ఉచిత కంప్యూటర్ శిక్షణ కేంద్రం ప్రారంభం ఇబ్రహీంపట్నం

*ఉచిత కంప్యూటర్ శిక్షణా కేంద్రం ప్రారంభం* *ఇబ్రహీంపట్నం, అక్టోబర్ 2,* ఇబ్రహీంపట్నం మండలం కేతనకొండ గ్రామంలో గ్రేస్ మినిస్ట్రీస్ ఆధ్వర్యంలో యువత కోసం ఉచిత కంప్యూటర్ శిక్షణా కేంద్రాన్ని ఏర్పాటు చేశారు. ఈ కార్యక్రమానికి ముఖ్య అతిథిగా హాజరైన *ఇబ్రహీంపట్నం సర్కిల్ ఇన్స్పెక్టర్ సుబ్రహ్మణ్యం* మాట్లాడుతూ గంజాయి, మత్తు పదార్థాలు యువత చదువును, ఆరోగ్యాన్ని, భవిష్యత్తును నాశనం చేస్తున్నాయని, వాటికి అలవాటు పడకుండా చదువుపై, కంప్యూటర్ పరిజ్ఞానంపై దృష్టి పెట్టాలని సూచించారు. గ్రేస్ మినిస్ట్రీస్ కల్పించిన ఈ అవకాశాన్ని సద్వినియోగం చేసుకోవాలని పిలుపునిచ్చారు. అమెరికా నుండి వచ్చిన *లిండ్సే మరియు అలెక్స్* మాట్లాడుతూ ప్రపంచమంతా టెక్నాలజీలో ఎంతో ముందుకు వెళుతోందని, యువత కంప్యూటర్ పరిజ్ఞానం కలిగి ఉండటం ఎంతో అవసరమని అన్నారు. గ్రేస్ మినిస్ట్రీస్ డైరెక్టర్ *ఎలీషా* మాట్లాడుతూ గ్రేస్ మినిస్ట్రీస్ ద్వారా జరుగుతున్న ఎన్నో సామాజిక కార్యక్రమాలలో భాగంగా యువతకు ఉచిత కంప్యూటర్ శిక్షణ అందిస్తున్నామని, యువత చెడు వ్యసనాలను విడిచి మంచి క్రమశిక్షణతో ఈ కేంద్రంలో శ్రద్ధగా నేర్చుకుని టెక్నాలజీలో ఎదగాలని ఆకాంక్షించారు. ఈ కేంద్రంలో 10 కంప్యూటర్లను, ఒక టీచర్ ను ఏర్పాటు చేసినట్లు తెలిపారు. ఈ కార్యక్రమంలో సెక్టార్ ఎస్సై *సన్యాసినాయుడు*, గ్రేస్ మినిస్ట్రీస్ సెక్రటరీ *సుమలత*, బెరాక మినిస్ట్రీస్ పాస్టర్ *పాల్*,అనిల్,యోహాను,నాగరాజు,గ్రామస్తులు, యువకులు పాల్గొన్నారు.