కందిమల్లయపల్లిలోని పోతులూరి వీరబ్రహ్మేంద్ర స్వామి వారి పుణ్యక్షేత్రంలో 333వ ఆరాధన మహోత్సవాలు ఈ నెల 26వ తారీఖున అంగరంగ వైభవంగా నిర్వహించబడ్డాయి. వేలాది మంది భక్తులు పాల్గొని స్వామివారికి ప్రత్యేక పూజలు, అభిషేకాలు నిర్వహించారు. ఆలయ పరిసరాలు భక్తిజనసందోహంతో నిండిపోయి ఆధ్యాత్మిక వాతావరణం నెలకొంది.
ఈ సందర్భంగా అన్నదాన కార్యక్రమాలు, హారతులు, భజనలు ఘనంగా జరిగాయి. వివిధ ప్రాంతాల నుంచి వచ్చిన భక్తులు స్వామివారి ఆశీస్సులు పొందేందుకు పెద్ద ఎత్తున తరలివచ్చారు.
ఈ మహోత్సవాలు శ్రీ మద్విరాట్ పోతులూరి వీరబ్రహ్మేంద్రస్వామి వారి ఆరాధన నిత్య అన్నదానం విశ్వబ్రాహ్మణ సేవా సమాజం, కందిమల్లయపల్లె విరాట్ నగర్ వారి ఆధ్వర్యంలో భక్తిశ్రద్ధలతో నిర్వహించబడ్డాయి.
ఇవాళ స్వామివారు సజీవ సమాధి చెందిన పవిత్ర దినంగా భక్తులు విశేషంగా గుర్తించి, ప్రత్యేక ప్రార్థనలు నిర్వహిస్తున్నారు. స్వామివారి కాలజ్ఞానం, ఉపదేశాలు భక్తుల జీవితాలకు మార్గదర్శకంగా నిలుస్తున్నాయని పండితులు పేర్కొన్నారు.
ఈ మహోత్సవం భక్తులలో భక్తి, విశ్వాసాలను మరింత బలపరచగా, ఆధ్యాత్మిక చైతన్యాన్ని పెంపొందించింది
