Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Blog

ప్రకాశం

ప్రభుత్వం మారింది… పనులు నిలిచాయి..!

దర్శి: జూన్ 6, 2020 (పున్నమి విలేఖరి): దర్శి వ్యవసాయ మార్కెట్ యార్డులో నిర్మించ తలపెట్టిన శీతల గిడ్డింగి పనులు ముందుకు సాగటం లేదు. దర్శి చుట్టుపక్కల రైతులు మిరప, కంది, పెసర, శనగ, మినుములతో పాటు ఇతర పంటలు విస్తారంగా పండిస్తారు. వాటిని నిల్వచేసుకోవటానికి శీతలగిడ్డింగి కావాలని కోరటంతో తెదేపా హయంలో అప్పటి మంత్రి శిద్దా రాఘవరావు 5 కోట్లు మంజూరు చేశారు. అనంతరం శీతల గిడ్డంగికి శంకుస్థాపన చేసి భవన నిర్మాణాన్ని ప్రారంభించారు. వైకాపా అధికారంలోకి రాగానే గిడ్డంగి పనులు నిలిచిపోయాయి. తెదేపా ప్రభుత్వ హయంలో మార్కెట్ యార్డులో గిడ్డంగి అవసరమని ప్రతిపాదనలు పంపిన అధికారులు ఇప్పుడు గిడ్డంగి అవసరమా లేదా అనే అంశంపై ప్రతిపాదనలు పంపాలని కిందిస్థాయి సిబ్బందికి ఆదేశాలు జారీ చేశారు. దీంతో స్థానిక అధికారులు తలలు పట్టుకుంటున్నారు. రైతులు మాత్రం శీతల గిడ్డంగి నిర్మించాలని కోరుతున్నారు.

  • punnami
  • June 6, 2020
  • 0 Comments
  • 103 Views
Featured

రైతుల సమ్మతితోనే భూసేకరణ – ఆర్ డి ఓ హుస్సేన్ సాహెబ్.

