కృష్ణ నామస్మరణతో మార్మోగిన- హవర్గ

ఇస్కాన్ ఇందూర్ ఆధ్వర్యంలో ఘనంగా జగన్నాథ రథయాత్ర – భక్తిశ్రద్ధలతో పాల్గొన్న గ్రామ ప్రజలు, హవర్గా గ్రామంలో బుధవారం కృష్ణ నామస్మరణతో ఆధ్యాత్మిక వాతావరణం నెలకొంది. ఇస్కాన్ మందిరం ఇందూర్ వారి ఆధ్వర్యంలో నిర్వహించిన జగన్నాథ రథయాత్ర భక్తిశ్రద్ధలతో, ఉత్సాహభరితంగా సాగింది. రథయాత్ర సందర్భంగా భక్తులు పెద్ద సంఖ్యలో పాల్గొని జగన్నాథ స్వామిని దర్శించుకుని ప్రత్యేక పూజలు నిర్వహించారు. కృష్ణ నామస్మరణలు, భజనలు, భక్తి గీతాలతో గ్రామంలోని వీధులు మార్మోగాయి. రథయాత్రలో బీజేపీ లోకేశ్వరం మండల మోర్చా మహిళా అధ్యక్షురాలు తోకల సరస్వతి గారు పాల్గొని ప్రత్యేక పూజలు నిర్వహించారు. అనంతరం రథయాత్రలో భక్తులతో కలిసి పాల్గొన్నారు. ఈ కార్యక్రమంలో గ్రామ ప్రజలు పెద్ద సంఖ్యలో పాల్గొని జగన్నాథ స్వామి ఆశీస్సులు పొందారు. గ్రామంలో భక్తి, ఆధ్యాత్మికత వెల్లివిరిసేలా రథయాత్ర ఘనంగా నిర్వహించడంతో నిర్వాహకులను పలువురు అభినందించారు. “జగన్నాథుని రథం కదిలిన చోట భక్తి వెల్లివిరుస్తుంది… కృష్ణ నామం వినిపించిన చోట ఆధ్యాత్మికత పరిమళిస్తుంది.”