విద్యార్థులకు కరుణీక సంఘం ప్రతిభా పురస్కారాలు

శ్రీ కాళహస్తి, మే 24, (పున్నమి న్యూస్): శ్రీకాళహస్తి పట్టణంలోని స్థానిక కరుణీక సంఘం ఆధ్వర్యంలో ఆదివారం పదో తరగతి, ఇంటర్మీడియట్ పరీక్షల్లో ఉత్తమ ప్రతిభ కనబరిచిన విద్యార్థులకు ఘనంగా ప్రతిభా పురస్కారాలు అందజేశారు. ఈ కార్యక్రమానికి ముఖ్య అతిథులుగా శ్రీకాళహస్తి న్యాయవాదుల బార్ అసోసియేషన్ అధ్యక్షుడు ఆరంబాకం ముని ప్రసాద్, ఉపాధ్యాయుడు రజనీకాంత్ హాజరై విద్యార్థులకు నగదు బహుమతులు, మెమెంటోలను అందజేసి అభినందించారు. విద్యార్థులను ప్రోత్సహించేందుకు ప్రతి సంవత్సరం ఈ ప్రతిభా పురస్కారాలను అందజేస్తున్నట్లు కరుణీక సంఘ కార్యవర్గ సభ్యులు ఈ సందర్భంగా తెలిపారు. ఈ కార్యక్రమంలో సంఘ ప్రముఖులు కె.ఉమా శంకర్, పి.సూర్య ప్రకాష్, కె. రమేష్, యు.రజినీకాంత్, వరదరాజులు, పండితులు చెంచు కృష్ణ పిళ్ళై, జి.శరత్ కుమార్, పి. హేమచంద్రతో పాటు విద్యార్థులు, వారి తల్లిదండ్రులు పెద్ద సంఖ్యలో పాల్గొన్నారు.