Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: Crime

నంద్యాల

నంద్యాల ట్రాఫిక్ పోలీస్ స్టేషన్‌ను తనిఖీ చేసిన జిల్లా ఎస్పీ

నంద్యాల ట్రాఫిక్ పోలీస్ స్టేషన్‌ను జిల్లా ఎస్పీ సునీల్ షొరాణ్ ఆకస్మికంగా తనిఖీ చేశారు. స్టేషన్ రికార్డులు, డ్యూటీ రోస్టర్లు, యాక్సిడెంట్ కేసుల పురోగతిని పరిశీలించిన ఎస్పీ, పోలీస్ స్టేషన్ పరిసరాలను శుభ్రంగా ఉంచుకోవాలని సూచించారు. పట్టణంలో ట్రాఫిక్ క్రమబద్ధీకరణ, ప్రమాదాల నివారణకు ముమ్మర చర్యలు చేపట్టాలని, నిబంధనలు ఉల్లంఘించే వాహనదారులపై చట్టప్రకారం చర్యలు తీసుకోవాలని ట్రాఫిక్ ఇన్‌స్పెక్టర్ సుబ్రహ్మణ్యంను ఆదేశించారు. ప్రజల భద్రత, సురక్షితమైన ప్రయాణం కోసం పోలీస్ శాఖ నిరంతరం కృషి చేస్తుందని తెలిపారు.

నంద్యాల

వినాయక నిమజ్జనానికి పటిష్ట బందోబస్తు: నంద్యాల జిల్లా ఎస్పీ

నంద్యాల: వినాయక నిమజ్జన కార్యక్రమాలు ప్రశాంతంగా జరిగేలా పటిష్ట భద్రతా చర్యలు చేపట్టాలని నంద్యాల జిల్లా ఎస్పీ సునీల్ షొరాణ్ అధికారులను ఆదేశించారు. ఆత్మకూరు సబ్‌ డివిజన్ పరిధిలోని వెలుగోడు, ఆత్మకూరు, పాములపాడు, జూపాడుబంగ్లా ప్రాంతాల్లోని నిమజ్జన ఘాట్‌లు, ఊరేగింపు మార్గాలను ఎస్పీ మంగళవారం పరిశీలించారు.ఘాట్‌ల వద్ద నిరంతరం పోలీస్ సిబ్బంది అందుబాటులో ఉండాలని, ఎలాంటి అవాంఛనీయ సంఘటనలు జరగకుండా అప్రమత్తంగా ఉండాలని స్పష్టం చేశారు. నిమజ్జన ప్రక్రియలో ప్రజలు పోలీసులకు సహకరించి భద్రతా నిబంధనలు పాటించాలని కోరారు. ఈ కార్యక్రమంలో డీఎస్పీ రామంజి నాయక్, ఎస్బీ ఇన్‌స్పెక్టర్ అశోక్ తదితర అధికారులు పాల్గొన్నారు.

నంద్యాల

పోక్సో కేసులో నిందితుడికి ఏడాది జైలు, రూ.50 వేల జరిమానా

నంద్యాల: సంజామల పోలీస్‌స్టేషన్‌ పరిధిలో 12 ఏళ్ల బాలిక పట్ల అసభ్యంగా ప్రవర్తించిన కేసులో నిందితుడు బోయ బాలకృష్ణకు న్యాయస్థానం ఏడాది జైలు శిక్ష, రూ.50 వేల జరిమానా విధిస్తూ తీర్పు చెప్పింది.2023 మార్చి 12న నమోదైన ఈ కేసులో అప్పటి ఎస్‌ఐ ఎం.ప్రతాప్‌ పకడ్బందీగా ఆధారాలు సేకరించి చార్జిషీట్‌ దాఖలు చేశారు. జిల్లా ఎస్పీ సునీల్‌ షొరాణ్‌ పర్యవేక్షణలో విచారణ పూర్తి కాగా, నిందితుడిపై నేరం రుజువు కావడంతో కోర్టు ఈ శిక్ష ఖరారు చేసింది. కేసులో పక్కాగా ఆధారాలు సమర్పించి శిక్ష పడేలా కృషి చేసిన పోలీసు అధికారులను, కోర్టు సిబ్బందిని జిల్లా ఎస్పీ అభినందించారు.