05-06-2020 బుచ్చిరెడ్డిపాలెం (పున్నమి విలేఖరి – జి.పి.ప్రవీణ్) బుచ్చిరెడ్డిపాలెం మండలం దామరమడుగు గ్రామంలో రాష్ట్ర ప్రభుత్వం ఎంతో ప్రతిష్టాత్మకంగా ప్రవేశపెట్టిన వైయస్సార్ హౌసింగ్ స్కీమ్ కింద అ పేదవారికి నివేసన స్థలములను సేకరించు విషయంలో గ్రామస్తులకు ప్రభుత్వ అధికారులకుమధ్య వివాదాలు జరుగుతున్న సందర్భంలో ఆర్ డి ఓ హుస్సేన్ ఈరోజు బుచ్చిరెడ్డిపాలెం లోని దామరమడుగు గ్రామస్తులకు వివరణ ఇవ్వడం జరిగింది. భూసేకరణ విషయంలో లో రైతుల స్వచ్ఛందంగా ముందుకొచ్చి వాళ్ల సమ్మతి తెలిపిన తర్వాతే వారికి సంబందించిన భూములను భూసేకరణ చట్టం ద్వారా రావాల్సిన నష్టపరిహారం చెల్లించిన తర్వాతే తీసుకోవడం జరుగుతుంది. ఇప్పటికే భూ సేకరణ పూర్తయిన దృష్ట్యా మిగిలినటువంటి కార్యక్రమాలు అనగా చదును చేయడం, రోడ్లు డెవలప్ చేయడం, స్టోన్ ప్లాంటింగ్ చేయడం, సర్వే రాళ్లు స్థాపించడం, లాంటి వాటిపై దృష్టి పెట్టడం జరుగుతుంది. ఇప్పటి వరకు రెవెన్యూ డివిజన్ లో దరఖాస్తు చేసుకున్న వారిలో షుమారు 28 వేల మంది అర్హులైన లబ్దిదారులను గుర్తించడం జరిగింది. దీనిలో భాగంగానే దామరమడుగు లో కొంత భూమిని గుర్తించడం జరిగింది. అయితే ఆ గ్రామస్తులు మేము సన్నకారు రైతులము అప్పటి ప్రభుత్వం ఇచ్చిన భూములను ఇప్పుడు మీరు తీసుకోవడం సబబు కాదని మేము ఇవ్వకపోయినా బలవంతంగా తీసుకుంటామని కొందరు అధికారులు మమ్మల్ని బెదిరిస్తున్నారని చెప్పడం జరిగింది. ఈ నేపథ్యంలో నేను గ్రామస్తులతో మాట్లాడి వారికి ఈ భూ సేకరణ విషయముపై వివరణ ఇవ్వడం జరిగింది. ఇంకా కొన్ని మండలాల్లో భూసేకరణ చేయాల్సిన అవసరం ఉందని ఉదాహరణకు కోవూరు, బుచ్చిరెడ్డిపాలెం, మనుబోలు, విడవలూరు ఇట్లాంటి మండలాల్లో ఇంకా కొంత భూసేకరణ చేయాల్సి ఉంది. ఈరోజు రేపట్లో దానిని కూడా పూర్తిచేయాల్సి ఉన్నామని ఈ కార్యక్రమం అంతా పూర్తి అయిన తర్వాత వచ్చే నెల 8 వ తారీఖున రిజిస్ట్రేషన్ డాక్యుమెంట్లు తహసిల్దార్ ద్వారా అందివ్వడమే కాకుండా ప్రతి లబ్ధిదారుని ఆయా స్థలం మీద పూర్తి హక్కులు కలిగేటట్టు ఆన్లైన్లో ఉంచడం జరుగుతుంది. ఈమేరకు జిల్లా కలెక్టర్ మరియు జాయింట్ కలెక్టర్, అధికారుల ద్వారా ఇటువంటి ఏర్పాట్లను ముమ్మరం చేయడం జరుగుతుంది. ఇప్పటివరకు బుచ్చిరెడ్డిపాలెం లో దామరమడుగు గ్రామంలో ఇంకా 10 ఎకరాల భూమి నివేసన స్థలాల అవసరాల నిమిత్తం కావాల్సి ఉంది. అంతేకాకుండా వవ్వేరు గ్రామంలో కూడా 7ఎకరాల 56 సెంట్లు భూమి అవసరమై ఉంది. ఈ రెండు ప్రతిపాదనలను పంపించడానికి బుచ్చిరెడ్డిపాలెం తాసిల్దార్ని ఆదేశించడం జరిగింది. ఈ నేపథ్యంలో దామరమడుగు కి సంబంధించిన రైతు సంఘం నాయకులు రైతులు అందరితో కూడా మాట్లాడడం జరిగింది. వారు ఆలోచించుకొని సాయంత్రం లోపు ఇవి ప్రభుత్వం వారికి ఇవ్వడం కుదరని పక్షంలో ప్రత్యమ్యయంగా దీనికి సంబంధించి భూమి ఎక్కడ ఉందొ తెలియజేస్తామని చెప్పడం జరిగింది. వాళ్ళు సమ్మతిస్తే రైతుల నుంచి సేకరించిన భూములకు సబ్ రిజిస్టార్ వ్యాల్యూ కు రెండున్నర రెట్లు ప్రభుత్వం వారు నష్టపరిహారం చెల్లించి ప్రభుత్వ నిబంధనల మేరకు స్వీకరించడం జరుగుతుందని ఆయన అన్నారు. ఈ నేపథ్యంలోనే జొన్నవాడ గ్రామంలోని నివేశన స్థలాల కు సంబంధించి కేటాయించిన భూమిని పరిశీలించడం జరిగింది. అంతే కాకుండా బుచ్చిరెడ్డిపాలెం లోని ఫైర్ స్టేషన్ కు సంబంధించి ప్రతిపాదనలో ఉన్న స్థలమును కూడా ఆయన పరిశీలించారు. ఈ కార్యక్రమంలో లో బుచ్చి ఎమ్ ఆర్ ఓ షఫీ మాలిక్, రైతు సంఘం జిల్లా అధ్యక్షుడు యాడ్ముత్యాల గురునాథం, సి పి ఎమ్ కోవూరు డివిజన్ అధ్యక్షుడు వెంకమరాజు, మొదలగు జిల్లాస్థాయి మండలస్థాయి నాయకులు మరియు రైతులు పాల్గొన్నారు.

  • punnami
  • June 5, 2020
  • 0 Comments
  • 149 Views
Featured

మధ్యాహ్న భోజన పథకం బకాయిలు, వేతనాలు వెంటనే చెల్లించాలి.

