ఖమ్మం
కారు ఢీకొని పారిశుధ్య కార్మికురాలు మృతి..
ఖమ్మం నగరంలో గురువారం ఘోర రోడ్డు ప్రమాదం చోటుచేసుకుంది. బోనకల్ క్రాస్ రోడ్డు వద్ద జరిగిన ప్రమాదంలో ఖమ్మం మున్సిపల్ కార్పొరేషన్లో పారిశుధ్య కార్మికురాలిగా పనిచేస్తున్న మామిడి నాగమ్మ మృతి చెందారు. రోడ్డు దాటుతున్న నాగమ్మను కారు ఢీకొట్టడంతో తీవ్ర గాయాలై అక్కడికక్కడే ప్రాణాలు కోల్పోయినట్లు సమాచారం. ఈ ఘటనతో మున్సిపల్ కార్మికులు, సహచరుల్లో తీవ్ర విషాదం నెలకొంది. సమాచారం అందుకున్న పోలీసులు సంఘటనా స్థలానికి చేరుకుని ప్రమాదంపై వివరాలు సేకరిస్తున్నారు. ప్రమాదానికి కారణాలు, కారు వివరాలు, డ్రైవర్ పరిస్థితిపై పూర్తి సమాచారం తెలియాల్సి ఉంది. మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించే ఏర్పాట్లు చేస్తున్నట్లు తెలుస్తోంది. ఘటనపై పోలీసులు దర్యాప్తు చేస్తున్నారు.
puvvadanagendrakumar- August 27, 2026
- 0 Comments
- 20 Views
-
