Contact Us Latest News
నిజమైన వార్త. వేగమైన సమాచారం. ఆంధ్రప్రదేశ్ • తెలంగాణ • జాతీయం
Author Panel

Tag: భక్తి

నంద్యాల

మహానందిలో TTD JEO డాక్టర్ శరత్ ఐఏఎస్ దంపతుల ప్రత్యేక పూజలు

మహానంది:ప్రసిద్ధ పుణ్యక్షేత్రమైన మహానందిలోని శ్రీ కామేశ్వరీ సమేత మహానందీశ్వర స్వామివార్లను తిరుమల తిరుపతి దేవస్థానం (TTD) జాయింట్ ఎగ్జిక్యూటివ్ ఆఫీసర్ (JEO) డాక్టర్ శరత్ ఐఏఎస్ దంపతులు దర్శించుకున్నారు.ఆలయానికి విచ్చేసిన TTD JEO దంపతులకు ఆలయ ఈవో ఎన్. శ్రీనివాసరెడ్డి, పాలకమండలి చైర్మన్ నరాల చంద్రమౌళిరెడ్డి మర్యాదపూర్వకంగా స్వాగతం పలికారు.దర్శనానంతరం స్వామి, అమ్మవార్ల ఆలయాల్లో TTD JEO దంపతులు ప్రత్యేక పూజలు, అర్చనలు నిర్వహించారు. పూజా కార్యక్రమాల అనంతరం ఆలయ అర్చకులు వారికి వేదాశీర్వచనం చేయగా, ఈవో మరియు చైర్మన్ స్వామివారి తీర్థప్రసాదాలు, శేషవస్త్రాలను అందజేసి సత్కరించారు.ఈ కార్యక్రమంలో ఆలయ అధికారులు, అర్చకులు మరియు సిబ్బంది పాల్గొన్నారు

నంద్యాల

శ్రీవారిని కాలినడకన వెళ్లి దర్శనం చేసుకున్న నంద్యాల ఎంపీ డాక్టర్ బైరెడ్డి శబరి దంపతులు.

నంద్యాల పార్లమెంట్ సభ్యురాలు, లోక్ సభ టీడీపీ డిప్యూటీ ఫ్లోర్ లీడర్, తెలుగుదేశం పార్టీ జాతీయ ప్రధాన కార్యదర్శి డాక్టర్ బైరెడ్డి శబరి ఆమె భర్త డాక్టర్ శివచరణ్ రెడ్డి లు గురువారం తెల్లవారుజామున వి ఐ పి బ్రేక్ దర్శనం ద్వారా శ్రీవేంకటేశ్వరస్వామిని దర్శనం చేసుకున్నారు. బుధవారం సాయంత్రం ఎంపీ డాక్టర్ బైరెడ్డి శబరి దంపతులు తిరుపతి చేరుకొని అలిపిరి మెట్ల మార్గం ద్వారా కాలినడకన తిరుమల చేరుకొని గురువారం తెల్లవారుజామున శ్రీవారికి ఎంపీ డాక్టర్ బైరెడ్డి శబరి భర్త డాక్టర్ శివచరణ్ రెడ్డి తలనీలాలు సమర్పించుకొని వి ఐ పి బ్రేక్ దర్శనం ద్వారా శ్రీ వేంకటేశ్వరస్వామిని దర్శించుకున్నారు. స్వామి వారిని దర్శనం చేసుకొని, శ్రీవారి ఆశీస్సులు పొందడం ఆనందంగా ఉందని ఎంపీ డాక్టర్ బైరెడ్డి శబరి చెప్పారు.

