“ఓటు హక్కుల పరిరక్షణే లక్ష్యం… ఎస్.అన్నవరంలో వైఎస్సార్సీపీ బీఎల్‌ఏల ముమ్మర కసరత్తు”

తుని, జూన్ 21 (పున్నమి న్యూస్ – రిపోర్టర్ ఆనంద్): కాకినాడ జిల్లా తుని మండలం ఎస్. అన్నవరం గ్రామంలోని ఎస్సీ కాలనీ బూత్ నెం. 94 పరిధిలో ప్రత్యేక ఓటరు జాబితా సవరణ (SIR) కార్యక్రమం కొనసాగుతోంది. ఈ కార్యక్రమంలో వైఎస్సార్సీపీ తరఫున బూత్ లెవల్ ఏజెంట్లుగా (BLA) గుండుంపల్లి నాగరాజు, నందిక కళ్యాణ్ చురుకుగా విధులు నిర్వహిస్తున్నారు. ఓటరు జాబితాలో అర్హులైన ప్రతి ఓటరు పేరు నమోదు కావడంతో పాటు, ఎటువంటి తప్పులు లేకుండా పారదర్శకంగా ప్రక్రియ సాగేందుకు వారు ప్రజలకు అవగాహన కల్పిస్తున్నారు. ఇంటింటికీ వెళ్లి ఓటర్ల వివరాలను పరిశీలిస్తూ, ప్రజాస్వామ్య హక్కుల పరిరక్షణలో తమ వంతు బాధ్యతను నిర్వర్తిస్తున్నారు. ఓటు హక్కు ప్రతి పౌరుడి రాజ్యాంగబద్ధమైన హక్కు అని, అర్హులైన ప్రతి ఒక్కరూ ఓటరు జాబితాలో తమ పేరు నమోదు చేసుకోవాలని బీఎల్‌ఏలు పిలుపునిచ్చారు. ప్రజాస్వామ్య వ్యవస్థ బలోపేతానికి SIR కార్యక్రమం ఎంతో కీలకమని వారు పేర్కొన్నారు. ప్రజల సహకారంతో ఓటరు జాబితా సవరణ ప్రక్రియ విజయవంతం అవుతుందని ఆశాభావం వ్యక్తం చేశారు.