05-06-2020 బుచ్చిరెడ్డిపాలెం (పున్నమి విలేఖరి – జి.పి.ప్రవీణ్) బుచ్చిరెడ్డిపాలెం మండలంలోని మధ్యాహ్న భోజన పథకంలో పనిచేస్తున్న కార్మికుల బిల్లులు బకాయిలు, వేతనాలు బకాయిలు వెంటనే చెల్లించాలని సిఐటియు మండల కార్యదర్శి చల్ల కొలుసు మల్లికార్జున డిమాండ్ చేశారు. శుక్రవారం మండల విద్యాశాఖ అధికారి కి కార్మికుల డిమాండ్లపై వినతి పత్రం అందజేశారు. ఈ సందర్భంగా ఆయన మాట్లాడుతూ భోజన పథకంలో పనిచేస్తున్న కార్మికుల జనవరి నెల నుండి బిల్లులు, వేతనాలు పెండింగ్ లో ఉన్నాయని అన్నారు. జనవరి 21వ తేదీ నుండి ప్రభుత్వం ఛార్జీలను పెంచడం జరిగిందని ఆ బకాయిలు కూడా చెల్లించలేదు అన్నారు. ప్రభుత్వం విద్యార్థులకు పౌష్టికాహారం అందించాలనే ఉద్దేశంతో మెను మార్పులు చేసింది కానీ పెరిగిన మెనూ ఛార్జీలకు అనుగుణంగా మెస్ చార్జీలు పెంచలేదు అన్నారు. వేరుశనగ ముద్దులు జనవరి 21 నుండి విద్యార్థులకు అందించాలని ప్రభుత్వం ఆదేశించింది. అప్పటి నుండి కార్మికులు విద్యార్థులకు చిక్కులను ఇస్తున్నారు. ఇప్పటికీ కూడా చిక్కిలకి సంబంధించి డబ్బులు చెల్లించలేదు. కరోనా మహమ్మారి వ్యాప్తిలో కూడా విద్యార్థులకు రైస్, కోడి గుడ్లు తో పాటుగా చిక్కీలు ఇవ్వాలనే ఆఉద్దేశంతో భోజనం కార్మికులు అప్పులు చేసి మరీ చిక్కిలను పెడుతున్నారు. లాక్ డౌన్ కారణంగా కుటుంబాలు పనులు లేక తీవ్ర ఇబ్బందులు ఎదుర్కొంటున్నారు. ప్రభుత్వం వెంటనే భోజన కార్మికుల వేతన బిల్లులు బకాయిలను వెంటనే చెల్లించాలి. లాక్ డౌన్ లో ఏప్రిల్ నుండి ఇ జూన్ వరకు వేతనాలు చెల్లించాలి. గ్రామీణ ఉపాధి హామీ పథకం లో భోజనం కార్మికులకు జాబ్ కార్డులు ఇవ్వాలి. ప్రైవేటు సంస్థల అకౌంట్ లో పడిన బిల్లులు, వేతనాలను వెంటనే కార్మికులకు చెల్లించాలి. కార్మికులందరికీ ఇండ్ల స్థలాలు, పక్కా ఇల్లు ఇవ్వాలి. ఈ కార్యక్రమంలో మండల సిఐటియు కార్యదర్శి మల్లికార్జున మరియు మధ్యాహ్న భోజన పథక కార్మికులు ఇతరులు పాల్గొన్నారు.

  • punnami
  • June 5, 2020
  • 0 Comments
  • 125 Views
Featured

బుచ్చి లో ఘనంగా నిర్వహించిన ప్రపంచ పర్యావరణ దినోత్సవం.