నంద్యాల

వినాయక నిమజ్జన ఘాట్‌లను పరిశీలించిన జిల్లా ఎస్పీ

ఆత్మకూరు: వినాయక నిమజ్జన కార్యక్రమాలు ప్రశాంతంగా జరిగేలా పటిష్ట భద్రతా చర్యలు చేపట్టాలని నంద్యాల జిల్లా ఎస్పీ సునీల్ షొరాణ్ అధికారులను ఆదేశించారు. ఆత్మకూరు సబ్‌ డివిజన్ పరిధిలోని వెలుగోడు, ఆత్మకూరు, పాములపాడు, జూపాడుబంగ్లా ప్రాంతాల్లోని నిమజ్జన ఘాట్‌లు, ఊరేగింపు మార్గాలను ఎస్పీ మంగళవారం పరిశీలించారు.ఘాట్‌ల వద్ద భద్రతా ఏర్పాట్లు, రద్దీ నియంత్రణ, పోలీస్ బందోబస్తుపై అధికారులకు ఆదేశాలు జారీ చేశారు. ఎలాంటి అవాంఛనీయ సంఘటనలు జరగకుండా పోలీస్ సిబ్బంది నిరంతరం అందుబాటులో ఉండాలని, ప్రజలు పోలీసులకు సహకరించి భద్రతా నిబంధనలు పాటించాలని కోరారు. ఈ కార్యక్రమంలో డీఎస్పీ రామంజి నాయక్, స్పెషల్ బ్రాంచ్ ఇన్‌స్పెక్టర్ అశోక్ తదితర అధికారులు పాల్గొన్నారు.

నంద్యాల

జూద శిబిరంపై దాడి: 8 మంది అరెస్ట్, రూ.1.25 లక్షల నగదు స్వాధీనం

జూపాడుబంగ్లా: మండ్లెం గ్రామ శివారులోని పొలాల్లో అందర్-బహార్ జూదం ఆడుతున్న స్థావరంపై జూపాడుబంగ్లా ఎస్‌ఐ K. మల్లికార్జున సిబ్బందితో కలిసి మంగళవారం దాడి చేశారు. ఈ దాడిలో జూదం ఆడుతున్న 8 మందిని అరెస్ట్ చేశారు.వారి వద్ద నుంచి రూ.1,25,630 నగదు, 52 పేకముక్కలు, 7 మోటార్ సైకిళ్లు, 8 మొబైల్ ఫోన్లను పోలీసులు స్వాధీనం చేసుకున్నారు. సంఘటనా స్థలం నుండి మరో ఐదుగురు పరారయ్యారని, వారిని త్వరలోనే అరెస్ట్ చేస్తామని ఎస్‌ఐ తెలిపారు. నిందితులపై కేసు నమోదు చేసి దర్యాప్తు చేస్తున్నారు.

తిరుపతి

లారీ కింద పడి డ్రైవర్ దుర్మరణం

– ప్రమాదాన్ని తప్పించుకునేందుకు దూకిన డ్రైవర్‌పైకే ఎక్కిన లారీ – చిన్నవారంపాడు బ్రిడ్జి సమీపంలో విషాద ఘటన కడప–చెన్నై ప్రధాన రహదారిపై ఓబులవారిపల్లి మండలం చిన్నవారంపాడు బ్రిడ్జి సమీపంలో శనివారం విషాదకర రోడ్డు ప్రమాదం చోటుచేసుకుంది. అదుపుతప్పిన లారీ కింద పడే ప్రమాదం ఉందని భావించిన డ్రైవర్ బి. మురళి వాహనం నుంచి రోడ్డుపైకి దూకారు. అయితే, దురదృష్టవశాత్తు అదే లారీ ఆయనపైకి ఎక్కడంతో అక్కడికక్కడే మృతి చెందారు. మృతుడు తాడిపత్రి గ్రామానికి చెందిన బి. మురళిగా ఎస్‌ఐ సుజన్ కుమార్ తెలిపారు. ఘటనపై కేసు నమోదు చేసి దర్యాప్తు చేస్తున్నట్లు చెప్పారు. మృతదేహాన్ని పోస్టుమార్టం నిమిత్తం ఆసుపత్రికి తరలిస్తున్నట్లు ఎస్‌ఐ వెల్లడించారు.

