పాటు చేసుకునేందుకు ఆసక్తి ఉన్న వారి నుంచి దరఖాస్తులు స్వీకరిస్తున్నట్లు తెలిపారు. ప్రభుత్వ పథకాల ద్వారా లభించే ప్రయోజనాలను ప్రజలు సద్వినియోగం చేసుకోవాలని కోరారు. కేంద్ర, రాష్ట్ర ప్రభుత్వాలు అమలు చేస్తున్న వివిధ సంక్షేమ పథకాలపై ప్రజలకు అవగాహన కల్పించి, అర్హులైన ప్రతి ఒక్కరూ వాటిని వినియోగించుకునేలా కృషి చేస్తామని అన్నారు. కార్యక్రమంలో బిక్కవోలు మండల పార్టీ అధ్యక్షుడు బుజ్జి, మండల నాయకులు, ఇళ్లపల్లి గ్రామ నాయకులు తదితరులు పాల్గొన్నారు.

తూర్పు గోదావరి

1008 మంది చిన్నారుల నోట వేమన పద్యాల గలార్చన

రావులపాలెం, ఆగస్టు 31 (పున్నమి ప్రతినిధి): తెలుగు భాష పరిరక్షణ, భావితరాల్లో మాతృభాషపై మమకారం పెంపొందించేందుకు రావులపాలెం సీఆర్‌సీ ఫంక్షన్ హాల్‌లో “శతక పద్య సహస్ర గలార్చన–వేమన శతకం” కార్యక్రమం నిర్వహించారు. ప్రగతి భారతం ట్రస్ట్, మాతృభాష పరిరక్షణ సేవా సమితి సంయుక్త ఆధ్వర్యంలో జరిగిన కార్యక్రమంలో 20కి పైగా పాఠశాలలకు చెందిన 1008 మంది చిన్నారులు పాల్గొన్నారు. వేమన శతకంలోని 108 పద్యాలను విద్యార్థులు కంఠస్థంగా, రాగయుక్తంగా ఆలపించి ఆకట్టుకున్నారు. కార్యక్రమంలో పాల్గొన్న అనపర్తి ఎమ్మెల్యే నల్లమిల్లి రామకృష్ణారెడ్డి చిన్నారుల ప్రతిభను అభినందించారు. వేమన పద్యాల్లోని నీతి, సామాజిక సందేశాలను భావితరాలకు చేరువ చేయడం అభినందనీయమన్నారు. కార్యక్రమంలో భాగంగా విద్యార్థులకు పద్యాలపై పరీక్ష నిర్వహించి, ప్రతిభ కనబరిచిన వారికి ప్రశంసాపత్రాలు అందజేశారు. ప్రగతి భారతం ట్రస్ట్ చైర్మన్ తవనంపూడి రామకృష్ణారెడ్డి ఆధ్వర్యంలో జరిగిన కార్యక్రమంలో కొత్తపేట ఎమ్మెల్యే బండారు సత్యానందరావు, టీడీపీ సాంస్కృతిక శాఖ అధ్యక్షులు ఆనందరెడ్డి (బాబా) తదితరులు పాల్గొన్నారు.

