బిక్కవోలు, సెప్టెంబరు 25 (పున్నమి ప్రతినిధి): బిక్కవోలు మండలంలో భారీ వర్షాల కారణంగా ముంపునకు గురైన బిక్కవోలు, ఊలపల్లి గ్రామాల్లోని పంట పొలాలను అనపర్తి ఎమ్మెల్యే నల్లమిల్లి రామకృష్ణారెడ్డి శుక్రవారం పరిశీలించారు. ఆయా గ్రామాల్లో నీట మునిగిన పంట పొలాలను పరిశీలించి, వర్షాల కారణంగా ఇబ్బందులు ఎదుర్కొంటున్న బాధిత రైతులను పరామర్శించారు. ముంపు పరిస్థితులు, పంటలకు జరిగిన నష్టంపై అధికారులను అడిగి వివరాలు తెలుసుకున్నారు. బాధిత రైతులకు అవసరమైన సహాయ, సహకారాలు అందించి ఆదుకుంటామని ఎమ్మెల్యే భరోసా ఇచ్చారు. ముంపు ప్రాంతాల్లో పరిస్థితులను ఎప్పటికప్పుడు పర్యవేక్షిస్తూ, ప్రజలకు ఇబ్బందులు కలగకుండా తక్షణ చర్యలు చేపట్టాలని అధికారులను ఆదేశించారు. కార్యక్రమంలో ఎంపీడీవో, తహసీల్దార్, సంబంధిత అధికారులు, బిక్కవోలు మండల కూటమి నాయకులు, బిక్కవోలు, ఊలపల్లి గ్రామాల కూటమి నాయకులు, కార్యకర్తలు పాల్గొన్నారు.
