సీఎం రిలీఫ్ ఫండ్ చెక్కుల అందజేత*

అనారోగ్యంతో బాధపడు తున్న పేద వర్గాలకు ప్రభుత్వం అండగా ఉంటుందని భీమిలి ఎమ్మెల్యే గంటా శ్రీనివాసరావు అన్నారు. ఎంవీపీ కాలనీ క్యాంప్ కార్యాలయంలో 26 మందికి రూ.15.53 లక్షల సీఎం రిలీఫ్ ఫండ్ చెక్కులను సోమవారం అందజేశారు. ఈ సందర్భంగా ఆయన మాట్లాడుతూ సాయం కోసం వచ్చిన ప్రతి ఒక్కరికీ ఆర్థికంగా దన్నుగా నిలిచేలా గతం కంటే ఎక్కువగా సీఎం రిలీఫ్ ఫండ్ విడుదల చేస్తున్నారని చెప్పారు. గ్రామీణ ప్రాంతాలైన ఆనందపురం మండలం నుంచి ఏడుగురికి, పద్మనాభం మండలం నుంచి ఇద్దరికి, భీమిలి రూరల్ నుంచి ఒకరికి చెక్కులిచ్చారు. అలాగే జీవీఎంసీ 3 వార్డు, 98 వార్డుల నుంచి ముగ్గురు చొప్పున, 4, 6, 7 వార్డుల నుంచి ఇద్దరు చొప్పున, 2, 5 వార్డుల నుంచి ఒకొక్కరికి ఆర్థిక సాయాన్ని అందజేశారు. కార్యక్రమంలో టీడీపీ నాయకులు చిక్కాల విజయ్ బాబు, కోరాడ రమణ, మజ్జి నందీశ్వరరావు, తాట్రాజు అప్పారావు, లొడగల వెంకట్రావు, గాడు చిన్ని కుమారి లక్ష్మి, గంటా నూకరాజు, శ్రీకాంత్ రాజు, గొలగాని నరేంద్ర, పాసి నరసింగరావు, సూరిబాబు, నాగోతి సత్యనారాయణ, కానూరు అచ్యుతరావు, గరే గుర్నాథ్, మొల్లి లక్ష్మణరావు, మాన్యాల సోంబాబు, వాండ్రాసి వాండ్రాసి అప్పలరాజు, అల్లు చిన్నయ్య శ్రీరామూర్తి తదితరులు పాల్గొన్నారు.