5-06-2020 బుచ్చిరెడ్డిపాలెం (పున్నమి విలేఖరి – జి.పి.ప్రవీణ్) బుచ్చిరెడ్డిపాలెం నగర పంచాయతీ పరిధిలోని రామకృష్ణ నగర్ లో ప్రపంచ పర్యావరణ దినోత్సవాన్ని ఘనంగా నిర్వహించారు. ఈ కార్యక్రమం కు ముఖ్య అతిథిగా వ్యవహరించిన నగర పంచాయతీ కమిషనర్ శ్రీనివాస రావు మాట్లాడుతూ కాలుష్య రహిత పర్యావరణాన్ని భావితరాలకు సంపదగా అందించడదానికి ప్రతి ఒక్కరు కృషి చేయాలని తెలిపారు. ఈ ప్రపంచ పర్యావరణ దినోత్సవాన్ని పురస్కరించుకొని నగర పంచాయతీలోని శ్రీ రామ్ నగర్ ,శివాజీ నగర్,రామకృష్ణ నగర్ తదితర ప్రాంతాలలో మొక్కలు నాటి అవగాహన కార్యక్రమం ఏర్పాటు చేశారు. ఈ సందర్భంగా ఆయన మాట్లాడుతూ పర్యావరణ స్పృహతో ఈ కార్యక్రమం చేపట్టిన స్థానికులను ప్రత్యేకంగా అభినందించారు. ప్లాస్టిక్ వాడకాన్ని నిషేధించి విరివిగా మొక్కలు నాటాలని పిలుపునిచ్చారు. అడవుల విస్తీర్ణం తగ్గుతూ ఉండటం వలన పర్యావరణంలో మార్పులు ఏర్పడుతున్నాయి అన్నారు. పర్యావరణ అసమతుల్యత వలన కరోనా, ఎబోలా లాంటి వైరస్ లు విజృంభిస్తున్నాయని అన్నారు. ఈ కార్యక్రమం అనంతరం బుచ్చిరెడ్డిపాలెం నగర పంచాయతీ పరిధిలోని ఇసుక పాలెం గ్రామ పంచాయతీ బిట్టు 2లో వాలంటీర్లకు గ్రామ సచివాలయం సిబ్బందికి నగర పంచాయతీ కమిషనర్ మీటింగ్ ను ఏర్పాటు చేశారు. ఈ మీటింగ్ లో వాలంటీర్లు ప్రతిరోజూ చేసే కార్యక్రమాల గురించి వాళ్ల డైరీలో రాసుకోవాలని మరియు ఇంటి పన్నుల వసూలు చేస్తున్నారా లేదా అని వివరాలను అడిగి తెలుసుకున్నారు. రాష్ట్ర ప్రభుత్వం ప్రవేశపెట్టిన ప్రతి పథకాన్ని అర్హులైన లబ్ధిదారులకు ఇంటికి వద్దకే చేర్చడంలో వాలంటీర్లు ముఖ్య పాత్ర పోషించాలని ఆయన పేర్కొన్నారు. ఈ కార్యక్రమంలో ఇసుక పాలెం పంచాయతీలోని బిట్టు1, బిట్టు2 గ్రామ సచివాలయ సిబ్బంది మరియు వాలెంటర్ల్లు వీఆర్వోలు పాల్గొన్నారు.

  • punnami
  • June 5, 2020
  • 0 Comments
  • 123 Views
Featured

విక్రమ సింహపురి యూనివర్సిటీలో పరియావరణ దినోత్సవం

పున్నమి తెలుగు దిన పత్రిక ✍️ విక్రమ సింహపురి విశ్వవిద్యాలయ జాతీయ సేవా పథకం ఆధ్వర్యం లో ప్రపంచ పర్యావరణ దినోత్సవాన్ని ఘనంగా ఆచరించారు. పర్యావరణ దినోత్సవాన్ని పురస్కరించుకొని విశ్వవిద్యాలయం లో ఏర్పాటు చేసిన కార్యక్రమము లో ఉపకులపతి ఆచార్య ఆర్ సుదర్శన రావు గారి చేతుల మీదుగా జ్యూట్ బాగ్స్ ను విశ్వవిద్యాలయ అధ్యాపక అధ్యాపకేతర సిబ్బందికి అందచేశారు. ఈ కార్యక్రమం లో రెక్టర్ ఆచార్య ఎం చంద్రయ, రిజిస్ట్రార్ డాక్టర్ ఎల్ విజయ కృష్ణ రెడ్డి గారు కూడా పాలుగోనారు. తదనంతరం ఉపకులపతి మాట్లాడుతూ మన ఆరోగ్యం మరియు వాతావరణం యొక్క ప్రాముఖ్యతను గురించి ప్రపంచవ్యాప్తంగా అవగాహన పెంచడం అనేది ఒక ముఖ్యమైన కార్యక్రమం అభివర్ణించారు. అధిక ఆదాయం, వినియోగవాదం మరియు భూమి మరియు అటవీ నిష్పత్తిలో తేడా ఎక్కువ కాలుష్యం మరియు క్షీణిస్తున్న వాతావరణానికి ప్రధాన కారణాలుగా ఉన్నాయి. వాతావరణ మార్పుల వల్ల ఆహార భద్రత, ప్రజారోగ్యం మరియు జీవవైవిధ్యానికి ముప్పు వాటిల్లుతోంది. విక్రమ సింహపురి విశ్వవిద్యాలయం పరియవర్ణని పరిరక్షించడానికి వివిధ కార్యక్రమాలు చేపట్టింది ఇందులో భాగంగానే ఇప్పటివరకు , గ్రీన్ క్యాంపస్, ప్లాస్టిక్ ఫ్రీ క్యాంపస్, శుభ్రమైన మరియు ఆకుపచ్చ ప్రచారాలు, పర్యావరణం పట్ల విద్యార్థుల్లో అవగాహన, సేంద్రీయ సేద్యం, నీటి సంరక్షణ మరియు వంటి వివిధ కార్యక్రమాలు చేపటము. పర్యావరణ సంరక్షణ బాధ్యత భారం పూర్తిగా ప్రభుత్వం మరియు ఇతర NGO లు మోపకుండా సామాన్య ప్రజానీకం కూడా తన వంతు బాద్యేతగా కృషి చేయాలి. పుష్కలమైన సహజ వనరులు దేశ ఆర్థిక శ్రేయస్సుకు ఎల్లవేళలా మద్దతునిస్తామని ఉపకులపతి ఈ సందర్బంగా తెలిపారు. ప్రిన్సిపాల్, ప్రొఫెసర్ సుజా ఎస్ నాయర్, కార్యనిర్వాహకులు డాక్టర్ అల్లం ఉదయ్ శంకర్, మరియు ఇతర అధ్యాపక అధ్యాపకేతర సిబంది పాలుగోనారు.

