ఎమ్మెల్యే బొజ్జల సుధీర్ రెడ్డి నివాసంలో నానో గోమాత సందడి-గోరక్షణే మన ధర్మం

శ్రీ కాళహస్తి, జులై 17, (పున్నమి న్యూస్): మన పురాతన భారతీయ సంస్కృతిలో గోమాతకు అత్యంత విశిష్టమైన మరియు పూజనీయమైన స్థానం ఉందని శ్రీకాళహస్తి నియోజకవర్గ శాసనసభ్యులు (ఎమ్మెల్యే) బొజ్జల వెంకట సుధీర్ రెడ్డి పేర్కొన్నారు. తనకు మొదటి నుండి ఆవులన్నా, ముఖ్యంగా చిన్న జాతి బుజ్జి ఆవులన్నా ఎంతో ఇష్టమని ఆయన తెలిపారు. అందులో భాగంగానే తన నివాసంలో ప్రపంచంలోనే అత్యంత చిన్న జాతికి చెందిన ప్రత్యేకమైన “నాడీపతి నానో ఆవు”ని ఎంతో ముద్దుగా పెంచుకుంటున్నట్లు వెల్లడించారు. ప్రతిరోజూ ఉదయాన్నే ఈ చిన్నారి గోమాతతో కాసేపు సమయం గడపడం, దాన్ని ప్రేమగా నిమరడం వల్ల తన మనసుకు ఎంతో అద్భుతమైన ప్రశాంతత లభిస్తుందని ఆయన సామాజిక మాధ్యమాల ద్వారా పంచుకున్నారు. గోసంరక్షణ అనేది ప్రతి ఒక్కరి బాధ్యతని, గోరక్షణే మన పరమ ధర్మమని గుర్తు చేస్తూ, ఆ గోమాత దివ్య ఆశీస్సులు ప్రజలందరిపై ఎల్లప్పుడూ ఉండాలని ఎమ్మెల్యే బొజ్జల సుధీర్ రెడ్డి ఈ సందర్భంగా ఆకాంక్షించారు.