తిరుపతి

కోడూరు: వినాయక వేడుకలపై పోలీసుల కీలక సూచనలు

-మండపాల వద్ద 24 గంటల పర్యవేక్షణ తప్పనిసరి -ఆన్‌లైన్‌లో ముందస్తు అనుమతులు పొందాలని సూచన -నిమజ్జనం వరకు నిబంధనలు పాటించాలని స్పష్టీకరణ రైల్వే కోడూరు: వినాయక చవితి వేడుకలను ప్రశాంత వాతావరణంలో నిర్వహించేందుకు నిర్వాహకులు ముందస్తు చర్యలు చేపట్టాలని రైల్వే కోడూరు గ్రామీణ పోలీస్ సర్కిల్ ఇన్‌స్పెక్టర్ శ్రీనివాసులు సూచించారు. మండపం ఏర్పాటు నుంచి విగ్రహ నిమజ్జనం వరకు కార్యక్రమాల నిర్వహణకు ఐదుగురు సభ్యులతో కమిటీ ఏర్పాటు చేసుకోవాలని తెలిపారు. మండపాల వద్ద 24 గంటల పాటు పర్యవేక్షణ ఉండేలా నిర్వాహకులు బాధ్యత తీసుకోవాలన్నారు. పోలీస్, పంచాయతీ, విద్యుత్, అగ్నిమాపక శాఖల నుంచి ఆన్‌లైన్ ద్వారా ముందస్తు అనుమతులు తప్పనిసరిగా పొందాలని సూచించారు. విగ్రహ ప్రతిష్ఠ, నిమజ్జనం తేదీల వివరాలను ముందుగానే పోలీసులకు తెలియజేయాలని స్పష్టం చేశారు. వేడుకల సందర్భంగా శాంతిభద్రతలకు ఎలాంటి ఇబ్బందులు కలగకుండా నిబంధనలు పాటించాలని కోరారు.

తిరుపతి

పుల్లంపేటలో డ్రోన్ నిఘా.. అసాంఘిక కార్యకలాపాలపై ఉక్కుపాదం

• వత్తలూరు, పెద్దూరు, తిప్పాయపల్లిలో విస్తృతంగా పర్యవేక్షణ • పేకాట, కోళ్ల పందేలు, గంజాయి స్థావరాలపై ప్రత్యేక దృష్టి • అనుమానాస్పద కదలికలపై తక్షణ చర్యలకు పోలీసుల సిద్ధం పుల్లంపేట: అసాంఘిక కార్యకలాపాలకు అడ్డుకట్ట వేసేందుకు పోలీసులు డ్రోన్ కెమెరాలతో ప్రత్యేక నిఘా ఏర్పాటు చేశారు. తిరుపతి జిల్లా ఎస్పీ ఎల్. సుబ్బరాయుడు ఆదేశాల మేరకు రేణిగుంట డీఎస్పీ వై. శ్రీనివాసరావు పర్యవేక్షణలో, కోడూరు రూరల్ సీఐ డి. శ్రీనివాసులు, పుల్లంపేట ఎస్‌ఐ వి. చిన్నరెడ్డెప్ప ఆధ్వర్యంలో వత్తలూరు, పెద్దూరు, తిప్పాయపల్లి గ్రామాల్లో డ్రోన్ కెమెరాలతో తనిఖీలు చేపట్టారు. గ్రామాలు, శివారు ప్రాంతాలు, అనుమానాస్పద ప్రదేశాలను పరిశీలించారు. పేకాట, కోళ్ల పందేలు, గంజాయి నిల్వలు, వినియోగం, బహిరంగ మద్యం సేవించే ప్రదేశాలపై ప్రత్యేకంగా నిఘా పెట్టారు. డ్రోన్ ద్వారా గుర్తించే అనుమానాస్పద కదలికలపై స్థానిక సిబ్బంది వెంటనే స్పందించి చట్టపరమైన చర్యలు తీసుకోనున్నారు. అవసరాన్ని బట్టి మండలంలోని ఇతర గ్రామాల్లోనూ డ్రోన్ నిఘాను విస్తరిస్తామని పోలీసులు తెలిపారు. అసాంఘిక కార్యకలాపాలపై సమాచారం ఉంటే పోలీసులకు తెలియజేయాలని ప్రజలను కోరారు.

