వినియోగదారుడా… మేలుకో!!

*వినియోగదారుల హక్కులు”* *కొనేది మనమే*… *ధర చెల్లించేది మనమే*… అయితే మోసపోవాల్సిన అవసరం ఏమిటి? హక్కులు తెలుసుకుంటే వినియోగదారుడే విజేత! నాణ్యత కలిగిన వస్తువును కోరే హక్కు, సరైన సమాచారాన్ని పొందే హక్కు, న్యాయమైన ధరను అడిగే హక్కు, మోసం జరిగితే ఫిర్యాదు చేసే హక్కు— మన హక్కులే మన రక్షణ కవచం! బిల్లును తప్పక తీసుకుందాం, లేబుల్‌ను జాగ్రత్తగా చూద్దాం, కాలపరిమితిని పరిశీలిద్దాం, మోసపూరిత ప్రకటనలకు ఎప్పటికీ బలి కాకుందాం! “జాగ్రత్త వినియోగదారుడే జాగృత సమాజానికి బలం” అనే సందేశాన్ని చాటుదాం, హక్కులను తెలుసుకుని బాధ్యతలను నిర్వర్తిద్దాం! వస్తువు కొనడం మాత్రమే కాదు, విలువను తెలుసుకోవడం ముఖ్యం; ధర చెల్లించడం మాత్రమే కాదు, హక్కును నిలబెట్టుకోవడం ముఖ్యం! జాగృతుడైన వినియోగదారుడు — మోసానికి శాశ్వత శత్రువు! హక్కులు తెలిసిన వినియోగదారుడు — దేశ ప్రగతికి నిజమైన భాగస్వామి! హక్కులే మన ఆయుధం మార్కెట్‌లో అడుగుపెట్టిన వేళ మెలకువే మన ఆయుధం, వస్తువు చేతిలోకి తీసుకున్న వేళ నాణ్యతే మన ప్రమాణం! ధర చూసి కొనకు సోదరా, నాణ్యత చూసి కొనుము; మాటలు విని నమ్మకు సోదరా, సమాచారం చూసి నమ్ముము! బిల్లు తీసుకో— అది నీ హక్కుకు ఆధారం, మోసం జరిగితే ప్రశ్నించు— అది నీ పౌర ధర్మం! వినియోగదారుడి హక్కులు తెలుసుకున్న ప్రతి ఒక్కరూ, మోసాల చీకటిని తొలగించే జ్ఞానదీపాలవుతారు! హక్కు తెలుసుకో… బాధ్యత నిర్వర్తించు… మోసాన్ని ప్రశ్నించు… జాగృత వినియోగదారుడిగా నిలుచు! జాగృత వినియోగదారుడు ప్రకటనల రంగుల వెనుక నిజం ఏమిటో తెలుసుకోవాలి, ధరల మాయాజాలంలో మనసు మోసపోకూడదు! నకిలీ వస్తువుల వలలో చిక్కకుండా జాగ్రత్తపడాలి, బిల్లు లేకుండా కొనుగోలు చేసి తర్వాత బాధపడకూడదు! హక్కులు మనకు ఉన్నాయి, వాటిని వినియోగించాలి; అన్యాయం ఎదురైతే ధైర్యంగా నిలబడాలి! మన జాగ్రత్తే మన రక్షణ, మన హక్కులే మన బలం; జాగృత వినియోగదారుడితోనే న్యాయమైన సమాజ నిర్మాణం! *డాక్టర్:: ఎం.ఎన్. విజయకుమార్ కవి ,రచయిత, సంపాదకులు ,పాలమూరు జిల్లా*