రాష్ట్ర కమ్యూనిటీ వెల్ఫేర్ యూత్ అధ్యక్షుడిగా నియామకం
తూర్పు గోదావరి, సెప్టెంబర్ 23: ఆంధ్రప్రదేశ్ రాష్ట్ర కాపు ఐక్య కార్యాచరణ సమితి (కాపు జేఏసీ) రాష్ట్ర కమ్యూనిటీ వెల్ఫేర్ యూత్ అధ్యక్షుడిగా తూర్పుగోదావరి జిల్లాకు చెందిన ప్రముఖ సామాజిక సేవకుడు, మణి అన్న బ్లడ్ ఆర్మీ వ్యవస్థాపకుడు పెంటగట్ల మణికుమార్ నియమితులయ్యారు. కాపు జేఏసీ చైర్మన్ అమ్మా శ్రీనివాస్ నాయుడు ఆదేశాల మేరకు నియామక ఉత్తర్వులు జారీ అయ్యాయి.
గత కొన్నేళ్లుగా రక్తదానంతో పాటు పలు సామాజిక సేవా కార్యక్రమాలు నిర్వహిస్తున్న మణికుమార్ సేవలను గుర్తించి ఈ బాధ్యతలు అప్పగించినట్లు చైర్మన్ తెలిపారు.
ఈ సందర్భంగా మణికుమార్ మాట్లాడుతూ, తనపై నమ్మకంతో బాధ్యతలు అప్పగించిన చైర్మన్కు కృతజ్ఞతలు తెలిపారు. “ప్రతి రోజు మనకోసం.. ఒక రోజు జాతి అభివృద్ధి కోసం” అనే నినాదంతో కాపు జాతి ఐక్యత, యువత చైతన్యం కోసం కృషి చేస్తానన్నారు. మణికుమార్ నియామకంపై కాపు నాయకులు, యువత హర్షం వ్యక్తం చేశారు.
