Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Ramesh Naidu

తూర్పు గోదావరి

గుబ్బాలమ్మ దేవస్థానం స్థలానికి రక్షణ కల్పించాలి

ప్రహరీ గోడ లేక ఆక్రమణకు గురైన ఆలయ స్థలాన్ని ఎమ్మెల్యే నల్లమిల్లికి చూపించిన గ్రామస్థులు బలభద్రపురం, ఆగస్టు 31 (పున్నమి ప్రతినిధి): బిక్కవోలు మండలం బలభద్రపురం గ్రామంలోని శ్రీశ్రీశ్రీ గుబ్బాలమ్మ దేవస్థానానికి చెందిన స్థలం ఆక్రమణకు గురైన విషయాన్ని గ్రామస్థులు అనపర్తి ఎమ్మెల్యే నల్లమిల్లి రామకృష్ణారెడ్డి దృష్టికి తీసుకెళ్లారు. ఆలయానికి ప్రహరీ గోడ లేకపోవడంతో ప్రాంగణానికి రక్షణ లేకుండా పోయిందని, ఈ కారణంగా ఆలయ స్థలంలో కొంత భాగం ఆక్రమణకు గురైందని ఎమ్మెల్యేకు వివరించారు. ఈ సందర్భంగా గ్రామస్థులు ఆక్రమణకు గురైన ప్రాంతాన్ని ఎమ్మెల్యేకు ప్రత్యక్షంగా చూపించి, ఆలయ స్థలాన్ని పరిరక్షించేందుకు ప్రహరీ గోడ నిర్మాణంతో పాటు అవసరమైన చర్యలు తీసుకోవాలని కోరారు. ఆలయ స్థలం భవిష్యత్తులో మరింత ఆక్రమణకు గురికాకుండా శాశ్వత రక్షణ కల్పించాలని విజ్ఞప్తి చేశారు. గ్రామస్థుల నుంచి సమస్య వివరాలను తెలుసుకున్న ఎమ్మెల్యే నల్లమిల్లి రామకృష్ణారెడ్డి ఆలయ స్థలాన్ని పరిశీలించారు. సమస్య పరిష్కారానికి అవసరమైన చర్యలు తీసుకునేందుకు కృషి చేస్తామని తెలిపారు. ఈ కార్యక్రమంలో బిక్కవోలు మండల కూటమి నాయకులు, బలభద్రపురం గ్రామ కూటమి నాయకులు, కార్యకర్తలు, గ్రామస్థులు పాల్గొన్నారు.