తూర్పు గోదావరి

రూ.50 లక్షలతో బలభద్రపురం రుద్రభూమి అభివృద్ధి

అంతిమ సంస్కారాలకు గౌరవప్రదమైన వాతావరణం కల్పిస్తాం: ఎమ్మెల్యే నల్లమిల్లి బలభద్రపురం, ఆగస్టు 31 (పున్నమి ప్రతినిధి): బిక్కవోలు మండలం బలభద్రపురం గ్రామంలోని రుద్రభూమిని రూ.50 లక్షలతో ఆధునికంగా అభివృద్ధి చేసేందుకు అనపర్తి ఎమ్మెల్యే నల్లమిల్లి రామకృష్ణారెడ్డి భూమిపూజ చేశారు. మండల పరిషత్ నుంచి రూ.4 లక్షలు, గ్రామ పంచాయతీ నుంచి రూ.10 లక్షలు, దాతల సహకారంతో రూ.36 లక్షలు సమకూర్చారు. ఈ సందర్భంగా ఎమ్మెల్యే మాట్లాడుతూ.. బలభద్రపురం రుద్రభూమిలో కనీస వసతులు లేకపోవడంతో అంతిమ సంస్కారాలకు వచ్చే గ్రామస్థులు, బంధువులు చాలా కాలంగా ఇబ్బందులు పడుతున్నారని తెలిపారు. ఈ సమస్యను పరిష్కరించేందుకు రుద్రభూమిని అన్ని మౌలిక వసతులతో ఆధునికంగా తీర్చిదిద్దాలని నిర్ణయించామన్నారు. అంతిమ సంస్కారం కూడా ప్రతి ఒక్కరికీ గౌరవప్రదంగా జరిగేలా వసతులు కల్పించడమే తమ లక్ష్యమని ఎమ్మెల్యే స్పష్టం చేశారు. రుద్రభూమిలో అవసరమైన సౌకర్యాలు కల్పించడంతో పాటు పరిశుభ్రమైన, సురక్షితమైన వాతావరణాన్ని ఏర్పాటు చేస్తామని తెలిపారు. గ్రామస్తుల సహకారంతోనే రూ.50 లక్షల నిధులు సమకూరాయని, పార్టీలకు అతీతంగా అందరూ కలిసి అభివృద్ధికి ముందుకు రావడం అభినందనీయమన్నారు. బిక్కవోలు, రామవరం గ్రామాల్లోనూ రుద్రభూముల అభివృద్ధి చేపట్టామని, ఇదే తరహాలో నియోజకవర్గంలోని అన్ని గ్రామాల్లో అవసరమైన సౌకర్యాలు కల్పించేందుకు కృషి చేస్తామని చెప్పారు. బలభద్రపురం రుద్రభూమి అభివృద్ధి పనులు ఎలాంటి ఆటంకాలు లేకుండా పూర్తయ్యేందుకు గ్రామస్తులంతా ఐక్యంగా సహకరించాలని ఎమ్మెల్యే కోరారు. గ్రామాభివృద్ధిలో ప్రజల భాగస్వామ్యం స్ఫూర్తిదాయకమని ఆయన అభినందించారు.

తూర్పు గోదావరి

బలభద్రపురంలో రూ.50 వేలతో బస్‌ షెల్టర్‌ నిర్మాణం

ప్రయాణికుల సౌకర్యార్థం ప్రారంభించిన ఎమ్మెల్యే నల్లమిల్లి బలభద్రపురం, ఆగస్టు 31 (పున్నమి ప్రతినిధి): బిక్కవోలు మండలం బలభద్రపురం గ్రామంలో ప్రయాణికుల సౌకర్యార్థం రూ.50 వేలతో నిర్మించిన బస్‌ షెల్టర్‌ను అనపర్తి ఎమ్మెల్యే నల్లమిల్లి రామకృష్ణారెడ్డి ప్రారంభించారు. పాస్టర్ విజయప్రసాద్ రెడ్డి ఆధ్వర్యంలోని ఐ ఫర్ గాడ్ ఫౌండేషన్, విజయప్రసాద్ ఫౌండేషన్ సంయుక్త సహకారంతో ఈ బస్‌ షెల్టర్‌ను నిర్మించారు. ఈ సందర్భంగా ఎమ్మెల్యే నల్లమిల్లి మాట్లాడుతూ గ్రామీణ ప్రాంతాల్లో ప్రయాణికులకు అవసరమైన మౌలిక వసతులు కల్పించేందుకు దాతలు, స్వచ్ఛంద సంస్థలు ముందుకు రావడం అభినందనీయమన్నారు. ఎండ, వర్షం నుంచి ప్రయాణికులకు రక్షణ కల్పించేలా బస్‌ షెల్టర్‌ నిర్మించడం ఎంతో ఉపయోగకరమన్నారు. ప్రజల అవసరాలను గుర్తించి సేవా కార్యక్రమాలు చేపడుతున్న పాస్టర్ విజయప్రసాద్ రెడ్డిని అభినందించారు. కార్యక్రమంలో పాస్టర్ విజయప్రసాద్ రెడ్డి, బిక్కవోలు మండల కూటమి నాయకులు, బలభద్రపురం గ్రామ కూటమి నాయకులు, కార్యకర్తలు పాల్గొన్నారు.