  • punnami
  • June 5, 2020
  • 0 Comments
  • 113 Views
Featured

పర్యావరణ పరిరక్షణ మన అందరి బాధ్యత-ఎస్.ఐ సూర్యప్రకాష్ రెడ్డి

05-06-2020 మనుబోలు( పున్నమి ప్రతినిధి) ప్రపంచ పర్యావరణ దినోత్సవంను ప్రతి సంవత్సరం జూన్ 5 తేదిన జరుపుకుంటున్నారు. పర్యావరణానికి అనుకూలమైన చర్యలు తీసుకోవడానికి అవసరమైన ప్రపంచ అవగాహనను పెంచడానికి ఈ రోజున కొన్ని చర్యలు చేపడతారు. 1973 లో మొదటిసారి ప్రపంచ పర్యావరణ దినోత్సవం జరుపుకున్నారు. అప్పటి నుంచి ప్రతి సంవత్సరం ఈ సందర్భాన్ని గుర్తు చేసుకుంటూ ప్రపంచ పర్యావరణ దినోత్సవమును జూన్ 5 తేదిన జరుపుకుంటున్నారు. సమాజంలో ప్రతిఒక్కరు మొక్కలు నాటి పర్యావరనం కాపాడాలని మనుబోలు ఎస్ఐ సూర్య ప్రకాష్ రెడ్డి పేర్కొన్నారు. శుక్రవారం ఐజేఎం టోల్ ప్లాజా సిబ్బంది ఆధ్వర్యంలో పోలీసు స్టేషన్ లో మొక్కలు నాటే కార్యక్రమాన్ని చేపట్టినారు. ఈ సందర్భంగా ఎస్ఐ మాట్లాడుతూ పర్యావరణ దినోత్సవం సందర్భంగా మొక్కలు నాటే కార్యక్రమాన్ని సహకారం అందించిన ఐజెఎంవారికి ధన్యవాదాలు తెలిపారు. బాధ్యత గా మొక్కలు నాటడంవలన కాలుష్య కోరల్లో నుండి బయటపడే అవకాశం వుందన్నారు. సేఫ్టీ మేనేజర్ లోకేష్ మాట్లాడుతూ మొక్కలు నాటితే ఆక్సిజన్ తోపాటు కాలుష్యం నివారించవచ్చన్నారు. మనుబోలు పోలీస్ స్టేషన్ లోఎస్ఐ చేతులమీదుగా మొక్కలు నాటడంశుభపరిణామంఅన్నారు .ఈకార్యక్రమాల్లోఐజెఎం సిబ్బంది బాలాజీ మరియ పోలీసు సిబ్బంది తదితరులు పాల్గొన్నారు.

