2026–27 విద్యా సంవత్సరానికి గాను ఖమ్మం జిల్లాలో జిల్లా విద్యాశాఖ అధికారులు 120 మంది ఉపాధ్యాయులను ఉత్తమ ఉపాధ్యాయులుగా ఎంపిక చేశారు. ప్రభుత్వ, ప్రైవేటు పాఠశాలలకు చెందిన ఉపాధ్యాయులకు ఈ అవకాశం కల్పించారు. ఎంపికైన వారిలో చింతకాని మండలం నుంచి అత్యధికంగా 13 మంది, ఖమ్మం రూరల్ నుంచి 16 మంది, ఖమ్మం అర్బన్ నుంచి 24 మంది, కల్లూరు నుంచి 8 మంది, కారేపల్లి నుంచి ఇద్దరు ఉన్నారు. అలాగే కొణిజర్ల, కూసుమంచి, మధిర, సత్తుపల్లి, ముదిగొండ తదితర మండలాల నుంచి కూడా పలువురు ఉపాధ్యాయులు ఉత్తమ ఉపాధ్యాయులుగా ఎంపికయ్యారు. విద్యార్థుల అభ్యసన సామర్థ్యం పెంపు, బోధనా విధానాల్లో ప్రతిభ, విద్యాభివృద్ధికి చేసిన కృషి తదితర అంశాలను పరిగణనలోకి తీసుకుని ఎంపిక ప్రక్రియ చేపట్టినట్లు అధికారులు తెలిపారు.
