చంద్రయాన్-2కు మరో విజయం.. చంద్రుడి దక్షిణ ధ్రువంలో మంచు ఆనవాళ్లు

భారత అంతరిక్ష పరిశోధన సంస్థ (ఇస్రో) చేపట్టిన చంద్రయాన్-2 మిషన్ మరో కీలక విజయాన్ని సాధించింది. చంద్రుడి దక్షిణ ధ్రువ ప్రాంతంలో ఉపరితలానికి దిగువన మంచు ఉండే అవకాశం ఉన్నట్లు శాస్త్రవేత్తలు గుర్తించారు. చంద్రయాన్-2లోని డ్యూయల్ ఫ్రీక్వెన్సీ సింథటిక్ అపర్చర్ రాడార్ సేకరించిన సమాచారాన్ని విశ్లేషించిన శాస్త్రవేత్తలు ఈ విషయాన్ని వెల్లడించారు. శాశ్వత నీడలో ఉండే క్రేటర్లలో మంచు నిల్వలు ఉండే అవకాశం ఎక్కువగా ఉందని పరిశోధన తెలిపింది. భవిష్యత్ చంద్రయాన మిషన్లు మరియు మానవ అంతరిక్ష పరిశోధనలకు ఈ ఆవిష్కరణ ఎంతో ఉపయోగపడుతుందని నిపుణులు అభిప్రాయపడుతున్నారు