ఏసీబీ వలలో అటవీ శాఖ పెద్దలు – భద్రాచలంలో సంచలనం

ఏసీబీ వలలో అటవీ శాఖ పెద్దలు – భద్రాచలంలో సంచలనం

పున్నమి న్యూస్ ప్రతినిధి
07 మే 2026
తెలంగాణ ఇంచార్జి
రంగారెడ్డి జిల్లా

భద్రాచలం అటవీ శాఖలో భారీ అవినీతి బయటపడింది. లంచం తీసుకుంటూ ఇద్దరు కీలక అధికారులు ఏసీబీకి రెడ్ హ్యాండెడ్‌గా చిక్కడం సంచలనం సృష్టించింది.
భద్రాచలం అటవీ శాఖ ఫారెస్ట్ డివిజనల్ ఆఫీసర్ (FDO) సుజాత మరియు చర్ల ఇంచార్జ్ డిప్యూటీ రేంజ్ ఆఫీసర్ (DRO) కృష్ణయ్యలు రూ.3.5 లక్షలు లంచం తీసుకుంటూ ఏసీబీ అధికారుల చేతిలో పట్టుబడ్డారు. ఈ దాడిని ఏసీబీ డీఎస్పీ వై. రమేష్ ఆధ్వర్యంలో నిర్వహించారు.
చర్ల మండలం పూసుగుప్ప ప్రాంతంలో రోడ్డు నిర్మాణ పనులు జరుగుతున్న సమయంలో కొన్ని చెట్లు అనుకోకుండా దెబ్బతిన్నాయి. ఈ ఘటనపై కేసు నమోదు చేయకుండా ఉండేందుకు ఎఫ్‌డీఓ సుజాత మొత్తం రూ.10 లక్షలు డిమాండ్ చేసినట్లు సమాచారం.
ఈ డిమాండ్‌లో భాగంగా గురువారం భద్రాచలం కార్యాలయంలో రూ.3.5 లక్షలు లంచం తీసుకుంటున్న సమయంలో ఏసీబీ అధికారులు సుజాతను, కృష్ణయ్యను రెడ్ హ్యాండెడ్‌గా పట్టుకున్నారు.
గతంలో కూడా ఇలాంటి ఘటన:
ఇది మొదటిసారి కాదు. గతంలో కొత్తగూడెం అటవీ అభివృద్ధి సంస్థ జిల్లా అధికారিও సుమారు రూ.3.5 లక్షలు లంచం తీసుకుంటూ ఏసీబీకి చిక్కిన విషయం తెలిసిందే.
పెరుగుతున్న అవినీతి:
ఈ వరుస ఘటనలతో అటవీ శాఖలో అవినీతి పెరుగుతున్నదనే విమర్శలు వెల్లువెత్తుతున్నాయి. అధికారులు తమ అధికారాన్ని దుర్వినియోగం చేస్తూ ప్రజలను ఇబ్బందులకు గురిచేస్తున్నారని స్థానికులు ఆవేదన వ్యక్తం చేస్తున్నారు
“అటవీ శాఖలో అవినీతి బహిర్గతం – ఏసీబీ దాడుల్లో ఇద్దరు అధికారులు అరెస్ట్”
“రూ.3.5 లక్షల లంచం… రెడ్ హ్యాండెడ్‌గా పట్టుబడ్డ అటవీ అధికారులు”
“భద్రాచలం లో ఏసీబీ దాడి – ఎఫ్‌డీఓ, డీఆర్‌ఓలకు గట్టిదెబ్బ”