హైదరాబాద్

తెలంగాణలో బియ్యం ధరల భారీ పెరుగుదల

తెలంగాణలో బియ్యం ధరలు మూడు నెలల్లోనే గణనీయంగా పెరిగాయి. కేంద్ర వినియోగదారుల వ్యవహారాల శాఖ గణాంకాల ప్రకారం జూలైలో కిలోకు సగటు ₹54.40గా ఉన్న రిటైల్ బియ్యం ధర సెప్టెంబర్‌లో ₹61.60కు చేరింది. అంటే సుమారు 13.32 శాతం పెరుగుదల నమోదైంది. దేశంలో అత్యధిక ధరల పెరుగుదల నమోదైన రాష్ట్రాల్లో తెలంగాణ రెండో స్థానంలో ఉందని నివేదిక పేర్కొంది. రాష్ట్రంలో బియ్యం నిల్వలు ఉన్నప్పటికీ ధరలు పెరగడం వినియోగదారుల్లో ఆందోళన కలిగిస్తోంది.