నంద్యాల

కాణిపాకం వేడుకలకు మహానంది పట్టువస్త్రాలు

కాణిపాకం శ్రీ వరసిద్ధి వినాయక స్వామివారి బ్రహ్మోత్సవాలను పురస్కరించుకుని శ్రీ కామేశ్వరీ మహానందీశ్వర స్వామివారి తరఫున సోమవారం పట్టువస్త్రాలను శాస్త్రోక్తంగా సమర్పించారు. మహానంది దేవస్థానం కార్యనిర్వహణాధికారి ఎన్. శ్రీనివాసరెడ్డి, చైర్మన్ నరాల చంద్రమౌళిరెడ్డి ఆధ్వర్యంలో వేదపండితులు, అర్చకులు, ఏఈఓలు, సూపరింటెండెంట్లు, ధర్మకర్తలు కాణిపాకం చేరుకుని స్వామివారికి పట్టువస్త్రాలను సమర్పించారు.ఈ సందర్భంగా కాణిపాకం దేవస్థానం తరఫున మహానందీశ్వర స్వామివారి శేషవస్త్రం, చిత్రపటం, ప్రసాదాలను ఎన్. శ్రీనివాసరెడ్డి, నరాల చంద్రమౌళిరెడ్డికి అందజేసి వేదాశీస్సులు అందించారు. అలాగే మహానంది దేవస్థానం తరఫున కాణిపాకం శ్రీ వరసిద్ధి వినాయక స్వామివారి శేషవస్త్రం, చిత్రపటం, ప్రసాదాలను స్వీకరించారు. ఇరు ఆలయాల ప్రతినిధులు వేదపండితుల ఆశీర్వాదాలు పొందారు. ఈ కార్యక్రమం రెండు ప్రముఖ పుణ్యక్షేత్రాల మధ్య ఆధ్యాత్మిక అనుబంధాన్ని చాటిచెప్పింది.

నంద్యాల

ఆంధ్రప్రదేశ్ బ్రాహ్మణ సంక్షేమ సమాఖ్య నంద్యాల జిల్లా అధ్యక్షుడిగా నరసింహమూర్తి ఏకగ్రీవ ఎన్నిక

నంద్యాల : ఆంధ్రప్రదేశ్ బ్రాహ్మణ సంక్షేమ సమాఖ్య నంద్యాల జిల్లా అధ్యక్షుడిగా నరసింహమూర్తి ఏకగ్రీవంగా ఎన్నికయ్యారు. జిల్లా బ్రాహ్మణ సమాజ సంక్షేమం, అభివృద్ధి కోసం కృషి చేయాలనే ఉద్దేశంతో నూతన జిల్లా అధ్యక్షుడిగా ఆయనను ఏకగ్రీవంగా ఎన్నుకున్నట్లు సమాఖ్య ప్రతినిధులు తెలిపారు.ఈ సందర్భంగా నూతన జిల్లా అధ్యక్షుడు నరసింహమూర్తి మాట్లాడుతూ తనపై నమ్మకంతో జిల్లా అధ్యక్ష బాధ్యతలు అప్పగించిన సమాఖ్య సభ్యులకు కృతజ్ఞతలు తెలిపారు. నంద్యాల జిల్లాలోని బ్రాహ్మణ కుటుంబాల సమస్యలను గుర్తించి, వాటి పరిష్కారానికి కృషి చేస్తానని చెప్పారు.బ్రాహ్మణుల విద్య, ఉపాధి, ఆర్థిక అభివృద్ధి, సంక్షేమ కార్యక్రమాలకు ప్రాధాన్యత ఇస్తామని, అర్హులైన వారికి ప్రభుత్వ సంక్షేమ పథకాలు అందేలా అవగాహన కల్పించేందుకు చర్యలు తీసుకుంటామని తెలిపారు. సమాజంలోని ప్రతి ఒక్కరినీ కలుపుకుని సమాఖ్యను మరింత బలోపేతం చేసేందుకు కృషి చేస్తానన్నారు.నరసింహమూర్తి ఏకగ్రీవ ఎన్నికపై సమాఖ్య నాయకులు, సభ్యులు, బ్రాహ్మణ సంఘాల ప్రతినిధులు హర్షం వ్యక్తం చేసి అభినందనలు తెలిపారు. ఆయన నాయకత్వంలో నంద్యాల జిల్లాలో బ్రాహ్మణ సంక్షేమ కార్యక్రమాలు మరింత విస్తృతంగా కొనసాగాలని ఆకాంక్షించారు.ఈ పత్రిక సమావేశంలో పాల్గొన్న వారు రాష్ట్ర కమిటీ సభ్యులు విశ్వనాథ్, నవీన్, జిల్లా కార్యదర్శి పురాణం సాయికిరణ్, ముల్లంగి కుమార్, గాదిరాజు దత్తాత్రేయ శర్మ, రవితేజ శర్మ, నందన శర్మ, శ్రీవత్సవ, తదితరులు పాల్గొన్నారు.

నంద్యాల

మహానంది క్షేత్రంలో కన్నులపండువగా ‘మహాలయ పౌర్ణమి’ చంద్రదర్శనం!