తూర్పు గోదావరి

ప్రకృతి వ్యవసాయంతోనే భవిష్యత్‌కు భరోసా

రైతులు ఆధునిక వ్యవసాయ పద్ధతులను అవలంబించాలి మార్టేరులోని పరిశోధనలు, నూతన వరి వంగడాలపై అవగాహన కల్పించేందుకే విజ్ఞాన యాత్ర అనపర్తి, ఆగస్టు 31 (పున్నమి ప్రతినిధి): మారుతున్న కాలానికి అనుగుణంగా రైతులు ఆధునిక వ్యవసాయ పద్ధతులను అవలంబించాలని, ప్రకృతి వ్యవసాయంపై దృష్టి సారించాలని అనపర్తి ఎమ్మెల్యే నల్లమిల్లి రామకృష్ణారెడ్డి సూచించారు. అనపర్తి పంచాయతీ కార్యాలయం వద్ద వ్యవసాయ శాఖ ఆధ్వర్యంలో నిర్వహించిన “అంతరజిల్లా రైతుల వ్యవసాయ విజ్ఞాన యాత్ర” లో భాగంగా మార్టేరు ప్రాంతీయ వ్యవసాయ పరిశోధనా సంస్థకు బయలుదేరిన బస్సులను ఎమ్మెల్యే జెండా ఊపి ప్రారంభించారు. ఈ సందర్భంగా ఆయన మాట్లాడుతూ అనపర్తి నియోజకవర్గం, ముఖ్యంగా అనపర్తి బ్లాక్‌ పరిధి నుంచి సుమారు 110 మంది రైతులను మార్టేరు వ్యవసాయ పరిశోధనా సంస్థకు తీసుకెళ్లి అక్కడ జరుగుతున్న పరిశోధనలు, నూతన వ్యవసాయ విధానాలపై అవగాహన కల్పిస్తున్నట్లు తెలిపారు. ముఖ్యంగా నూతన వరి వంగడాలు, ఆధునిక సాగు పద్ధతులను రైతులకు ప్రత్యక్షంగా పరిచయం చేయడం ద్వారా వ్యవసాయ రంగంలో కొత్త ఆలోచనలకు ప్రోత్సాహం లభిస్తుందన్నారు. ఎరువులు, పురుగుమందుల వినియోగాన్ని గణనీయంగా తగ్గించాల్సిన అవసరం ఉందని ఎమ్మెల్యే పేర్కొన్నారు. రసాయన ఎరువుల అధిక వినియోగంతో భూమి సారం తగ్గిపోవడంతో పాటు పర్యావరణ, ఆరోగ్య సమస్యలు తలెత్తే అవకాశం ఉందన్నారు. భూమిని సారవంతంగా కాపాడుకోవడంతో పాటు ప్రజల ఆరోగ్యాన్ని పరిరక్షించేందుకు ప్రకృతి వ్యవసాయాన్ని ప్రోత్సహించాల్సిన అవసరం ఉందన్నారు. సాంప్రదాయ పద్ధతుల నుంచి రైతులు ఆధునిక, ప్రకృతి ఆధారిత సాగు విధానాల వైపు రావాల్సిన అవసరం ఉందని, మార్టేరులో జరుగుతున్న పరిశోధనలు రైతుల్లో నూతన ఉత్సాహాన్ని కలిగిస్తాయని తెలిపారు. ఇతర దేశాల్లో అభివృద్ధి చేస్తున్న ఆధునిక వ్యవసాయ పద్ధతులను అధ్యయనం చేసి, వాటిని స్థానిక పరిస్థితులకు అనుగుణంగా రైతులు అవలంబిస్తే అధిక దిగుబడులు సాధించే అవకాశం ఉంటుందన్నారు. అనపర్తి ఏ.డి. పరిధిలోని వివిధ మండలాల నుంచి రైతులను ఈ విజ్ఞాన యాత్రకు తరలించిన ఆత్మ కార్యక్రమ నిర్వాహకులకు, ఆత్మ చైర్మన్‌, ఏ.డి. వ్యవసాయ శాఖ అధికారులకు, ఇతర అధికారులకు ఎమ్మెల్యే కృతజ్ఞతలు తెలిపారు. కార్యక్రమంలో అనపర్తి టౌన్ కూటమి నాయకులు, కార్యకర్తలు, వ్యవసాయ శాఖ అధికారులు, రైతులు పాల్గొన్నారు.

