ఎన్సీఈఆర్టీ 8వ తరగతి సామాజిక శాస్త్ర పాఠ్యపుస్తకంలో న్యాయవ్యవస్థపై వచ్చిన వివాదాస్పద అంశాలపై సుప్రీంకోర్టు కీలక వ్యాఖ్యలు చేసింది. పాఠ్యపుస్తక రచయితలపై గతంలో చేసిన తీవ్ర వ్యాఖ్యలను కోర్టు ఉపసంహరించుకుంది.
రచయితలు మిచెల్ డానినో, సుపర్ణ దివాకర్, అలోక్ ప్రసన్న కుమార్లు తమపై వచ్చిన ఆరోపణలను సవాలు చేస్తూ కోర్టును ఆశ్రయించారు. న్యాయవ్యవస్థను చెడ్డగా చూపించే ఉద్దేశంతో పాఠ్యాంశాలు రాయలేదని వారు వాదించారు.
కోర్టు చివరకు రచయితలపై ఉన్న “దురుద్దేశం” ఆరోపణలను తొలగించింది. అయితే ప్రభుత్వం భవిష్యత్తులో వారితో పనిచేయాలా వద్దా అనేది స్వతంత్ర నిర్ణయమని పేర్కొంది. ఈ కేసు విద్యా స్వేచ్ఛ, భావ వ్యక్తీకరణ, పాఠ్యాంశాల రూపకల్పనపై దేశవ్యాప్తంగా చర్చకు దారితీసింది.
