నిజం గెలిచింది.. ధైర్యం గెలిచింది.. ప్రజాస్వామ్యం గెలిచింది

నిజం గెలిచింది.. ధైర్యం గెలిచింది.. ప్రజాస్వామ్యం గెలిచింది పున్నమి ప్రతినిధి, సెప్టెంబర్ 9: కడప నగరంలోని పాత బస్టాండ్‌ వద్ద హరి టవర్స్‌ సమీపంలో తెలుగుదేశం పార్టీ ఆధ్వర్యంలో ప్రత్యేక కార్యక్రమం నిర్వహించారు. టీడీపీ జాతీయ ఉపాధ్యక్షుడు శ్రీ బాలిశెట్టి హరిప్రసాద్ ఆధ్వర్యంలో జరిగిన ఈ కార్యక్రమంలో పార్టీ నాయకులు, కార్యకర్తలు పాల్గొన్నారు. మూడేళ్ల క్రితం టీడీపీ అధినేత శ్రీ నారా చంద్రబాబు నాయుడుపై జరిగిన సంఘటనను ఈ సందర్భంగా టీడీపీ శ్రేణులు గుర్తుచేసుకున్నారు. ఆ సమయంలో పార్టీ నాయకులు, కార్యకర్తలు ఎదుర్కొన్న పరిస్థితులను ప్రస్తావిస్తూ, ప్రజాస్వామ్య పద్ధతుల్లో పోరాటం కొనసాగించామని తెలిపారు. “నిజం గెలిచింది.. ధైర్యం గెలిచింది.. ప్రజాస్వామ్యం గెలిచింది” అంటూ టీడీపీ నాయకులు, కార్యకర్తలు నినాదాలు చేశారు. చంద్రబాబు నాయుడికి మద్దతుగా పార్టీ శ్రేణులు తమ సంఘీభావాన్ని చాటుకున్నారు. ఈ సందర్భంగా బాలిశెట్టి హరిప్రసాద్ మాట్లాడుతూ.. కష్టకాలంలో టీడీపీ కార్యకర్తలు చూపిన ధైర్యం, ఐక్యత మరువలేనివని అన్నారు. ప్రజాస్వామ్య విలువల పరిరక్షణ కోసం తెలుగుదేశం పార్టీ ఎల్లప్పుడూ ముందుంటుందని పేర్కొన్నారు. కార్యక్రమంలో “జై తెలుగుదేశం.. జై చంద్రబాబు” అంటూ నినాదాలు మార్మోగాయి. పాత బస్టాండ్‌ ప్రాంతంలో టీడీపీ జెండాలు, నినాదాలతో సందడి నెలకొంది. పార్టీ నాయకులు, కార్యకర్తలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.