డా. బిఆర్ అంబేద్కర్ కోనసీమ
సామాజిక శంఖారావం – చలో కలెక్టరేట్ జయప్రదం పాలకులు నిర్లక్ష్యం మే సమస్యలు పరిస్కారం కాక పోవడానికి కారణం : మాజీ ఎమ్మెల్సీ ఐ వి అమలాపురం,పున్నమిపత్రిక : డాక్టర్ బి.ఆర్. అంబేడ్కర్ కోనసీమ జిల్లా కేంద్రమైన అమలాపురంలో కుల వివక్ష వ్యతిరేక పోరాట సంఘం, ఎ.పి. వ్యవసాయ కార్మిక సంఘం, సీఐటీయూ, వివిధ దళిత, ప్రజా సంఘాల ఉమ్మడి ఆధ్వర్యంలో నిర్వహించిన “సామాజిక శంఖారావం చలో కలెక్టరేట్” వద్ద ధర్నా కార్యక్రమం జరిగింది. జిల్లా వ్యాప్తంగా నిర్వహించిన అధ్యయన యాత్రల్లో వెలుగు చూసిన దళితుల సామాజిక, ఆర్థిక, మౌలిక వసతుల సమస్యల పరిష్కారాన్ని కోరుతూ ఈ నిరసన చేపట్టారు. దళిత గ్రామాలు నేటికీ అభివృద్ధికి ఆమడ దూరంలో ఉన్నాయని, అనేక చోట్ల శ్మశాన వాటికలు ఆక్రమణకు గురికావడం మరియు అక్రమ ఆక్వా సాగు వల్ల తాగునీరు కలుషితం కావడం పట్ల నాయకులు తీవ్ర ఆందోళన వ్యక్తం చేశారు. మాజీ ఎమ్మెల్సీ ఐ. వెంకటేశ్వరరావు మాట్లాడుతూ దళితుల సమస్యల పరిష్కారం కోసం కుల మతాలకు అతీతంగా అభ్యుదయ వాదులు, ప్రజాస్వామ్యవాదులు ఐక్యంగా పోరాడాలని పిలుపునిచ్చారు.పాలకులు నిర్లక్ష్యంమే సమస్యలు పరిస్కారం కాక పోవడానికి కారణం అన్నారు. ఎస్సీ,ఎస్టీ సబ్ ప్లాన్ నిధులు పక్క దారి పట్టిస్తున్నారు అని ఆవేదన వ్యక్తం చేసారుతున్నాయి. దళిత సమస్యల పరిష్కారానికి ఐక్య పోరాటమే శరణ్యం అని అన్నారు. రాష్ట్ర అధ్యక్షులు దడాల సుబ్బారావు మాట్లాడుతూ ఎస్సీ, ఎస్టీ సబ్‌ప్లాన్ నిధుల కేటాయింపులు, జీవో 1235 అమలులో ప్రభుత్వం చూపుతున్న అలసత్వాన్ని ఎండగట్టారు., జిల్లాలో భూస్వాములు చేతుల్లో ఉన్న సుమారు పది లక్షల కొబ్బరి చెట్లను ప్రతి దళిత కుటుంబానికి 15 చెట్లు చొప్పున పంచాలని డిమాండ్ చేశారు. అక్రమంగా దళిత కాలనీలకు ప్యాట్లు కానుకుని సాగు చేస్తున్న ఆక్వా చెరువులపై చర్యలు తీసుకోవాలని డిమాండ్ చేశారు. దళిత ఐక్యవేదిక జిల్లా కన్వీనర్ జంగా బాబురావు మాట్లాడుతూ దళిత పేటల్లో మౌలిక సదుపాయాల కల్పన మరియు శ్మశాన స్థలాల పునరుద్ధరణ తక్షణమే జరగాలన్నారు. ప్రముఖ దళిత నాయకులు గడ్డం సురేష్ బాబు మాట్లాడుతూ కుల వివక్షత, అంటరానితనం ఇంకా రూపాలు మార్చుకుని కొనసాగడంపై నిరసన వ్యక్తం చేశారు. అడ్వకేట్ వడ్డీ నాగేశ్వరరావుమాట్లాడుతూ ఎస్సీ, ఎస్టీ అత్యాచార కేసుల్లో చట్టాలను పటిష్టంగా అమలు చేయాలని ధ్వజమెత్తారు. ఈ కార్యక్రమంలో వ్యవసాయ కార్మిక సంఘం, సిఐటియు నాయకులతో పాటు పలువురు దళిత, ప్రజా సంఘాల ప్రతినిధులు పాల్గొన్నారు. వ్యవసాయ కార్మిక సంఘం రాష్ట్ర కమిటీ సభ్యులు కారెం వెంకటేశ్వరరావు,సిఐటియు జిల్లా అధ్యక్షులు జి దుర్గాప్రసాద్, ఎన్ బలరాం కెవిపిఎస్ జిల్లా కన్వీనర్ శెట్టిబత్తుల తులసి రావు, వ్యవసాయ కార్మిక సంఘం జిల్లా కార్యదర్శి సఖిలే సూర్యనారాయణ,రాష్ట్ర కమిటీ సభ్యురాలు ఐ. మంగాదేవి, నాయకులు పి.శివ, ప్రముఖ మాలమహానాడు జిల్లా నాయకులు గిడ్ల వెంకటేశ్వరరావు, విసికె పార్టీ రాష్ట్ర ఆర్గనైజింగ్ కార్యదర్శి,బొంతు రమణ, వ్యక సంఘం జిల్లా నాయకులు పాము బాలయ్య ఐద్వా జిల్లా అధ్యక్షురాలు దైవ కృప, సిఐటియు ఆశ వర్కర్స్ జిల్లా ప్రధాన కార్యదర్శి ఏ సుభాషిని, జిల్లా నాయకురాలు సిహెచ్ దుర్గ, ఏపీఆర్పిఏ రాష్ట్ర అసోసియేషన్ అధ్యక్షులు ఎం వెంకటేశ్వరరావు, డి.నాగేందర్రాజు, పి కొండలరావు,అబూజీ,జిల్లా నాయకులు ఎన్ అబ్బులు,నాయకులు జి. మురళి, మానవ హక్కుల సంఘం జిల్లా కార్యదర్శి ఏ రవి దళిత సంఘాల, ప్రజాసంఘాల నాయకులు ధోనిపాటి విజయలక్ష్మి, షకీలా, మచ్చనగబాబు, ముంగడ ఆశీర్వాదం, సాపే రమేష్ పెద్ద ఎత్తున పాల్గొన్నారు. ప్రధాన డిమాండ్లు: దళితుల శ్మశాన సమస్యల పరిష్కారానికి ఇచ్చిన జీవో 1235ను వెంటనే అమలు చేయాలి. జస్టిస్ పున్నయ్య కమిషన్ మరియు కోనేరు రంగారావు కమిషన్ సిఫార్సులను అమలు చేసి, భూమి లేని ప్రతి నిరుపేద కుటుంబానికి 2 ఎకరాల భూమి కేటాయించాలి. వేమవరం పాడు, వన్నె చింతలపూడి,వేమవరం తాండవపల్లి వంటి గ్రామాల్లో ఆక్రమణకు గురైన శ్మశాన స్థలాలను సర్వే చేయాలి దళిత పేటల్లో అక్రమ ఆక్వా సాగును నిరోధించి మంచి నీటి సదుపాయం కల్పించాలి. మూసివేసిన ప్రాథమిక పాఠశాలలను పునరుద్ధరించాలి, ఫీజు రీయింబర్స్మెంట్ నిధులు వెంటనే విడుదల చేయాలి. ఎస్సీ, ఎస్టీ సబ్‌ప్లాన్ నిధులను పటిష్టంగా అమలు చేస్తూ, బ్యాక్‌లాగ్ పోస్టులను వెంటనే భర్తీ చేయాలి. ప్రభుత్వం తక్షణమే స్పందించి ఈ డిమాండ్లను పరిష్కరించకపోతే భవిష్యత్తులో పోరాటాన్ని మరింత తీవ్రతరం చేస్తామని నాయకులు హెచ్చరించారు.
punnami