తూర్పు గోదావరి

రైతుల సమస్యల పరిష్కారానికి కృషి: ఎమ్మెల్యే నల్లమిల్లి

ఎరువుల యాప్‌లో సాంకేతిక సమస్యలు పరిష్కరించాలి.. ఎల్‌నినో నేపథ్యంలో మెట్ట ప్రాంత చెరువులు నింపాలి కాకినాడ, ఆగస్టు 29 (పున్నమి ప్రతినిధి): కాకినాడ జిల్లా ప్రజా పరిషత్ సమావేశ మందిరంలో ఎంపీ తంగెళ్ల ఉదయ్ శ్రీనివాస్ అధ్యక్షతన, జిల్లా కలెక్టర్ ఎం.ఎన్. హరేంధిర ప్రసాద్ IAS ఆధ్వర్యంలో జరిగిన జిల్లా స్థాయి అభివృద్ధి సమన్వయ, పర్యవేక్షణ కమిటీ (దిశా) సమావేశానికి అనపర్తి ఎమ్మెల్యే నల్లమిల్లి రామకృష్ణారెడ్డి హాజరయ్యారు. కేంద్ర ప్రభుత్వ నిధులతో అమలవుతున్న అభివృద్ధి, సంక్షేమ పథకాల పురోగతిపై సమావేశంలో సమీక్ష నిర్వహించారు. ఈ సందర్భంగా ఎమ్మెల్యే నల్లమిల్లి మాట్లాడుతూ ఎరువుల పంపిణీ కోసం ప్రవేశపెట్టిన యాప్‌లోని సాంకేతిక సమస్యల కారణంగా రైతులు ఇబ్బందులు పడుతున్నారని, ముఖ్యంగా భూయజమాని, కౌలుదారు మధ్య పలు OTPలు చెప్పాల్సి రావడం వల్ల సమయం వృథా అవుతోందన్నారు. ఈ సమస్యలను శాసనసభలో ప్రస్తావించగా, అధికారులు తనను కలిసి సమస్యలను నమోదు చేసుకున్నారని, త్వరలో పరిష్కారానికి చర్యలు తీసుకుంటామని హామీ ఇచ్చారని తెలిపారు. ఎల్‌నినో ప్రభావం నేపథ్యంలో గోదావరి నీటిని పొదుపుగా వినియోగిస్తూ మెట్ట ప్రాంతంలోని చెరువులను నింపేందుకు ప్రాధాన్యత ఇవ్వాలని కోరారు. రబీ సీజన్‌లో పంటలతో పాటు తాగునీరు, పశువుల అవసరాలు, భూగర్భ జలాల పరిరక్షణకు ఇది కీలకమన్నారు. రైతులు తక్కువ ఎరువుల వినియోగంతో సాగు ఖర్చు తగ్గించుకుని ఆదాయం పెంచుకునే విధానాలపై దృష్టి పెట్టాలని సూచించారు. కేంద్ర, రాష్ట్ర ప్రభుత్వ పథకాలపై గ్రామస్థాయిలో విస్తృత అవగాహన కల్పించాలని ఎమ్మెల్యే కోరారు. సమావేశంలో ఐసీడీఎస్, డీఆర్‌డీఏ, డ్వామా, వ్యవసాయ, ఉద్యాన, పశుసంవర్ధక, వైద్య, విద్య, బ్యాంకింగ్, పంచాయతీరాజ్ తదితర శాఖలపై సమీక్ష జరిగింది.

తూర్పు గోదావరి

ఒడిశా తెలుగు రైతులకు ధాన్యం కొనుగోలు భరోసా!

ఎమ్మెల్యే నల్లమిల్లి చొరవ.. ఎంపీ పురంధేశ్వరి కృషితో సమస్యకు పరిష్కారం సుమారు 50 వేల మంది తెలుగు రైతులకు భారీ ఊరట అనపర్తి, ఆగస్టు 29 (పున్నమి ప్రతినిధి): ఒడిశా రాష్ట్రంలో వరి సాగు చేస్తున్న తెలుగు రైతులు ఎదుర్కొంటున్న ధాన్యం కొనుగోలు సమస్యకు పరిష్కారం లభించింది. తెలుగు రైతుల నుంచి ధాన్యం కొనుగోలు చేసేందుకు ఒడిశా ప్రభుత్వం అంగీకరించడంతో సుమారు 50 వేల మంది రైతులకు ఊరట లభించనుంది. ఇటీవల పెదపూడి మండలానికి చెందిన పలువురు రైతులు తమ సమస్యను అనపర్తి ఎమ్మెల్యే నల్లమిల్లి రామకృష్ణారెడ్డి దృష్టికి తీసుకువచ్చారు. ఒడిశాలో తాము సాగు చేస్తున్న వరి ధాన్యాన్ని అక్కడి ప్రభుత్వం కొనుగోలు చేయకపోవడంతో ఇబ్బందులు ఎదుర్కొంటున్నామని వివరించారు. రైతుల సమస్యపై వెంటనే స్పందించిన ఎమ్మెల్యే నల్లమిల్లి రాజమహేంద్రవరం ఎంపీ దగ్గుబాటి పురంధేశ్వరిని కలిసి సమస్యను వివరించారు. దీనిపై స్పందించిన ఎంపీ పురంధేశ్వరి ఒడిశా వ్యవసాయ శాఖ మంత్రి, ఇతర సంబంధిత మంత్రులతో ఫోన్‌లో మాట్లాడి ధాన్యం కొనుగోలు చేసేలా చర్యలు తీసుకోవాలని కోరారు. దీంతో ఒడిశా ప్రభుత్వం ధాన్యం కొనుగోలుకు అంగీకరించినట్లు ఎమ్మెల్యే నల్లమిల్లి తెలిపారు. సమస్య పరిష్కారానికి కృషి చేసిన ఎంపీ పురంధేశ్వరికి, ఒడిశా ప్రభుత్వానికి, గవర్నర్ కంభంపాటి హరిబాబుకు, మంత్రులు పృథ్వీరాజ్ హరిచందన్, కృష్ణ చంద్ర పాత్ర, కనక్ వర్ధన్ సింగ్ డియోలకు ఎమ్మెల్యే ప్రత్యేక కృతజ్ఞతలు తెలిపారు.