మహానంది: పితృదేవతలకు నమస్కరించి, వారి ఆశీస్సులు పొందే పవిత్రమైన పితృపక్షాలు నేటి నుంచి ప్రారంభమయ్యాయి. ఈ మహాలయ పౌర్ణమి (మహాలయ పున్నమి) శుభసమయంలో ప్రసిద్ధ పుణ్యక్షేత్రమైన మహానందిలో ఒక అద్భుతమైన, ఆధ్యాత్మిక దృశ్యం భక్తులను మంత్రముగ్ధులను చేసింది. పితృదేవతలకు మోక్షమార్గాన్ని ప్రసాదించే దివ్య కాంతిలా మహానంది క్షేత్రంలోని గోపురాలు, ప్రాకారాలు, మరియు మండపాల నడుమ పూర్ణ చంద్రుడు రక్త వర్ణంలో కాంతివంతంగా ప్రకాశించాడు. దేవాలయం పక్కనే ఉన్న వెలగచెట్టు కొమ్మల మధ్య నుంచి అరుణ కాంతులతో వెలిగిపోతున్న ఈ ‘బ్లడ్ మూన్’ చంద్రుడి రూపం భక్తులకు నేత్రపర్వంగా దర్శనమిచ్చింది.ఆలయ ప్రాంగణం మరియు ప్రకృతి అందాల నడుమ వెలువడిన ఈ అద్భుత దృశ్యాన్ని దర్శించుకోవడానికి స్థానిక భక్తులు, యాత్రికులు విశేషంగా తరలివచ్చారు. పితృ తర్పణాలకు అత్యంత పవిత్రమైన ఈ రోజున, మహానందీశ్వరుని దివ్య సన్నిధిలో ఇలాంటి కాంతివంతమైన చంద్ర దర్శనం కలగడం ఎంతో శుభసూచకమని ఆధ్యాత్మికవేత్తలు, భక్తులు ఆనందం వ్యక్తం చేస్తున్నారు.

నంద్యాల

మహానంది ఆలయంలో పాలకమండలి కీలక నిర్ణయాలు.. అక్టోబర్ 11 నుంచి దసరా వేడుకలు

మహానందీశ్వరస్వామి వారి దేవస్థానంలో చైర్మన్‌ నరాల చంద్రశేఖర్‌రెడ్డి అధ్యక్షతన ధర్మకర్తల మండలి సమావేశం జరిగింది. ఇందులో 2026–27 సాధారణ, అన్నదాన బడ్జెట్లకు ఆమోదం తెలిపారు. అలాగే దేవస్థానం దుకాణాల అద్దె బకాయిల వసూలుపై ప్రత్యేక దృష్టి సారించాలని నిర్ణయించారు. అక్టోబర్‌ 11 నుంచి 20 వరకు దసరా శరన్నవరాత్రి ఉత్సవాలను వైభవంగా నిర్వహించేందుకు ఏర్పాట్లు చేయాలని అధికారులను ఆదేశించారు.

నంద్యాల

మహానందిలో శ్రీ కామేశ్వరీ మహానందీశ్వరుల పల్లకి సేవ వైభవంగా నిర్వహణ

ప్రసిద్ధ పుణ్యక్షేత్రమైన మహానందిలో శ్రీ కామేశ్వరీ అమ్మవారు, శ్రీ మహానందీశ్వరస్వామి వారల శుక్రవారపు రాత్రికాల పల్లకి సేవ కన్నులపండువగా జరిగింది. అర్చకులు స్వామి, అమ్మవార్ల ఉత్సవమూర్తులను పుష్పాలతో శోభాయమానంగా అలంకరించి ఆలయ ప్రాంగణంలో ఊరేగించారు. ఈ నేత్రపర్వమైన సేవలో పలువురు భక్తులు పాల్గొని స్వామి, అమ్మవార్ల దివ్య మంగళ రూపాన్ని దర్శించుకుని తారకమంత్ర నినాదాలతో పూజలు నిర్వహించారు.

