బాచుపల్లి, ఆగస్టు 12, 2026:
అమావాస్య సందర్భంగా శ్రీ ఆర్యవైశ్య సంఘం బాచుపల్లి (Vasavi Club Bachupally) ఆధ్వర్యంలో బుధవారం బాచుపల్లిలో అన్నవితరణ కార్యక్రమాన్ని ఘనంగా నిర్వహించారు. ఈ కార్యక్రమంలో సుమారు 500 మంది ప్రజలకు అన్నవితరణ చేసి వారి ఆకలి తీర్చారు.
ఈ కార్యక్రమానికి ముఖ్య అతిథులుగా తెలంగాణ రాష్ట్ర ఆర్యవైశ్య కార్పొరేషన్ చైర్మన్ శ్రీమతి కల్వ సుజాత, కొలను హనుమంత్ రెడ్డి, కొలను వీరేందర్ రెడ్డి, పోలీసు అధికారులు సీఐ, ఎస్ఐలు తదితర ప్రముఖులు హాజరై కార్యక్రమాన్ని ప్రారంభించి నిర్వాహకులను అభినందించారు.
ఈ సందర్భంగా సంఘం అధ్యక్షులు శ్రీకాంత్, ఉపాధ్యక్షులు వీరేశం, ప్రధాన కార్యదర్శి శ్రీరామ్, కోశాధికారి రఘు, సంయుక్త కార్యదర్శి శ్రీనివాస్, ఇతర కార్యవర్గ సభ్యులు శివ రాజ్ గుప్తా, బద్రి, వెంకటేశ్వర్లు, నితేష్, అనిల్, కార్తిక్, మహిళా మణులు మరియు సంఘ సభ్యులు పాల్గొని అన్నవితరణ కార్యక్రమాన్ని విజయవంతంగా నిర్వహించారు.
ఈ సందర్భంగా సంఘం ప్రతినిధులు మాట్లాడుతూ, ఆకలితో ఉన్నవారికి అన్నం అందించడం గొప్ప మానవతా సేవ అని తెలిపారు. ప్రతి నెల అమావాస్య సందర్భంగా ఇటువంటి సేవా కార్యక్రమాలను నిర్వహిస్తూ, సమాజానికి తమ వంతు సేవ చేయడం తమ ప్రధాన లక్ష్యమని పేర్కొన్నారు.
అన్నవితరణ కార్యక్రమానికి సహకరించిన దాతలు, సంఘ సభ్యులు, మహిళా మణులు, స్వచ్ఛంద కార్యకర్తలు మరియు కార్యక్రమంలో పాల్గొని విజయవంతం చేసిన ప్రతి ఒక్కరికీ శ్రీ ఆర్యవైశ్య సంఘం బాచుపల్లి (Vasavi Club Bachupally) తరఫున హృదయపూర్వక కృతజ్ఞతలు తెలిపారు.
“సేవే మా లక్ష్యం – సమాజమే మా కుటుంబం” అనే స్ఫూర్తితో భవిష్యత్తులో మరిన్ని సేవా కార్యక్రమాలను నిర్వహిస్తూ ప్రజలకు అందుబాటులో ఉంటామని సంఘం ప్రతినిధులు తెలిపారు.