తూర్పు గోదావరి

గిడుగు వెంకట రామమూర్తి పంతులు జయంతి సందర్భంగా ఘన నివాళులు

రామవరం, ఆగస్టు 29 (పున్నమి ప్రతినిధి): తెలుగు వ్యవహారిక భాషా ఉద్యమ పితామహుడు, ప్రముఖ భాషావేత్త గిడుగు వెంకట రామమూర్తి పంతులు జయంతి సందర్భంగా అనపర్తి మండలం రామవరంలో ఆయన చిత్రపటానికి అనపర్తి ఎమ్మెల్యే నల్లమిల్లి రామకృష్ణారెడ్డి పూలమాల వేసి ఘనంగా నివాళులర్పించారు. ఈ సందర్భంగా అనపర్తి నియోజకవర్గ టీడీపీ ఇన్‌చార్జ్ నల్లమిల్లి మనోజ్ రెడ్డి, కూటమి నాయకులు కూడా గిడుగు వెంకట రామమూర్తి పంతులు చిత్రపటానికి పూలమాలలు వేసి నివాళులర్పించారు. తెలుగు భాషను ప్రజల నిత్య వ్యవహారంలోకి తీసుకురావడంతో పాటు, సరళమైన వ్యవహారిక భాషకు గిడుగు వెంకట రామమూర్తి పంతులు చేసిన కృషి చిరస్మరణీయమని నాయకులు పేర్కొన్నారు. తెలుగు భాష అభివృద్ధికి ఆయన అందించిన సేవలను ఈ సందర్భంగా స్మరించుకున్నారు. ఈ కార్యక్రమంలో అనపర్తి నియోజకవర్గ ఎన్డీఏ నాయకులు, రామవరం గ్రామ నాయకులు, కార్యకర్తలు తదితరులు పాల్గొన్నారు.