నంద్యాల

గాంధీచౌక్‌లో ఘనంగా గణేష్ నిమజ్జన మహోత్సవం :మార్క్‌ఫెడ్ డైరెక్టర్ తాతిరెడ్డి తులసిరెడ్డి

నంద్యాల: గాంధీచౌక్ వద్ద శ్రీ గణేశ్ మహోత్సవ కేంద్ర సమితి ఆధ్వర్యంలో వినాయక నిమజ్జన మహోత్సవాన్ని అత్యంత వైభవంగా, ఆధ్యాత్మిక శోభతో నిర్వహించారు. ఈ కార్యక్రమానికి ముఖ్య అతిథిగా ఆంధ్రప్రదేశ్ మార్క్‌ఫెడ్ డైరెక్టర్, ప్రముఖ సీనియర్ న్యాయవాది శ్రీ తాతిరెడ్డి తులసిరెడ్డి హాజరయ్యారు. ప్రత్యేక అతిథిగా అవ్వరు జ్యూవెలరీ అధినేత గౌరీనాథ్ మరియు ఇతర ముఖ్య నాయకులు, ప్రముఖులు పెద్ద సంఖ్యలో పాల్గొన్నారు.ఈ సందర్భంగా మార్క్‌ఫెడ్ డైరెక్టర్ తాతిరెడ్డి తులసిరెడ్డి మాట్లాడుతూ… ఆధ్యాత్మిక భావన సమాజంలో ఐక్యతను, సమరసతను పెంచుతుందని అన్నారు. ప్రశాంత వాతావరణంలో గణేష్ నవరాత్రి ఉత్సవాలను విజయవంతంగా పూర్తి చేసి, నిమజ్జన కార్యక్రమాన్ని ఘనంగా నిర్వహించడం అభినందనీయమని ఆయన కొనియాడారు.కార్యక్రమంలో భాగంగా వివిధ రంగాల్లో విశిష్ట సేవలందించిన పలువురు ప్రముఖులను, ఉత్సవ కమిటీ సభ్యులను నిర్వాహకులు శాలువాలు, పూలమాలలతో ఘనంగా సన్మానించారు. అనంతరం మంగళ వాయిద్యాలు, యువకుల కోలాటాలు, భక్తుల జయ జయధ్వనుల మధ్య స్వామివారి నిమజ్జన శోభాయాత్ర వైభవంగా సాగింది. ఈ కార్యక్రమంలో గణేష్ మహోత్సవ కేంద్ర సమితి ప్రతినిధులు, భక్తులు విశేష సంఖ్యలో పాల్గొన్నారు.

నంద్యాల

బాలాజీ మర్చంట్స్ కళ్యాణమండపంలో విశ్వ సంరక్షక గణపతి హోమం

నంద్యాల: కశెట్టి సుబ్బమ్మ బాలాజీ మర్చంట్స్ కమిటీ దేవస్థానంలో 40వ శ్రీ వరసిద్ధి వినాయక ఉత్సవాల సందర్భంగా “విశ్వ సంరక్షక మహాగణపతి హోమం” ఘనంగా జరిగింది. అర్చకులు ఈశ్వర నిఖిలేష్ శర్మ పౌరోహిత్యంలో 20 జంటలు హోమంలో పాల్గొన్నాయి. సకాలంలో వర్షాలు కురిసి రైతులు పాడిపంటలతో వర్ధిల్లాలని, దేశం సుభిక్షంగా ఉండాలని ఆకాంక్షిస్తూ ఈ యాగం నిర్వహించారు. కార్యక్రమంలో బీజేపీ జిల్లా అధ్యక్షుడు అభిరుచి మధు, దేవస్థాన అధ్యక్షుడు కశెట్టి కృష్ణమూర్తి, ప్రధాన కార్యదర్శి నారాయణ శ్రీనివాస కుమార్, నిర్వహకుడు కశెట్టి చంద్రశేఖర్, మాజీ కౌన్సిలర్ శ్యామసుందర్ లాల్ మరియు కమిటీ సభ్యులు పాల్గొన్నారు.

నంద్యాల

మహానందిలో రూ. 40 లక్షలతో నంది మండపం

నంద్యాల: మహానంది క్షేత్రంలోని పెద్ద రాతి నంది విగ్రహం చుట్టూ సుమారు రూ. 40 లక్షలకు పైగా సొంత నిధులతో మండపం నిర్మించేందుకు గుంటూరుకు చెందిన దాతలు రవీంద్ర, లక్ష్మి అపర్ణ దంపతులు ముందుకొచ్చారు. ఈ మేరకు పనులను త్వరలోనే ప్రారంభిస్తామని ఆలయ ఈవో ఎన్. శ్రీనివాసరెడ్డికి వారు హామీ ఇచ్చారు. ప్రదోషకాల నందీశ్వర అభిషేకం నిర్వహణతో పాటు భక్తులు ప్రార్థనలు చేసుకునేందుకు వీలుగా ఈ మండపాన్ని నిర్మించనున్నారు.