తిరుపతి

బంగారు ఆభరణాల కోసం వృద్ధురాలి హత్య

– 24 గంటల్లో కేసును ఛేదించిన పోలీసులు.. ఇద్దరి అరెస్ట్ – 32.350 గ్రాముల బంగారం స్వాధీనం రైల్వేకోడూరు: పట్టణంలోని వినాయకనగర్‌లో వృద్ధురాలు రాజుపాలెం మంగమ్మ (70) హత్య కేసును పోలీసులు 24 గంటల్లో ఛేదించారు. ఈ కేసులో జైనాబీ, ఆమె కుమారుడు ఇస్మాక్‌ను అరెస్టు చేసినట్లు పోలీసులు తెలిపారు. బంగారు ఆభరణాల కోసం మంగమ్మను ఇంటికి పిలిపించి హత్య చేసినట్లు పోలీసుల దర్యాప్తులో వెల్లడైనట్లు పేర్కొన్నారు. అనంతరం ఆమె వద్ద ఉన్న బంగారు ఆభరణాలను తీసుకున్నట్లు తెలిపారు. నిందితుల నుంచి 32.350 గ్రాముల బంగారాన్ని స్వాధీనం చేసుకున్నట్లు పోలీసులు వెల్లడించారు. కేసును వేగంగా దర్యాప్తు చేసి నిందితులను అరెస్టు చేసిన పోలీసులను ఉన్నతాధికారులు అభినందించారు. ఘటనకు సంబంధించిన పూర్తి వివరాలను పోలీసులు వెల్లడించనున్నారు.

నంద్యాల

ఆన్‌లైన్ వాహన కొనుగోలు వివాదం పరిష్కారం: బాధితుడికి అప్పగించిన బైక్

సంజామల: ఆన్‌లైన్ ద్విచక్ర వాహన కొనుగోలు వ్యవహారంలో పోలీసులు సత్వరంగా స్పందించి బాధితుడికి న్యాయం చేశారు. ఉత్తరప్రదేశ్‌కు చెందిన సత్యం పాండే, ఆల్వకొండకు చెందిన గిరి హుస్సేన్‌తో రూ.40 వేలకు బైక్ కొనుగోలు ఒప్పందం చేసుకుని, ముందస్తుగా రూ.30 వేలు చెల్లించాడు. మిగిలిన రూ.10 వేలకు బదులుగా హుస్సేన్ అదనంగా రూ.20 వేలు డిమాండ్ చేయడంతో బాధితుడు పోలీసులను ఆశ్రయించాడు.సంజామల ఎస్‌ఐ రమణయ్య, కోయిలకుంట్ల సీఐ హనుమంతు నాయక్ వెంటనే స్పందించి, భాషా సమస్యను అధిగమిస్తూ ఇరువర్గాలకు కౌన్సెలింగ్ ఇచ్చారు. పూర్వ ఒప్పందం ప్రకారమే మిగిలిన రూ.10 వేలు చెల్లించేలా చూసి, సత్యం పాండేకు వాహనాన్ని అప్పగించారు. సత్వర న్యాయం అందించిన పోలీసులకు బాధితుడు కృతజ్ఞతలు తెలిపాడు.