తూర్పు గోదావరి

అనపర్తి అభివృద్ధికి రూ.39.40 కోట్ల నిధులు

రోడ్లు, బ్రిడ్జి, విద్యుత్ సబ్‌స్టేషన్‌ నిర్మాణానికి భారీగా నిధులు అనపర్తి, ఆగస్టు 26 (పున్నమి ప్రతినిధి): అనపర్తి నియోజకవర్గంలో వివిధ అభివృద్ధి కార్యక్రమాలకు రూ.39.40 కోట్ల నిధులు మంజూరయ్యాయని ఎమ్మెల్యే నల్లమిల్లి రామకృష్ణారెడ్డి తెలిపారు. రాబోయే నాలుగైదు రోజుల్లో మరికొన్ని పనులకు నిధులు మంజూరయ్యే అవకాశం ఉందన్నారు. రామవరంలో బుధవారం నిర్వహించిన మీడియా సమావేశంలో అభివృద్ధి పనుల వివరాలను వెల్లడించారు. పుష్కరాల నేపథ్యంలో పంచాయతీరాజ్ శాఖ ద్వారా రూ.5 కోట్లు మంజూరయ్యాయని తెలిపారు. తొస్సిపూడి–కొంకుదురు రహదారికి రూ.2 కోట్లు, వడిశలేరు–తూర్పుగొనగూడెం బీటీ రోడ్డుకు రూ.2 కోట్లు, దుప్పలపూడి–కొత్తూరు రహదారికి రూ.70 లక్షలు, పులగుర్త రహదారి పనుల కొనసాగింపునకు రూ.35 లక్షలు మంజూరయ్యాయని వివరించారు. సోమేశ్వరం–రాజానగరం రహదారికి రూ.10 కోట్లు మంజూరయ్యాయని, వాస్తవానికి రూ.15 కోట్లతో ప్రతిపాదనలు పంపామని, మిగిలిన రూ.5 కోట్లు కూడా మంజూరు చేయాలని కోరుతున్నామని చెప్పారు. బలభద్రపురం–అనపర్తి కెనాల్ రోడ్డుకు రూ.5 కోట్లు, అనపర్తి–రాజమండ్రి రహదారి అభివృద్ధికి రూ.6.30 కోట్లు మంజూరవుతున్నాయని తెలిపారు. బలభద్రపురంలోని పాత బ్రిడ్జి అభివృద్ధికి రూ.2.50 కోట్ల నిధులు త్వరలో మంజూరయ్యే అవకాశం ఉందన్నారు. అనపర్తిలో కొత్త విద్యుత్ సబ్‌స్టేషన్‌ నిర్మాణానికి ఇంధన శాఖ మంత్రి గొట్టిపాటి రవికుమార్ సహకారంతో రూ.4.60 కోట్లు మంజూరయ్యాయని తెలిపారు. దీంతో విద్యుత్ లోడ్‌ సమస్యలు తగ్గి నాణ్యమైన విద్యుత్ సరఫరా అందుతుందని పేర్కొన్నారు. అనపర్తి–పెడపర్తి రేవు రహదారి అభివృద్ధికి ప్రతిపాదనలు పంపామని, త్వరలో నిధులు మంజూరు చేయించేందుకు చర్యలు తీసుకుంటున్నామని చెప్పారు. నియోజకవర్గంలో ఇప్పటికే దాదాపు 80 శాతం బీటీ రోడ్లు అభివృద్ధి చేశామని, మిగిలిన రోడ్లతో పాటు పుంత రోడ్లను కూడా దశలవారీగా అభివృద్ధి చేస్తామని తెలిపారు. నిధుల మంజూరుకు సహకరించిన ఉప ముఖ్యమంత్రి పవన్ కళ్యాణ్, మంత్రులు బీసీ జనార్దన్‌రెడ్డి, గొట్టిపాటి రవికుమార్, ముఖ్యమంత్రి నారా చంద్రబాబు నాయుడు, మంత్రి నారా లోకేష్‌కు ఎమ్మెల్యే కృతజ్ఞతలు తెలిపారు. సమావేశంలో టీడీపీ ఇన్‌చార్జి నల్లమిల్లి మనోజ్‌రెడ్డి, కూటమి నాయకులు పాల్గొన్నారు.