  • punnami
  • June 5, 2020
  • 0 Comments
  • 109 Views
Featured

పర్యావరణాన్ని కాపాడు

తూర్పుగోదావరిజిల్లా అమలాపురం : పర్యావరణ పరిరక్షణ అందరి బాధ్యత అని అమలాపురం రెవెన్యూ డివిజనల్ అధికారి బి.హెచ్. భవానీ శంకర్ అన్నారు. ప్రపంచ పర్యావరణ దినోత్సవాన్ని పురస్కరించుకొని శుక్రవారం అమలాపురం ఆర్.డి. ఓ కార్యాలయం ఆవరణ లో ఆర్.డి. ఓ మొక్కలు నాటారు. ఈ సందర్భంగా ఆయన మాట్లాడుతూ వివిధ రకాల కాలుష్యాల వల్ల వాతావరణ సమతుల్యం దెబ్బతిని పర్యావరణానికి ముప్పు వాటిల్లుతుందని, ఇందుకు గాను ప్రతి ఒక్కరూ తప్పనిసరిగా మొక్కలు నాటాలని ఆర్.డి. ఓ పిలుపునిచ్చారు. మొక్కలు నాటడమనేది భాద్యతగా స్వీకరించి పర్యావరణ పరిరక్షణకు కృషి చేయాలని విజ్ఞప్తి చేశారు. ఈ కార్యక్రమంలో ఆర్.డి. ఓ కార్యాలయం పరిపాలనాధికారి శ్రీనివాస్, కె .ఆర్. సి. తహసీల్దార్ జి. లక్ష్మీపతి, డిప్యూటీ ఇన్స్పెక్టర్ ఆఫ్ సర్వే సత్తి నాగేశ్వరరావు, డిప్యూటీ తహసీల్దార్ భాస్కర్, మరియు కార్యాలయ సిబ్బంది పాల్గొన్నారు.

  • punnami
  • June 5, 2020
  • 0 Comments
  • 115 Views
Featured

పేరూరు హై స్కూల్ లోకి జొరబడిన రక్త పింజరి పాము..

తూర్పుగోదావరిజిల్లా, అమలాపురం మండలం పేరూరు జిల్లా పరిషత్ ఉన్నత పాఠశాలలోకి జొరబడిన 4 అడుగుల రక్త పింజరి పాము స్థానికులను హడలెత్తించింది. దీనితో స్ధానికంగా పాములను పట్టణంలో నేర్పరియైన స్నేక్ క్యాచర్ అయిన వర్మ అత్యంత చాకచక్యంగా పట్టుకుని ఈ రక్త పింజరిని బంధించాడు స్నేక్ క్యాచర్ వర్మ, అనంతరం పామును ఫారెస్ట్ సిబ్బందికి అప్పగించారు.

  • punnami
  • June 5, 2020
  • 0 Comments
  • 104 Views
ఆంధ్రప్రదేశ్

పర్యావరణ పరిరక్షణ అందరి బాధ్యత.

శ్రీకాకుళం, జూన్ 5 : పర్యావరణ పరిరక్షణ అందరి బాధ్యత అని ఆంధ్ర ప్రదేశ్ కాలుష్య నియంత్రణ మండలి పర్యావరణ ఇంజనీరు ఎస్.శంకర్ నాయక్ అన్నారు. శుక్రవారం ప్రపంచ పర్యావరణ దినోత్సవం సందర్భంగా నగరంలోని గుజరాతిపేట పి.యన్.కాలనీలో గల కాలుష్య నియంత్రణ మండలి కార్యాలయంలో మొక్కలు నాటే కార్యక్రమం చేపట్టారు. ఈ సందర్భంగా పర్యావరణ ఇంజనీరు మాట్లాడుతూ ప్రపంచం కాలుష్య కోరల్లో చిక్కు కుందని, మన పర్యావరణాన్ని మనమే కాపాడుకోవాలన్నారు. ప్రస్తుతం వాతావరణంలో ఉష్ణోగ్రతలు విపరీతంగా పెరిగిపోయాయని, ఒకప్పుడు పేదవాడి ఊటీ గా పేరొందిన శ్రీకాకుళంలో కూడా అధిక ఉష్ణోగ్రతలు నమోదు అవుతున్నాయన్నారు. ప్రతి ఒక్కరు ఒక మొక్కను నాటి దాని సంరక్షణ చూడాలని, వృక్ష సంపద ఎంత పెరిగితే మనం అంత పరిరక్షించ బడతామని ఆయన పేర్కొన్నారు. అనంతరం తమ సిబ్బందితో “పర్యావరణ పరిరక్షణ ప్రతిజ్ఞ”  చేశారు. నగరంలో పలు కూడళ్లలో పర్యావరణంకు సంబంధించిన బ్యానర్లు, గోడ పత్రికలు అతికించారు. కరపత్రాలను పంపిణీ చేశారు. కోవిడ్-19 నిబంధనల ప్రకారం సామాజిక దూరం పాటిస్తూ ఈ కార్యక్రమాన్ని నిర్వహించారు. పలు పరిశ్రమల్లో మొక్కలు నాటే కార్యక్రమంలో ఆయన పాల్గొన్నారు.  ఈ కార్యక్రమంలో కాలుష్య నియంత్రణ మండలి సహాయ ఇంజనీర్లు బి.కరుణశ్రీ, సి.హెచ్.హరీష్, కార్యాలయ సిబ్బంది, క్షేత్ర సిబ్బంది పాల్గొన్నారు.

