శ్రావణ శుక్రవారం.. శ్రీ కామేశ్వరీ మహానందీశ్వరుల రాత్రికాల పల్లకి సేవ వైభవంగా

మహానంది: శ్రావణ మాసం రెండో శుక్రవారం సందర్భంగా మహానంది పుణ్యక్షేత్రంలో శ్రీ కామేశ్వరీ మహానందీశ్వరుల రాత్రికాల పల్లకి సేవను ఆలయ అధికారులు, అర్చకుల ఆధ్వర్యంలో వైభవంగా నిర్వహించారు. స్వామి, అమ్మవార్లకు ప్రత్యేక పూజలు, అభిషేకాలు నిర్వహించిన అనంతరం ఉత్సవమూర్తులను పుష్పాలతో సుందరంగా అలంకరించి పల్లకిలో కొలువుదీర్చారు.వేద పండితుల మంత్రోచ్ఛారణలు, మంగళవాయిద్యాల నడుమ పల్లకి సేవ నిర్వహించగా భక్తులు పెద్ద సంఖ్యలో పాల్గొని స్వామివారిని దర్శించుకున్నారు. ఆలయ ప్రాంగణం భక్తుల సందడితో ఆధ్యాత్మిక శోభను సంతరించుకుంది. శ్రావణ శుక్రవారం సందర్భంగా పల్లకి సేవను దర్శించుకుంటే అమ్మవారి అనుగ్రహం లభిస్తుందని భక్తులు విశ్వసిస్తూ ప్రత్యేక పూజలు, మొక్కులు చెల్లించుకున్నారు.పల్లకి సేవ అనంతరం భక్తులకు తీర్థప్రసాదాలు అందజేశారు. ఆలయ అధికారులు భక్తులకు ఎలాంటి ఇబ్బందులు కలగకుండా అవసరమైన ఏర్పాట్లు చేశారు.