తూర్పు గోదావరి

ఒడిశాలో మన రైతుల ధాన్యాన్ని కొనుగోలు చేసేలా చర్యలు తీసుకోవాలి

అనపర్తి, ఆగస్టు 26 (పున్నమి ప్రతినిధి): ఒడిశాలో వరి సాగు చేస్తున్న అనపర్తి నియోజకవర్గానికి చెందిన రైతుల ధాన్యాన్ని అక్కడి ప్రభుత్వం కొనుగోలు చేయకపోవడంతో ఎదుర్కొంటున్న సమస్యను పరిష్కరించేందుకు చర్యలు ప్రారంభమయ్యాయి. వారం రోజుల క్రితం రైతులు తమ సమస్యలను వివరిస్తూ వినతిపత్రాన్ని అనపర్తి ఎమ్మెల్యే నల్లమిల్లి రామకృష్ణారెడ్డి దృష్టికి తీసుకువెళ్లారు. రైతుల విజ్ఞప్తిపై తక్షణమే స్పందించిన ఎమ్మెల్యే నల్లమిల్లి రామకృష్ణారెడ్డి, సమస్యను రాజమహేంద్రవరం ఎంపీ శ్రీమతి దగ్గుబాటి పురందేశ్వరి దృష్టికి ఫోన్ ద్వారా తీసుకువెళ్లారు. రైతుల ఇబ్బందులను పరిష్కరించే దిశగా చర్యలు తీసుకోవాలని కోరారు. ఈ నేపథ్యంలో బుధవారం రాజమహేంద్రవరంలోని ఎంపీ శ్రీమతి దగ్గుబాటి పురందేశ్వరి నివాసంలో జరిగిన సమావేశంలో ఒడిశాలో ఉన్న అనపర్తి నియోజకవర్గ రైతుల ధాన్యం కొనుగోలు సమస్యపై చర్చించారు. సమస్యను ఒడిశా గవర్నర్ శ్రీ కంభంపాటి హరిబాబు, రాష్ట్ర ఆర్‌అండ్‌బీ మంత్రి శ్రీ పృథ్వీరాజ్ హరిచందన్, ఒడిశా రాష్ట్ర సివిల్ సప్లయిస్ మంత్రి శ్రీ కృష్ణ చంద్ర పాత్ర దృష్టికి ఎంపీ పురందేశ్వరి తీసుకువెళ్లారు. రైతుల ధాన్యాన్ని కొనుగోలు చేసేలా, వారి సమస్యకు పరిష్కారం చూపే దిశగా చర్యలు తీసుకోవాలని ఆమె కోరారు. సెప్టెంబర్ 3న గవర్నర్‌తో రైతుల సమావేశం అనపర్తి నియోజకవర్గానికి చెందిన ఒడిశా రైతుల సమస్యను నేరుగా తెలుసుకునేందుకు సెప్టెంబర్ 3వ తేదీన రైతులను కలిసేందుకు ఒడిశా గవర్నర్ శ్రీ కంభంపాటి హరిబాబు అపాయింట్‌మెంట్ ఇచ్చినట్లు తెలిపారు. అదేవిధంగా ఒడిశాలో ఉన్న అనపర్తి నియోజకవర్గ రైతులు రాష్ట్ర ఆర్‌అండ్‌బీ మంత్రి శ్రీ పృథ్వీరాజ్ హరిచందన్, రాష్ట్ర సివిల్ సప్లయిస్ మంత్రి శ్రీ కృష్ణ చంద్ర పాత్రను కలిసి తమ ధాన్యం కొనుగోలు సమస్యను వివరించాలని సూచించారు. తమ సమస్యను పరిష్కరించేందుకు చొరవ చూపుతున్న రాజమహేంద్రవరం ఎంపీ శ్రీమతి దగ్గుబాటి పురందేశ్వరి, అనపర్తి ఎమ్మెల్యే నల్లమిల్లి రామకృష్ణారెడ్డికి ఒడిశాలోని అనపర్తి నియోజకవర్గ రైతులు కృతజ్ఞతలు తెలిపారు.

తూర్పు గోదావరి

తూర్పుగోదావరి జిల్లా బీజేపీ కార్యవర్గ సమావేశంలో పురందేశ్వరి, నల్లమిల్లి, సోము

రాజమహేంద్రవరం, ఆగస్టు 26 (పున్నమి ప్రతినిధి): రాజమహేంద్రవరంలోని తూర్పుగోదావరి జిల్లా బీజేపీ కార్యాలయంలో జిల్లా బీజేపీ అధ్యక్షులు పిక్కి నాగేంద్ర అధ్యక్షతన తూర్పుగోదావరి జిల్లా బీజేపీ కార్యవర్గ సమావేశం నిర్వహించారు. ఈ సమావేశంలో బీజేపీ జాతీయ ఉపాధ్యక్షురాలు, రాజమహేంద్రవరం ఎంపీ శ్రీమతి దగ్గుబాటి పురందేశ్వరి, అనపర్తి నియోజకవర్గ ఎమ్మెల్యే శ్రీ నల్లమిల్లి రామకృష్ణారెడ్డి, ఎమ్మెల్సీ శ్రీ సోము వీర్రాజు పాల్గొన్నారు. ఈ సందర్భంగా పార్టీకి సంబంధించిన వివిధ అంశాలపై నాయకులు చర్చించారు. సమావేశంలో తూర్పుగోదావరి జిల్లా బీజేపీ కార్యవర్గ సభ్యులు పాల్గొన్నారు.