  • punnami
  • June 5, 2020
  • 0 Comments
  • 94 Views
Featured

ప్రతి ఒక్కరిని విద్యావంతులుగా తీర్చిదిద్దడమే జగన్మోహన్ రెడ్డి గారి లక్ష్యం-సర్వేపల్లి విశ్వరూప చారి

రాష్ట్రంలోని విద్యార్థుల భవిష్యత్తు ఉన్నత శిఖరాలకు చేర్చే దిశగా వైయస్సార్ కాంగ్రెస్ పార్టీ ప్రభుత్వం అడుగులు వేస్తోంది అని వైయస్సార్  విద్యార్థి విభాగం రాష్ట్ర ప్రధాన కార్యదర్శి సర్వేపల్లి విశ్వరూప చారి విలేకరుల్ల తో మాట్లాడుతూ  జీవో నెంబర్ 43 రద్దుచేసి పీజీ మెడికల్ సీట్ల లో ఎస్సీ ఎస్టీ బీసీ మైనార్టీ విద్యార్థులకు న్యాయం చేసి విద్యార్థుల పక్షాన నిరంతరం కృషి చేసే ముఖ్యమంత్రిగా వైఎస్ జగన్మోహన్ రెడ్డి గారు ఉన్నారు,గతంలో 2013వ సంవత్సరంలో ఉన్న అప్పటి ప్రభుత్వం జీవో నెంబర్ 43 పెట్టి పీజీ మెడికల్ సీట్లలోనూ ఎస్సీ ఎస్టీ బీసీ మైనార్టీ విద్యార్థులకు అన్యాయం చేకూర్చింది . కాని ఇప్పుడు మన రాష్ట్ర ముఖ్యమంత్రి వైయస్ జగన్మోహన్ రెడ్డి గారి దృష్టికి విద్యార్థులు తీసుకెళ్లగానే రాష్ట్ర ముఖ్యమంత్రి జగన్మోహన్ రెడ్డి గారు వెంటనే చర్యలు తీసుకొని జీవో నెంబర్ 43 పై విచారణ జరిపి రాష్ట్రంలో ఉన్నటువంటి బడుగు బలహీన విద్యార్థినీ విద్యార్థులకు న్యాయం చేకూర్చే విధంగా జీవో నెంబర్ 43 రద్దు చేసి ఎస్సీ ఎస్టీ బిసి మైనార్టీ విద్యార్థులకు అండగా కొత్త జీవో నెంబర్ 52 తీసుకొచ్చి వారి జీవితాలలో బంగారుబాటలకు అడుగులు వేసే దిశగా రాష్ట్ర ముఖ్యమంత్రి గారి ఆలోచన ఉంటుంది అని మరోసారి నిరూపించారు అలాగే బడుగు బలహీన వర్గాల పిల్లల తల్లిదండ్రులు ఈరోజు రాష్ట్ర ముఖ్యమంత్రికి కృతజ్ఞతలు తెలియజేస్తున్నారు వైయస్సార్ విద్యార్థి విభాగం తరపున రాష్ట్ర ముఖ్యమంత్రి వైఎస్ జగన్మోహన్ రెడ్డి గారికి విద్యార్థినీ విద్యార్థుల తరపున కృతజ్ఞతలు తెలియజేశారు…

  • punnami
  • June 5, 2020
  • 0 Comments
  • 110 Views