ఏటికొప్పాకలో ఆర్ఎస్ఎస్ శిక్షణ వర్గం.. యువత, ప్రజల ఉత్సాహభరిత భాగస్వామ్యం…!
అభ్యాసం, క్రమశిక్షణ, సేవా భావనపై ప్రత్యేక శిక్షణ యలమంచిలి: ( పున్నమి న్యూస్ రిపోర్టర్ ఆనంద్ ) ఏటికొప్పాక అక్షర ఇంగ్లీష్ మీడియం పబ్లిక్ స్కూల్లో ఆదివారం ఆర్ఎస్ఎస్ ఆధ్వర్యంలో ఒకరోజు ముఖ్య శిక్షకుల అభ్యాస వర్గ కార్యక్రమం ఉత్సాహంగా నిర్వహించారు. అగ్రహారపు కుమారస్వామి వారి ఆధ్వర్యంలో జరిగిన ఈ కార్యక్రమంలో గ్రామానికి చెందిన యువకులు, ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేశారు. ఈ సందర్భంగా శిక్షణలో భాగంగా క్రమశిక్షణ, నాయకత్వ లక్షణాలు, సామాజిక బాధ్యత, సేవా భావన తదితర అంశాలపై అభ్యాసం నిర్వహించారు. యువతలో సేవా దృక్పథాన్ని పెంపొందించడంతో పాటు సమాజ అభివృద్ధిలో ప్రతి ఒక్కరి భాగస్వామ్యం అవసరమనే అంశాలను వివరించారు. ఈ కార్యక్రమంలో ఎలమంచిలి ఖండ కార్యవాహ పలకా రామస్వామి, ఎలమంచిలి ఖండ సంపర్క ప్రముఖ్ కర్రి త్రినాథరావు, ఎలమంచిలి ఖండ సహ శారీరక ప్రముఖ్ గంజి దుర్గా సాయి, పులపర్తి సంఘ మండల శిక్షణ ప్రముఖ్ దాసరి నూకరాజు తదితరులు పాల్గొన్నారు. కార్యక్రమంలో పాల్గొన్న యువకులు, ప్రజలకు నిర్వాహకులు ధన్యవాదాలు తెలిపారు. కార్యక్రమాన్ని విజయవంతంగా నిర్వహించేందుకు సహకరించిన ప్రతి ఒక్కరికీ ఎలమంచిలి ఖండ తరఫున హృదయపూర్వక కృతజ్ఞతలు తెలియజేశారు.
kundhuruanand- September 7, 2026
- 0 Comments
- 17 Views
-