తూర్పు గోదావరి

రాజమహేంద్రవరంలో ఘనంగా “మన ఊరు – మన జెండా”

రాజమహేంద్రవరం, ఆగస్టు 26 (పున్నమి ప్రతినిధి): భారతీయ జనతా పార్టీ రాష్ట్రవ్యాప్తంగా నిర్వహిస్తున్న “మన ఊరు – మన జెండా” కార్యక్రమంలో భాగంగా రాజమహేంద్రవరం క్వారీ మార్కెట్ సెంటర్‌లో బీజేపీ జెండా ఆవిష్కరణ కార్యక్రమం ఘనంగా నిర్వహించారు. క్వారీ మార్కెట్ సెంటర్‌లో నూతనంగా నిర్మించిన బీజేపీ జెండా స్తూపం వద్ద బీజేపీ జాతీయ ఉపాధ్యక్షురాలు, రాజమహేంద్రవరం ఎంపీ శ్రీమతి దగ్గుబాటి పురందేశ్వరి, అనపర్తి నియోజకవర్గ ఎమ్మెల్యే శ్రీ నల్లమిల్లి రామకృష్ణారెడ్డి, ఎమ్మెల్సీ శ్రీ సోము వీర్రాజు జెండాను ఆవిష్కరించారు. ఈ కార్యక్రమంలో తూర్పుగోదావరి జిల్లా బీజేపీ నాయకులు, కార్యకర్తలు పెద్ద సంఖ్యలో పాల్గొన్నారు.

తూర్పు గోదావరి

పురందేశ్వరిని సత్కరించిన ఎమ్మెల్యే నల్లమిల్లి

రాజమహేంద్రవరం, ఆగస్టు 26 (పున్నమి ప్రతినిధి): బీజేపీ జాతీయ ఉపాధ్యక్షురాలిగా నియమితులైన రాజమహేంద్రవరం ఎంపీ శ్రీమతి దగ్గుబాటి పురందేశ్వరిని తూర్పుగోదావరి జిల్లా బీజేపీ కార్యాలయంలో అనపర్తి ఎమ్మెల్యే శ్రీ నల్లమిల్లి రామకృష్ణారెడ్డి ఘనంగా సత్కరించి శుభాకాంక్షలు తెలిపారు. ఈ కార్యక్రమంలో ఎమ్మెల్సీ శ్రీ సోము వీర్రాజు, తూర్పుగోదావరి జిల్లా బీజేపీ అధ్యక్షులు పిక్కి నాగేంద్ర, బీజేపీ రాష్ట్ర కార్యవర్గ సభ్యులు, జిల్లా కార్యవర్గ సభ్యులు, అనపర్తి నియోజకవర్గ బీజేపీ నాయకులు, కార్యకర్తలు పాల్గొన్నారు. నూతన రాష్ట్ర కార్యవర్గ సభ్యులకు అభినందనలు బీజేపీ రాష్ట్ర కార్యవర్గ సభ్యులుగా నియమితులైన పిల్లమార్రి మురళీకృష్ణ, కురగంటి సతీష్‌లను కూడా ఈ సందర్భంగా ఘనంగా సత్కరించారు. నూతన బాధ్యతలు స్వీకరించిన వారికి రాజమహేంద్రవరం ఎంపీ దగ్గుబాటి పురందేశ్వరి, ఎమ్మెల్యే నల్లమిల్లి రామకృష్ణారెడ్డి, ఎమ్మెల్సీ సోము వీర్రాజు, జిల్లా బీజేపీ అధ్యక్షులు పిక్కి నాగేంద్ర శుభాకాంక్షలు తెలిపారు. పార్టీకి మరింత సేవలందిస్తూ ప్రజా సమస్యల పరిష్కారానికి కృషి చేయాలని నాయకులు ఆకాంక్షించారు.