పెదపూడి, సెప్టెంబరు 4 (పున్నమి ప్రతినిధి): పెద్దాడ గ్రామంలో గమ్యం జూనియర్ కళాశాల నూతన క్యాంపస్ భవనాల నిర్మాణానికి శంకుస్థాపన కార్యక్రమం నిర్వహించారు. ఈ కార్యక్రమంలో అనపర్తి ఎమ్మెల్యే నల్లమిల్లి రామకృష్ణారెడ్డి పాల్గొని, నూతన క్యాంపస్ నిర్మాణానికి కళాశాల యాజమాన్యానికి శుభాకాంక్షలు తెలిపారు.
విద్యార్థులకు మెరుగైన విద్యా వాతావరణం, ఆధునిక సౌకర్యాలు అందుబాటులోకి తీసుకురావడం అభినందనీయమని ఎమ్మెల్యే పేర్కొన్నారు. ఈ కార్యక్రమంలో పెదపూడి మండల కూటమి నాయకులు, పెద్దాడ గ్రామ కూటమి నాయకులు, కార్యకర్తలు, కళాశాల యాజమాన్య ప్రతినిధులు తదితరులు పాల్గొన్నారు.
